Read luganda Ezekiel 13 Bible Online

Ezekiel 13 - luganda bible

Ezekiel 13

¹Ni Iehowa wiemo̱ ba miṅõ ake̱:

²Gbomobi, gba oši Israel gbaloi le̱ ní gbaä le̱, ni okē̱ mei ní dše̱o̱ ame̱dientše̱ ame̱tšuiiaṅ gbaä le̱ ake̱: Nyeboa Iehowa wiemo̱ toi!

³Boni Nuntšo̱ Iehowa kē̱ ne̱: *Kpóo hã gbalo̱i bului le̱, ní nyieo̱ ame̱dientše̱ ame̱mumo̱ ke̱ nii ni ame̱nako le̱ ase̱ le̱! [78]

⁴Israel, ogbalo̱i le̱ etšṍmo̱ tamo̱ oso̱i ní yo̱ amaṅfĩi amli!

⁵Nyekwo̱ko ke̱-yadamo̱ko *fo̱dši le̱ anā, ni nyefoko afãbaṅ nyewoko Israel we le̱ he, ní edamo̱ ši šiṅṅ ye̱ ta le̱ mli, ye̱ Iehowa gbĩ le̱ no̱. [79]

⁶Ame̱na yakayakanii ke̱ *amale klamo̱, ame̱kē̱o̱ ake̱: Iehowa kē̱! ni Iehowa tšũkoame̱, ši kẽle̱ ame̱hĩe kã no̱ ake̱ wiemo̱ le̱ aaba mli. [80]

⁷Aso dšee yaka ninā nyenaä, ni amale klamo̱ nyeklaä, ní nyekē̱o̱ ake̱: Iehowa kē̱! tšè̱ miwieko le̱?

⁸Nohewo̱ le̱ bo̱ni Nuntšo̱ Iehowa kē̱ ne̱: Ake̱-ní nyewieo̱ yakanii ni nyenaä amale nii hewo̱ le̱, na, mike̱nye ená! Nuntšo̱ Iehowa kē̱.

⁹Ni minine aakã gbalo̱i le̱ ní naä yakanii ní ame̱klaä amalei le̱ ano̱: *ame̱hĩṅ mimaṅ le̱ gwabō̱ le̱ mli, ni asaṅ aṅmãṅ ame̱gbe̱i ye̱ Israel we le̱ wolo le̱ mli, ni ame̱baṅ Israel šikpoṅ le̱ no̱ hũ, ni nyeaná nyele ake̱ midši Nuntšo̱ Iehowa le̱, [81]

¹⁰Edšake̱, hẽ, edšake̱ ame̱lakaä mimaṅ le̱, ame̱kē̱o̱ ake̱: Omanye! ši omanye ko be̱, ni beni mene̱mei tſaä gbogbo le̱, bĕle̱ na, ame̱ke̱ yaka kālō mīmã he. [82]

¹¹Kē̱mo̱ mei ní ke̱ yaka kālō mãa he le̱, ake̱ ebagbē ši! nyoṅmo̱ne̱mo̱ ní lōo̱ nibii ke̱-yaä baba, ni mahã nyoṅmo̱ṅte̱i wudši aſie ši, ni ahum batſa.

¹²Ni na, gbogbo le̱ bagbe ši. Aso ake̱ṅnye ake̱: Nẽgbe̱ noni nyeke̱-mā he le̱ yo̱?

¹³Nohewo̱ le̱ bo̱ni Nuntšo̱ Iehowa kē̱ ne̱: Mahã ahum atſa ye̱ mimlila le̱ṅ, ni nyoṅmo̱ne̱mo̱ ní lōo̱ nibii ke̱-yaä aaba ye̱ mimlifũ le̱ṅ, ni nyoṅmo̱ṅte̱i wudši aaba ye̱ mlila le̱ mli ni ebakpãtã hĩe.

¹⁴Ni makũmo̱ gbogbo ní nyeke̱ yaka kālō emã he le̱ maſie ši, ni mahã eba šikpoṅ, ní ešišitō le̱ adše kpo; ni eegbē ši, ni aaplenēnye ye̱ eteṅ, ni nyeaná nyele ake̱ midši Iehowa le̱!

¹⁵Ni maṅmẽ mimlila le̱ gbe̱ ke̱-aba gbogbo le̱ ke̱ mei ní ke̱ yaka kālō mã he le̱ ano̱, ni makenye ake̱: Gbogbo le̱ be̱ doṅṅ, ni mei ní mã he le̱ hũ be̱ doṅṅ,

¹⁶mei ní dši Israel gbalo̱i ní gbaä ye̱ Ierusalem hewo̱, ní ame̱naä *omanye nināi ame̱hãale̱, ni omanye ko be̱ le̱! Nuntšo̱ Iehowa kē̱. [83]

¹⁷Ni bo, gbomobi, tšṍ ohĩe ohã omaṅ le̱ biyei le̱ ní dše̱o̱ ame̱dientše̱ ame̱tšui mli gbaä le̱, ni ogba ošiame̱,

¹⁸ni okē̱: Bo̱ni Nuntšo̱ Iehowa kē̱ ne̱: Kpóo hã yei nī kpe̱o̱ fī̃mo̱-mamai ame̱hãa nikutšei fẽ, ni ame̱feo̱ yiteṅhā-mamai ame̱hãa yitšo-fẽ-yitšo dale̱, ní ake̱-dũ susumai le̱! Nyemīdũ mimaṅ le̱ susumai, ši nyedientše̱ nyesusumai le̱ nyemīhere ame̱yi wala;

¹⁹ni nyebuleo̱mi ye̱ mimaṅ le̱ teṅ ye̱ akoko ko̱ko̱i obõbõ ke̱ abolo atromai ahe-wo̱, ni *nyeke̱-gbeo̱ susumai ni esaa gbĕle, ní nyeke̱hereo̱ susumai ní esaa yiwalaheremo̱ le̱ ayiwala, ye̱ nyemalemo̱ ní nyemaleo̱ nyetšõo̱ mimaṅ le̱ ní boo̱ amale toi le̱ ahewo̱? [84]

²⁰Nohewo̱ le̱ bo̱ni Nuntšo̱ Iehowa kē̱ ne̱: Na, mike̱ nyefī̃mo̱-mamai ní nyeke̱-dũo̱ susumai tamo̱ lofõdši le̱ ena, ni matšere̱ame̱ ke̱-adše̱ nyenidši, ni maṅmē̃ susumai le̱ ahe, susumai ní nyedũo̱ tamo̱ lofõdši le̱.

²¹Ni matšere̱ nyeyiteṅhā-mamai le̱ hũ, ni madšie mimaṅ le̱ ye̱ nyedeṅ, ni ame̱hĩṅ nyedeṅ ake̱ gbo̱bimo̱nõ doṅṅ, ni nyeaná nyele ake̱ midši Iehowa le̱.

²²Edšake̱ nyeke̱ amale hãa dšalo̱, ní mi le̱ mihako ew̌ere̱ aho ehe le̱, tšui yeo, ni *nyewadšeo̱ mofõṅ moṅ nidšiaṅ, beni afe ní ekakpale ke̱-mīdše̱ egbe fõṅ le̱ no̱, ní ahere eyiwala. [85]

²³Nohewo̱ le̱ nyenaṅ yakanii doṅṅ, ni klamo̱ hũ nyeklaṅ doṅṅ; ši madšie mimaṅ le̱ ye̱ nyedeṅ, ni nyeaná nyele ake̱ midši Iehowa le̱.