Read luganda Ezekiel 16 Bible Online

Ezekiel 16 - luganda bible

Ezekiel 16

²Gbomobi, hã Ierusalem aná ale enihĩnii le̱,

³ni okē̱: Bo̱ni Nuntšo̱ Iehowa kē̱ Ierusalem ne̱: Odšē̱he ke̱ heni afo̱o ye̱ dši Kanaanbii le̱ ašikpoṅ le̱ no̱: otše̱ le̱ Amornyo ni, ni onye le̱ Hityō ni.

⁴Asaṅ ofo̱mo̱ mli le̱, gbĩ ní afo̱o le̱, aſoo olaṅmo̱, ake̱-nu hũ dšuu ohe ni ohe adše, awoo bo ṅō hũ kwrā, ni ake̱ mama eblaa ohe kwrā.

⁵Mokomoko enaao mo̱bo̱, ní eefe ene̱mei eko ehão, ní emũsũṅ aatšōle̱ ye̱ ohe, ši moṅ aše̱o afo ṅãno̱ ye̱ nyãṅemo̱ ni anyãṅe osusuma gbĩ ní afo̱o le̱ hewo̱.

⁶Ke̱ke̱ ni mihatšṍ omase̱i ke̱-ho, ni minao, ní ōkoklo ši ye̱ olá le̱ mli, ni mike̱o ye̱ olá le̱ mli ake̱: Oyi aná wala! hẽ mike̱o ye̱ olá le̱ mli ake̱: Oyi aná wala!

⁷Mihã oyi fá babaō tamo̱ ṅāno̱ kwẽnii, ni oſere ni oda kple, ni ohe fe fe̱o teke no̱; ofufo̱i badăra ni oyitšo̱i ba; kẽle̱ onyie yayai ke̱ ohe pasā.

⁸Ni mibatšṍ omase̱i ke̱-ho, ni minao, ni na, oše̱ suomo̱; ni miṅõ *mitade le̱ milē̱ ono̱, ni miṅõ-ha oyayaiaṅ; ni mikã kitã mitšõo, ni mike̱o †kpãṅ, Nuntšo̱ Iehowa kē̱, ni otšṍ minõ! [98]

⁹Ke̱ke̱ ni mike̱ nu dšu ohe, ni mi-fo̱ ohe lai le̱ kwrā, ni mikpao mũ;

¹⁰ni misā miwoö atade ní aye mli ṅābii, ni miwoö nuṅgbẽ́ wolo tokotai, ni mike̱ klala kpakpa fĩ ohe, ni mike̱ seda ha ohe;

¹¹ni misā miwulao ke̱ wulamo̱nii, ni mike̱ ninešigai wo onidšiaši, ni mike̱ kõsõṅkõsõ wo okue̱,

¹²ni mike̱ ga wo ogugõṅ, ni mike̱ toiiaṅnii hũ wo otoiiaṅ, ni mike̱ akekre fe̱fe̱o fĩ oyitšo.

¹³Ni oke̱ šika ke̱ dſie̱te̱i wula ohe, ni otadei dši klala ke̱ seda ke̱ mama ní aye mli ṅābii. Šikišaṅ ke̱ wò ke̱ mū so̱ṅṅ oyeo̱, ni ohe fe fe̱o naakpa dientše̱, ni onine še̱ maṅtse̱yeli no̱.

¹⁴Ni ogbe̱i hehe ke̱-te dšeṅmãdši le̱ ateṅ ye̱ ohefe̱o le̱ hewo̱, edšake̱ miwulamo̱nii ní miṅõ woö le̱ hã eye emū. Nuntšo̱ Iehowa kē̱. [99]

¹⁵Ši oṅõ ohĩe ofõ ohefe̱o le̱ no̱, ní ogbe̱i ní ehehe le̱ hewo̱ le̱ *obo̱ adſamaṅ, ni ofo̱fe odſamaṅbō̱i le̱ oſie mofẽmo ní hoo̱ le̱ no̱: eno ni! [100]

¹⁶Ni oko̱ otadei le̱ eko ni oke̱-fe heii groṅṅi ní ake̱ asāsā ewula ohã ohe, ni obo̱ adſamaṅ ye̱ no̱: noni esaa ake̱ ake̱-baä dšeṅ lo afeo̱ le̱!

¹⁷Osā oṅõ odſinei fe̱fe̱dši le̱ ní dši mišika ke̱ midſie̱te̱i ní mihão le̱ eko, ni oṅõ-fe hĩĩ-amãgãi ohã ohe, ni oke̱ame̱ bo̱ adſamaṅ.

¹⁸Ni oṅõ otadei ní aye mli ṅābii le̱ oha ame̱he, ni oṅõ mimũ ke̱ mitšofã-ke̱-ṅma le̱ omãmo̱ ame̱hĩe.

¹⁹Ni miniyenii ni mihão, ní dši šikišaṅ ke̱ mũ ke̱ wò ni mike̱-lè̱o̱o le̱,, oṅõ-mãmo̱ ame̱hĩe ní edše ṅma. Ni eba nakai! Nuntšo̱ Iehowa kē̱.

²⁰Asaṅ oṅõ *obihĩĩ ke̱ obiyei ní ofo̱ ohãmi le̱ ošã afo̱lei ohãame̱ ní ame̱ye Aso odſamaṅbō̱i le fáá hãão, [101]

²¹hewo̱ ni osā ogbe mibii le̱, ni oṅõ-ame̱ ohã ní ame̱tšṍ la mli ame̱hãame̱ le̱?

²²Ni onihĩnii le̱ ke̱ odſamaṅbō̱i le̱ fè mli le̱ okaii oblayeiaṅ gbĩĩ le̱, *beni onyie yayai ke̱ ohe pasā, ní okokloo̱ olá mli le̱. [102]

²³Ni onifõdšianii le̱ fẽ se̱ le̱ eba mli, (kpóo, kpóo häo! Nuntšo̱ Iehowa kē̱,)

²⁴ake̱ ofe koi ohã ohe, ni ofe he groṅṅ ohã ohe ye̱ blohũ-fè-blohũ mli.

²⁵Ṅmaṅmaša-fẽ-ṅmaṅmaša no̱ omãmo̱ ohei groṅṅi le̱ ye̱, ni ohã ohefe̱o le̱ tšṍ noni ahĩo̱, ni ogble onãdšiaṅ ohã mofẽmo ní hoo̱ le̱, ni ohã odſamaṅbō̱i le̱ fá.

²⁶Asaṅ oke̱ Mizraimbii ní oke̱-dše ſieka, ní ame̱helo fá le̱, hũ bo̱ adſamaṅ; ni ohã odſamaṅbō̱i le̱ fá ni oke̱-wo mimli la.

²⁷Nohewo̱ le̱, na, mikpã minine mli ye̱ ono̱, ni mitše odā-ṅmā̃ le̱ no̱, ni mi-ṅõo mihã ohenye̱lo̱i, ní dši Filistibii le̱ abiyei le̱, ní hĩe gboo onyenyeṅtſibō̱ gbe̱ le̱ he le̱, ní ame̱feo bo̱ni ame̱sumoo̱.

²⁸Osā oke̱ Ašurbii le̱ bũ bo̱ adſamaṅ, edšake̱ oto̱o̱; ni oke̱ame̱ bo̱ adſamaṅ, ši kẽle̱ eše̱e̱ onā.

²⁹Ni osā ohã odſamaṅbō̱ le̱ fá ye̱ Kanaan šikpoṅ le̱ no̱ āhũ ke̱-yaſie Kaldea, ši kẽle̱ no bũ še̱e̱ onā.

³⁰Kwe̱, bo̱ni otšui eto̱ biti! Nuntšo̱ Iehowa kē̱, ake̱-ni ofeo̱ ene̱mei fẽ, ni dši yō adſamaṅ ní hĩe gboo nõ nifemo̱-nii le̱;

³¹ni ofeo̱ okoi ye̱ ṅmaṅmaša-fẽ-ṅmaṅmaša no̱, ni ofeo̱ ohei groṅṅi le̱ ye̱ blohũ-fẽ-blohũ mli; ni ofee tamo̱ adſamaṅ tete, ake̱-ní okpōo̱ nyõmo̱wo le̱; [103]

³²ṅã ní fiteo̱ gblã, ní eṅõo̱ meikrokomei ye̱ ewù nãdšiaṅ!

³³Adſamaṅi fẽ le̱, nii akeo̱ame̱, ši bo le̱ oṅõo̱ onikēnii le̱ okeo̱ osuolo̱i fẽ, ni ohãa-ame̱ nyõṅnii, koni ame̱dše̱ hefẽhe ame̱ba oṅõ ye̱ odſamaṅbō̱i le̱ ahewo̱.

³⁴Ni bo le̱, sŏro bo ni sŏro yei fẽ ye̱ odſamaṅbō̱i le̱ amli, ake̱-ní mokomoko enyiee ose̱ ke̱-bo̱o̱ adſamaṅ, ni asaṅ bo owoo̱ nyõmo̱, ši moko woo bo nyõmo̱, hewo̱ le̱ sŏro bo kwrā.

³⁵Nohewo̱ le̱, adſamaṅ, bo Iehowa wiemo̱ toi!

³⁶Bo̱ni Nuntšo̱ Iehowa kē̱ ne̱: Ake̱-ní ofo̱seo̱ otãṅtãṅnii le̱ oſieo̱ ši, ni odšieo̱ oyayaiaṅ ye̱ odſamaṅbō̱i le̱ amli ye̱ osuolo̱i le̱ ahĩe ke̱ onihĩnii awo̱dši le̱ ahĩe, asaṅ ye̱ obii le̱ ní oṅõ-hãame̱ le̱ alá hewo̱,

³⁷nohewo le̱, na, mabua osuolo̱i le̱ fẽ ní oke̱ame̱ eſe̱ le̱ ke̱ mei fẽ ní osumoo̱ le̱ ke̱ mei fẽ ní onye̱o̱ le̱ hũ nā ke̱-kpe; ni mabua ame̱na mawo ohe ke̱-akpe, ni madšie oyayaiaṅ matšõame̱, ko-ni ame̱na oyayaiaṅ fẽ. [104]

³⁸Ni makodšoṍ tamo̱ akodšoo̱ yei gblãṅkũo̱lo̱i ke̱ lášiſielo̱i, ni mike̱ mlila ke̱ awuṅãyeli lá aaba ono̱!

³⁹Ni masā maṅõo mawo ame̱deṅ, ni ame̱akũmo̱ okoii le̱, ní ame̱atšire̱ ohei groṅṅi le̱ ame̱atſia ši, ni ame̱akplo̱ ohe atadei hũ, ni ame̱aṅõ odſinei fe̱fe̱dši le̱, ni ame̱ašĩo yayai ke̱ ohe pasā.

⁴⁰Ni asaṅ ame̱abo̱ gwa ame̱awo ohe, ni ame̱atſiao te̱i, ni ame̱ke̱ ame̱klantei aaflo̱ omli.

⁴¹Ni ame̱ke̱ la aašã ošĩai le̱, ni ame̱-akodšoö ye̱ yei babaō ahĩe; ni mahã ofo adſamaṅbō̱, ni owoṅ nyõmo̱ doṅṅ.

⁴²Ni mahã *mimli ní ewoö la le̱ nā adšo̱, ni miwuṅãyeli le̱ aadše ono̱, ni mafe diṅṅ ni mimli fũṅ doṅṅ. [105]

⁴³Ake̱-ni okaii oblayeiaṅ gbĩĩ le̱, ši moṅ oke̱ ene̱mei fẽ womi mlifũ hewo̱ le̱, na, mi hũ mahã ogbe̱ le̱ abua oyiteṅ, Nuntšo̱ Iehowa kē̱, koni okabo̱ nyenyeṅtſi oši onihĩnii le̱ fẽ no̱.

⁴⁴Na, mofẽmo ní bubuo̱ abe̱i le̱ aaba ne̱ke̱ abe̱ ne̱ ašio ake̱: “Bo̱ni nye le̱ yo̱ le̱, nakai ebiyō le̱ yo̱!”

⁴⁵Onye ní enyãṅe ewù ke̱ ebii le̱ biyō dšio, ni enyemimeiyei ní enyãṅe ame̱wùmei ke̱ ame̱bii le̱ anyemiyõ dšio. *Nyenye le̱ Hityō ni, ni nyetše̱ le̱ Amornyo ni. [106]

⁴⁶Ni *onyemiyō nukpa dši Samaria ni ke̱ ebiyei le̱ hĩo̱ obe̱kugbe̱ le̱; ni onyemiyō gbekẽ ní hĩo̱ oninedšŭrõgbe̱ dši Sodom ke̱ ebiyei le̱. [107]

⁴⁷Ši onyiee ame̱gbè̱i le̱ ano̱, ni ofee ame̱nihĩnii le̱; kẽle̱ eyee be ko, ni ofite fèame̱ ye̱ ogbè̱i fẽ mli.

⁴⁸Gbĩĩabo̱ ní mihĩe kã ne̱, Nuntšo̱ Iehowa kē̱: onyemiyō Sodom ke̱ ebiyei le̱ efee tamo̱ bo̱ni bo ke̱ obiyei le̱ fe le̱!

⁴⁹Na, onyemiyō Sodom nišaianii ne̱: Hewō, niyenii fále̱ ke̱ hedšo̱le̱ šihile̱ yo̱ le̱ ke̱ ebiyei le̱ ahe, ši ewadšee ohĩaſo ke̱ moni efĩle̱ nidšiaṅ;

⁵⁰ši moṅ ame̱wo ame̱he ni ame̱fe nihĩnii ye̱ mihĩe, ni beni mina le̱, mĩlōame̱ miſie. [108]

⁵¹Samaria hũ efee ohe ešai le̱ amli fã tete; ši ohã onihĩnii le̱ fá fèame̱, ni oke onihĩnii le̱ fẽ ní ofe le̱ ebu onyemimeiyei le̱ abem.

⁵²Bo hũ tĕremo̱ bodientše̱ ohĩegbĕle le̱, ake̱-ní odamo̱ mli ohã onyemimeiyei le̱; ohe ešai ní dši nihĩnii ní ofe fèame̱ le̱ hewo̱ le̱ ame̱dša fèo. Bĕle̱ bo hũ ohĩe agbo, ni otĕre ohĩegbĕle le̱, ake̱-ní obu onyemimeiyei le̱ abem le̱!

⁵³Ni makpale *ame̱nomṅō̃ le̱ ke̱-aba ekoṅ, Sodom ke̱ ebiyei le̱ anomṅō̃ le̱ ke̱ Samaria ke̱ ebiyei le̱ anomṅō̃ le̱, ni makpale onomi le anomṅō̃ le̱ ye̱ ame̱teṅ, [109]

⁵⁴beni afe ní otĕre ohĩegbĕle le̱, ni ohĩe agbo ye̱ nii fẽ ní ofe le̱ hewo̱, ake̱-ní oše̱dše ame̱mī le̱.

⁵⁵Ni onyemimeiyei ní dši Sodom ke̱ ebiyei le̱ aakũ ame̱se̱ ke̱-aba ame̱sá šihĩle̱ le̱ṅ, ni Samaria hũ ke̱ ebiyei le̱ aakũ ame̱se̱ ke̱-aba ame̱sá šihĩle̱ le̱ṅ, ni bo hũ oke̱ obiyei le̱ aakũ nyese̱ ke̱-aba nyesá šihĩle̱ le̱ṅ.

⁵⁶Nto ohewō gbĩĩ le̱ amli le̱ onyemiyō Sodom le̱ tšṍ odāṅ lala,

⁵⁷beni anáko adšie onõfõṅfemo̱ le̱ kpo, tamo̱ be mli ní Aram biyei le̱ ke̱ mei fẽ ní ebo̱lele̱ ke̱-kpe le̱ ke̱ Filistibii le̱ abiyei ní he tšẽo̱o le̱ bo̱o ahora ke̱-kpe le̱?

⁵⁸Onyenyeṅtſibō̱ ke̱ onihĩnii le̱, bo otĕre, Iehowa kē̱.

⁵⁹Edšake̱ bo̱ni Nuntšo̱ Iehowa kē̱ ne̱: Mafeo tamo̱ bo̱ni ofe le̱, ní ogbe kitã ní akã le̱ he guo, ni okũ kpãṅmo̱ le̱ mli le̱.

⁶⁰Kẽle̱ mi le̱ *makai mikpãṅmo̱ le̱ ní mĩke̱o kpãṅ ye̱ †oblayeiaṅ gbĩĩ le̱ amli le̱, ni mate **nāno̱ kpãṅmo̱ ši mamã ši mahão! [110]

⁶¹No le̱ *ookai ogbè̱i le̱, ni ohĩe aagbo, beni ooṅõ onyemimeiyei onukpai le̱ ofata onyemimeiyei gbekẽbii le̱ fẽ he, ni maṅōame̱ mahão ake̱ bĩyei le̱, ši dšee bodientše̱ okpãṅmo̱ nã. [111]

⁶²Ni mahã mike̱o teṅ kpãṅmo̱ le̱ amã ši, ni ooná ole ake̱ midši Iehowa le̱,

⁶³beni afe ní *okai ni ohĩe agbo, ni okatſa odāṅ doṅṅ ye̱ ohĩegbĕle le̱ hewo̱, beni mike̱ nii ní ofe le̱ fẽ efao le̱, Nuntšo̱ Iehowa kē̱. [112]