Read luganda Ezekiel 29 Bible Online

Ezekiel 29 - luganda bible

Ezekiel 29

¹Afi ní dši nyoṅma le̱ no̱ nyõṅ ní dši nyoṅma le̱ no̱ gbĩ ní dši gbĩ nyoṅma ke̱ enyo̱ le̱ no̱ le̱ Iehowa wiemo̱ ba miṅõ ake̱:

²Gbomobi, tšṍ ohĩe ohã Farao, Mizraim maṅtše̱ le̱, ni ogba ošile̱ ke̱ Mizraim mū le̱ fẽ. [215]

³Wiemo̱ ni okē̱: Bo̱ni Nuntšo̱ Iehowa kē̱ ne̱: Na, mike̱o ená, Farao, Mizraim maṅtše̱, *bã́ wulu kple ní kã efāi ateṅ ní kē̱o̱ ake̱: Mifā le̱ minõṅ, midientše̱ mife mihã mihe! [216]

⁴Ši mike̱ *kpodši aatše̱re̱ okadāi amli, ni mahã ofāi le̱ amli lōi le̱ akpe̱te̱ ohetotoi le̱ ahe, ní magblao ke̱-adše̱ ofāi le̱ ateṅ ke̱-aba, ni ofāi le̱ amli lōi le̱ fẽ aakpe̱te̱ ohetotoi le̱ ahe. [217]

⁵Ni maše̱o mafõ ṅã le̱ no̱, bo ke̱ ofāi le̱ amli lōi le̱ fẽ; oonyõ ye̱ ṅã kplanā le̱ no̱, awóṅ bo, ni asaṅ abuaṅ onā; maṅõo mafe šikpoṅ koloi ke̱ ṅwei lofõdši aniyenii.

⁶Ni Mizraimbii fẽ aaná ale ake̱ mi dši Iehowa le̱. Edšake̱ ame̱tšṍmo̱ *gălã ame̱hã Israel we le̱, [218]

⁷beni ame̱ke̱ amenine mõ omli le̱, oboda, ni ogbla ame̱kõdši ano̱ fẽ; ni beni ame̱kpasa bo le̱, okũ, ni ohã ame̱he̱i fẽ kpokpo.

⁸Nohewo̱ le̱ bo̱ni Nuntšo̱ Iehowa kē̱ ne̱: Na, mike̱ klante aaba ono̱, ni mafo gbomo ke̱ kolo fẽ ye̱ omli maše̱ mafõ.

⁹Ni Mizraim šikpoṅ le̱ aatšṍ amaṅfõ ke̱ ole̱ṅle̱, ni ame̱aná ame̱le ake̱ midši Iehowa le̱. Edšake̱ ekē̱ ake̱: “Fā le̱ minõṅ, ni mi mife!”

¹⁰nohewo̱ le̱ na, mike̱o ke̱ ofāi le̱ ená, ni mafe Mizraim šikpoṅ ole̱ṅle̱ ke̱ amaṅfõ ke̱-dše̱ Migdol ke̱-yaši Sewene ke̱ Kuš hũsũi ano̱ tō̃.

¹¹Gbomo nane tšṍṅ no̱, ni kolo nane hũ tšṍṅ no̱, ni asaṅ ahĩṅ no̱ afii nyoṅmai-edſe̱ so̱ṅṅ.

¹²Ni mafe Mizraim šikpoṅ le̱ amaṅfõ ye̱ šikpõdši ní etšṍmo̱ amaṅfõi le̱ ateṅ, ni emãdši le̱ hũ aatšṍmo̱ amaṅfõi ye̱ mãdši ní etšṍmo̱ ole̱ṅle̱i le̱ ateṅ, afii nyoṅmai-edſe̱ so̱ṅṅ, ni matšire̱ Mizraimbii ayise̱ ke̱-ate dšeṅmãdši le̱ ateṅ, ni magbe̱ame̱ maſã šikpõdši le̱ ano̱.

¹³Ši bo̱ni Nuntšo̱ Iehowa kē̱ ne̱: Afii nyoṅmai-edſe̱ se̱ le̱ mabua Mizraimbii anā ke̱-adše̱ mãdšimãdši ní agbe̱ame̱ aſã ame̱-mli le̱ ateṅ,

¹⁴ni makpale Mizraim nomṅō̃ le̱ ke̱-aba ekoṅ, ni mike̱ame̱ aaba Patros šikpoṅ le̱ no̱, ke̱-ba šikpoṅ ni ame̱dše no̱ le̱ no̱, ni ame̱atšṍ maṅtše̱yeli ní eba ši ye̱ dše̱i.

¹⁵Eetšṍ maṅtše̱yelii le̱ amli noni ba ši fè fẽ, ni esă ewóṅ ehe no̱ doṅṅ ye̱ dšeṅmãdši le̱ ano̱; ši mahã ame̱no̱ agbo̱, ni ame̱kaye dšeṅmãdši le̱ ano̱ doṅṅ.

¹⁶Ni efeṅ noni Israel we le̱ ke̱ ame̱hĩe fõo̱ no̱ doṅṅ, ni eehã akai ame̱nišaianii le̱, ni ame̱atšṍ ame̱he ke̱-yanyie ame̱se̱, ni ame̱aná ame̱le ake̱ midši Iehowa le̱.

¹⁷Ni eba mli ake̱ afi ní dši nyoṅmai-enyo̱ ke̱ kpawo le̱ no̱ kleṅkleṅ nyõṅ le̱ no̱ kleṅkleṅ gbĩ le̱ no̱ le̱ Iehowa wiemo̱ ba miṅõ ake̱:

¹⁸Gbomobi, Nebukadnezar, Babel maṅtše̱ le̱, hã eta le̱ súmo̱ súomo̱ kple ye̱ Tiro hewo̱: yiteṅ-fẽ-yiteṅ kpa, ni kõṅ-fẽ-kõṅ no̱ kpo̱; ši kẽle̱ le̱ ke̱ eta le̱ náá nyõmo̱wo ko ye̱ Tiro he ye̱ súomo̱ ní esùmo̱ ye̱ ehe le̱ mli.

¹⁹Nohewo le̱ bo̱ni Nuntšo̱ Iehowa kē̱ ne̱: Mike̱ Mizraim šikpoṅ le̱ aahã Nebukadnezar, Babel maṅtše̱ le̱, ni eeṅõ enii babaō le̱ nom, ni eeha ehānii le̱, ni eešõ edšotſānii le̱, ni no aatšṍ eta le̱ nyõmo̱wo.

²⁰Maṅõ Mizraim šikpoṅ le̱ mahãle̱ ake̱ súomo̱ ní esúmo̱ le̱ he nyõmo̱wo, edšake̱ *mi ame̱tšu ame̱hã, Nuntšo̱ Iehowa kē̱. [219]

²¹Nakai gbĩ le̱ no̱ le̱ mahã aklonto ko akwẽ ahã Israel we le̱, ni bo le̱ magble onābu ye̱ ame̱teṅ, ni ame̱aná ame̱le ake̱ midši Iehowa le̱.