Read luganda Ezekiel 33 Bible Online

Ezekiel 33 - luganda bible

Ezekiel 33

¹Ni Iehowa wiemo̱ sā ba miṅõ ake̱:

²Gbomobi, wiemo̱ otšõ omã le̱ṅ bii le̱ ni okē̱ame̱ ake̱: Ke̱dši mihã klante ba šikpoṅ le̱ no̱, ni šikpoṅ le̱ no̱ maṅ le̱ fã nū kome ye̱ ame̱teṅ, ni ame̱tole̱ bulo̱ ame̱hã ame̱he,

³ni ena klante le̱ miba šikpoṅ le̱ no̱, ni ekpā te̱tre̱mantre̱, ni etſa maṅ le̱ adafi le̱:

⁴no le̱ mofẽmo ní nuo̱ te̱tre̱mantre̱ le̱ gbē̱mo̱, ni ekplẽẽ adafitſä le̱, ké̱ klante le̱ ba ebaṅõle̱ ke̱-te le̱: elá aabua le̱dientše̱ eyiteṅ!

⁵Enu te̱tre̱mantre̱ le̱ gbē̱mo̱, ni ekplẽẽ adafitſā le̱: elá aabua eno̱! ši ké̱ ekplẽ adafitſā le̱, eehere eyiwala.

⁶Ši ke̱dši bulo̱ le̱ na klante le̱ mība, ni ekpãã te̱tre̱mantre̱ le̱, ni etſaa maṅ le̱ adafi, ni klante le̱ ba ni ebaṅõ ame̱teṅ moko ke̱-te le̱: le̱ le̱, aṅõle̱ ke̱-te ye̱ enišaianii le̱ ahewo̱ moṅ, ši mabi elá ši ye̱ bulo̱ le̱ deṅ.

⁷Ni agbe̱ne̱ bo, gbomobi, mitoö *bulo̱ mihā Israel we le, nohewo̱ le̱ bo midāṅ wiemo̱ le̱ toi, ni oboame̱ ko̱ko̱ ohãmi. [238]

⁸Ke̱dši mikē̱ efõṅfelo̱ ake̱: Efõṅfelo̱, gbo oogbo! ni owiee obo̱o̱ efõṅfelo̱ le̱ ko̱ko̱ ní edše egbe̱ fõṅ le̱ no̱ le̱: le̱ efõnfelo̱ le̱, eegbo ye̱ enišaianii le̱ ahewo̱ moṅ, ši mabi elá ši ye̱ odeṅ.

⁹Ši ke̱dši obo̱ efõṅfelo̱ le̱ ko̱ko̱ ní ekpale ke̱-dše̱ egbe̱ le̱ no̱, ni kẽle̱ ekpalee ke̱-dše̱e̱ egbe̱ le̱ no̱ le̱: le̱ le̱, eegbo ye̱ enišaianii le̱ ahewo̱, ši bo le̱ ohere osusuma yiwala.

¹⁰Nohewo̱ le̱ bo, gbomobi, kē̱mo̱ Israel we le̱ ake̱: Bo̱ni nyekē̱o̱ ne̱: Wo̱no̱tõmo̱i le̱ ke̱ wohe ešai le̱ bua wo̱no̱, ni wo̱mītărã lō ye̱ hewo̱: té aafe tẽṅ mo̱ ní woyi aaná walaṅ?

¹¹Kē̱mo̱ame̱ ake̱: Gbĩĩabo̱ ní mihĩe kã ne̱, Nuntšo̱ Iehowa kē̱: *mináá efõṅfelo̱ gbĕle he mīše̱, ši moṅ ake̱ efõṅfelo̱ akpale ke̱-dše̱ egbe̱ le̱ no̱, ni eyi aná wala! †Nyekpalea, nyekpalea ke̱-dše̱a nyegbè̱i fõdši le̱ ano̱! Ši mẽba ni nyeagboi, Israel we? [239]

¹²Ši asaṅ bo, gbomobi, kē̱mo̱ omaṅbii le̱ ake̱: *Dšalo̱ le̱, edšale̱ le̱ edšieṅle̱ gbĩ ní eetõ le̱; ni efõṅfelo̱ hũ, enõfõṅfemo̱ le̱ hãṅ egbē ši gbĩ ní eekpale ke̱-adše̱ enõfõṅfemo̱ le̱ mli le̱; ni dšalo̱ hũ nyẽṅ eke̱-here eyiwala gbĩ ní eefe eša le̱. [240]

¹³Ké̱ mikē̱ dšalo̱ ake̱ eyi aaná wala, ni eṅõ ehĩe efõ edšale̱ le̱ no̱ ni efe nišaianii le̱: edšale̱nii fẽ ní efe le̱, akaiṅ eko eko, ši enišaianii ní efe le̱, nomei noṅṅ ahewo̱ eegbo ye̱!

¹⁴Ši asaṅ ké̱ mikē̱ efõṅfelo̱ ake̱: Gbo oogbo! ni ekpale ke̱-dše̱ ehe eša le̱ mli ni eye dšale̱ sane ni efe noni dša:

¹⁵ké̱ efõṅfelo̱ lo̱ kpale *awabatōnii ehã, ni eke̱ noni eke̱ odšotſā šõ le̱ †kū se̱ hã, enyie wala akpo̱i le̱ amli, ni efee nišaianii le̱: eyi aaná wala kẽ, egboṅ! [241]

¹⁶Ehe ešai ní efe le̱ fẽ akaiṅ eko eko ahãṅle̱: eye dšale̱ sane ni efe noni dša, eyi aaná wala kẽ!

¹⁷Kẽle̱ omaṅbii le̱ kē̱o̱ ake̱: Nuntšo̱ le̱ gbe̱ le̱ yee egbo̱! tše̱ ame̱ moṅ ame̱gbe̱ le̱ yee egbo̱! [242]

¹⁸Ké̱ dšalo̱ kpale ke̱-dše̱ edšale̱ le̱ mli ni efe nišaianii le̱, nomei ahewo̱ noṅṅ eegbo ye̱.

¹⁹Ni ké̱ efõṅfele̱ kpale ke̱-dše̱ enõfõṅfemo̱ le̱ mli ni eye dšale̱ sane ni efe noni dša le̱, nomei ahewo̱ noṅṅ eyi aaná wala ye̱.

²⁰Ni kẽle̱ nyekē̱o̱ ake̱: Nuntšo̱ le̱ gbe̱ le̱ yee egbo! Boni mofẽmo gbè̱i yo̱ hãa le̱, nakai makodšonye, Israel we!

²¹Ni eba mli ake̱ wo̱nomṅō̃ afi ní dši nyoṅma ke̱ enyo̱ le̱ no̱ nyõṅ ní dši nyoṅma le̱ no̱, ye̱ nyõṅ le̱ no̱ gbĩ ní dši gbĩ enumo̱ le̱ no̱ le̱, *moko ní edše mli dše̱ Ierusalem ba miṅõ bakē̱ ake̱: Atſia maṅ le̱ nii! [243]

²²Agbe̱ne̱ Iehowa nine eba mino̱ gbe̱ke̱ mli, dãni moni edše mli lo̱ ba, ni egble midāṅ, dãni eba miṅõ lebi le̱; ni agble midāṅ, ni mito̱o̱ mṹ doṅṅ.

²³Ke̱ke̱ ni Iehowa wiemo̱ ba miṅõ ake̱:

²⁴Gbomobi, Israel šikpoṅ le̱ no̱ amaṅfõi le̱ amli bii le̱ kē̱e̱ ake̱: Abraham, le̱ *ekometō ni, beni aṅõ šikpoṅ le̱ ahãle̱ le̱; ši wo̱ le̱ woyi fá: ake̱ šikpoṅ le̱ ehãwo̱ ake̱ wo̱ṅõ wo̱ye! [244]

²⁵Nohewo̱ le̱ kē̱mo̱ame̱ ake̱: Bo̱ni Nuntšo̱ Iehowa kē̱ ne̱: Nyeyee̱ nii ke̱ lá, ni nyeholeo̱ nyehĩṅme̱ii ano̱ nyekwe̱o̱ nyewo̱dši le̱, ni nyeſieo̱ lá ši: aso šikpoṅ le̱ aatšṍ nyenõ kẽ?

²⁶Nyedamoo̱ nyeklantei le̱ ano̱, nyetšuo̱ nihĩnii, ni nyeteṅ mofẽmo buleo̱ enanyo ṅã: aso šikpoṅ le̱ aatšṍ nyenõ kẽ?

²⁷Kē̱mo̱ame̱ ake̱: Bo̱ni Nuntšo̱ Iehowa kē̱ ne̱: Gbĩĩabo̱ ní mihĩe kã ne̱: le̱le̱ṅ ake̱ mei ní yo̱ amaṅfõi le̱ amli le̱, ame̱anyõnyõi ye̱ klante nã; ni mei ni yo̱ ṅã le̱ no̱ le̱ hũ, maṅõame̱ mahã ṅãṅ koloi ní ame̱yeame̱; ni mei ní yo̱ mõdši ke̱ te̱kpodši le̱ amli le̱, gbĕle-hela aagbeame̱.

²⁸Ni mafe šikpoṅ le̱ amaṅfõ ke̱ hedšõmo̱nõ, ni ehewale̱ hewō le̱ se̱ aafo, ni Israel gõdši le̱ aatšṍmo̱ amaṅfõ, ni mokomoko tšṍṅ no̱ ke̱-hoṅ doṅṅ.

²⁹Ni ame̱aná ame̱le ake̱ midši Iehowa le̱, beni mafe šikpoṅ le̱ amaṅfõ ke̱ hedšõmo̱nõ ye̱ ame̱nihĩnii fẽ ní ame̱fe le̱ hewo̱ le̱.

³⁰Ni bo, gbomobi, omaṅbii le̱ wieo̱ ohe ye̱ gbogboi ahe ke̱ šĩai ašĩnāi aši, ni moko ke̱ moko wieo̱, ni mo ke̱ enyemi hũ wieo̱ ake̱: Nyebaä ní nyebaboa nõ wiemo̱ ní dše̱ Iehowa ṅõ toi!

³¹Ni ame̱baã oṅõ tamo̱ maṅ baã, ni ame̱batráa ši ye̱ ohĩe tamo̱ mimaṅ, ni ame̱boo̱ owiemo̱i le̱ atoi, ši *ame̱yee no̱; edšake̱ ame̱ke̱ ame̱nābu wieo̱ do̱ko̱bī, ši ame̱tšui nyieo̱ ame̱se̱námo̱ se̱. [245]

³²Ni na, bo le̱ otamo̱ lala ke̱ ṅõmo̱ ke̱ moko ní gbē ṅõ ni ele saṅkũtſā dšogbāṅ ohãame̱; edšake̱ ame̱boo̱ owiemo̱i lo̱ atoi moṅ, ši ame̱yee no̱.

³³Ši ké̱ eba mli le̱, — na, ebaba! — no dãni ame̱aná ame̱le *ake̱ gbalo̱ ehĩ ame̱teṅ pẽṅ. [246]