Read luganda Ezekiel 34 Bible Online

Ezekiel 34 - luganda bible

Ezekiel 34

¹Ni Iehowa wiemo̱ ba miṅõ ake̱:

²Gbomobi, gba ye̱ Israel tōkwe̱lo̱i le̱ ahe, gba ni oke̱ame̱, tōkwe̱lo̱i le̱, ake̱: Bo̱ni Nuntšo̱ Iehowa kē̱ ne̱: Kpóo ba Israel *tōkwe̱lo̱i ni lē̱o̱ ame̱dientše̱ ame̱he le̱! Ani tōkwe̱lo̱i le̱, dšee toi le̱ sa ake̱ ame̱lè̱ lo? [247]

³Nyeyeo̱ fo̱ le̱, ni nyewoo̱ tõiahetšo̱i le̱, ni nyegbeo̱ nii ní ewo fo̱ le̱; ši tōi le̱, nyelè̱è̱ame̱!

⁴Nii ni *egbo̱dšo̱ le̱, nyewadšeeame̱; ni helatše̱mei le̱, nyetšááame̱; ni noni epila le̱, nyefĩĩ nyehããle̱; ni noni edũ gbe̱ le̱, nyeyakplaale̱; ni noni elādše le̱, nyeyataoole̱: ši moṅ †nyeyeo̱ ame̱no̱ ke̱ no̱nyē̃ ke̱ yiwale̱. [248]

⁵Ni agbe̱ame̱ aſã, edšake̱ tōkwe̱lo̱ ko be̱, ni ame̱tšṍmo̱ ṅāṅ koloi fẽ aniyenii, ni agbe̱ame̱ aſã. [249]

⁶Mitōi le̱ tšomloo̱ ke̱nyieo̱ gõdši fẽ no̱ ke̱ goṅkpo̱-fẽ-goṅkpo̱ ní kwo̱ no̱, ni mitōi le̱ egbe̱ eſã šikpoṅ le̱ hĩe fẽ, ni moko be̱ ní dio̱ ame̱se̱ lo etaoo̱ame̱.

⁷Nohewo̱ le̱, nye tōkwe̱le̱i, nyeboa Iehowa wiemo̱ toi!

⁸Gbĩĩabo̱ ní mihĩe kã ne̱, Nuntšo̱ Iehowa kē̱: Ake̱-ní mitōi le̱ etšṍmo̱ hānii, ni mitōi le̱ etšṍmo̱ ṅãṅ koloi fẽ aniyenii, edšake̱ tōkwe̱lo̱ ko be̱, ni mitōkwe̱lo̱i le̱ edii mitōi le̱ ase̱, ši moṅ tōkwe̱lo̱i le̱, *ame̱dientše̱ ame̱he ke̱ke̱ ame̱lè̱o̱, ni ame̱lèè mitōi le̱: [250]

⁹hewo̱ le̱, nye tōkwe̱lo̱i, nyeboa Iehowa wiemo̱ toi!

¹⁰Bo̱ni Nuntšo̱ Iehowa kē̱ ne̱: Na, mike̱ tōkwe̱lo̱i le̱ ená, ni mabi mitōi le̱ aši ke̱-adše̱ ame̱deṅ, ni mahã ame̱fõ tōi le̱ akwe̱mo̱, ni tōkwe̱lo̱i le̱ akalè̱ ame̱dientše̱ ame̱he doṅṅ, ni madšie mitōi le̱ ke̱-adše̱ ame̱dāṅ, ni ame̱tšṍmo̱ṅ ame̱niyenii doṅṅ.

¹¹Edšake̱ bo̱ni Nuntšo̱ Iehowa kē̱ ne̱: Na, midientše̱ madi mitōi le̱ ase̱, ni matao ame̱se̱gbe̱.

¹²Bo̱ni *tōkwe̱lo̱ taoo etōiku ase̱gbe̱, gbĩ ní eyo̱ etōi ní egbe̱ eſã le̱ ateṅ le̱, nakai noṅṅ kẽ matao mitōi le̱ ase̱gbe̱, ni madšieame̱ ke̱-adše̱ hefẽhe ní ame̱gbe̱ ame̱ſã ke̱-te ye̱ oblo̱tu ke̱ duṅ tũtū̃ntũ gbĩ le̱ no̱ le̱. [251]

¹³Ni makplaame̱ ke̱-adše̱ mãdšimãdši le̱ amli, ni mabua ame̱nā ke̱-adše̱ šikpõdši le̱ ano̱, ni mahã ame̱ba ame̱dientše̱ ame̱šikpoṅ le̱ no̱, ni malè̱ame̱ ye̱ Israel gõdši le̱ ano̱, ye̱ dšō̱i le̱ amli ke̱ šikpoṅ le̱ no̱ šihĩle̱hei le̱ fẽ.

¹⁴*Lẽ̱̀he kpakpa malè̱ame̱ ye̱, ni Israel gõdši ní kwŏ̱lo̱ le̱ ano̱ ame̱niyelihe aahĩ, ame̱ahumo̱ niyelihe kpakpa ye̱ dše̱i, ni lẽ̱̀he ní wo fo̱ ame̱aye nii ye̱, ye̱ Israel gõdši le̱ ano̱. [252]

¹⁵Midientše̱ malè̱ mitōi le̱, ni mahã ame̱bumo̱ ši, Nuntšo̱ Iehowa kē̱.

¹⁶Noni elādše le̱, matao; ni noni edũ gbe̱ le̱, mayakplale̱; ni noni epila le̱, mafĩ mahãle̱; belatše̱ le̱, mawadšele̱; ši noni ewo fo̱ ke̱ noni yo̱ hewale̱ le̱, makpãtã ame̱hĩe; malè̱ame̱ bo̱ni dša!

¹⁷Ni nye, mitōi, bo̱ni Nuntšo̱ Iehowa kē̱ ne̱: Na, *makodšo tõ ke̱ tõ teṅ, tōagboi ke̱ tōkpakpoi ateṅ! [253]

¹⁸Aso ní nyeyeo̱ lẽ̱̀he kpakpa le̱ no̱ nii le̱, no fáá hããnye, hewo̱ ní nyeke̱ nyenãdši nānāa nyelẽ̱̀hei ní eſe̱ le̱ hũ no ne̱? ni asaṅ ní nyenuo̱ nui ní hĩe tẽ le̱, nyeke̱ nyenãdši aakpo̱to̱ noni eſe̱ le̱ hũ lo?

¹⁹Ni mitōi le̱, ame̱ le̱ ame̱yeo̱ noni nyeke̱ nyenãdši enānā no̱ le̱, ni ame̱nuo̱ noni nyeke̱ nyenãdši ekpo̱to̱ le̱!

²⁰Nohewo̱ le̱ bo̱ni Nuntšo̱ Iehowa kē̱o̱ame̱ ne̱: Na, midientše̱ mibakodšo tō ní ewo fo̱ ke̱ tō ní eta lō teṅ.

²¹Edšake̱ nyeke̱ nyeṅmãwuiaṅ ke̱ nyekõṅ šimoo̱, ni nyeke̱ nyekodši hĕ̱le̱o̱ helatše̱mei le̱ fẽ ke̱-yaši beyino̱ ní nyeſieo̱-ame̱ ke̱-dšeo̱ kpo.

²²Nohewo̱ le̱ mahere mitōi le̱ ayiwala, ni ame̱tšṍmo̱ṅ hānii doṅṅ, ni makodšo tō ke̱ tō teṅ.

²³Ni maṅõ *tōkwe̱lo̱ kome mato ame̱no̱, ni eelè̱ame̱, le̱ dši †mitšũlo̱ David; le̱ eelè̱ame̱, ni le̱ eetšṍ tōkwelo ehãame. [254]

²⁴Ni mi, Iehowa, matšṍ ame̱-Nyoṅmo̱, ni mitšũlo̱ David aafe lumo ye̱ ame̱teṅ; mi, Iehowa, miwie!

²⁵Ni mike̱ame̱ aakpãṅ *hedšo̱le̱ kpãṅmo̱, ni mahã koloi fõdši atã ye̱ šikpoṅ le̱ no̱, ni ame̱ahĩ ši ſeſēſe ye̱ ṅã le̱ no̱, ni ame̱awo̱wo̱i ye̱ kōi le̱ amli. [255]

²⁶Ni mahã ame̱ ke̱ hei ní bo̱le migoṅkpo̱ le̱ he le̱ atšṍ dšō̱mo̱, ni mahã nyoṅmo̱ ane̱ ye̱ be ní sa mli; eetšṍ dšō̱mo̱ nyoṅmo̱ne̱mo̱!

²⁷Ni ṅãno̱ tšo aawo eyibii, ni šikpoṅ le̱ aaba enii, ni ame̱ahĩ ši ſeſēſe ye̱ ame̱šikpoṅ le̱ no̱, ni ame̱aná ame̱le ake̱ midši Iehowa le̱, beni mikũmo̱ ame̱kõṅtšei le̱, ni midšieame̱ ke̱-dše̱ mei ní yeo̱ame̱ nyṍṅ le̱ adeṅ le̱.

²⁸Ni ame̱tšṍmo̱ṅ hānii ame̱hãṅ wo̱ṅdšálo̱i le̱ doṅṅ, ni šikpoṅ le̱ no̱ koloi le̱ yeṅame̱ doṅṅ, ni ame̱ahĩ ši ſeſēſe, ni mokomoko woṅ ame̱he gbeyei.

²⁹Ni matē ṅmõ ní gbe̱i ehehe ši mahãame̱, ni hõmo̱ plenēṅame̱ ye̱ šikpoṅ le̱ no̱ doṅṅ, ni ame̱tĕreṅ wo̱ṅdšálo̱i aheguo̱gbē le̱ doṅṅ. [256]

³⁰Ni ame̱aná ame̱le ake̱ mi, Iehowa, *ame̱-Nyoṅmo̱ le̱, mike̱ame̱ ye̱, ni ame̱, Israel we le̱, ame̱dši mimaṅ, Nuntšo̱ Iehowa kē̱. [257]

³¹Ni nye, mitōi ní dši *milẽ̱̀he tōi le̱, gbomei dšinye, ni midši nye-Nyoṅmo̱! Nuntšo̱ Iehowa kē̱. [258]