Read luganda Ezekiel 38 Bible Online

Ezekiel 38 - luganda bible

Ezekiel 38

¹Ni Iehowa wiemo̱ sā ba miṅõ ake̱:

²Gbomobi, tšṍ ohĩe ohã *Gog ni yo̱ Magog šikpoṅ le̱ no̱, ní dši Roš, †Mešek ke̱ Tubal lumo le̱, ni ogba ošile̱, [290]

³ni okē̱: Bo̱ni Nuntšo̱ Iehowa kē̱ ne̱: Na, mike̱o ená, bo Gog ní dši Roš, Mešek ke̱ Tubal lumo le̱!

⁴Ni malakao, ni mike̱ *kpodši aatše̱re̱ okadãi amli, ni magblao ke̱-adše kpo ke̱ ota le̱ fẽ, okpo̱ṅo̱i ke̱ okpo̱ṅo̱iatše̱mei, ni ame̱fẽ-kwa ame̱wowō atadei fe̱ſe̱dši, asafo babaō ke̱ tše̱ṅi wudši ke̱ tše̱ṅi bibii, ni ame̱fẽ ame̱hĩe klantei. [291]

⁵Persia, Kuš ke̱ Put ši ame̱no̱, ame̱fẽ ame̱hĩe tše̱ṅ ke̱ dadefai;

⁶Gomer hũ ke̱ etai le̱ fẽ, Togarma we ní yo̱ kōyigbe̱ tō̃ le̱ ke̱ etai le̱ fẽ; mãdšimãdši babaõ fata ohe!

⁷Sāmo̱ ohe, ni osā nofẽno ohã ohe, bo ke̱ osafoi le̱ fẽ ní ebua ame̱he nã ke̱-ba oṅõ le̱, ni otšṍ hebulo̱ ohãame̱!

⁸Gbĩĩ pī ase̱ le̱ aabasrao, ni nāgbe afii le̱ amli le̱ ooba šikpoṅ ní adšie ke̱-dše̱ klante nā ke̱-kũ se̱ ke̱-ba, ni abua nā ke̱-dše̱ mãdšimãdši babaō mli ke̱-ba Israel gõdši le̱ ní kãmo̱ ši efodši dā le̱ ano̱; ši adšiele̱ ke̱-dše̱ mãdšimãdši le̱ amli, ni ame̱fẽ-tſẽm ame̱ahĩ ši ſeſēſe.

⁹Ši oofã ke̱-aba tamo̱ ahum, oofe tamo̱ atatu ní baha šikpoṅ le̱ no̱, bo ke̱ otai le̱ fẽ, ni mãdšimãdši pī aafata ohe.

¹⁰Bo̱ni Nuntšo̱ Iehowa kē̱ ne̱: Aaba mli ake̱ nakai gbĩ le̱ no̱ le̱ sãdši komei aaba otšuiṅ, ni osā oodſẽṅ dſẽṅmo̱ fõṅ,

¹¹ni ookē̱: “Mafã ke̱-ate šikpoṅ ní nã kã le̱ no̱, mayatua mei ní yo̱ kpō, ní ame̱hĩo̱ ši ſeſēſe, ní ame̱fẽ ame̱hĩo̱ ši ní *ame̱be̱ gbogbo, ní ame̱be̱ agbóse̱-adabãṅĩ lo agbói hũ le̱!” [292]

¹²ní oyaha nii, ní otſa odšo, ní owó onine no̱ oši amaṅfõi ní agbe̱ne̱ ahĩo̱ mli, ke̱ maṅ ní abua nā ke̱-dše̱ dšeṅmãdši le̱ amli, ní ame̱ná koloi ke̱ nibii pī, ní ame̱hĩo̱ *šikpoṅ laṅmo̱ le̱ no̱ le̱. [293]

¹³Šeba ke̱ Dedan ke̱ Taršiš dšrayelo̱i le̱ ke̱ ame̱dšatabii le̱ fẽ aakē̱o ake̱: Nihā oba ne̱? Odšotſā hewo̱ obua osafo le̱ nā ke̱-kpe, ní olō dſie̱te̱i ke̱ šika, ní oṅõ koloi ke̱ nibii pī, ní oha nii babaō be̱?

¹⁴Nohewo̱ le̱ gba, gbomobi, ni okē̱ Gog ake̱: Bo̱ni Nuntšo̱ Iehowa kē̱ ne̱: Ani gbĩ ní mimaṅ Israel aahĩ ši ſeſēſe le̱, oteṅ ši,

¹⁵ni odše̱ odše̱he le̱ ye̱ kōyigbe̱ tō̃ oba, bo ke̱ mãdšimãdši babaō ní fata ohe, ni ame̱fẽ-kwa ame̱trá okpo̱ṅo̱i ano̱ le̱, asafo babaō ke̱ ta ní wa?

¹⁶Ni oofă ke̱-aba mimaṅ Israel no̱, tamo̱ atatu ní baha šikpoṅ le̱ no̱. Nāgbē gbĩĩ le̱ amli le̱ eeba mli ake̱ mahã obatua mišikpoṅ le̱, koni dšeṅmãdši le̱ aná alemi, beni aafemi kroṅkroṅ ye̱ omli ye̱ ame̱hĩe le̱, ō Gog!

¹⁷Bo̱ni Nuntšo̱ Iehowa kē̱ ne̱: Ani bo ohe miwie ye̱ blemagbĩĩ le̱ amli, beni mitšṍ mitsũdši, ní dši Israel gbalo̱i le̱ ní gba afii pī ye̱ nakai gbĩĩ le̱ amli le̱, ane̱ mikē̱ ake̱ maba obatuaame̱ le̱? [294]

¹⁸Ni aaba mli ake̱ nakai gbĩ le̱ no̱, gbĩ ni Gog aabatua Israel šikpoṅ le̱, Nuntšo̱ Iehowa kē̱, mimlila le̱ aate ši ke̱-aba migugõṅ;

¹⁹edšake̱ miwie ye̱ miwuṅãyeli ke̱ mimlifŭ la le̱ṅ ake̱: Le̱le̱ṅ ake̱ nakai gbĩ le̱ no̱ le̱ hosomo̱ kpeteṅkple aaba Israel šikpoṅ le̱ no̱:

²⁰ni ṅšo̱ṅlōi ke̱ ṅwei lofõdši ke̱ ṅãno̱ koloi ke̱ wāmo̱nibii fẽ ní wamoo̱ ye̱ šikpoṅ le̱ no̱ ke̱ gbomei fẽ ní yo̱ šikpoṅ le̱ no̱ le̱ aahoso ye̱ mihĩe, ni aatšire̱ gõdši le̱ atſia ši, ni te̱sāi groṅṅi le̱ aagbegbē ši, ni gbogbo-fē-gbogbo aawule aſie šikpoṅ.

²¹Ni matšé̱ klante ke̱-aba eno̱ ye̱ migõdši le̱ fẽ no̱, Nuntšo̱ Iehowa kē̱: mofẽmo klante aakã enyemi no̱.

²²Ni matšṍ gbĕle-hela ke̱ lá ne̱ mike̱le̱ aakodšo, ni mahã nyoṅmo̱ne̱me̱ ní lōo̱ nibii ke̱-yaä ke̱ nyoṅmo̱ṅte̱i ke̱ la ke̱ swō̱ *ane̱ aſie le̱ ke̱ etai le̱ ke̱ mãdšimãdši babaō ní fata ehe le̱ ano̱. [295]

²³Ni mafe mihe agbo, ni mafe mihe kroṅkroṅ, ni mahã alemi ye̱ dšeṅmãdši pī ahĩe, ni *ame̱aná ame̱le ake̱ midši Iehowa le̱. [296]