Read luganda Ezekiel 40 Bible Online

Ezekiel 40 - luganda bible

Ezekiel 40

¹Wo̱nomṅō̃ le̱ṅ afi ní dši nyoṅmai-enyo̱ ke̱ enumo̱ le̱ no̱, ye̱ afi le̱ šišidšẽ mli, ye̱ nyõṅ le̱ no̱ gbĩ ní dši gbĩ nyoṅma le̱ no̱, ye̱ maṅ le̱ dſā se̱ afi ní dši nyoṅma ke̱ edſe̱ le̱ no̱ le̱, nakai gbĩ le̱ no̱ noṅṅ le̱ Iehowa nine ba mino̱ ni eṅõmi ke̱-ba dše̱i;

²eṅõmi ye̱ Nyoṅmo̱ he nināi le̱ amli ke̱-ba Israel šikpoṅ le̱ no̱, ni eke̱mi yadamo̱ goṅ groṅṅ ko no̱, ni eno̱ tamo̱ noni ato maṅ ye̱ no̱ ye̱ wuoyigbe̱.

³Ni beni eke̱mi ba dše̱i le̱, na, nū ko ni esu tamo̱ akō̱ble su ye̱ dše̱i, ni ehĩe kpekpe kpã ke̱ *susumo̱tšo ye̱ edẽ, ni edamo̱ koi le̱ ši. [304]

⁴Ni nū le̱ kē̱mi ake̱: Gbomobi, oke̱ ohĩṅme̱ii *akwe̱, ni oke̱ otoii anu, ni oke̱ odſẽṅmo̱ afõ nibii fẽ ní mibahã ona le̱ ano̱; edšake̱ ake̱o ba bie̱, beni afe ni mahã ona. Dšadšemo̱ nibii ní onaä ne̱ fẽ otšõ Israel we le̱! [305]

⁵Ni na, gbogbo ye̱ šĩa le̱ he ke̱-kpe. Ni nū le̱ hĩe susumo̱tšo ní eke̱le̱ hĩe ninetalo̱i ekpa, ni emli ninetalo̱ kome feo̱ ninetalo̱ ke̱ dẽ le̱mo̱. Ke̱ke̱ ni esusu noni atſa le̱ hĩelē̱mo̱, tšo kome, ke̱ ekwo̱-le̱ hũ tšo kome.

⁶Ke̱ke̱ ni eba agbó ní hĩe kwe̱o̱ bokãgbe̱ le̱ he, ni ekwo̱ atrakpoi le̱, ni esusu agbó le̱ kpoku le̱, ni ehĩe tšo kome lē̱mo̱, ke̱ kpoku kome ne̱ hũ, ni ehĩe tšo kome lē̱mo̱;

⁷ni tšũ-fẽ-tšũ le̱, eke̱le̱ dši tšo kome, ni elē̱mo̱ hũ tšo kome, ni tšũi le̱ ateaṅ gbè̱i le̱ ninetalo̱i enumo̱ enumo̱; ni agbó le̱ kpoku ní yo̱ agbó le̱ koi le̱ nā ke̱-yaä šĩa le̱ gbe̱ le̱ hũ hĩe tšo kome.

⁸Ni esusu agbó le̱ koi le̱ ke̱-yaä mligbe̱ le̱, tšo kome.

⁹Ke̱ke̱ ni esusu agbó le̱ koi le̱, ninetalo̱i kpānyo̱, ke̱ ehe šimãmo̱nii le̱ hũ ninetalo̱i enyo̱; ni agbó le̱ koi le̱ ye mligbe̱.

¹⁰Ni agbó le̱ ní nã kã bokãgbe̱ le̱ he tšũi le̱ etẽ ye̱ bie̱, ni etẽ hũ ye̱ bie̱, ni etẽ le̱ fẽ hĩe susumo̱ kome, ni šimãmo̱nii ní yo̱ bie̱ ke̱ bie̱ le̱ fẽ hĩe susumo̱ kome.

¹¹Ni esusu agbó le̱ lē̱mo̱, ninetalo̱i nyoṅma, ke̱ agbó le̱ ke̱le̱, ninetalo̱i nyoṅma ke̱ etẽ.

¹²Gbe̱ hũ kã tšũi le̱ ahĩe ní hĩe ninetalo̱ kome ye̱ bie̱ ke̱ ninetalo̱ kome ye̱ bie̱, ni tšũ kome hĩe ninetalo̱i ekpa ye̱ bie̱ ke̱ ninetalo̱i ekpa hũ ye̱ bie̱.

¹³Ni esusu agbó le̱ ke̱-dše̱ tšũ kome yiteṅ ke̱-yaši eko le̱ yiteṅ: elē̱mo̱ dšĩ ninetalo̱i nyoṅmai-enyo̱ ke̱ enumo̱; šĩnā ye šĩnā ṅe̱le̱no̱.

¹⁴Ni efe šimãmo̱nii ninetalo̱i nyoṅmai-ekpa, ni šimãmo̱nii le̱ ahe ye̱ kpo ní hole agbó le̱ he ke̱-kpe.

¹⁵Ni ke̱-dše̱ agbó ní atšṍo̱ mli ke̱-boteo̱ mli le̱ hĩe ke̱-yaši mligbe̱ agbó le̱ koi le̱ hĩe le̱, ninetalo̱i nyoṅmai-enumo̱.

¹⁶Ni samfe̱dši ní aflo̱flo̱ mli ye̱ tšũi le̱ ke̱ ame̱he šimãmo̱nii le̱ ahe ye̱ agbó le̱ mligbe̱ ke̱-bo̱le ši ke̱-kpe, ke̱ koii le̱ hũ ahe; ni samfe̱dši bo̱le ši ke̱-kpe ye̱ mligbe̱, ni šimãmo̱nõ-fẽ-šimãmo̱nõ le̱ tẽṅi ye̱ he.

¹⁷Ke̱ke̱ ni eṅõmi ke̱-te agbónāgbe̱ kpo le̱ no̱, ni na, piai ye̱ dše̱i, ni aka kpo le̱ no̱ te̱ ke̱-kpe; piai nyoṅmai-etẽ yo̱ heni aka dše̱i te̱ le̱.

¹⁸Heni aka dše̱i te̱ le̱ ye̱ agbói le̱ amase̱i, ni eke̱ agbói le̱ ake̱le̱mo̱ ye egbo̱; no dši heni aka dše̱i te̱ ní yo̱ šišigbe̱ le̱.

¹⁹Ni esusu lē̱mo̱ le̱ ke̱-dše̱ šišigbe̱ agbó le̱ hĩe ke̱-yaši mligbe̱ kpo le̱ hĩe ye̱ agbónāgbe̱ le̱, ninetalo̱i oha, ye̱ bokãgbe̱ ke̱ kōyigbe̱ fẽ.

²⁰Ni esusu agbónāgbe̱ kpo le̱ no̱ agbó ní hĩe kwe̱o̱ kōyigbo̱ le̱ hũ ke̱le̱ ke̱ elē̱mo̱;

²¹ni etšũi le̱ etẽ ye̱ bie̱ ni etẽ hŭ ye̱ bie̱, ni ešimãmo̱nii ke̱ ekoi le̱ tamo̱ kleṅkleṅ agbó le̱ susumo̱ le̱ noṅṅ, eke̱le̱ dši ninetalo̱i nyoṅmai-enumo̱, ni elē̱mo̱ dši ninetalo̱i nyoṅmai-enyo̱ ke̱ enumo̱.

²²Ni esamfe̱dši le̱ ke̱ ekoi le̱ ke̱ etẽṅi le̱ asusumo̱ tamo̱ agbó ní hīe kwe̱o̱ bokãgbe̱ le̱ nõ le̱; ni akwo̱ö̱ atrakpoi kpawo ke̱-yaã he; ni ekoi le̱ kã mligbe̱.

²³Ni mligbe̱ kpo le̱ no̱ agbó le̱ ye agbó ní hĩe kwe̱o̱ kōyigbe̱ le̱ ṅe̱le̱no̱, ni eko ye agbó ní hĩe kwe̱o̱ bokãgbe̱ le̱ ṅe̱le̱no̱; ni esusu ke̱-dše̱ agbó kome he ke̱-yaši agbó kroko le̱ he, ninetalo̱i oha.

²⁴No se̱ le̱ eke̱mi te wuoyigbe̱, ni na, agbó ye̱ wuoyigbe̱ le̱ hũ; ni esusu ešimãmo̱nii ke̱ ekoi le̱ tamo̱ kleṅkleṅ susumo̱i le̱ noṅṅ.

²⁵Ni samfe̱dši ye̱ he ke̱ ekoi le̱ he ke̱-bo̱lele̱ ke̱-kpe tamo̱ kleṅkleṅ samfe̱dši le̱ noṅṅ; eke̱le̱ dši ninetalo̱i nyoṅmai-enumo̱ le̱, ni elē̱mo̱ dši ninetalo̱i nyoṅmai-enyo̱ ke̱ enumo̱.

²⁶Ni atrakpoi kpawo akwo̱ö̱ ke̱-yaä he, ni ekoi le̱ kã mligbe̱; ni tẽṅi ye̱ ešimãmo̱nii le̱ ahe, ekome ye̱ bie̱ ni ekome hũ ye̱ bie̱.

²⁷Ni agbó ye̱ mligbe̱ kpo le̱ he ye̱ wuoyigbe̱, ni esusu ke̱-dše̱ agbó kome he ke̱-yaši agbó kroko le̱ he ye̱ wuoyigbe̱, ninetalo̱i oha.

²⁸Ni eke̱mi tšṍ wuoyigbe̱ agbó le̱ ke̱-te mligbe̱ kpo le̱ no̱, ni esusu wuoyigbe̱ agbó le̱ tamo̱ kleṅkleṅ susumo̱i le̱ noṅṅ,

²⁹ke̱ etšŭi le̱ ke̱ ešimãmo̱nii le̱ ke̱ ekoi le̱, tamo̱ kleṅkleṅ susumo̱i le̱ noṅṅ; ni samfe̱dši ye̱ he ke̱ ekoi le̱ he ke̱-kpe; eke̱le̱ dši ninetalo̱i nyoṅmai-enumo̱, ni elē̱mo̱ dši ninetalo̱i nyoṅmai-enyo̱ ke̱ enumo̱.

³⁰Ni koi le̱ bo̱lele̱ ke̱-kpe, eke̱le̱ dši ninetalo̱i nyoṅmai-enyo̱ ke̱ enumo̱, ni elē̱mo̱ dši ninetalo̱i enumo̱.

³¹Ni ekoi le̱ kwe̱o̱ agbónāgbe̱ kpo le no̱ gbe̱, ni tẽṅi ye̱ ešimãmo̱nii le̱ ahe, ni atrakpoi kpānyo̱ akwo̱ö̱ ke̱-yaä he.

³²Ke̱ke̱ ni eke̱mi te mligbe̱ kpo le̱ no̱ ye̱ bokãgbe̱, ni esusu agbó le̱ tamo̱ kleṅkleṅ susumo̱i le̱ noṅṅ;

³³ni etšũi le̱ ke̱ ešimãmo̱nii le̱ ke̱ ekoi le̱ tamo̱ kleṅkleṅ susumo̱i le̱ noṅṅ, ni samfe̱dši ye̱ he ke̱ ekoi le̱ he ke̱-kpe; eke̱le̱ dši ninetalo̱i nyoṅmai-enumo̱, ni elē̱mo̱ dši ninetalo̱i nyoṅmai-enyo̱ ke̱ enume̱.

³⁴Ni ekoi le̱ kwe̱o̱ agbónāgbe̱ kpo le̱ no̱ gbe̱, ni tẽṅi ye̱ ešimãmo̱nii le̱ ahe bie̱ ke̱ bie̱; ni atrakpoi kpānyo̱ akwo̱ö̱ ke̱-yaä he.

³⁵Ke̱ke̱ ni eke̱mi te kōyigbe̱ agbó le̱ nā, ni esusu tamo̱ kleṅkleṅ susumo̱i le̱ noṅṅ:

³⁶etšŭi le̱, ešimãmo̱nii le̱ ke̱ ekoi le̱; ni samfe̱dši ye̱ he ke̱-bo̱lele̱ ke̱-kpe; eke̱le̱ dši ninetalo̱i nyoṅmai-enumo̱, ni elē̱mo̱ dši ninetalo̱i nyoṅmai-enyo̱ ke̱ enumo̱.

³⁷Ni ešimãmo̱nii le̱ kwe̱o̱ agbónāgbe̱ kpo le̱ no̱ gbe̱, ni tẽṅi ye̱ ešimãmo̱nii le̱ ahe bie̱ ke̱ bie̱; ni atrakpoi kpānyo̱ akwo̱ö̱ ke̱-yaä he.

³⁸Ni pia ke̱ enā šĩnā ye̱ šimãmo̱nii ní yo̱ agbói le̱ ahe le̱ amase̱i, dše̱i afo̱ö̱ šā̃-afole le̱ he ye̱.

³⁹Ni agbó le̱ koi le̱ okplõi enyo̱ mãmo̱ mli ye̱ fã kome ne̱, ní okplõi enyo̱ hũ ye̱ fã kome ne̱, ní agbeo̱ šā̃-afo̱le ke̱ eša-afo̱le ke̱ sõ-afo̱le le̱ ye̱ no̱.

⁴⁰Ni gbogbo le̱ mase̱i ní ye agbónā-gbe̱, ké̱ ōkwo̱ ke̱-mīya kōyigbe̱ agbó le̱ nā gbe̱ le̱, okplõi enyo̱ ye̱ dše̱i, ni emase̱i kroko le̱ ní yo̱ agbó le̱ koi le̱ ši le̱ hũ, okplõi enyo̱ ye̱ dše̱i.

⁴¹Okplõi edſe̱ ye fã kome ne̱, ni okplõi edſe̱ hũ ye fã kome ne̱, ye̱ agbó le̱ mase̱i: okplõi kpānyo̱ ní agbeo̱ koloi ye̱ no̱.

⁴²Ni okplõi edſe̱ ní dši šā̃-afo̱le nõ le̱, te̱ ní ako ake̱-fe, eke̱le̱ dši ninetalo̱ kome ke̱ fãā, ni elē̱mo̱ ninetalo̱ kome ke̱ fã, ni ekwo̱le̱ ninetalo̱ kome; nomei ano̱ ake̱ dadei ní ake̱-gbeo̱ šā̃-afo̱le le̱ ke̱ gbē-afo̱le le̱ ſieo̱.

⁴³Ni akăla ako̱to̱kloi ní hĩe dẽ lē̱mo̱ ye̱ mligbe̱ ke̱-kpe kpula; ni okplõi le̱ ano̱ afole lō le̱ kãmoo̱.

⁴⁴Ni mlígbe̱ agbó le̱ se̱gbe̱ le̱ piai enyo̱ ye̱ dše̱i ye̱ mligbe̱ kpo le̱ no̱: ekome ye̱ kōyigbe̱ agbó le̱ ní hĩe kwe̱o̱ wuoyigbe̱ le̱ mase̱i, ni ekome hũ ye̱ wuoyigbe̱ agbó le̱ ní hĩe kwe̱o̱ kōyigbe̱ le̱ mase̱i.

⁴⁵Ni ekē̱mi ake̱: Ne̱ke̱ tšũ ne̱ ní hĩe kwe̱o̱ wuoyigbe̱ ne̱ oso̱foi ní tšuo̱ šĩa le̱ nii le̱ anõ ni.

⁴⁶Ši tšũ le̱ ní hĩe kwe̱o̱ kōyigbe̱ le̱ oso̱foi ní tšuo̱ afo̱lešãlate̱ le̱ he nii le̱ anõ ni. Mene̱mei dši *Zadok bii ní dše̱ Levibii le̱ ateṅ ní ame̱be̱ṅke̱o̱ Iehowa ame̱basúmoo̱le̱ le̱. [306]

⁴⁷Ke̱ke̱ ni esusu kpo le̱: eke̱le̱ dši ninetalo̱i oha, ke̱ elē̱mo̱ ninetalo̱i oha, kodši edſe̱; ni *afo̱lešãlate̱ le̱ mã šĩa le̱ hĩe. [307]

⁴⁸Ni eke̱mi ba šĩa le̱ *koi le̱ ši, ni esusu koi le̱ šimãmo̱nii le̱, ninetalo̱i enumo̱ ye̱ bie̱ ke̱ ninetalo̱i enumo̱ ye̱ bie̱ hũ, ke̱ agbó le̱ lē̱mo̱, ninetalo̱i etẽ ye̱ bie̱ ke̱ ninetalo̱i etẽ ye̱ bie̱. [308]

⁴⁹Koi le̱ ke̱le̱ dši ninetalo̱i nyoṅmai-enyo̱, ni elē̱mo̱ dši ninetalo̱i nyoṅma ke̱ ekome; ni atrakpoi [nyoṅma] akwo̱ö̱ ke̱-yaä he. Ni *akulašĩṅi mãmo̱ simãmo̱nii le̱ amase̱i, ekome ye̱ bie̱, ṅi ekome hũ ye̱ bie̱. [309]