Read luganda Ezekiel 42 Bible Online

Ezekiel 42 - luganda bible

Ezekiel 42

¹Ke̱ke̱ ni eke̱mi dše kpo ke̱-ba agbónāgbe̱ kpo le̱ no̱ ye̱ gbe̱ ní kã ke̱-yaä kōyigbe̱ le̱ ne̱, ni eke̱mi te pia ni yo̱ mõse̱ le̱ ṅe̱le̱no̱ ke̱ tšũ le̱ ṅe̱le̱no̱ ye̱ kōyigbe̱ le̱ he;

²ni eke̱le̱ dši *ninetalo̱i oha ye̱ kōyigbe̱ agbó le̱ nā, ni elē̱mo̱ dši ninetalo̱i nyoṅmai-enumo̱; [313]

³ye̱ ninetalo̱i *nyoṅmai-enyo̱ ní yo̱ mligbe̱ kpo le̱ he le̱ ṅe̱le̱no̱, ke̱ †heni aka dše̱i te̱ ní yo̱ agbónāgbe̱ kpo le̱ no̱ le̱ ṅe̱le̱no̱, ablanā ye̱ ablanā hĩe ye̱ nsō̱doi etẽ le̱ ano̱. [314]

⁴Ni piai le̱ ahĩe le̱ nyiemo̱he ní hĩe ninetalo̱i nyoṅma lē̱mo̱ ye̱ dše̱i ye̱ mligbe̱, eke̱le̱ dši ninetalo̱i oha; ni ame̱šĩnāi le̱ anā kãmo̱ kōyigbe̱.

⁵Ni ṅweigbe̱ tšũi le̱ kĕ̱le̱e̱; edšake̱ ablanāi le̱ ehe ame̱gbe̱ le̱ fè šĩšinii le̱ ke̱ teṅnii le̱ anõ le̱.

⁶Edšake̱ ame̱hĩe nsō̱doi etẽ, ši ame̱be̱ akulašĩṅi tamo̱ kpoi le̱ ane̱ akulasĩṅi le̱; nohewo̱ le̱ adše̱ šiši abe̱ ṅwei nii le̱ amli fè šišinii le̱ ke̱ teṅnii le̱.

⁷Ni gbogbo ní yo̱ kpono̱gbe̱ ní nyie tšũi le̱ aṅe̱le̱no̱ ye̱ agbónāgbe̱ kpo le̱ no̱, ye̱ tšũi le̱ ahĩe le̱, eke̱le̱ dši ninetalo̱i nyoṅmai-enumo̱.

⁸Edšake̱ tšũi ní kwe̱o̱ agbónāgbe̱ kpo le̱ no̱ le̱ ake̱le̱ dši ninetalo̱i nyoṅmai-enumo̱, ši na, ye̱ so̱lemo̱tšũ le̱ hĩe le̱ ame̱hĩe ninetalo̱i oha.

⁹Ni nāgbe̱ kã ne̱ke̱ tšũi ne̱ ašišigbe̱ ke̱-dše̱ bokãgbe̱, ké̱ odše̱ agbónāgbe̱ kpo le̱ no̱ oba le̱.

¹⁰Ni kpo le̱ he gbogbo le̱ lē̱mo̱ no̱ ke̱-yaä bokãgbe̱ ye̱ mõse̱ le̱ ke̱ tšũi le̱ ahĩe le̱, piai ye̱ dše̱i hũ.

¹¹Ni gbe̱ kã ame̱hĩe, take̱ bo̱ni anaa ye̱ tšũi ní yo̱ kōyigbe̱ le̱ ahĩe le̱; ame̱ke̱le̱ ke̱ ame̱lē̱mo̱ tamo̱ ekrokomei le̱ noṅṅ, ni ame̱nāgbe̱i ke̱ ame̱gbe̱dšiano̱tõi tamo̱ ekrokomei le̱ noṅṅ.

¹²Nakai noṅṅ tšũi ni kãmo̱ wuoyigbe̱ le̱ ašĩnāi le̱ yo̱; asaṅ šĩnā ko ye̱ gbe̱ le̱ šišidšẽ, gbe̱ ni kã gbogbo le̱ hĩe tū̃ntũ ke̱-yaä bokãgbe̱, ké̱ ōbote mli le̱.

¹³Ke̱ke̱ ni ekē̱mi ake̱: Tšũi ní kãmo̱ kōyigbe̱ le̱ ke̱ tšũi le̱ ní kãmo̱ wuoyigbe̱ ye̱ mõse̱ le̱ hĩe le̱ dši tšũi kroṅkroṅi le̱, heni oso̱foi ní be̱ṅke̱o Iehowa le̱ aaye nii kroṅkroṅi fè fẽ le̱ ye̱; dše̱i ame̱ke̱ nii kroṅkroṅi fè fẽ le̱ ke̱ niyenii-afo̱le le̱ ke̱ eša-afo̱le le̱ ke̱ sō-afo̱le le̱ aato; edšake̱ dše̱i ye̱ kroṅkroṅ.

¹⁴Ké̱ oso̱foi le̱ bote mli le̱, ame̱kadše hekroṅkroṅ le̱ ame̱mīdše kpo ke̱-mīya agbónāgbe̱ kpo le̱ no̱, ši moṅ ame̱ke̱ ame̱tadei le̱ ní ame̱ke̱súmoo̱ le̱ aſie dše̱i, edšake̱ ame̱ye̱ kroṅkroṅ; ame̱wo atadei krokomei, dãni ame̱be̱ṅke̱ heni maṅ le̱ yo̱ le̱.

¹⁵Agbe̱ne̱ beni esusu mligbe̱ šĩa le̱ egbe nā le̱, eke̱mi dše kpo ke̱-tšṍ agbó ní hĩe kwe̱o̱ bokãgbe̱ le̱ nã gbe̱, ni esusu fẽ ke̱-kpe.

¹⁶Eke̱ susumo̱tšo le̱ susu bokãgbe̱ le̱, tšei ohai-enumo̱ ye̱ susumo̱tšo le̱ nã ke̱-kpe.

¹⁷Esā esusu kōyigbe̱ le̱, tšei ohai-enumo̱ ye̱ susumo̱tšo le̱ nā ke̱-kpe.

¹⁸Asaṅ esusu wuoyigbe̱ le̱ hũ, tšei ohai-enumo̱ ye̱ susume̱tšo le̱ nā.

¹⁹Esã etšṍ ehe ke̱-ba anaigbe̱ le̱, ni esusu tšei ohai-enumo̱ ye̱ susumo̱tšo le̱ nā.

²⁰Esusu ehei edſe̱ le̱ fẽ. Gbogbo bo̱lele̱ ke̱-kpe: eke̱le̱ dši tšei ohai-enumo̱, ni elē̱mo̱ hũ tšei ohai-enumo̱, koni ake̱-fo hekroṅkroṅ ke̱ heni dši mei fẽ anõ le̱ teṅ.