Read luganda Ezekiel 44 Bible Online

Ezekiel 44 - luganda bible

Ezekiel 44

¹Ke̱ke̱ ni ekē̱mi kũ se̱ ke̱-ba hekroṅkroṅ le̱ kpono̱gbe̱ agbó ní hĩe kwe̱o̱ bokāgbe̱ le̱ nā; ni aṅã́.

²Ni Iehowa kē̱mi ake̱: Ne̱ke̱ agbó ne̱ aṅã́ dā, akagble, ni moko akatšṍ dše̱i ke̱-bote mli; edšake̱ Iehowa, Israel Nyoṅmo̱ le̱, etšṍ nā ke̱-bote mli, hewo le̱ aṅã dā.

³Ši *lumo le̱, etá dše̱i ake̱ lumo, ni eye abolo ye̱ Iehowa hĩe; etšṍ agbo le̱ koi ši gbe̱ le̱ ke̱-bote mli, ni etšṍ nakai gbe̱ le̱ noṅṅ ke̱-dše kpo. [324]

⁴Ke̱ke̱ ni eke̱mi tšṍ kōyigbe̱ agbó le̱ nā gbe̱ le̱ ke̱-ba šĩa le̱ kĩe; ni mikwe̱, ni na, *Iehowa anumnyam le̱ eyi Iehowa we le obõ, ní mike̱ mihĩe bu ši. [325]

⁵Ni Iehowa kē̱mi ake̱: Gbomobi, oke̱ odſẽṅmo̱ afõ no̱, ni oke̱ ohĩṅme̱ii akwe̱, ni oke̱ otoii anu nibii fẽ ní mike̱o wieo̱ ye̱ Iehowa we le̱ gbe̱nānii le̱ fẽ ke̱ emlai le̱ fẽ hewo̱ le̱, ni oke̱ odſẽṅmo̱ afõ šĩa lo̱ mlibotemo̱he ke̱ hekroṅkroṅ le̱ kpodšẽhei le̱ fẽ no̱.

⁶Ni okē̱ toigbolo̱i le̱, ní dši Israel we le̱, ake̱: Bo̱ni Nuntšo̱ Iehowa kē̱ ne̱: Nye Israel we, nyenihĩnii fẽ ní nyefe le̱ efá,

⁷ake̱-ní nyeṅõ gbo̱iabii ní dši tšui mli fōlo̱i ke̱ helo mli fōlo̱i le̱ ke̱-ba, ní ame̱bahĩ mihekroṅkroṅ le̱, ní ame̱bule miwe le̱, ní beni nyeke̱ mibolo ke̱ fo̱ ke̱ lá le̱ baä le̱, nyekũ mikpãṅmo̱ le mli nyefata nyenihĩnii le̱ fẽ he.

⁸Ni asaṅ nyetšuu minii kroṅkroṅi le̱ ahe nitšumo̱ le̱, ši nyeto mei ní tšuo̱ minii le̱ ye̱ mihekroṅkroṅ le̱ nyehã nyehe.

⁹Bo̱ni Nuntšo̱ Iehowa kē̱ ne̱: Gbo̱ ko gbo̱ ko ní dši tšui mli fōlo̱ ke̱ helo mli fōlo̱ akabote mihekroṅkroṅ le̱, ye̱ gbo̱i ní yo̱ Israelbii le̱ ateṅ le̱ fẽ mli;

¹⁰ši moṅ Levibii le̱ ní dše mihe ke̱-te se̱ flōflo, beni Israel dũ gbe̱ le̱, mei ní dše mihe ame̱yadũ gbe̱ ke̱-nyie ame̱wo̱dsi le̱ ase̱ le̱, ame̱atĕre ame̱nišaianii le̱.

¹¹Ni ame̱atšṍmo̱ súolo̱i ye̱ mihekroṅkroṅ le̱, ni ame̱abu šĩa le̱ agbói le̱ anā, ni ame̱asúmo̱ ye̱ šĩa le̱; ame̱ ame̱agbe šā̃-afo̱le ke̱ gbē-afo̱le ame̱hã maṅ le̱, ni ame̱ noṅṅ ame̱adamo̱ ame̱hĩe, koni ame̱súmo̱ame̱.

¹²Ake̱-ní ame̱súmo̱ame̱ ye̱ ame̱wo̱dši le̱ ahĩe, ni ame̱tšṍmo̱ nõša pãmpi ame̱hã Israel we le̱ hewo̱ le̱, miwó minine no̱ ye̱ ame̱no̱, Nuntšo̱ Iehowa kē̱, ni ame̱-atĕre ame̱nišaianii le̱.

¹³Ni ame̱kabe̱ṅke̱mi, ní ame̱batšu oso̱fo nitšumo̱ ame̱hãmi, ni asaṅ ame̱kata minii kroṅkroṅi ní dši nii ní yo̱ kroṅkroṅ fè fẽ le̱ eko he; ši ame̱tĕre ame̱hĩegbĕle le̱ ke̱ ame̱nihĩnii ní ame̱fe le̱.

¹⁴Ši maṅõame̱ mafe šĩa le̱ he nitšulo̱i ye̱ ehe súomo̱ le̱ fẽ ke̱ nofẽno ní afeo̱ ye̱ mli le̱ gbe̱fãṅ.

¹⁵Ši oso̱foi Levibii ní dši *Zadok bii le̱ ní tšu mihekroṅkroṅ le̱ he nitšumo̱ le̱, beni Israelbii dše mihe ame̱yadũ gbe̱ le̱, ame̱ ame̱be̱ṅke̱mi, koni ame̱súmo̱mi ni ame̱damo̱ mihĩe, koni ame̱ke̱ fo̱ ke̱ lá abahāmi, Nuntšo Iehowa kē̱. [326]

¹⁶Ame̱ noṅṅ ame̱bote mihekroṅkroṅ le̱, ni ame̱be̱ṅke̱ mikplõ le̱ ni ame̱súmo̱mi, ni ame̱tšũ minitšũmo̱ le̱.

¹⁷Ni aba mli ake̱, ké̱ ame̱mībote mli-gbe̱ kpo le̱ no̱ agbói le̱ amli le̱, ame̱wo *klala atadei, ni kũntũ noko akahĩ amehe, beni ame̱súmoo̱ ye̱ mligbe̱ kpo le̱ no̱ agbói le̱ anã lo šĩa le̱. [327]

¹⁸Ame̱fĩmo̱ klala yitšofĩnii ye̱ ame̱yitšei, ni ame̱wo klala tſakotoi ye̱ ame̱he̱i; ame̱ke̱ noko ní woo̱ mo latšā akamĩa.

¹⁹Ni ké̱ ame̱mīdše kpo ke̱-ya agbónāgbe̱ kpo le̱ no̱ ye̱ maṅ le̱ ṅõ le̱, *ame̱dšie ametadei ní ame̱wo ke̱-súmo̱ le̱, ni ame̱ſie hekroṅkroṅ le̱ piai le̱ amli, ni ame̱wo atadei krokomei, koni ame̱ke̱ ame̱tadei le̱ akafe maṅ le̱ kroṅkroṅ. [328]

²⁰Ni *ame̱kaše̱ ame̱yii, ni ame̱kaṅmẽ ame̱yii hũ, ši ame̱ſao no̱ ke̱ke̱. [329]

²¹Ni wein hũ *oso̱fo ko oso̱fo ko akanu, ké̱ ame̱mīya mligbe̱ kpo le̱ no̱ le̱. [330]

²²Ni asaṅ ame̱kakpē yō *okũlafo lo moni aſiele̱, ši moṅ ame̱ṅõ oblayei ní dše̱ Israel we le̱ seši le̱ mli, lo yō okũlaſo ní dši oso̱fo ko ṅã okũlafo. [331]

²³Ni ame̱tšõ mimaṅ le̱ *sro̱to ní yo̱ nõkroṅkroṅ ke̱ noni abule teṅ, ni ame̱hã ame̱le sro̱to ní yo̱ nii ní he tšee ke̱ nii ní he tše le̱ ateṅ. [332]

²⁴Ni béisane mli hũ ame̱ noṅṅ ame̱damo̱ ši ní ame̱kodšo; mĩkodšomo̱i le̱ anā ame̱kodšo ye̱, ni ame̱ye mimlai ke̱ mikpo̱i le̱ ano̱ ye̱ migbĩĩ dšudši le̱ fẽ no̱, ni ame̱fe mihedšō̱mo̱gbĩĩ le̱ kroṅkroṅ.

²⁵Ni asaṅ ame̱kaya gbonyo ko he ní ame̱ke̱-bule ame̱he; dša tše̱ lo nye lo, binū lo biyō lo nyeminū lo nyemiyō ni egbãko he ame̱bule ame̱he ye̱. [333]

²⁶Ni ké̱ atšū ehe se̱ le̱, akane gbĩĩ kpawo ahãle̱.

²⁷Ni gbĩ ní eboteo̱ hekroṅkroṅ le̱ ye̱ mligbe̱ kpo le̱ no̱, ní eyasúmo̱ ye̱ hekroṅkroṅ le̱, eke̱ ehe eša-afo̱le aba, Nuntšo̱ Iehowa kē̱.

²⁸Ni gbošinii ní ame̱aná le̱, midši ame̱gbošinii! nohewo̱ le̱ nyekahãa-ame̱ gbe̱-fãṅnõ ko ye̱ Israel; *midši ame̱gbe̱fãṅnõ! [334]

²⁹Ame̱ye niyenii-afo̱le le̱ ke̱ eša-afo̱le le̱ ke̱ sõ-afo̱le le̱, ni nofẽno ní adšō̱ no̱ ake ye̱ Israel le̱ atšṍ ame̱nõ.

³⁰Ni nibii fẽ mli kleṅkleṅ yibii le̱ fẽ ateṅ noni hĩ fè fẽ le̱ ke̱ nibii fẽ mli no̱wómo̱-afo̱lei ní nyewóo̱ no̱ le̱ fẽ atšṍ oso̱foi le̱ anõ; ni nyekleṅkleṅ mã le̱ hũ nyeṅõ-hãa oso̱fo le̱, koni ehã dšō̱mo̱ ahĩ owe le̱.

³¹*Noko ní le̱dientše̱ egbo lo atšere̱ emli, loflõ dšio, kolo dšio, oso̱foi akaye. [335]