Read luganda Ezekiel 48 Bible Online

Ezekiel 48 - luganda bible

Ezekiel 48

¹Ni akutšei le̱ agbe̱ii ne̱: Ke̱-dše̱ kōyĩgbe̱ nāgbē le̱ ke̱-nyie *Hetlon gbe̱ le̱ mase̱i, ke̱-yamõ Hamat ke̱ Hazar-Enan ye̱ Damasko hũsũ le̱ no̱, ke̱-yaä kōyigbe̱ ye̱ Hamat mase̱i, ni ame̱ná bokã ke̱ anaigbe̱ le̱: Dan nõ ni. [359]

²Ni Dan hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Ašer nõ ni.

³Ni Ašer hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Naftali nõ ni.

⁴Ni Naftali hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Manase nõ ni.

⁵Ni Manase hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Efraim nõ ni.

⁶Ni Efraim hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Ruben nõ ni.

⁷Ni Ruben hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Iuda nõ ni.

⁸Ni Iuda hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ dši no̱wómo̱-nõkēnõ ní nyeke̱-hã, *ehĩe susumo̱tšei akpei-nyoṅmai-enyo̱-ke̱-enumo̱ lē̱mo̱, ni eke̱le̱ tamo̱ gbe̱fãṅnii le̱ eko noṅṅ ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱, ni hekroṅkroṅ le̱ akã teṅ. [360]

⁹No̱wómo̱-nõkēnõ ní nyeke̱-ahã Iehowa le̱ ke̱le̱ ahĩe susumo̱tšei akpei-nyoṅmai-enyo̱-ke̱-enumo̱, ke̱ elē̱mo̱ akpei-nyoṅma.

¹⁰Ni mei anõ ní no̱wómo̱-nõkēnõ kroṅkroṅ le̱ atšṍ ne̱: Oso̱foi anõ, kõyigbe̱ le̱ susumo̱tšei akpei-nyoṅmai-enyo̱-ke-enumo̱, ni anaigbe̱ le̱, elē̱mo̱ susumo̱tšei akpei-nyoṅma, ni bokã gbe̱ le̱, elē̱mo̱ susumo̱-tšei akpei-nyoṅma, ni wuoyigbe̱ le̱, eke̱le̱ susumo̱tšei akpei-nyoṅmai-enyo̱-ke̱-enumo̱. Ni Iehowa hekroṅkroṅ le̱ akã teṅ.

¹¹Oso̱foi ní afeame̱ kroṅkroṅ ní dše̱ Zadok bihĩĩ le̱ ateṅ, ní *ame̱tšuo̱ minitšumo̱ le̱, ní beni Israelbii le̱ dũ gbe̱ ní ame̱ le̱ ame̱dũũ gbe̱ tamo̱ bo̱ni Levibii le̱ dũ gbe̱ le̱, ame̱nõ ni. [361]

¹²Ni etšṍ no̱wómo̱-nõkēnõ ní dše̱ šikpoṅ le̱ no̱wómo̱-nõkēnõ le̱ mli ní dši kroṅkroṅ fè fẽ ehãame̱ ye̱ Levibii le̱ ehũsũ le̱ mase̱i.

¹³Ni Levibii le̱ aná susumo̱tšei akpei-nyoṅmai-enyo̱-ke̱-enumo̱ ke̱le̱, ke̱ akpei-nyoṅma lē̱mo̱ ye̱ oso̱foi le̱ ahũsũ le̱ ṅe̱le̱no̱; ke̱le̱ mū le̱ fẽ afe akpei-nyoṅmai-enyo̱-ke̱-enumo̱ ke̱ lē̱mo̱ le̱ hũ akpei-nyoṅma.

¹⁴Ni ame̱kahõ eko, ni ame̱katšake, ni ame̱kaṅõ šikpoṅ le̱ heni hĩ fè fẽ le̱ ame̱hã moko; edšake̱ kroṅkroṅ ni hã Iehowa.

¹⁵Ši susumo̱tšei akpei-enumo̱ ní ſe̱ yo̱ lē̱mo̱ no̱ ye̱ akpei-nyoṅmai-enyo̱-ke̱-enumo̱ le̱ mli le̱ atšṍ kwāsafo šikpoṅ ahã maṅ le̱, ní ake̱-fe šihĩle̱hei ke̱ maṅ he šikpoṅ, ni maṅ le̱ akã teṅ.

¹⁶Ni esusumo̱i ne̱: Kōyigbe̱ hũsũ le̱ akpei-edſe̱ ke̱ ohai-enumo̱, ni wuoyigbe̱ hũsũ le̱ akpei-edſe̱ ke̱ ohai-enumo̱, ni bokãgbe̱ hũsũ le̱ akpei-edſe̱ ke̱ ohai-enumo̱, ni anaigbe̱ hũsũ le̱ akpei-edſe̱ ke̱ ohai-enumo̱. [362]

¹⁷Ni šikpoṅ akã maṅ le̱ he, kōyigbe̱ le̱ ohai-enyo̱ ke̱ nyoṅmai-enumo̱, ni wuoyigbe̱ le̱ ohai-enyo̱ ke̱ nyoṅmai-enumo̱, ni bokãgbe̱ le̱ ohai-enyo̱ ke̱ nyoṅmai-enumo̱, ni anaigbe̱ le̱ ohai-enyo̱ ke̱ nyoṅmai-enumo̱.

¹⁸Ni noni eſe̱ ye̱ ke̱le̱ no̱ ye̱ no̱wómo̱-nõkēnõ kroṅkroṅ le̱ ṅe̱le̱no̱ le̱, akpei-nyoṅma ye̱ bokãgbe̱ le̱ ke̱ akpei-nyoṅma ye̱ anaigbe̱ le̱, ni ekã no̱wómo̱-nõkēnõ kroṅkroṅ le̱ ṅe̱le̱no̱, eno̱ nibānii le̱ afe mã le̱ṅ nitšulo̱i le̱ aniyenii.

¹⁹Ni mã le̱ṅ nitšulo̱i ní dše̱ Israel akutšei le̱ fẽ mli le̱ ahũ dše̱i.

²⁰No̱wómo̱-nõkēnõ le̱ fẽ afe akpei-nyoṅmai-enyo̱-ke̱-enumo̱ ke̱le̱ ke̱ akpei-nyoṅmai-enyo̱-ke̱-enumo̱ lē̱mo̱, kodši edſe̱; no dši no̱wómo̱-nõkēnõ kroṅkroṅ le̱ ke̱ maṅ le̱ gbe̱fãṅnõ le̱ fẽ.

²¹Ni noni eſe̱ ye̱ no̱wómo̱-nõkēnõ kroṅkroṅ le̱ ke̱ maṅ le̱ gbe̱fãṅnõ le̱ bie̱ ke̱ bie̱ le̱ atšṍ lumo le̱ nõ, ye̱ susumo̱tšei akpei-nyoṅmai-enyo̱-ke̱-enumo̱ ní dši no̱wómo̱-nõkēnõ le̱ hīe āhũ ke̱-yaši bokãgbe̱ hũsũ le̱ no̱, ni anaigbe̱ le̱ hũ ye̱ akpei-nyoṅmai-enyo̱-ke̱-enumo̱ le̱ hĩe āhũ ke̱-yaši anaigbe̱ hũsũ le̱ no̱, ye̱ gbe̱fãṅnii le̱ aṅe̱le̱ne̱, *etšṍ lumo le̱ nõ; ni no̱wómo̱-nõkēnõ kroṅkroṅ le̱ ke̱ šĩa le̱ hekroṅkro̱ṅ le̱ akã teṅ. [363]

²²Ni ke̱-dše̱ Levibii le̱ agbe̱fãṅnõ le̱ ke̱ maṅ le̱ gbe̱fãṅnõ le̱ ní kã lumo le̱ nõ le̱ teṅ le̱ he ye̱ Iuda hũsũ le̱ ke̱ Benyamin hũsũ le̱ teṅ le̱, lumo le̱ nõ ni.

²³Ni akutšei ní eſe̱ le̱ ne̱: Ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ lo̱: Benyamin nõ ni.

²⁴Ni Benyamin hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Simeon nõ ni.

²⁵Ni Simeon hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ lo̱: Isakar nõ ni.

²⁶Ni Isakar hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Zebulon nõ ni.

²⁷Ni Zebulon hũsũ le̱ mase̱i, ke̱-dše̱ bokãgbe̱ hũsũ le̱ no̱ ke̱-yaši anaigbe̱ hũsũ le̱ no̱ le̱: Gad nõ ni.

²⁸Ni Gad hũsũ le̱ mase̱i, ye̱ wuoyigbe̱ hũsũ le̱ no̱ ye̱ wuoyigbe̱ le̱, hũsũ le̱ adše̱ *Tamar ke̱-yaši Meribot-Kadeš nui le̱ ke̱ Mizraim fã le̱ nā ke̱-yaši ṅšo̱ wulu le̱ nã. [364]

²⁹Ene̱ dši šikpoṅ le̱ ní nyebafõ ošiki nyeke̱-dša mli nyehã Israel akutšei le̱ ni etšṍ ame̱gbošinii le̱, ni ene̱mei dši ame̱gbe̱fãṅnii le̱, Nuntšo̱ Iehowa kē̱.

³⁰Ni maṅ le̱ kpodšēhei ne̱: Kōyigbe̱ hũsũ le̱, ké̱ asusu le̱, efeo̱ susumo̱ tšei akpei-edſe̱ ke̱ ohai-enumo̱.

³¹Ni maṅ le̱ nā agbói le̱ aṅõ Israel akutšei le̱ agbe̱ii awoame̱: agbói etẽ ye̱ kōyigbe̱: Ruben agbó kome, Iuda agbó kome, Levi agbó kome. [365]

³²Ni bokãgbe̱ hũsũ le̱ nõ dši akpei-edſe̱ ke̱ ohai-enumo̱, ke̱ agbói etẽ: Iosef agbó kome, Benyamin agbó kome, Dan agbó kome.

³³Ni wuoyigbe̱ hũsũ le̱, ké̱ asusu le̱, efeo̱ akpei-edſe̱ ke̱ ohai-enumo̱, ke̱ agbói etẽ: Simeon agbó kome, Isakar agbó kome, Zebulon agbó kome.

³⁴Anaigbe̱ hũsũ le̱ hũ nõ dši akpei-edſe̱ ke̱ ohai-enumo̱, ke̱ agbói etẽ: Gad agbó kome, Ašer agbó kome, Naftali agbó kome.

³⁵Nohewo̱ le̱ efeo̱ susumo̱tšei akpei-nyoṅma-ke̱-kpānyo̱ ke̱-bo̱lele̱ ke̱-kpe. Ni ke̱-dše̱ nakai gbĩ le̱ no̱ le̱ maṅ le̱ gbe̱i dši: Iehowa *ye̱ dšei! [366]