Read luganda Ezekiel 7 Bible Online

Ezekiel 7 - luganda bible

Ezekiel 7

¹Ni Iehowa wiemo̱ ba miṅõ ake̱:

²Ni bo, gbomobi, bo̱ni Nuntšo̱ Iehowa kē̱o̱ Israel šikpoṅ le̱ ne̱: Nāgbẽ, nāgbē miba šikpoṅ le̱ kodši edſe̱ le̱ no̱!

³Agbe̱ne̱ nāgbē le̱ miba ono̱, ni matšũ mimlifũ le̱ ke̱-aba ono̱, ni makodšoö ye̱ ogbè̱i le̱ anā, ni mike̱ onihĩnii le̱ fiā aaba ono̱!

⁴Ni mihïṅme̱i enaṅo mo̱bo̱, ni mibāṅ oyi, ši moṅ mahã ogbè̱i le̱ aba ono̱, ni onihĩnii le̱ aahĩ oteṅ, ni nyeaná nyele ake̱ midšĩ Iehowa le̱.

⁵Boni Nuntšo̱ Iehowa kē̱ ne̱: Na, nõfõṅ nyie nõfõṅ se̱ ke̱-mība!

⁶Nāgbē miba, nāgbē le̱ mība, ehĩe etšẽ ewoö; na, ēba!

⁷Bo šikpoṅ le̱ no̱hĩlo̱, noni ato ahão le̱ mība ono̱; be le̱ eše̱, *haomo̱ gbĩ le̱ ebe̱ṅke̱, ni dšee gõdši ano̱ nyã́mo̱ ošebō̱ ni! [38]

⁸Agbene etše̱ṅ ni mafo̱se mimlila le̱ maſie ono̱, ni maṅmẽ mimlifũ le̱ gbe̱ ke̱-aba ono̱, ni makodšoö ye̱ ogbè̱i le̱ anā, ni mike̱ onihĩnii le̱ fiā aaba ono̱.

⁹Ni mihĩṅme̱i enaṅ mo̱bo̱, ni mibāṅ yi; bo̱ni ogbè̱i le̱ yo̱ le̱, nakai mike̱-aba ono̱, ni onihĩnii le̱ aahĩ oteṅ; ni nyeaná nyele ake̱ mi, Iehowa, mitſiaä nii le̱.

¹⁰Na, gbĩ le̱, na, ēba! noni ato ahão le̱ edše kpo, *tšo le̱ egba afofro, hewō le̱ hũ egba ahwãnyã! [39]

¹¹Yiwale̱ le̱ ete ši etšṍ efõṅfemo̱-tšo, ame̱ ke̱ ame̱saſo le̱ ke̱ ame̱nii le̱ amli eko eko eſe̱ṅ, ni yărafemo̱ be̱ hãame̱.

¹²Be le̱ eše̱, gbĩ le̱ ebe̱ṅke̱; nihelo̱ akanyã́, ni nihõlo̱ akaye ṅko̱me̱; edšake̱ mlifũ miba esafo le̱ fẽ no̱.

¹³Ši nihõlo̱ le̱, ké̱ ehĩe kã lolo po le̱, ekŭṅ ese̱ ke̱-yaṅ *noni ehõ le̱ he; edšake̱ gbale̱ ní agba aši esafo mū le̱ fẽ le̱, ahãṅ ekpale, ni mokomoko ke̱ enišai-anifemo̱ woṅ ewala hewale̱. [40]

¹⁴Ame̱kpã te̱tre̱mantre̱, ni ame̱sā nii fẽ ame̱to, ši mokomoko eyaa ta le̱; edšake̱ mimlifũ kã esafo mū le̱ fẽ no̱.

¹⁵Klante ye̱ agbó nā, ni gbĕle-hela ke̱ hõmo̱ ye̱ šĩa; moni yo̱ ṅã le̱ no̱ le̱ aagbo ye̱ klante nā, ni moni yo̱ mã le̱ṅ le̱, hõmo̱ ke̱ gbĕle-hela aayele̱.

¹⁶Ši ame̱teṅ mei ní edše mli le̱ aadše mli, ni ame̱ayahĩ gõdši le̱ ano̱ tamo̱ dšō̱iaṅ okpoi, ame̱fẽ-tſẽm ame̱aye ṅko̱mo̱, mofẽmo ye̱ enõša hewo̱.

¹⁷Nidšiaṅ fẽ-tſẽm aadše wui, ni nakutšei fẽ-tſẽm aasĕre tamo̱ nu;

¹⁸ni asaṅ ame̱amĩa kpekpe, ni ṅmiṅmi aaha ame̱he; ni hĩegbĕle aaba hĩeaṅ fẽ, ni *yiteṅkpamo̱ hũ aaba ame̱yiteaṅ fẽ. [41]

¹⁹Ame̱dſie̱te̱i le̱ ame̱aše̱re̱ ame̱ſie blohũi le̱ amli, ni ame̱abu ame̱šika le̱ ake̱ noko ní anyãṅeo̱; *ame̱dſie̱te̱i ke̱ ame̱šika le̱ nyẽṅ ame̱yiwala ahere ye̱ Iehowa mlifũ gbĩ le̱ no̱; ehãṅ ame̱susumai atŏ̱ro̱, ni eyiṅ ame̱mlinii obõbõ; edšake̱ ame̱nõša le̱ he pāmpi ni. [42]

²⁰Ewulamo̱nii ni yo̱ fe̱o le̱ ame̱ke̱-fe hewõnii, ni ame̱ke̱-fe ame̱nihĩnii amãgãi le̱ ke̱ ame̱tãṅtãṅnii le̱; nohewo̱ le̱ mihã etšṍ noko ní anyãṅeo̱ ehãame̱ le̱.

²¹Ni maṅõ-wo meikpõdši adeṅ, ní ame̱ha, ke̱ šíkpoṅ le̱ no̱ meifõdši adeṅ, ní ame̱ṅõ ake̱ nomnii, ni ame̱abulele̱.

²²Ni matšṍ mihĩe hũ ke̱-adše̱ ame̱he, ni ame̱abule midſetri le̱, ni odšotſalo̱i aabote mli, ni ame̱abulele̱.

²³Femo̱ kõsõṅkõsõ; edšake̱ šikpoṅ le̱ no̱ eyi to̱ ke̱ lá he fo̱yeli, ni mã le̱ṅ eyi to̱ ke̱ yiwale̱.

²⁴Nohewo̱ le̱ mahã wo̱ṅdšálo̱i le̱ ateṅ meifõdši fè fẽ aha ni ame̱abaṅõ ame̱šĩai le̱ amefe ame̱nii; ni mahã hewalo̱i le̱ ahewõ le̱ se̱ afo, ni aabule ame̱hei kraṅkroṅi le̱.

²⁵Hĩekpãtãmo̱ miba; ni ame̱atao hedšo̱le̱, ši eko be̱.

²⁶Ošrã aanyie ošrã se̱, adafitſā hũ aanyie adafitſā se̱; ni ame̱ayatao ninā ye̱ gbalo̱ ṅõ; ši mla aalādše oso̱fo, ni ṅā-wō hũ aalādše onukpai.

²⁷Maṅtše̱ le̱ aaye nko̱mo̱, ni lumo le̱ hũ aaha hedšõmo̱, ni šikpoṅ le̱ no̱ maṅ le̱ nidšiaṅ aadše wui. Bo̱ni ame̱gbe̱ le̱ yo̱ le̱, nakai mafeame̱, ni bo̱ni ame̱kodšomo̱i le̱ yo̱ le̱, nakai makodšoame̱, ni ame̱aná ame̱le ake̱ midsi Iehowa le̱.