Read luganda Daniel 1 Bible Online

Daniel 1 - luganda bible

Daniel 1

¹Iuda maṅtše̱ Iehoiakim maṅtše̱yeli afi ni dši etẽ le̱ no̱ le̱ Nebukadnezar, Babel maṅtše le̱, ba Ierusalem, ni ebasa eyi. [1]

²Ni Nuntšo̱ le̱ ṅõ Iuda maṅtše̱ Iehoiakim ke̱ Nyoṅmo̱ we le̱ nihii le̱ ekomei ewo edeṅ, ni eke̱ame̱ te Šinear šikpoṅ le̱ no̱ ye̱ enyoṅmo̱ le̱ we le̱, ni eke̱ nibii le̱ yato enyoṅmo̱ le̱ nitõ šĩa le̱.

³Ni maṅtše̱ le̱ kē̱ Ašpenaz, epiafoi le̱ anukpa le̱, ake̱ edšie gbekẽbiihĩĩ kome̱i ye̱ Israelbii ní dši maṅtše̱ sešibii ke̱ abladei le̱ ateṅ, [2]

⁴gbekẽbii ní kpa ko be̱ ame̱he, ní ame̱he yo̱ fe̱o ní ame̱anyi ṅā-fẽ-ṅā ame̱-kase, ní ame̱le nii, ní ame̱yo̱ dſẽṅmo̱, ni ame̱anyẽ maṅtše̱ le̱ mō̃ le̱ṅ ame̱damo̱, koni atšõame̱ Kaldeamei awoloṅ ke̱ wiemo̱.

⁵Ni maṅtše̱ le̱ to ake̱ ahãame̱ ame̱dāṅmā̃ ke̱-dše̱ le̱ maṅtše̱ le̱ dientše̱ eniyenii ke̱ ewein ní enuo̱ le̱ mli; ni alè̱ame̱ afii etẽ, ní no se̱ ní ame̱badamo̱ maṅtše̱ le̱ hĩe.

⁶Ni ame̱teṅ mei ni dše̱ Iudabii le̱ ateṅ dši Daniel, Hanania, Mišael ke̱ Azaria.

⁷Ni piafoi le̱ anukpa le̱ woame̱ gbe̱i, ni ewo Daniel Beltešazar, ni Hanania le̱, ewole̱ Šadrak, ni Mišael le̱, ewole̱ Mešak, ni Azaria le̱, ewole̱ Abednego.

⁸Ni Daniel kpe̱ mli ye̱ etšui mli ake̱ eke̱ maṅtše̱ le̱ niyenii ke̱ ewein ní enuo̱ le̱ buleṅ ehe, ni ekpa piafoi le̱ anukpa le̱ fai, koni ekabule ehe. [3]

⁹Ni Nyoṅmo̱ hã Daniel hĩe banyam ye̱ piafoi le̱ anukpa le̱ hĩe, ni emũsũṅ tšõle̱ ye̱ ehewo̱. [4]

¹⁰Ni piafoi le̱ anukpa le̱ kē̱ Daniel ake̱: Mīše minuntšo̱ maṅtše̱ ní eto nyeniyenii ke̱ nyedā̃ ehãṅye le̱ gbeyei, ake̱ aleenõ eena nyehĩe mo̱bo̱mo̱bo̱ fè gbekẽbiihĩĩ nyetipẽṅfoi le̱ ahĩe, ni nyeahã miyiwala atõ ye̱ maṅtše̱ le̱ hĩe.

¹¹Ke̱ke̱ le̱ Daniel ke̱ niyenii ano̱kwe̱lo̱ ní piafoi le̱ anukpa le̱ edšie eto Daniel, Hanania, Mišael ke̱ Azaria no̱ le̱ ake̱:

¹²Ka otšũdši okwe̱ gbĩĩ nyoṅma, ni ahãwo̱ ſie ní wo̱ye ke̱ nu ní wo̱nu;

¹³ni akwe̱ wo̱hĩeaṅ ke̱ gbekẽbii ní yeo̱ maṅtše̱ le̱ niyenii le̱ ahĩeaṅ ye̱ ohĩe, ni bo̱fẽbo̱ ní oona le̱, ní oke̱ otšũdši aye̱.

¹⁴Ni eboame̱ toi ye̱ ne̱ke̱ sanee ne̱ mli, ni ekaame̱ ekwe̱ gbĩ nyoṅma.

¹⁵Ni gbĩĩ nyoṅma le̱ se̱ le̱ anaa ake̱ ame̱hĩeãa efe fe̱o, ni ame̱ſiſī fè gbekẽbii fẽ ni yeo̱ maṅtše̱ le̱ niyenii le̱.

¹⁶Nohewo̱ le̱ niyenii ano̱kwe̱lo̱ le̱ dšieo̱ ame̱niyenii le̱ ke̱ wein ní ahãa ame̱ ní ame̱nu le̱, ni ahãa-ame̱ ſie.

¹⁷Ši ne̱ke̱ gbekẽbiihĩĩ edſe̱ ne̱ Nyoṅmo̱ hã ame̱le nii, ni ame̱nyẽ ame̱kase wolo-fẽ-wolo ke̱ nilē-fẽ-nilē; ni Daniel le̱, ehã ena ninā-fẽ-ninā ke̱ lamõi ašiši. [5]

¹⁸Ni beni gbĩĩ ní maṅtše̱ le̱ eto ake̱ ake̱ame̱ aba ee̱ še̱ le̱, piafoi le̱ anukpa le̱ ke̱ame̱ ba Nebukadnezar hĩe.

¹⁹Ni maṅtše̱ le̱ ke̱ame̱ wie, ni ame̱fẽ le̱ anaa ame̱teṅ mokomoko ní tamo̱ Daniel, Hanania, Mišael ke̱ Azaria; nohewo̱ le̱ ame̱badamo̱ maṅtše̱ le̱ hĩe.

²⁰Ni ṅā ke̱ nilē sãdši fẽ ni maṅtše̱ le̱ biame̱ le̱ ena ye̱ mli ake̱ ame̱fē woloṅlelo̱i ke̱ okõmfoi fẽ ní yo̱ emaṅtše̱yelihei le̱ fẽ le̱ šii nyoṅma.

²¹Ni Daniel hĩ dšeṅ ke̱-yaši maṅtše̱ *Koreš kleṅkleṅ afi le̱ no̱. [6]