Read luganda Daniel 12 Bible Online

Daniel 12 - luganda bible

Daniel 12

¹Ni nakai be te mli te *Mikael ni dši lumo kpeteṅkple ní damo̱ ši hã omaṅbii le̱ aate ši adamo̱ ši; †ši fĩmo̱-be ko aaba ni enako no̱ dã ke̱-dše̱ beyino̱ ní dseṅmaṅ yo̱ te ke̱-yaši nakai be le̱ mli; ni nakai be le̱ mli le̱ aahere omaṅ le̱ mli mofẽmo ní aana ake̱ **aṅmã egbe̱i ye̱ wolo le mli le. [119]

²Ni mei ní wo̱ö̱ ye̱ šikpoṅ sũ mli le̱ ateṅ mei pī hĩe aatsẽ; *meikomei aate nāno̱ wala mli, ši meikomei hũ aate nāno̱ hĩegbĕle ke̱ nāno̱ nyãṅemo̱ mli. [120]

³Ni mei ní te nii te *aakpe̱ tamo̱ atatu kpe̱mo̱, ni mei ní etšõ mei pī agbe̱ ke̱-te dšale̱ mli le̱ aakpe̱ tamo̱ ṅulamii ke̱-ate nāno̱. [121]

⁴Ši bo, Daniel le̱, tšĩmo̱ wiemo̱i ne̱ ano̱, ni *oso̱o wolo ne̱ nā ke̱-yaši nāgbē be le̱; mei pī aakane fitšofitšo, ni nilē aafá. [122]

⁵Ke̱ke̱ ni mi, Daniel, mikwe̱, ni na, meikrokomei enyo̱ damo̱ ši, mokome ye̱ fā le̱ nā bie̱ ne̱, ni mokome hũ ye̱ fā le̱ nā bie̱ ne̱.

⁶Ni mokome kē̱ nū te ní wo *klala ní yo̱ fā le̱ mli nui le̱ ayiteṅ te ake̱: Mẽ beyino̱ aagbe ne̱ke̱ nākpe̱nii ne̱ anā? [123]

⁷Ni minu nū le̱ ni wo klala ní eyo̱ fā le̱ mli nui le̱ ayiteṅ le̱ wiemo̱, ni *ewó enine dšũrõ ke̱ ebe̱ku no̱ etšṍ ṅwei, ni ekã moni hĩe kã ke̱-yaä nāno̱ te kità, ake̱ eekã no̱ ke̱-yaši †be ke̱ bei ke̱ be fā; ni ké̱ akũmo̱ maṅ kroṅkroṅ te hewale̱ le̱ agbe nã le̱, aagbe ene̱mei fẽ nā. [124]

⁸Ni minu, ši minaa šiši, ni mikē̱: Minuntšo̱, té ene̱mei anā aayakpa tēṅ?

⁹Ni ekē̱: Ya, Daniel! edšake̱ atšīmo̱ wiemo̱i le̱ ano̱, ni aso̱o nā ke̱-yaši nāgbē be le̱.

¹⁰Aatšũ mei pī ahe ni aahã ame̱ye̱ futafuta, ni aakaame̱ akwe̱; ši mei fõdši le̱ aafe efõṅ, ni mei fõdši le̱ ateṅ mokomoko enaṅ šiši; ši mei ní le nii le̱ aana šiši.

¹¹Ni ke̱-dše̱ be ní aadšie dā gbĩ afo̱le le̱ ni aṅõ amaṅfõfemo̱ *nihĩnii le̱ amã ši ye̱ enãdšiaṅ te efeo̱ gbĩĩ akpe ke̱ ohai-enyo̱ ke̱ nyoṅmai-ne̱hũ. [125]

¹²Adšō̱ moni aaṅmẽ etšui ši ni eeyaše̱ gbĩĩ akpe ke̱ ohai-etẽ ke̱ nyoṅmai-etẽ ke̱ enumo̱ le̱ no̱ le̱!

¹³Ši bo le̱, ya ke̱-yaši nãgbē le̱ aaše̱, ni oodšō̱ ohe, ni oote ši oyaná ogbe̱fãṅnò ye̱ gbĩĩ te anãgbē le̱ mli.