Read luganda Daniel 2 Bible Online

Daniel 2 - luganda bible

Daniel 2

¹Ni Nebukadnezar maṅtše̱yeli afi ní dši enyo̱ le̱ no̱ le̱ Nebukadṅezar la lamõi komei, ni etšui bõi yeli ye̱ emli, ni ewo̱ tšere̱ ye̱ ehĩe.

²Ni maṅtše̱ le̱ kē̱ ake̱ ayatšē̱ woloṅlelo̱i ke̱ okõmfoi ke̱ ṅkũnyāyelo̱i ke̱ Kaldeamei le̱ ke̱-ba, koni ame̱batšõ maṅtše̱ le̱ elamõi le̱. Ni ame̱ba, ni amebadamo̱ maṅtše̱ le̱ hĩe. [7]

³Ni maṅtše̱ le̱ kē̱ame̱ ake̱: Mila lamõ ko, ni mitšui mīye ye̱ mimli ake̱ male lamõ le̱.

⁴Ni Kaldeamei le̱ ke̱ maṅtše̱ le̱ wie ye̱ Aram wiemo̱ mli ame̱kē̱: *Maṅtše̱, oyi ana wala ke̱-ya nāno̱! Dšadšemo̱ lamõ le̱ otšõ otšũdši, ni wo̱o̱tšŏ liši. [8]

⁵Maṅtše̱ le̱ to he ni ekē̱ Kaldeamei le̱ ake̱: Mihĩe ekpa no̱. Ši na, ke̱dši nyetšõõmi lamõ le̱ ke̱ ešiši le̱, aaflo̱ nyenṅi dukuduku, ni aahã nyešĩai le̱ atšṍmo̱ tumu.

⁶Ši ke̱dši nyetšõ lamõ le̱ ke̱ ešiši le̱, no le̱ makenye nii babaō ni mawo nyehĩe nyam naakpa; nohewo̱ le̱ nyetšõami lamõ le̱ ke̱ ešiši.

⁷Ame̱to he ekoṅ ame̱kē̱: Maṅtše̱ adšadše lamõ le̱ atšõ etšũdši, ni wo̱o̱tšõ siši.

⁸Maṅtše̱ le̱ to he ekē̱: Le̱le̱ṅ, mina ake̱ nyemītao be, edšake̱ nyena ake̱ mihĩe ekpa no̱.

⁹Ši ke̱dši nyetšõõmi lamõ le̱, no le̱ mla kome kã ši hãnye, edšake̱ amale ke̱ šìšiumo̱ wiemo̱ nyeto nyeyiṅ ake̱ nyebawie ye̱ mihĩe ke̱-yaši beyino̱ ní be le̱ aatšake. Nohewo̱ le̱ nyedšadšea lamõ le̱ nyetšõami, ni maná male ake̱ nyeanyẽ ešiši hũ nyetšõ.

¹⁰Kaldeamei le̱ to he hã maṅtše̱ le̱, ni ame̱kē̱: Mokomoko be̱ šikpoṅ le̱ no̱ ni aanyẽ maṅtše̱ sane ne̱ atšõ, nohewo̱ le̱, maṅtše̱ ko hũ be̱, ni ké̱ edši agbo ke̱ hewalo̱ tete le̱, ní eebi ne̱ke̱ sane ye̱ woloṅlelo̱ lo okõmfo le Kaldeanyo ko deṅ;

¹¹edšake̱ sane ní maṅtše̱ bio̱ ne̱ wa, ni mokomoko be̱ ní aanyẽ atšõ maṅtše̱ ne̱ke̱ sane ne̱, ake̱ dša nyoṅmo̱i ní ame̱šihĩle̱he be̱ adesãi ateṅ le̱.

¹²Nohewo̱ le̱ maṅtše̱ le̱ mli fũ, ni emli wo la naakpa, ni efã́ ake̱ akpãtã Babel nilelo̱i le̱ fẽ hĩe.

¹³Ni akpo̱ le̱ dšekpo, ake̱ agbe nilelo̱i le̱, ni ātao Daniel ke̱ enanemei le̱ hũ, ní agbeame̱.

¹⁴Ke̱ke̱ ni Daniel ke̱ *dſẽṅmo̱ ke̱ se̱yomo̱ to he hã maṅtše̱ le̱ oblafoi le̱ anukpa †Ariok ní edše kpo eyagbe Babel nilelo̱i le̱; [9]

¹⁵ni ehere maṅtše̱ le̱ asafoiatše̱ Ariok le̱ no̱ ni ekē̱: Mẽba akpo̱ ní mli wa ne̱ke̱ dše̱ maṅtše̱ ṅõ? Ke̱ke̱ ni Ariok tši sane le̱ tã etšõ Daniel.

¹⁶Ni Daniel yiṅ te ni eyakpa maṅtše̱ le̱ fai: ake̱ ehāle̱ be ní etšõ maṅtše̱ le̱ šišĩ.

¹⁷Ke̱ke̱ ni Daniel yiṅ ete ewe, ni eyadšadše ne̱ke̱ sane ne̱ etšõ enanemei Hanania, Mišeal ke̱ Azaria le̱,

¹⁸koni ame̱kpa ṅwei Nyoṅmo̱ le̱ fai, ní emũsũṅ atšõle̱ ye̱ ame̱hewo̱ ye̱ ne̱ke̱ tēmo̱sane ne̱ hewo̱, koni akakpãtã Daniel ke̱ enanemei le̱ able afata Babel nilelo̱i krokomei le̱ ahe.

¹⁹Ke̱ke̱ ni *adšie ne̱ke̱ tēmo̱sane ne̱ ši atšõ Daniel nyōṅ ye̱ ninā mli; nohewo̱ le̱ Daniel dšie ṅwei Nyoṅmo̱ le̱ yi. [10]

²⁰Ni Daniel wó enā no̱ ekē̱: Adsĩe Nyoṅmo̱ gbe̱i le̱ yi ke̱-dše̱ nāno̱ ke̱-yaši nāno̱, edšake̱ enõ dši nilē ke̱ hewale̱ fẽ!

²¹Le̱ dši moni tšakeo̱ be ke̱ yino̱, le̱ *ekpaä maṅtše̱mei, ni esā ewoo̱ maṅtše̱mei, le̱ ehãa ṅālelo̱i leo̱ ṅā, ni nilelo̱i hũ leo̱ nii. [11]

²²Le̱ dši moni dšieo̱ nibii ní mli kwŏ̱lo̱ ke̱ nibii ní aṅõ-tē le̱ akpo, ele nii ní yo̱ duṅ mli, ni la hũ ke̱le̱ yo̱.

²³Bo, mitše̱mei a-Nyoṅmo̱, mīdao ši, ni mīdšie oyi, ake̱ ohãmi nilē ke̱ hewale̱, ní agbe̱ne̱ otšõmi noni wo̱kpao he fai le̱; edšake̱ otšòwo̱ maṅtše̱ le̱ sane le̱.

²⁴Nohewo̱ le̱ Daniel yiṅ ete *Ariok, moni maṅtše̱ le̱ to ake̱ ekpãtã Babel nilelo̱i le̱ ahĩe le̱ ṅõ, ni eyakē̱le̱ ake̱: Kākpãtã Babel nilelo̱i le̱ ahĩe, ši oke̱mi aya maṅtše̱ le̱ ṅõ, ni matšõ maṅtše̱ le̱ šiši. [12]

²⁵Ke̱ke̱ ni Ariok he fe oyá ni eke̱ Daniel te maṅtše̱ le̱ ṅõ, ni ekē̱le̱ ake̱: Mina nū ko ye̱ Iuda nomṅō̃bii le̱ ateṅ, ni anyẽ atšõ maṅtše̱ šiši.

²⁶Maṅtše̱ le̱ here no̱ ni ekē̱ Daniel ní atšé̱o̱le̱ Beltešazar hũ le̱ ake̱: Ani oonyẽ odšadše lamõ ní mina le̱ ke̱ ešiši otšõmi?

²⁷Daniel here no̱ ye̱ maṅtše̱ le̱ hĩe ni ekē̱: Tēmo̱sane le̱ ní maṅtše̱ bio̱ le̱, nilelo̱i ke̱ okõmfoi ke̱ woloṅlelo̱i ke̱ ṅulamilaṅkwe̱lo̱i le̱ nyẽṅ atšõ maṅtše̱;

²⁸ši Nyoṅmo̱ ko ye̱ ṅwei ní dšieo̱; tēmo̱sãdši aši, ni ētšõ maṅtše̱ Nebukadnezar noni baba wó̱se̱. Olamõ ke̱ oyitšoṅ ninā ní ona, beni okã osā le̱ no̱ le̱, ne̱:

²⁹Bo maṅtše̱, dſẽṅmo̱i te ši ye̱ oyiṅ ye̱ osā, le̱ no ye̱ noni baba wó̱se̱ hewo̱, ni moṅi *dšieo̱ tēmo̱sãdši aši le̱ mīhã ole noni baba. [13]

³⁰Ši mi le, *dšee minii ní mile tšṍ fè hĩekãlo̱i fẽ hewo̱ ni adšie ne̱ke̱ tēmo̱sane ne̱ ši atšõmi, ši moṅ beni afe ní atšõ maṅtše̱ šiši; ni ole otšuiṅ dſẽṅmo̱i le̱ hewo̱ṅ. [14]

³¹Bo maṅtše̱ ōkwe̱, ni na, amãgã kpeteṅkple ko ne̱, ni ne̱ke̱ amãgã ne̱ da, ni ekpe̱o̱ ake̱ noko, ni edamo̱ ohĩe, ni ehe ye̱ gbeyei.

³²Ne̱ke̱ amãgã ne̱ yitšo le̱ šika kpakpa ni, etšitši ke̱ enidši le̱ dſie̱te̱i ni, emũsũ ke̱ ehe̱ le̱ akō̱ble ni,

³³eſŭo̱dši le̱ dade ni, enãdši le̱ fã dade, ni fã hũ sũ.

³⁴Ohĩele̱ kwe̱mo̱ āhũ, ni te̱ ko tše bagbē ši ni dšee nine sa he, ni ebatſa amãgã le̱ nãdši ni dši dade ke̱ sũ le̱ ano̱, ni edſăraame̱ wo̱tšo̱wo̱tšo̱.

³⁵Ke̱ke̱ ni dade le̱ ke̱ sũ le̱ ke̱ akō̱ble le̱ ke̱ dſie̱te̱i le̱ ke̱ šika le̱ fẽ-tſẽm dſăra wo̱tšo̱wo̱tšo̱, ni ame̱tšṍmo̱ tamo̱ ablenāšadsi nī dſere gbo ablešāhe, ni kō̱yo̱ lōame̱ ke̱-te ni anaa-ame̱ ye̱ hekoheko doṅṅ; ši te̱ le̱ ní tſa amãgã le̱ tšṍ goṅ kpeteṅkple, ni ekpĕle šikpoṅ mū le̱ fẽ no̱.

³⁶Lamõ le̱ ne̱; ni wo̱o̱tšõ ešiši hũ ye̱ maṅtše̱ le̱ hĩe.

³⁷Bo maṅtše̱ dši *maṅtše̱mei amaṅtše̱, ni ṅwei Nyoṅmo̱ le̱ eṅõ maṅtše̱yeli ke̱ hewale̱ ke̱ no̱yeli ke̱ anumnyam ehão; [15]

³⁸ni hefẽhe ni gbomei abii ke̱ *ṅãṅ koloi ke̱ ṅwei lofõdši hĩo̱ le̱, eṅõ-wo odeṅ, ni ewoö ame̱fẽ ame̱no̱yelo̱: bo dši šika yitšo le̱. [16]

³⁹Ni ose̱ le̱ maṅtše̱yeli kroko aate ši ní ke̱o yee egbo̱, ke̱ maṅtše̱yeli kroko ni dši etẽ ní dši akō̱ble nõ, ni eeye šikpoṅ le̱ fẽ no̱.

⁴⁰Ni maṅtše̱yeli ní dši edſe̱ le̱ he aawa tamo̱ dade, ni take̱ boni dade dſāraä ni egble̱o̱ nibii fẽ le̱, nakai noṅṅ eedſāra ni eefuflu ene̱mei fẽ, tamo̱ dade fufluo̱ nii.

⁴¹Ni bo̱ni ona nãdši ke̱ wābii le̱ ní fã gbe̱šõlo̱ sũ ni fã hũ dade le̱, maṅtše̱yeli le̱ mli bagbla; ši dade le̱ hewale̱ le̱ eko aahĩ mli, take̱ bo̱ni ona ake̱ dade le̱ ke̱ sũ ní akpo̱to̱ le̱ futu le̱.

⁴²Ni bo̱ni enanewābii le̱ fã dade ni fã hũ sũ le̱, nakai noṅṅ maṅtše̱yeli le̱ fã mli aawa, ni fã hũ aadſa.

⁴³Ni beni ona dade ni sũ ni akpo̱to̱ futu mli le̱, nakai ame̱ke̱ gbomei asešibii aafutu ame̱mli moṅ, ši ame̱kpe̱te̱ṅ, take̱ beni dade ke̱ sũ futuu le̱.

⁴⁴Ni ne̱ke̱ maṅtše̱mei ne̱ ayino̱ le̱, Nyoṅmo̱ ni yo̱ ṅwei le̱ aatē maṅtše̱yeli ko ši amã ši ni *efiteṅ doṅṅ ke̱-ate nāno̱, ni ašĩṅ maṅtše̱yeli ne̱ ahãṅ maṅ kroko; eedſăra †maṅtše̱yelii ne̱ fẽ wo̱tšo̱wo̱tšo̱, ni eekpãtã ame̱hĩe, ši le̱dientše̱ le̱ eedame̱ ši ke̱-ate nāno̱; [17]

⁴⁵take̱ bo̱ni ona ake̱ *te̱ le̱ tše ke̱-dše̱ goṅ le̱ no̱ bagbẽ ši ni dšee nine sa he, ni edſăra dade le̱ ke̱ akō̱ble le̱ ke̱ sũ le̱ ke̱ dſie̱te̱i le̱ ke̱ šika le̱. — Nyoṅmo̱ agbo le̱ edšie noni baba wó̱se̱ etšõ maṅtše̱, ni lamõ le̱ ye̱ mli, ni ešišitšõmo̱ le̱ hũ mã ši šiṅṅ. [18]

⁴⁶Ke̱ke̱ ni maṅtše̱ Nebukadnezar ke̱ ehĩe bu ši, ni edšá Daniel, ni efã́ ake̱ ašã aſo̱le ke̱ tšofăi-ke̱-ṅmai ahāle̱.

⁴⁷Maṅtše̱ le̱ here Daniel no̱ ni ekē̱: Le̱le̱ṅ ake̱ nye-Nyoṅmo̱ le̱ *dši nyoṅmo̱i a-Nyoṅmo̱ ke̱ maṅtše̱mei anuntso̱ ke̱ tēmo̱sãdši akpodšielo̱, ake̱ noni onyẽ odšie ne̱ke̱ tēmosane ne̱ kpo ne̱. [19]

⁴⁸Ke̱ke̱ ni maṅtše̱ le̱ fe Daniel gbomo agbo, *ni ekele̱ nii wudši babaō, ni ewole̱ no̱yelo̱ ye̱ Babel šikpoṅ le̱ fẽ no̱, ke̱ Babel nilelo̱i le̱ fẽ no̱ onukpa. [20]

⁴⁹Ni Daniel bi maṅtše̱ le̱, ni *eṅō Šadrak, Mešak ke̱ Abednego eto Babel šikpoṅ le̱ no̱ nitšumo̱i le̱ ano̱, ši Daniel le̱, ehĩ maṅtše̱ we le̱. [21]