Read luganda Daniel 3 Bible Online

Daniel 3 - luganda bible

Daniel 3

¹Ni maṅtše̱ Nebukadnezar fe šika amãgã ni ekwo̱le̱ dši ninetalo̱i nyoṅmai-ekpa ni elē̱mo̱ dši ninetalo̱i ekpa, ni eke̱-mã ši ye̱ Dura ṅā le̱ no̱ ye̱ Babel šikpoṅ le̱ no.

²Ni maṅtše̱ Nebukadnezar tšũ ake̱ ayabua amraloi le̱ ke̱ lumei le̱ ke̱ akutšei anukpai le̱ ke̱ kodšolo̱i le̱ ke̱ nitolo̱i le̱ ke̱ mlatšõlo̱i le̱ ke̱ maṅkraloi le̱ ke̱ šikpõdši le̱ ano̱ onukpai le̱ fẽ nā ke̱-bakpe, ni ame̱ba amãgã ní maṅtše̱ Nebukadnezar ke̱-mã ši le̱ bulemo̱.

³Ke̱ke̱ ni amraloi le̱ ke̱ lumei le̱ ke̱ akutšei anukpai le̱ ke̱ kodšolo̱i le̱ ke̱ nitolo̱i le̱ ke̱ mlatšõlo̱i le̱ ke̱ maṅkraloi le̱ ke̱ šikpõdši le̱ ano̱ onukpai le̱ fẽ bua amehe nā ke̱-ba amãgã ni maṅtše̱ Nebukadnezar ke̱-mã ši le̱ bulemo̱; ni ame̱badamo̱ amãgã ní Nebukadnezar ke̱-mã ši le̱ hĩe.

⁴Ke̱ke̱ ni šie̱lo̱ le̱ bo wā ake̱: Nye mãdši ke̱ asafoi ke̱ wiemo̱i! ākē̱nye ake̱:

⁵Befẽbe ní nyeanu kōfẽṅ ke̱ ble̱ ke̱ saṅkũ ke̱ kete ke̱ obentá ke̱ obónu ke̱ dšõ̀i sro̱toi agbē̱mo̱ le̱, nyekũlaä ši, ni nyedšáa šika amãgã le̱ ní maṅtše̱ Nebukadnezar ke̱-mã ši le̱;

⁶ni mofẽmo ní kũlaa ši ní edšá le̱, nakai ṅmle̱tſā le̱ no̱ noṅṅ le̱ aaše̱le̱ afõ la ke̱ flõnõ ni tšoo̱ grigri le̱ mli.

⁷Nohewo̱ le̱ amrõ pe̱ ni mãdši le̱ fẽ nu kōfẽṅ le̱ ke̱ ble̱ le̱ ke̱ sankũ le̱ ke̱ kete le̱ ke̱ obentá le̱ ke̱ dšõ̀i sro̱toi le̱ fẽ agbē̱mo̱ le̱, mãdši le̱ ke̱ asafoi le̱ ke̱ wiemo̱i le̱ fẽ ho-kũla ši, ni ame̱dšá šika amãgã ní maṅtše̱ Nebukadnezar ke̱-mã ši le̱.

⁸Nohewo̱ le̱ amrõ le̱ noṅṅ le̱ Kaldeamei komei ba ni ame̱baflo̱ Iudafoi le̱ anā,

⁹ame̱wó ame̱nā no̱ ni ame̱kē̱ maṅtše̱ Nebukadnezar ake̱: Maṅtše̱, oyi aná wala ke̱-ya nāno̱!

¹⁰Bo maṅtše̱, *owo akpo̱, ake̱ mofẽmo ní aanu kōfẽṅ ke̱ ble̱ ke̱ saṅkũ ke̱ kete ke̱ obentá ke̱ obónu ke̱ dšõ̀i sro̱toi le̱ fẽ agbē̱mo̱ le̱, ekũla ši, ni edšá šika amãgã le̱, [22]

¹¹ni mofẽmo ní kũlaa ši ni edšá te, aaše̱le̱ afõ la ke̱ flõnõ ní tšoo̱ grigri le̱ mli.

¹²Agbe̱ne̱ Iudafoi komei ye̱ *ní oṅõame̱ oto Babel škpoṅ le̱ no̱ nitšumoi le̱ ano̱, ame̱dši Šadrak ke̱ Mešak ke̱ Abednego. Ne̱ke̱ gbomei ne̱ yee bo maṅtše̱ okpo̱ le̱ no̱; ame̱súmo̱o̱ onyoṅmo̱i le̱, ni šika amãgã ni oke̱-mã ši le̱ hũ ame̱-dšáá. [23]

¹³Ke̱ke̱ ní Nebukadnezar ke̱ mlifũ ke̱ mlila fã́ ake̱ ayaṅõ Šadrak, Mešak ke̱ Abednego ke̱-ba. Ni ayaṅõ ne̱ke̱ gbomei ne̱ ke̱-ba maṅtše̱ le̱ hĩe.

¹⁴Ni Nebukadnezar wó enā no̱ ni ekē̱ame̱ ake̱: Šadrak, Mešak ke̱ Abednego, ani nyehĩe kã he ni nyesúmo̱o̱ mi-nyoṅmo̱i te, ni nyedšáá šika amãgã le̱ ni mike̱-mã ši le̱?

¹⁵Agbe̱ne̱ ke̱dši nyesā nyehe nyeto le̱, no le̱ befẽbe ní nyeanu kōfẽṅ le̱ ke̱ ble̱ le̱ ke̱ saṅkũ le̱ ke̱ kete le̱ ke̱ obentá le̱ ke̱ obónu le̱ ke̱ dšõ̀i sro̱toi le̱ fẽ agbē̱mo̱ le̱, nyekũlaä ši; ni nyedšáa amãgã ni mife le̱; ši ke̱dši nyedšáá le̱, nakai nmle̱tſā le̱ no̱ noṅṅ le̱ aaše̱re̱nye aſie la ke̱ flõnõ ní tšoo̱ grigri le̱ mli! Ni *namo dši Nyoṅmo̱ ní aadšienye ye̱ mideṅ le̱? [24]

¹⁶Šadrak, Mešak ke̱ Abednego here no̱ ni ame̱kē̱ maṅtše̱ le̱ ake̱: Nebukadnezar, ehĩaawo̱ ake̱ wo̱hão hetō ye̱ ne̱ke̱ sane ne̱ mli.

¹⁷Ke̱dši nakai le̱, wo̱-Nyoṅmo̱ le̱ ní wo̱súmoo̱ le̱ aanyẽ adšiewo̱ ye̱ *la de̱ flõnõ ní tšoo̱ grigri le̱ mli, ni eedsiewo̱ ye̱ odeṅ, maṅtše̱. [25]

¹⁸Ši ké̱ dšee nakai hũ le̱, maṅtše̱, ná ole ake̱ wo̱súmo̱ṅ onyoṅmo̱i le̱, ni wo̱dšáṅ šika amãgã ní oke̱-mã ši le̱. [26]

¹⁹Ke̱ke̱ ni Nebukadnezar mli wo la naakpa, ni ehĩe tšake sro̱to ko ewo Šadrak, Mešak ke̱ Abednego, ni efã́ ake̱ ame̱hã flõnõ le̱ ado̱ toi kpawo fè be̱ni ahãa edo̱ö̱ dā le̱.

²⁰No efã́ eta le̱ mli hĩi hewalo̱i komei ake̱ ame̱fĩmo̱ Šadrak, Mešak ke̱ Abednego, ni ame̱yaše̱re̱ame̱ ame̱ſie la ke̱ flõnõ ní tšoo̱ grigri le̱ mli.

²¹Ke̱ke̱ ni afĩmo̱ ne̱ke̱ gbomei ne̱ ke̱ ame̱tſakotoi ke̱ ame̱flakai ke̱ ame̱heboi ke̱ ame̱tadei krokomei le̱, ni aše̱re̱ame̱ aſie la ke̱ flõnõ ni tšoo̱ grigri le̱ mli.

²²Nohewo̱ le̱, ake̱-ní maṅtše̱ le̱ wiemo̱ le̱ mli wa, ni flõnõ le̱ edo̱ naakpa hewo̱ le̱, lalile̱ii le̱ gbe gbomei ní hole Šadrak, Mešak ke̱ Abednego yawo mli le̱.

²³Ni ne̱ke̱ gbomei etẽ ni dši Šadrak, Mešak ke̱ Abednego ne̱ yagbẽ la ke̱ flõnõ ní tšoo̱ grigri le̱ mli bo̱ni afĩmo̱ame̱ le̱ noṅṅ.

²⁴Ke̱ke̱ ni maṅtše̱ Nebukadnezar nā kpe̱ ehe, ni ete ši oyá, ni ekē̱ edšinafoi le̱ ake̱: Ani dšee mei etẽ wo̱fĩmo̱ wo̱wo la le̱ mli le̱? Ame̱here no̱ ni ame̱kē̱ maṅtše̱ le̱ ake̱: Eye̱ṅ, maṅtše̱!

²⁵Ehere no̱ ni ekē̱: Na, mi le̱ mina mli edſe̱ ni afẽneame̱ ní *amenyie la le̱ mli, ni nokonoko efekoame̱, ni moni gbe yi fe edſe̱ le̱ bu tamo̱ †nyoṅmoi le̱ abi! [27]

²⁶Ke̱ke̱ ni Nebukadnezar tši be̱ṅke̱ la ke̱ flõnõ ni tšoo̱ grigri le̱ nā, ni ewó enā no̱ ekē̱: Šadrak ke̱ Mešak ke̱ Abednego, nye Nyoṅmo̱ moni yo̱ ṅwei šoṅṅ le̱ tšũdši, nyedšea kpo ni nyebaä! Ke̱ke̱ ni Šadrak ke̱ Mešak ke̱ Abednego dše kpo ye̱ la le̱ mli.

²⁷Ni maṅtše̱ le̱ amraloi le̱ ke̱ lumei le̱ ke̱ akutšei anukpai le̱ ke̱ maṅtše̱ le̱ adšinafoi le̱ bua ame̱he nā ni ame̱bakwe̱ ne̱ke̱ gbomei ne̱, ni ame̱na ake̱ la le̱ náá hewale̱ ko ye̱ ame̱gbomotšei ano̱, ni ame̱yiteṅ tšo̱i ṅălãã, ni ame̱tadei le̱ tšakee, asaṅ lasũ tete edšee fũ ye̱ ame̱he. [28]

²⁸Ke̱ke̱ ni Nebukadnezar wó enā no̱ ni ekē̱: Adšie Šadrak, Mešak ke̱ Abednego Nyoṅmo̱ le̱ yi ake̱ *etšũ ebo̱fo, ni ebadšie etšũdši ni ṅõ ame̱hĩe ame̱fõ eno̱, ni ame̱tšake maṅtše̱ le̱ wiemo̱ le̱ hĩe, ni ame̱ṅò ame̱gbomotšei ame̱hã koni ame̱kasúmo̱ nyoṅmo̱ ko nyoṅmo̱ ko ní ame̱dšá-le̱, ake̱ dša ame̱-Nyoṅmo̱ le̱ ke̱ke̱ le̱! [29]

²⁹Nohewo̱ le̱ miwo akpo̱ ake̱: Maṅ-lẽ-maṅ ke̱ asafo-ſẽ-asafo ke̱ wiemo̱-fẽ-wiemo̱ ní aawie Šadrak ke̱ Mišak ke̱ Abednego Nyoṅmo̱ le̱ he efõṅ ko le̱, aaflo̱ ame̱mli dukuduku, ni aahã ame̱šĩai atšṍ-mo̱ tumu; edšake̱ *Nyoṅmo̱ ko Nyoṅmo̱ ko be̱ ní aanyẽ mo adšie ne̱ke̱. [30]

³⁰Ke̱ke̱ ni maṅtše̱ le̱ wó Šadrak, Mešak ke̱ Abednego no̱ ye̱ Babel šikpoṅ le̱ no̱.