Read luganda Daniel 5 Bible Online

Daniel 5 - luganda bible

Daniel 5

¹Maṅtše̱ *Belšazar ṅmẽ enukpai le̱ ateṅ mei akpe okplõ kpeteṅkple, ni enu wein ye̱ mei akpe ne̱ hĩe. [45]

²Ni beni wein le̱ tšẽ Belšazar nā le̱, efã́ ake̱ ayaṅò šika ke̱ dſiete̱i nibii ni etše̱ Nebukadnezar yalō ye̱ so̱lemo̱we ni yo̱ Ierusalem le̱ ke̱-ba, koni maṅtše̱ le̱ ke̱ enukpai le̱ ke̱ eṅãmei le̱ ke̱ ehemei le̱ anu dā̃ ye̱ mli. [46]

³Ke̱ke̱ ni ake̱ šika nibii le̱ ni ayalō ye̱ so̱lemo̱we ní dši Nyoṅmo̱ we ní yo̱ Ierusalem le̱ ba, ni maṅtše̱ le̱ ke̱ enukpai le̱ ke̱ eṅãmei te ke̱ ehemei le̱ nu dā̃ ye̱ mli.

⁴Amenu wein ni ame̱dšie šika ke̱ dſie̱te̱i ke̱ akō̱ble ke̱ dade ke̱ tšo ke̱ te̱ nyoṅmoi le̱ ayi.

⁵Nakai ṅmle̱tſā le̱ ne̱ noṅṅ te gbomo nine wābii dše kpo, ni ebaṅmã nii ye̱ kanetšo te ṅe̱le̱no̱ ye̱ maṅtše̱ mō̃ leṅ gbogbo ní aša he kālō le̱ he; ni maṅtše̱ le̱ na nine ní ṅmãa nii le̱.

⁶Ke̱ke̱ ni maṅtše̱ le̱ hĩe tšake, ni edſẽṅmo̱i haole̱, ni ehe̱ talo̱i le̱ amli gbo̱dšo̱, ni enakutšei tſiatſia ame̱he.

⁷Maṅtše̱ le̱ bo wā *ake̱ ayaṅō okõmfoi ke̱ Kaldeamei ke̱ ṅulamiiaṅkwe̱lo̱i lo̱ ke̱-ba. Ni maṅtše̱ le̱ wó enā no̱, ni ekē̱ Babel nilelo̱i le̱ ake̱: Mofẽmo ní aakane ne̱ke̱ ṅmãle̱ ne̱, ni eetšõmi šiši le̱, aawole̱ atade afaseo, ni aawo ekue̱ šika kõsõṅkõsõ, ní eetšṍ no̱yelo̱ moni dši etẽ ye̱ maṅtše̱yeli le̱ mli, [47]

⁸Ke̱ke̱ ni maṅtše̱ le̱ nilelo̱i le̱ fẽ ba, ši ame̱nyēẽ ṅmãle̱ le̱ ame̱kane lo ní ame̱atšõ maṅtše̱ le̱ šiši.

⁹Ke̱ke̱ ni maṅtše̱ Belšazar hao naakpa, ni ehĩe tšake, ni enukpai le̱ hũ fe yā.

¹⁰Agbe̱ne̱ maṅtše̱ le̱ ke̱ enukpai le̱ awiemo̱i ahewo̱ le̱ maṅnye le̱ ba okplõṅmẽ asa le̱ no̱, ni ewó enā no̱ ekē̱: Maṅtše̱, oyi ana wala ke̱-ya nāno̱! Kāhã odſẽṅmo̱i mĩhaoö, ni kāhã ohĩe mītšake!

¹¹Nū ko ye̱ omaṅtše̱yeli le̱ mli, ni *nyoṅmo̱i kroṅkroṅi le̱ amumo̱ yo̱ emli, ni otše̱ yino̱ le̱ ana hĩetē̃ ke̱ dſẽṅmo̱ ke̱ nilē ni tamo̱ nyoṅmo̱i le̱ aṅilē ye̱ emli, ni maṅtše̱ Nebukadnezar, otše̱ le̱, wole̱ woloṅlelo̱i ke̱ okõmfoi ke̱ Kaldeamei ke̱ ṅulamiiaṅkwe̱lo̱i le̱ anukpa, bo̱ni otše̱ maṅtše̱ le̱ fe ne̱, [48]

¹²edšake̱ ana mumo̱ ní teke no̱ ke̱ nilẽ ke̱ dſẽṅmo̱ ke̱ lamõi ašišitšõmo̱ ke̱ wiemo̱i ní wa anātšõmo̱ ke̱ kpo̱i afẽnemo̱ ye̱ Daniel ni maṅtše̱ le̱ wole̱ Beltešazar le̱ mli. Nohewo̱ le̱ hã ayatšé̱ Daniel ke̱-ba, ni ebatšõ šiši. [49]

¹³Ke̱ke̱ ni ayaṅõ Daniel ke̱-ba maṅtše̱ le̱ hĩe. Ni maṅtše̱ le̱ wó enā no̱ ni ekē̱ Daniel ake̱: Ani bo dši Daniel le̱ ní dše̱ Iuda nomṅō̃ gbomei ni mitše̱ maṅtše̱ le̱ yaṅō ke̱-dše̱ Iudea ke̱-ba le̱ ateṅ le̱ lo?

¹⁴Ši minu ohe ake̱ nyoṅmo̱i le̱ amumo̱ ye̱ omli, ni anaä hĩetē̃ ke̱ dſẽṅmo̱ ke̱ nilē ní teke no̱ ye̱ omli.

¹⁵Ni agbe̱ne̱ ake̱ nilelo̱i ke̱ okõmfoi ne̱ ba mihĩe, koni ame̱bakane ne̱ke̱ ṅmãle̱ ne̱, ni ame̱tšõmi šiši, ši ame̱nyẽẽ wiemo̱ le̱ šiši ame̱tšõ.

¹⁶Ni minu ohe, ake̱ onyẽo̱ nibii ašiši otšõo̱, ni ofẽneo̱ kpoi hũ; agbe̱ne̱ ke̱dši oonyẽ ṅmãle̱ le̱ okane, ni otšõmi šiši le̱, aawoö atade afaseo, ni aawo okue̱ šika kõšõṅkõšõ, ni ootšṍ no̱yelo̱ moni ši etẽ ye̱ maṅtše̱yeli le̱ mli!

¹⁷Ke̱ke̱ ni Daniel here no̱, ni ekē̱ ye̱ maṅtše̱ le̱ hĩe ake̱: Hã onikēnii le̱ ahĩ ši ahão, ni oṅõ onyõmo̱wo le̱ hũ ohã mokroko; ši kẽle̱ makane ṅmãle̱ le̱ matšõ maṅtše̱, ni matšõle̱ šiši hũ.

¹⁸Bo maṅtše̱! Nyoṅmo̱ moni yo̱ ṅwei šoṅṅ le̱ ṅō *maṅtše̱yeli ke̱ hewale̱ ke̱ no̱yeli ke̱ anumnyam ehã otše̱ Nebukadnezar, [50]

¹⁹ni hewale̱ ni eke̱-hãle̱ ne̱ hewo̱ le̱ mãdšimãdši ke̱ asafoi ke̱ wiemo̱i fẽ he kpokpoo̱ ni ame̱šeo̱ gbeyei ye̱ ehĩe; moni esumoo̱ ake̱ egbeo le̱, egbeo̱o, ni moni esumoo̱ ake̱ ehere oyiwala le̱, ehereo̱ oyiwala; moni esumoo̱ ako̱ ewó ono̱ le̱, ewóo̱ ono̱, ni moni esumoo̱ ake̱ ebao ši le̱, ebaäo ši.

²⁰Ši beni etšui wó ehe no̱ ni ewadše emumo̱ ye̱ hewō mli le̱, akpale̱ ye̱ emaṅtše̱sẽi le̱ no̱, ni ašõ enumnyam le̱ ye̱ edeṅ; [51]

²¹ni aſiele̱ ye̱ gbomei abii ateṅ, ni etšui tšṍ tamo̱ koloi anõ, ni eyahī ṅãṅ tedšii ateṅ, ahā eye dſe̱i tamo̱ tšinai, ni ṅwei bó̱ fo̱ egbomotšo le̱, ke̱-yaši be-yino̱ ni ená ele ake̱ *Nyoṅmo̱ ni yo̱ ṅwei šoṅṅ lo̱ yeo̱ gbomei amaṅtše̱yeli no̱, ni eṅõo̱ mofẽmo ni esumoo̱ etoo̱ no̱. [52]

²²Ni bo, ebi Belšazar ne̱, obaa otšui ši, tše̱ ole ene̱ fẽ;

²³ši owó ohe no̱ oši ṅwei Nuntšo̱ le̱, ni ayaṅõ *ewe le̱ nibii ke̱-ba ohĩe, ni oke onukpai ke̱ oṅãmei ke̱ ohemei le̱ nu wein ye̱ mli, ni odšie dſie̱te̱i ke̱ šika ke̱ akō̱ble ke̱ dade ke̱ tšo ke̱ le̱ nyoṅmo̱i le̱ †ní ame̱naa nii ni ame̱nuu nii ni ame̱lee nii hũ le̱ ayi; ši Nyoṅmo̱ ní omumo̱ yo̱ edeṅ ni ogbè̱i fẽ dši enō le̱, le̱ le̱ owoo ehĩe nyam. [53]

²⁴Nohewo̱ atšũ nine ne̱ ke̱-dše̱ eṅõ, ni aṅmã ne̱ke̱ ṅmãle̱ ne̱.

²⁵Ni ṅmãle̱ ní aṅmã le̱ ne̱: Menē, menē, tekēl, ufarsin (akane, akane, aṅmẽ, ni adša mli).

²⁶Wiemo̱ le̱ šišitšõmo̱ no̱: Menē: Nyoṅmo̱ ekane omaṅtše̱yeli le̱ ni egbe nā.

²⁷Tekēl: aṅmẽo ye̱ nsẽni mli, ni ana ake̱ oše̱e̱.

²⁸Perēsadša omaṅtše̱yeli le̱ mli, ni aṅõ-hã Mediabii ke̱ Persiabii!

²⁹Ke̱ke̱ ni Belšazar fã́ ní awo Daniel atade afaseo, ni awo ekue̱ šika kõsẽṅkõsõ, ní ašie̱ ye̱ ehewo̱ ake̱ etšṍ no̱yelo̱ moni dši etẽ ye̱ maṅtše̱yeli le̱ mli. [54]

³⁰Ši nakai nyõ le̱ṅ noṅṅ agbe Kaldeabii amaṅtše̱ Belšazar le̱.