Read luganda Daniel 8 Bible Online

Daniel 8 - luganda bible

Daniel 8

¹Maṅtše̱ Belšazar montše̱yeli afi ni dši etẽ le̱ no̱ le̱, ninā ko badšie ehe kpo etšõ mi, Daniel, ye klenkleṅnõ ní badšie ehe kpo etšõmi le̱ se̱.

²Ni mina ye̱ ninā le̱ mli, ni eba mli ake̱, beni mina le̱, miye̱ Šušan mō̃ le̱ ní yo̱ Elam šikpoṅ le̱ no̱ le̱ mli; ni mina ye ninā le̱ mli, ni miye Ulai fā le̱ nā.

³Ni mihole mihĩṅme̱ii ano̱, ni mikwe̱, ni na, tõagbo ko damo̱ fā le̱ nā, ni edše aklontoi enyo̱, ni aklontoi le̱ kwō̱lo̱, ši ekome kwo̱ fè okome, ni noni kwo̱ fè enanyo le̱ kpe se̱ ba.

⁴Mina tōagbo le̱, ní ēši ke̱-mīya anaigbe̱ ke̱ kōyigbe̱ ke̱ wuoyigbe̱, ni kolo ko kolo ko nyẽẽ ehĩe adamo̱, ni moko be̱ ni aanyẽ moko adšie ye̱ edeṅ; ši noni esumoo̱ efeo̱, ni edše agbo.

⁵Ni beni mikwe̱o̱ le̱, na, tōkpakpo ko dše̱ anaigbe̱ mība ebahe šikpoṅ mū le̱ fẽ hĩe, ni ehe esaa šikpoṅ; ni tōkpakpo le̱ ye̱ aklonto ní da ye̱ ehĩṅme̱ii ateṅ;

⁶ni eba tōagbo le̱ ní dši aklontoi enyo̱ tše ní mina ake̱ edamo̱ fā le̱ nā le̱ ṅõ, ni eša foi ke̱-ba eno̱ ye̱ ehewale̱ hĩedō̱ le̱ mli.

⁷Ni minale̱ ni etšī ebe̱ṅke̱ tōagbo le̱, ni emli ewole̱ la naakpa, ni eši tōagbo le̱, ni ekũmo̱ eklontoi enyo̱ le̱; ni hewale̱ be̱ tōagbo le̱ mli, bo̱ni eke̱-adamo̱ ehĩe, ši etšile̱ egbē šikpoṅ, ni enānāle̱, ni mokomoko nyẽẽ tōagbo le̱ adšie ye̱ edeṅ.

⁸Ni tōkpakpo le̱ dše agbo kpeteṅkple dientše̱; ni beni ehe wa kwrā le̱, eklonto kpeteṅkple le̱ kũ, ni aklontoi *edſe̱ ní dăra ni kwe̱o̱ ṅwei kō̱yo̱i edſe̱ le̱ no̱ gbe̱ badše kpo ye̱ enãdšiaṅ. [84]

⁹Ni aklonto *bibiō ko dše kpo ye̱ ame̱teṅ ekome he, ni ebada kpeteṅkple dientše̱ ke̱-te wuoyigbe̱ ke̱ bokãgbe̱ ke̱ †šikpoṅ fe̱fe̱o le̱ no̱. [85]

¹⁰Ni eda āhũ ke̱-yiši ṅwei asafo le̱ he, ni etšire̱ asafo le̱ ke̱ ṅulamii le̱ ekomei etſia šikpoṅ, ni enānā ame̱no̱.

¹¹Ni ewó ehe no̱ ke̱-yaši asafo le̱ lumo le̱ nõ, ni ešõ dā gbĩ aſo̱le le̱ ye̱ edeṅ, ni etši ehekroṅkroṅ šihĩle̱he le̱ etſa ši. [86]

¹²Ši aṅõ asafo ko ahãle̱, ni ete ši ewo dā gbĩ afo̱le le̱ ye̱ mlatõmo̱ mli, ni etši ano̱kwale le̱ etſa šikpoṅ, ni efe, ni eſere.

¹³Ni minu ni mei kroṅkroṅi le̱ ateṅ moko mīwie, ni mei kroṅkroṅi le̱ ateṅ mokroko hũ kē̱ mokome le̱ ní wieo̱ le̱ ake̱: Mẽ beyino̱ noṅṅ dā gbĩ afo̱le le̱ ke̱ amaṅfõfemo̱ mlatõmo̱ le̱ he ninā le̱ aakă no̱ ke̱-yašã, ní aṅõ hekroṅkroṅ le̱ ke̱ asafo le̱ ahã ni anānā no̱?

¹⁴Ni ekē̱mi ake̱: Ke̱-yaši dšenamo̱i ke̱ dšetše̱remo̱i akpei-enyo̱ ke̱ ohai-etẽ, dãni anaa hekroṅkroṅ le̱.

¹⁵Ni eba mli ake̱, beni mi, Daniel, mina ne̱ke̱ ninā ne̱, ni mitaoo̱ šiši mana le̱, ke̱ke̱ le̱, na, moko badamo̱ mihĩe tamo̱ gbomo.

¹⁶Ni minu gbomo gbē ye̱ Ulai teṅ, ni ebo ni ekē̱: *Gabriel, tšõmo̱ mone̱ ninā le̱ šiši! [87]

¹⁷Ke̱ke̱ ni etšī eba heni mīdamo̱ le̱, ni beni eba le̱, miše gbeyei, ni *mike̱ mihĩe bu ší ni ekē̱mi ake̱: Tēdšemo̱ ohĩe okwe̱, gbomobi; edšake̱ nāgbē be le̱ he ninā ne̱! [88]

¹⁸Ni beni eke̱mi wieo̱ le̱, mibĩe dĩmi ni migbē ši, ni mike̱ mihĩe bu šikpoṅ; ši eta mihe, ni ewó mino̱ edame̱ ši ye̱ mišidamo̱he le̱.

¹⁹Ni ekē̱mi ake̱: Na, mibatšõo noni baba ye̱ mlifũ le̱ nāgbē be le̱ mli; edšake̱ nāgbē be ní ato le̱ nõ ni.

²⁰Tōagbo le̱ ní ona ní dši aklontoi enyo̱ tše̱ le̱, dši Media ke̱ Persia maṅtše̱mii le̱.

²¹Ni tōkpakpo tšo̱iatše̱ le̱ dši Hela maṅtše̱ le̱. Ni aklonto wulu le̱ ni yo̱ ehĩṅme̱ii ateṅ le̱ dši kleṅkleṅ maṅtše̱ le̱.

²²Agbe̱ne̱ le̱ bo̱ni no kũ ni edſe̱ te ši damo̱ ši ye̱ enãdšiaṅ le̱, maṅtše̱yeli edſe̱ aadše̱ dšeṅmaṅ le̱ mli ate ši, ši ame̱náṅ hewale̱ tamo̱le̱.

²³Ni ame̱maṅtše̱yeli le̱ nãgbē mli, beni mlatõlo̱i le̱ amlatõmo̱ le̱ eyi le̱, maṅtše̱ ko ní hĩe wa ní ele ṅā fõṅ hũ aate ši. [89]

²⁴Ni ehewale̱ le̱ mli aawa, ši dšee le̱dientše̱ ehewale̱ nă; ni eokpãtã hĩe ni ye̱ nākpe̱, ni eeſere, ni eefe, ni eekpãtã hewalo̱i le̱ ke̱ mei kroṅkroṅi le̱ amaṅ le̱ hĩe.

²⁵Ni eṅālē so̱ṅṅ hewo̱ le̱ eehã šišiumo̱ aſere ye̱ edeṅ, ni eefe ehe agbo ye̱ etšui mli, ni eekpãtã mei pī ahĩe ní ame̱lee be; ni eete ši ewo lumei alumo le̱ tete; ši aakũmo̱le̱, ni dšee ke̱ nine tete.

²⁶Ni dšenamo̱i ke̱ dšetše̱remo̱i aninā le̱ ní agba le̱ ano̱kwale ni; ši bo le̱ *tšīmo̱ ninā le̱ no̱, edšake̱ eeye gbĩĩ pī dāni eeba mli. [90]

²⁷Ši mi, Daniel, mife vī̃, ni mihe ye gbĩĩ komei; fe se̱ le̱ mite ši, ni mitšu maṅtše̱ le̱ nitsumo̱ le̱, ni mihe dšō mihe ye̱ ninā le̱ hewo̱, ši mokomoko enaa šiši.