Read luganda Daniel 9 Bible Online

Daniel 9 - luganda bible

Daniel 9

¹Ahašweroš bi *Dario ní dše̱ Mediabii aseši mii, ni awole̱ maṅtše̱ ye̱ Kaldeabii le̱ ameṅtše̱yeli le̱ no̱ le̱ kleṅkleṅ afi le̱ no̱ le̱, [91]

²emaṅtše̱yeli le̱ mli kleṅkleṅ afi le̱ no̱ le̱ mi, Daniel, midwe̱ wodši le̱ amli, ní mina ake̱ afii le̱ ni Iehowa wiemo̱ ba gbalo̱ Ieremia ṅō ye̱ hewo̱, ake̱ eegbe Ierusalem amaṅfõ le̱ nā le̱, dši afii *nyoṅmai-kpawo. [92]

³Ni mitšṍ mihĩe mihã Nuntšo̱ Nyoṅmo̱ le̱, koni mike̱ buadayeli ke̱ kpekpe ke̱ lamlu atao so̱lemo̱ ke̱ faikpamo̱ se̱gbe̱.

⁴Ni mikpa Iehowa, mi-Nyoṅmo̱ le̱, fai, ni midšadše ní mikē̱: Ō Nuntšo, bo ni dši Mawu kpeteṅkple ni he yo̱ gbeyei, ni too̱ kpãṅmo̱ ke̱ mo̱bo̱nale̱ ehãa mei ni sumoo̱le̱ ni ame̱yeo̱ ekitãi le̱ ano̱ le̱!

⁵Wo̱fe eša ni wo̱tõ, ni wo̱fe nifõdšianii ni wo̱tše atũa, ni wo̱dše okitãi le̱ ke̱ omlai le̱ ahe wo̱gbá afã,

⁶ni wo̱boo otšũdši, gbalo̱i le̱, ni wie ye̱ ogbe̱i ano̱ tšõ wo̱maṅtše̱mei le̱ ke̱ wo̱lumei le̱ ke̱ wo̱tše̱mei le̱ ke̱ maṅ mū le̱ fẽ ní yo̱ šikpoṅ le̱ no̱ le̱ atoi.

⁷Nuntšo̱, onõ dši dšale̱, ši wo̱ le̱ wo̱sa hĩegbĕle, take̱ bo̱ni eyo̱ ṅme̱ne̱ṅme̱ne̱ ne̱, wo̱ke̱ Iudabii ke̱ Ierusalembii ke̱ Israel fẽ, mei ní be̱ṅke̱ ke̱ mei ni yo̱ šoṅṅ ke̱-tšṍ šikpõdši ano̱ hei ní oſeame̱ ke̱-te ye̱ tõmo̱ ní ame̱tõ ono̱ ke-wo̱ le̱.

⁸Nuntšo̱, wo̱sa hĩeghĕle, wo̱ke̱ wo̱maṅtše̱mei le̱ ke̱ wo̱lumei le̱ ke̱ *wo̱tše̱mei le̱, edšake̱ wo̱fe eša wo̱šio. [93]

⁹Ši *Nuntšo̱ wo̱-Nyoṅmo̱ le̱ nõ dši mũsũṅtšõle̱ ke̱ ešaifā. Edšake̱ wo̱tše ehĩe atŭa, [94]

¹⁰ni wo̱boo Iehowa, wo̱-Nyoṅmo̱ le̱, gbẽ toi, koni wo̱nyie emlai le̱ ni etšṍ etšũdši, gbalo̱i le̱, anine no̱ eṅõ-ſie wo̱hĩe le̱ amli,

¹¹ši Israel fẽ etõ omla le̱, ni ame̱gbá afã, koni ame̱kabo ogbē toi; nohewo̱ le̱ afo̱se lōmo̱ ke̱ kitãkãmo̱ ni *aṅmã ye̱ Nyoṅmo̱ tšũlo̱ Mose mla le̱ mli le̱ aſie wo̱no̱, edšake̱ wo̱fe eša wo̱šile̱. [95]

¹²Ni eye ewiemo̱i le̱ ni ewie ešiwo̱ ke̱ wo̱kodšolo̱i le̱ ní kodšowo̱ le̱ aṅo̱, ake̱-ni eke̱ efõṅ kpeteṅkple eba wo̱no̱ le̱; edšake̱ ṅwei šiši fẽ le̱ afeko noni afe Ierusalem ne̱ eko pẽṅ.

¹³Bo̱ni aṅmã ye̱ Mose mla le̱ mli le̱, nakai ne̱ke̱ efõṅ ne̱ fẽ eba wo̱no̱ ne̱; ši kẽle̱ wo̱kpaa Iehowa, wo̱-Nyoṅmo̱ le̱, fai, koni wo̱kpale ke̱-dše̱ wo̱nišaianii le̱ ahe, ni wo̱dſẽṅ ano̱kwale le̱ he.

¹⁴Nohewo̱ le̱ Iehowa *eši efõṅ le̱ he kpe, ni eke̱-ba wo̱no̱, edšake̱ dšalo̱ dši Iehowa, wo̱-Nyoṅmo̱ le̱, ye̱ nii fẽ ní efeo̱ le̱ nii, ši wo̱boo egbē toi. [96]

¹⁵Ni agbe̱ne̱, Nuntšo̱, wo̱-Nyoṅmo̱; bo ni oke̱ ninešiwale̱ dšie omaṅ le̱ ke̱-dše̱ Mizraim šikpoṅ le̱ no, ni oṅõ-here gbe̱i ke̱ ṅme̱ne̱: wo̱fe eša, wo̱fe nifõdšianii!

¹⁶Nuntšo̱, ye̱ odšale̱ nitšumo̱i le̱ fẽ nā le̱, mīkpao fai ní ohã omlifũ ke̱ omlila le̱ adše omaṅ Ierusalem, ogoṅ kroṅkroṅ le̱ no̱! Edšake̱ wo̱he ešai le̱ ke̱ wo̱tše̱mei le̱ anišaianii le̱ ahewo̱ le̱ Ierusalem ke̱ omaṅ le̱ etšṍ ahorabō̱nõ ehã mei fẽ ni bo̱lewo̱ le̱.

¹⁷Ni agbe̱ne̱, wo-Nyoṅmo̱ ko otšũlo̱ so̱lemo̱ ke̱ efaikpamo̱ le̱ toi, ni ohã ohĩe akpe̱ ye̱ ohekroṅkroṅ ní efe amaṅfõ le̱ no̱, ye̱ Nuntšo̱ le̱ hewo̱!

¹⁸Ba otoi ši, mi-Nyoṅmo̱; ní obo toi! Gblemo̱ ohĩṅme̱ii, ní okwe̱ wo̱maṅfõi le̱ ke̱ maṅ le̱ ní ake̱ ogbe̱i ewole̱ le̱! Edšake̱ *dšee wo̱dšale̱ nitšimo̱i ahewo̱ wo̱ke̱ wo̱faikpamo̱i le̱ ſieo̱ ohĩe ne̱, ši moṅ ye̱ omũsũṅtšõle̱ babaō le̱ hewo̱. [97]

¹⁹Nuntšo̱, bo toi! Nuntšo̱, ṅõ-fa! Nuntšo̱, ka toi, ní ofe, kātše̱ kwrā, ye̱ bodientše̱ ohewo̱, mi-Nyoṅmo̱;, edšake̱ ake̱ *ogbe̱i ewo omaṅ ke̱ omaṅbii le̱! [98]

²⁰Ni beni miwieo̱ lolo, ni miso̱leo̱, ni midšadšeo̱ mihe ešai le̱ ke̱ mimaṅ Israel he ešai le̱, ni mike̱ mifaikpamo̱ le̱ ſieo̱ Iehowa; mi-Nyoṅmo̱ le̱, hĩe mihãa mi-Nyoṅmo̱ le̱ goṅ kroṅkroṅ le̱, —

²¹beni miwieo̱ lolo ye̱ miso̱lemo̱ le̱ mli le̱, nū *Gabriel le̱ ní mina ye̱ kleṅkleṅ ninā le̱ mli le̱ ba mimase̱i oyá, ni ebata mihe aafe gbe̱ke̱ afo̱lešã be le̱ mli. [99]

²²Ni etšõmi šiši ni eke̱mi wie ni ekē̱: Daniel, agbe̱ne̱ midše kpo miba ní mibatšõo šiši.

²³Beni odše oſaikpamo̱ le̱ šisi le̱, wiemo̱ dše kpo, ni mi miba mibatšõo; edšake̱ āsumo̱ osane naakpa. Nohewo̱ le̱ agbe̱ne̱ dſẽṅmo̱ sane le̱ he, ni otẽdše ohĩi okwe̱ ninā le̱.

²⁴Otšii nyoṅmai-kpawo ato ahã omaṅbii le̱ ke̱ omaṅ kroṅkroṅ le̱, ní ake̱-gbe mlatšõmo̱ le̱ nā, ní ake̱-so̱o ešai anā, ní ake̱-kpãtã ye̱ nišaianii ahewo̱, ní ake̱ nāno dšale aba, ní ake̱-so̱o ninā ke̱ gbale̱ nā, ní ake̱-fo̱ hekroṅkroṅ fè fẽ le̱ mũ.

²⁵Nohewo̱ le̱ ná ole, ni odſēṅ he, ake̱ ke̱-dše̱ beyino ní wiemo̱ aadše̱ kpo ake̱ akũ se̱ ayatſa Ierusalem ekoṅ le ke̱-yaši moni afo̱le̱ mũ ní dši lumo le̱ no̱ le̱, efeo̱ otšii kpawo, ni otšii nyoṅmai-ekpa ke̱ enyo̱ mli le̱ aakũ se̱ ayatſale̱ akoṅ blohũ ke̱ gbogbo fẽ ye̱ fĩmo̱ bei amli.

²⁶Ni otšii nyoṅmai-ekpa ke̱ enyo̱ le̱ se̱ le̱ aafo moni afo̱le̱ mū le̱ aše̱ afõ, ni enáṅ moko; ši lumo̱ ní baba le̱ maṅbii te aafite maṅ te ko hekroṅkroṅ te, ni enāgbē le̱ aatamo̱ nu afua, ni ta aakã he *ke̱-yaši nāgbē; amā amaṅfõfemo̱ no̱ mĩ́. [100]

²⁷Ni eewadše kpãṅmo̱ ehã mei pī otši kome; nĩ otši le̱ teṅ le̱ eehã afo̱le ke̱ niyenii-afo̱le te̱ afo; ni fĩne no̱ amaṅfō *nihīnii te aahī, ke̱-yaši beyino̱ ní aafo̱se nyõmo̱wo ta kodšomo̱ aſie fitelo̱ le no. [101]