Read luganda Ioel 1 Bible Online

Ioel 1 - luganda bible

Ioel 1

¹Iehowa wiemo̱ ní ba Ioel, Petuel bi le̱, ṅõ ne̱.

²Nyeboa ene̱ toi, nye onukpai, ni nyefea toi, nye šikpoṅ le̱ no̱ hii fẽ! Ani ene̱ eko eba dá ye̱ nyeyino̱ alo nyetše̱mei ayino̱ tete?

³Nyegbaä nyebii, ni nyebii le̱ agba ame̱bii, ni ame̱bii le̱ hũ agba yino̱ ní baba ye̱ ame̱se̱ le̱!

⁴Nii ni agãi ye ſe̱ le̱, bãlabii eye; ni nii ni bālabii ye ſe̱ le̱, otukpe̱i eye; ni nii ní otukpe̱i ye ſe̱ le̱, no ligõligõi eye.

⁵Nyehĩe atšẽa, nye dā̃to̱lo̱i, ni nyefóa! ni nyewo̱a lele, nye weinnulo̱i, ye̱ wein do̱ko̱do̱ko̱ le̱ hewo̱, edšake̱ ahã edše nyedāṅ!

⁶ši *dšeṅmaṅ ko efā ke̱-ba mišikpoṅ le̱ no̱, ame̱he wa, ni alee ame̱yibo̱; ame̱nyãnyõdši le̱, dšata nyãnyõdši ni, ni ame̱hĩe dšatayō kadä. [1]

⁷Ame̱kpātã miweintšo le̱ hĭe, ni ame̱kũmo̱ migbãmitšo le̱; ame̱kplo̱ ehetotoi le̱ ame̱ſie, ni enidši le̱ abe eye̱ futafuta.

⁸Wo yăra tamo̱ oblayō ni emīa kpekpe ehã eblayeiaṅ wù le̱!

⁹Afo *niyenii-afo̱le ke̱ dā̃-afo̱le se̱ ke̱-dše̱ Iehowa we le̱; oso̱foi ni dši Iehowa súolo̱i le̱ mīye ṅko̱mo̱. [2]

¹⁰Akpātã ṅmõdši le̱ ahĩe, šikpoṅ le̱ mīye ṅko̱mo̱; edšake̱ akpãtã ṅmā̃ le̱ hĩe, wein hē le̱ egbĩ, mũ le̱ hũ eṅãlã.

¹¹Hũlo̱i ahĩe egboi, weintromsālo̱i wo̱ö̱ lele, ye̱ ṅmā̃ ke̱ akoko hewo̱; edšake̱ ṅmõdšiaši nikpamo̱ le̱ elādše.

¹²Weintšo le̱ egbĩ, ni agbāmitšo le̱ eṅãlã, akututšei ke̱ tẽṅi ke̱ gowatšei, ṅmõdšiaši tšei fẽ egbĩgbĩ; edšake̱ nyã́mo̱ elādše ke̱-dše̱ gbomeiabii ateṅ.

¹³Nyemĩaä ni nyewoa yāra, nye oso̱foi, nyewo̱a lele, nye afo̱lešãlate̱ le̱ he súolo̱i! nyebaä nyebabumo̱a kpekpei ke̱-wo̱a, nye mi-Nyoṅmo̱ le̱ súolo̱i! edšake̱ atši *niyenii-afo̱le ke̱ dā̃-afo̱le nā ke̱-dše̱ nye-Nyoṅmo̱ lo̱ we le̱! [3]

¹⁴Nyetoa ṅmā̃hĩle̱ kroṅkroṅ; nyetšé̱a kpē hũ! Nyebuaä onukpai le̱ ke̱ šikpoṅ le̱ no̱ bii le̱ fẽ nã ke̱-baä Iehowa, nye-Nyoṅmo̱ le̱, we le̱, ni nyeblo̱a nyetšé̱a Iehowa!

¹⁵Ao, nakai gbĩ le̱! edšake̱ Iehowa *gbĩ le̱ ebe̱ṅke̱, ni eeba tamo̱ hĩekpãtãmo̱ ke̱-adše̱ Ofe le̱ ṅò. [4]

¹⁶Nto afio̱ niyenii ke̱-dše̱ wo̱hĩe, ni aflo̱ *nyã́mo̱ ke̱ mliflimo̱ ke̱-dše̱ Nyoṅmo̱ we le̱ hũ? [5]

¹⁷Dūmo̱nii le̱ egbĩ ye̱ ame̱sũkukulii le̱ ašiši, aboṅoi le̱ ekãmo̱ efodši, abletōhei le̱ ekũmo̱; edšake̱ ṅmā̃ le̱ eṅãlã.

¹⁸Kwe̱ bo̱ni šĩa koloi kẽmoo̱! Tšinaikui le̱ mīhao, edšake̱ ame̱be̱ niyelihe, ni tōikui le̱ bũ mīna nõ!

¹⁹Bo, Iehowa, miblo̱ö̱ mitšé̱o̱ ne̱! edšake̱ la ekpãtã ṅãno̱ dſe̱fo̱i le̱ ahĩe, ni *lalile̱i ešã ṅã le̱ no̱ tšei le̱ fẽ. [6]

²⁰*Ṅãṅ koloi le̱ tete mīſeo, edšake̱ fāi le̱ etã, ni la ekpātã ṅãno̱ dſe̱fo̱i le̱ ahĩe! [7]