Read luganda Amos 3 Bible Online

Amos 3 - luganda bible

Amos 3

¹Nyeboa ne̱ke̱ wiemo̱ ne̱ toi, noni Iehowa wie ye̱ nyehe, nye Israelbii, ye̱ weku mū le̱ fẽ ní midšie ye̱ Mizraim šikpoṅ le̱ no̱ ke̱-ba le̱ he, ake̱:

²Nye ke̱ke̱ mile *ye̱ šikpoṅ le̱ no̱ wekui le̱ ateṅ; nohewo̱ le̱ mibawonye nyenišaianii le̱ fẽ he nyõmo̱! [17]

³Ani mei enyo̱ feo̱ ekome ke̱-nyieo̱, ké̱ ame̱kpãṅko le le̱?

⁴Ani dšata hū̃o̱ ye̱ kō mli, ké̱ enako mīle̱lo le le̱? Ani dšata oblanyo woo̱ egbē ke̱-dše̱o̱ ebu mli, ké̱ emõko noko le̱?

⁵Ani loflõ dũo̱ tšõne ye̱ šikpoṅ, ké̱ atšõ̀dole̱ tšõne ye̱ dše̱i le̱? Ani tšõne fe̱o̱ ye̱ šikpoṅ, ní edũũ noko?

⁶Ani akpãa te̱tremantre̱ ye̱ maṅ, ni maṅbii le̱ he̱lee ši? Alo *amane aaba maṅ ko no̱, ni dšee Iehowa fe? [18]

⁷Edšake̱ Nuntšo̱ Iehowa efeṅ noko, ake̱ dša edšie eyiṅtõ le̱ kpo etšõ etšũ-dši, gbalo̱i le̱, dã.

⁸Dšata mīhū̃, namo šeṅ gbeyei? Nuntšo̱ Iehowa mīwie, namo egbaṅ?

⁹Nyedšadšea ye̱ Ašdod mõdši le̱ ke̱ Mizraim šikpoṅ le̱ no̱ mõdši le̱ ayiteaṅ, ni nyekē̱a ake̱: Nyebabuaä nyehe nā ye̱ Samaria gõdši le̱ ano̱, ni nyekwe̱a emli hōſemo̱ babaō le̱ amimyeli ní yo̱ emli le̱!

¹⁰Edšake̱ mei ní buaä yiwale̱ ke̱ hĩekpãtãmo̱ nā ye̱ ame̱mõdši le̱ amli le̱, ame̱lee noni dša gbe̱ femo̱, Iehowa kē̱.

¹¹Nohewo̱ le̱ bo̱ni Nuntšo̱ Iehowa le ne̱: Henye̱lo̱i aabo̱le šikpoṅ le̱ ke̱-akpe, ni ame̱ahã ohewale̱ le̱ aba ši, ni aaha omõdši fe̱fe̱dši le̱.

¹²Bo̱ni Iehowa kē̱ ne̱: Take̱ bo̱ni tōkwe̱lo̱ šõo̱ ſŭo̱dši enyo̱ lo toi kuku ko ke̱-dše̱o̱ dšata dāṅ le̱, nakai aadšie Israelbii le̱ ní trá sā kóṅ no̱ ke̱ kampē no̱ mama ní dšra wa no̱ ye̱ Samaria le̱.

¹³Nyeboa toi ni nyeyea odase nyetšõa Iakob we le̱, Nuntšo̱ Iehowa, Zebaot Nyoṅmo̱ le̱; kē̱:

¹⁴Ake̱ gbĩ ní mawo Israel emlatõmo̱i le̱ ahe nyõmo̱ le̱, mawo Betel afo̱lešãlate̱i le̱ anyõmo̱, ni aaflo̱ afo̱lešãlate̱ le̱ he aklontoi le̱ aſie, ni ame̱agbēgbē šikpoṅ.

¹⁵Ni matſa fẽibe šĩa le̱ ke̱ latšābe šĩa le̱ nõ šĩkome, ni *ſuo̱wu šĩai le̱ hũ ahĩe aakpãtã; ni šĩai babaō aalādše kwrā, Iehowa kē̱. [19]