Read luganda Iona 1 Bible Online

Iona 1 - luganda bible

Iona 1

¹Ni Iehowa wiemo̱ ha *Iona, Amitai bi le̱, ṅõ ake̱: [1]

²Te ši ni oya Ninive maṅ kpeteṅ-kple le̱ṅ, ni oyašie̱ ošile̱, edšake̱ ame̱nifõdšianii le̱ ehaše̱ mihĩe!

³Ke̱ke̱ ni Iona te ši, koni edšo foi ke̱-dše̱ Iehowa hĩe ke̱-ya Taršiš; ni eyiṅ ke̱-te Iopa, ni eyana le̱le̱ ko ní yaä Taršiš, ni ewole̱ nyõmo̱, ni ebote mli, koni eke̱ame̱ aya Taršiš ni *edše Iehowa hĩe. [2]

⁴Ni Iehowa hã kō̱yo̱ ni nā wa te ši ye̱ ṅšo̱ le̱ hĩe, ni ahum ni nā wa tſa ye̱ ṅšo̱ le̱ hĩe, ni le̱le̱ le̱ fe tamo̱ noni ebadſa.

⁵Ke̱ke̱ ni amlākui le̱ še gbeyei, ni mofẽmo blo̱ tšé̱ enyoṅmo̱, ni ame̱dšie le̱le̱ le̱ mli nii ame̱wo ṅšo̱ṅ, koni efe fle̱fle̱ ehãame̱. Ši Iona le̱, ekpleke ši ke̱-te le̱le̱ le̱ šiši tõ, ni ekã ši ewo̱ naakpa.

⁶Ke̱ke̱ ni le̱le̱tše̱ le̱ ba eṅõ ni eba-kē̱le̱ ake̱: Meni feo̱o ni owo̱ö̱ ne̱ke̱? Te ši ni oblo̱ otšé̱ o-Nyoṅmo̱ le̱, ake̱ aleenõ Nyoṅmo̱ aadſēṅ wo̱he ni wo̱hĩe aka-kpãtã lo!

⁷Ni ame̱kē̱kē̱ ame̱he ake̱: Nyebaä ni wo̱fõa ošiki, ni wo̱ke̱-le mo hewo̱ ni ne̱ke̱ efõṅ ne̱ eba wo̱no̱ ne̱! Ni ame̱fõ ošiki, ni ošiki le̱ *gbē Iona no̱. [3]

⁸Ke̱ke̱ ni ame̱kē̱le̱ ake̱: Agbe̱ne̱ tšõmo̱wo̱ mo hewo̱ ni ne̱ke̱ efõṅ ne̱ eba wo̱no̱ ne̱? Meni dši onitšumo̱, ni nẽgbe̱ odše̱? Nẽ dši ošikpoṅ le̱, ni namei dši omaṅbii?

⁹Ni ekē̱ame̱ ake̱: Hebrinyo dšimi, ni Iehowa, ṅwei Nyoṅmo̱ le̱, moni *fe ṅšo̱ ke̱ šikpoṅ gbĩṅ le̱, gbeyei mišeo̱. [4]

¹⁰Ke̱ke̱ ni gbomei le̱ še gbeyei naakpa dientše̱, ni ame̱kē̱le̱ ake̱: Meni ofe ne̱? Edšake̱ ame̱le ake̱ Iehowa hĩe edšoo̱ foi ke̱-dše̱; edšake̱ ekē̱ame̱.

¹¹Ni ame̱kē̱le̱ ake̱: Meni wo̱feo, koni ṅšo̱ le̱ aṅmẽ ahãwo̱? edšake̱ ṅšo̱ le̱ mīya no̱ mife hãmãhãmã.

¹²Ni ekē̱ame̱ ake̱: Nyewóami, ni nyeše̱ami nyefõa ṅšo̱ le̱ mli, ni ṅšo̱ le̱ aaṅmẽ ahãnye; edšake̱ mile ake̱ mihewo̱ ni ne̱ke̱ ahum kpeteṅkple ne̱ tſaänye ne̱!

¹³Ni mei le̱ mīw̌iri naakpa, koni ame̱kũ ame̱se̱ ke̱-ba šikpoṅ; ši ame̱nyẽẽ, edšake̱ ṅšo̱ mĩya no̱ mīfe hāmãhãmã ke̱-mī-kpeame̱.

¹⁴Ke̱ke̱ ni ame̱blo̱ ame̱tšé̱ Iehowa ake̱: Ao, Iehowa, wo̱mīkpao fai, kãhã wo̱hĩe mīkpãtã ye̱ nū ne̱ susuma hewo̱, ni oke̱ moni eye bem lá akafõ wo̱no̱! edšake̱ bo, Iehowa, ofeo̱ bo̱ni sa ohĩe!

¹⁵Ke̱ke̱ ni ame̱wó Iona, ni ame̱še̱le̱ ame̱fõ ṅšo̱ le̱ṅ; ni ṅšo̱ le̱ fõ ehãmãhãmãfemo̱ le̱.

¹⁶Ni gbomei le̱ še Iehowa gbeyei naakpa, ni ame̱šã afo̱le ame̱hã Iehowa, ni ame̱wowō šii.