Read luganda Iona 3 Bible Online

Iona 3 - luganda bible

Iona 3

¹Ni Iehowa wiemo̱ ha Iona ṅõ noni dši ši enyo̱ ake̱:

²*Te ši ni oya Ninive maṅ kpeteṅkple le̱ṅ, ni oyašie̱ šie̱mo̱ ni mafã́o le̱ otšõame̱! [14]

³Ke̱ke̱ ni Iona te ši, ni eyiṅ ete Ninive ye̱ Iehowa wiemo̱ le̱ nā. Ši Ninive le̱, *maṅ kpeteṅkple ni ye̱ Nyoṅmo̱ hīe, efeo̱ gbīĩ etẽ gbe̱nyiemo̱. [15]

⁴Ni Iona bõi maṅ le̱ mli botemo̱ gbĩ kome gbe̱nyiemo̱, ni ešie̱ ni ekē̱: Bie̱ gbĩĩ nyoṅmai-edſe̱ se̱ le̱ ababutu Ninive!

⁵Ke̱ke̱ ni Ninivebii le̱ he Nyoṅmo̱ ame̱ye, ni ame̱šie̱ ni ahĩ ṅmã, ni ame̱bumo̱ kpekpei ke̱-dše̱ ame̱teṅ mo wulu no̱ ke̱-baši ame̱teṅ mo bibiõ no̱. [16]

⁶Ni beni wiemo̱ le̱ še̱ Ninive maṅtše̱ le̱ ṅõ le̱, ete ši ke̱-dše̱ esẽi le̱ no̱, ni edšie ehebo fe̱fe̱o le̱ ye̱ ehe efõ ši, ni ebu kpekpe, ni eho etá lamlu mli.

⁷Ni ehã ašie̱ ye̱ Ninive ye̱ maṅtše̱ ke̱ enukpai le̱ akpo̱ le̱ nā ni akē̱ ake̱: Gbomei ke̱ koloi, tšinai ke̱ tõi akasa ame̱nā nokonoko; ame̱kaye nii ni ame̱kanu nu hũ!

⁸Ni gbomei ke̱ koloi fẽ abumo̱ kpekpe, ni ame̱blo̱ wā ame̱tšē̱ Nyoṅmo̱, ni mofẽmo akpale ke̱-dše̱ egbe̱ fõṅ le̱ no̱ ke̱ yiwale̱ ni ye̱ ame̱dē le̱ he;

⁹ake̱ *aleenõ Nyoṅmo̱ hũ aakpale ni eeſa ehe, ni eetšṍ ehe ke̱-dše̱ emlifũ ni nã wa le he, ni we̱hĩe akakpãtã lo! [17]

¹⁰Ni Nyoṅmo̱ na ame̱nifemo̱nii le̱, ake̱ ame̱kpale ke̱-dše̱ ame̱gbe̱ fõṅ le̱ no̱, ni Nyoṅmo̱ *ſa ehe ye̱ efõṅ ni ekē̱ ebafeame̱ le̱ hewo̱, ni efee. [18]