Read luganda 4 Mose 13 Bible Online

4 Mose 13 - luganda bible

4 Mose 13

¹Ni Iehowa ke̱ Mose wie ni ekē̱:

²Tšũ hĩĩ, ní ame̱yasra Kanaan šikpoṅ le̱ ní mike̱-bahã Israelbii le̱; akutšo-fẽ-akutšo mli le̱ nyetšũa mokome ní dši onukpa ye̱ ame̱teṅ.

³Ni Mose tšũame̱ ke̱-dše̱ Paran ṅã le̱ no̱ ye̱ Iehowa wiemo le̱ nā, ame̱fẽ le̱ Israelbii le̱ ateṅ hĩĩ onukpai so̱ṅṅ ni.

⁴Ni ame̱gbe̱ii ne̱: Ruben akutšo le̱ṅ mo le̱ dši Šamua, Zakur bi le̱;

⁵Simeon akutšo le̱ṅ mo le̱ dši Šafat, Hori bi le̱;

⁶Iuda akutšo le̱ṅ mo le̱ dši Kaleb, Iefune bi le̱; [89]

⁷Isakar akutšo le̱ṅ mo le̱ dši Igal, Iosef bi le̱;

⁸Efraim akutšo le̱ṅ mo le̱ dši Hošea, Nun bi le̱; [90]

⁹Benyamin akutšo le̱ṅ mo le̱ dši Palti, Rafu bi le̱;

¹⁰Zebulon akutšo le̱ṅ mo le̱ dši Gadiel, Sodi bi le̱;

¹¹Iosef akutšo le̱ ni dši Manase akutšo le̱ṅ mo le̱ dši Gadi, Susi bi le̱;

¹²Dan akutšo le̱ṅ mo le̱ dši Amiel, Gemali bi le̱;

¹³Ašer akutšo le̱ṅ mo le̱, dši Setur, Mikael bi le̱;

¹⁴Naftali akutšo le̱ṅ mo le̱ dši Nahebi, Wofsi bi le̱;

¹⁵Gad akutšo le̱ṅ mo le̱ dši Geuel, Maki bi le̱.

¹⁶Hĩĩ ni Mose tšũ ni ame̱yasra šikpoṅ le̱ agbe̱ii ne̱. Ni Mose tšē̱ Hošea, Nun bi le̱, ake̱ *Iošua. [91]

¹⁷Ni Mose tšũame̱ ake̱ ame̱yasra Kanaan šikpoṅ le̱, ni ekē̱ame̱ ake̱: Nyetšṍa wuoyigbe̱ ne̱, ni nyeyakwo̱a gõdši le̱;

¹⁸ni nyeyakwe̱a šikpoṅ le̱, bo̱ni eyo̱, ke̱ mei ní yo̱ no̱ le̱, ake̱ amehe wa lo amo̱he waa, ame̱yi fá lo ame̱yi fáá;

¹⁹ke̱ bo̱ni šikpoṅ ní ame̱yo̱ ne̱ le̱ yo̱, ake̱ ehĩ lo ehĩĩ, ke̱ bo̱ni mãdši ní ame̱hĩo̱ mli le̱ yo̱, ake̱ akrowai amli ame̱hĩo̱ lo mãdši ní atſa gbogbo awo he;

²⁰ke̱ bo̱ni šikpoṅ le̱ dientše̱ yo̱, ake̱ ebaä nii lo ebaa dšogbaṅ, ake tšei ye̱ no̱ lo tšei be̱ no̱. Nyehĩe awaä ni nyetše̱re̱a šikpoṅ le̱ no̱ yibii le̱ eko ke̱-baä! Agbene nakai be le̱ dši kleṅkleṅ weinyibii atšu le̱ be.

²¹Ni ame̱yiṅ ame̱te, ni ame̱yasra ši-kpoṅ le̱ ke̱-dše̱ Zin ṅã le̱ no̱ ke̱-yaši Rehob, heni atšṍo̱ ke̱-yaä Hamat le̱.

²²Ni ame̱tšṍ wuoyigbe̱ le̱, ni ame̱ba Hebron. Dše̱i Ahiman, Šešai ke̱ Talmai, ní dši Anak bii le̱, yo̱. Ši ato Hebron afii kpawo dãni ato Zoan ye̱ Mizraim.

²³Ni ame̱baše̱ Eškol dšō̱ le̱ṅ, ni ame̱fo weintšonine kome ke̱ eno̱ yibii šao ye̱ dše̱i, ni mei enyo̱ wóle̱ tšoṅ, ke̱ akutui le̱ eko ke̱ agbãmii le̱ eko.

²⁴Atšé̱ dše̱i Eškol dšō̱ ye̱ weinyibii šao ní Israelbii le̱ fo ye̱ dše̱i le̱ hewo.

²⁵Ni gbĩĩ nyoṅmai-edſe̱ se̱ le̱ ame̱kũ ame̱se̱ ke̱-dše̱ šikpoṅ le̱ sramo̱ le̱ ameba.

²⁶Ni ameba Mose ke̱ Aaron ke̱ Israelbii asafo mū le̱ fẽ ṅõ ye̱ Paran ṅã le̱ no̱ ye̱ Kadeš, ni ame̱yagbaame̱ ke̱ asafo le̱ fẽ, bo̱ni ame̱na, ni ame̱ṅõ šikpoṅ le̱ no̱ yibii le̱ ame̱tsõame̱;

²⁷ni ame̱gbale̱ ake: Wo̱te šikpoṅ ní otšũwo̱ le̱ no̱, ni ano̱kwale dši ake̱ *fufo̱ ke̱ wò miho ye̱ no, ni eno yibii ne̱; [92]

²⁸ši mei ní yo̱ šikpoṅ le̱ no̱ le̱ ke̱ke̱ ni he wa, ni mãdši le̱ atſa gbogbo awo he ní ame̱dăra naakpa, ni asaṅ wo̱na Anak bii le̱ hũ ye̱ dše̱i.

²⁹Amalekbii le̱ ye̱ šikpoṅ le̱ wuoyigbe̱, ni Hitbii ke̱ Iebusbii ke̱ Amorbii le̱ ye̱ gõdši le̱ ano̱, ni Kanaanbii le̱ kã ṅšo̱ le̱ nā ke̱ Iordan fā le̱ nā.

³⁰Ni *Kaleb †ninẽ maṅ le̱ ehã Mose ni ekē̱: Nyehãa wo̱yaä kẽ ni wo̱yaṅõ šikpoṅ le̱; edšake̱ wo̱o̱nyẽ no̱ wo̱ye āhũ. [93]

³¹Ši hĩĩ le̱ ni ke̱le̱ te le̱ kē̱ ake̱: Wo̱nyẽṅ maṅ le̱ hĩe wo̱damo̱, edšake̱ ame̱he wa fèwo̱.

³²Ni ame̱ta šikpoṅ ní ame̱yasra le̱ he sane fõṅ ame̱hã Israelbii le̱ ame̱kē̱: Šikpoṅ ní wo̱yakpa no̱ wo̱sra le̱, šikpoṅ ní yeo̱ eno̱ bii ni, ni mei ní wo̱na ye̱ no̱ le̱ hĩĩ oblãṅi so̱ṅṅ ni.

³³Ni dše̱i wo̱na oblãṅi agboi ní dši Anak bii ní dši oblãṅi agboi le̱ ateṅ le̱ ye̱, ni ké̱ wo̱kwe̱ wo̱he le̱, wo̱tamo̱ agãi, ni nakai noṅṅ wo̱yo̱ ye̱ ame̱ hũ ame̱hĩe. [94]