Read luganda 4 Mose 16 Bible Online

4 Mose 16 - luganda bible

4 Mose 16

¹Ni Kora ní dši Levi bi Kahat bi Izehar bi le̱, ke̱ Datan ke̱ Abiram ní dši Eliab bii le̱, ke̱ On, Pelet bi le̱, ní ame̱dši Ruben sešibii le̱ ko̱ fõ ame̱no̱, [123]

²ni *ame̱te ši ame̱wo Mose, ame̱ ke̱ Israelbii le̱ ateṅ hĩĩ ohai-enyo̱ ke̱ nyoṅmai-enumo̱ ní dši asafo le̱ mli onukpai ke̱ akuašoṅ mli bii ní yo̱ gbe̱i. [124]

³Ni ame̱kpe ame̱wo Mose ke̱ Aaron he, ni ame̱kē̱ame̱ ake: Nyemītše̱ nyehe pī tšṍ; edšake̱ asafo le̱ fẽ kwa, mei kroṅkroṅi so̱ṅṅ ni, ni Iehowa ye̱ ame̱teṅ; ni mẽba nyewoo̱ nyehe no̱ ye̱ Iehowa asafo le̱ no̱ mo̱?

⁴Ni beni Mose nu le̱, eke̱ ehĩe bu ši, [125]

⁵ni eke̱ Kora ke̱ esafo le̱ fẽ wie ake̱: Wó̱ ní dši wó̱ le̱ Iehowa bahã ale moni *dši enõ ke̱ moni dši mo kroṅkroṅ ní eehã ebe̱ṅke̱le̱; moni eehala le̱, le̱ eehã ebe̱ṅke̱le̱. [126]

⁶Boni nyefe ne̱: Kora ke̱ esafo le̱ fẽ, nyekŏ̱lo̱a ṅe̱sũi ke̱-baä,

⁷ni nyedše la nyewo mli, ni nyeke̱ tšofã-ke̱-ṅma aſie no̱ ye̱ Iehowa hĩe wó̱; ni aaba mli ake̱ nū ní Iehowa aahala le̱, le̱ dši mo kroṅkroṅ. Nye Levibii le̱ nyemītše̱ nyehe pī tšṍ!

⁸Ni Mose kē̱ Kora ake̱: Nyeboami toi ko, nye Levibii!

⁹Aso efáá hããnye, ake̱ Israel Nyoṅmo̱ le̱ *etšenye ke̱-dše̱ Israel asafo le̱ he, ni ehã nyebe̱ṅke̱le̱, koni nyetšu Ie-howa šihĩle̱he le̱ he nii, ni asaṅ nyedamo̱ asafo le̱ hĩe ni nyesúmoame̱ le̱? [127]

¹⁰Ni noni ehã bo ke̱ onyemimei Levibii le̱ fẽ ebe̱ṅke̱le̱ le̱, nyemītao oso̱foyeli le̱ hũ!

¹¹Ene̱ hewo le̱ kpe ní bo ke̱ osafo le̱ bakpe ne̱, Iehowa nyekpe nyewo; ši namo dši Aaron ni nyewieo̱ ehe hũhū̃hũ? [128]

¹²Ni Mose tsũ ake̱ ayatšé̱ Datan ke̱ Abiram, Eliab bii le̱, ke̱-ba; ši ame̱kē̱: Wo̱baa heko!

¹³Ke̱dši obakplawo̱ ke̱-dše̱ šikpoṅ ní fufo̱ ke̱ wò hoo̱ ye̱ no̱ le̱ no̱, ni obagbegbēwo̱ ye̱ ṅã ne̱ no̱ le̱, no fáá, ši no se̱ hũ le̱ otao ake̱ oyeo̱ wo̱no̱ lumo?

¹⁴Asaṅ dšee *šikpoṅ ní hoo̱ fufo̱ ke̱ wò no̱ oke̱wo̱ ba, ni oke̱ ṅmõdši ke̱ weintromi hãkowo̱ ake̱ wo̱nii. Aso ne̱ke̱ hĩĩ ne̱ ahĩṅme̱ii oba fā̃mo̱? Wo̱baa heko! [129]

¹⁵Ke̱ke̱ ni Mose mli wo la naakpa, ni ekē̱ Iehowa ake̱: Kāhe ame̱fo̱lei le̱! Miheko *tedsi kome tete ye̱ ame̱deṅ, ni asaṅ miyeko ame̱teṅ moko afõṅfõṅ sane ko! [130]

¹⁶Ni Mose kē̱ Kora ake̱: Wó̱ le̱ bo ke̱ osafo le̱ fẽ aba Iehowa hĩe, bo ke̱ ame̱ ke̱ Aaron fẽ;

¹⁷ni nyeteṅ mofẽmo ake̱ eṅe̱sũ, ni nyeke̱ tšofã-ke̱-ṅma aſie no̱, ni nyeke̱-ba Iehowa hĩe, mofẽmo ke̱ eṅe̱sũ, ṅe̱sũi ohai-enyo̱ ke̱ nyoṅmai-enumo̱, ni bo ke̱ Aaron hũ, mofẽmo ke̱ eṅe̱sũ.

¹⁸Ni ame̱teṅ mofẽmo ke̱ eṅe̱sũ, ni ame̱dše la ame̱wo mli, ni ame̱ṅõ tšofã-ke̱-ṅma ame̱ſie no̱, ni ame̱badamo̱ ši ye̱ kpē-bū šĩnā le̱ ši, ke̱ Mose ke̱ Aaron fẽ.

¹⁹Ni Kora kpē asafo mū le̱ fẽ ewoame̱, ni ame̱bo̱ gwa ye̱ kpē-bū le̱ šìnā le̱ ši. Ni *Iehowa anumnyam le̱ pue ye̱ asafo mū le̱ fẽ hĩe. [131]

²⁰Ni Iehowa ke̱ Mose ke̱ Aaron wie ni ekē̱:

²¹Nyetšia nyehe ke̱-dše̱a ne̱ke̱ asafo ne̱ he, ni makpãtã ame̱hĩe hĩṅme̱itſā!

²²Ni ame̱ke̱ ame̱hĩe bumo̱ ši ni ame̱kē̱: Bo Mawu ní dši *helo fẽ mumo̱i a-Nyoṅmo̱ le̱! Aso †mokome aafe eša ni oogri owo asafo mū le̱ fẽ lo? [132]

²³Ni Iehowa ke̱ Mose wie ni ekē̱:

²⁴Kē̱mo̱ asafo le̱ ake: Nyewoa nyehe no̱ ke̱-dše̱a Kora, Datan ke̱ Abiram šihĩle̱hei le̱ ahewo̱!

²⁵Ni Mose te ši ni eyiṅ ke̱-te Datan ke̱ Abiram ṅõ, ni Israel onukpai le̱ nyie ese̱ ke̱-te.

²⁶Ni eke̱ asafo le̱ wie ake̱: Nyetšia nyehe oyá ke̱-dše̱a ne̱ke̱ gbomei fõdši ne̱ abūi le̱ ahe, ni nyekataä ame̱nokonoko he, koni akakpãtã nyehĩe ye̱ ame̱he ešai le̱ ſẽ ahewo!

²⁷Ni ame̱wó ame̱he no̱ ke̱-dše̱ Kora, Datan ke̱ Abiram šihĩle̱hei le̱ ahe. Ni Datan ke̱ Abiram dše kpo ame̱badamo̱damō̱ ame̱būi le̱ ašĩnāi le̱ aši, ke̱ ame̱ṅãmei ke̱ ame̱bii ke̱ ame̱bifabii le̱ fẽ.

²⁸Ni Mose kē̱: Ene̱ nyeke̱-ale ake̱ Iehowa tšũmi ake̱ mibatšu ne̱ke̱ nii ne̱ fẽ, ši dšee midientše̱ mito miyiṅ mife:

²⁹Ke̱dši mene̱mei aagboi tamo̱ bo̱ni gbomei fẽ gboio̱, ni ošrã ní šrãa mei fẽ aašrãame̱ le̱, bĕle̱ dšee Iehowa tšũmi.

³⁰Ši ke̱dši Iehowa fe noko ní bako dã, ni šikpoṅ gble enābu ni emī̃ame̱ ke̱ nii fẽ ní ame̱yo̱, ni ame̱kpleke ši ke̱-te gbohĩĩadše hĩekãlo̱i le̱, no le̱ nyeale ake̱ ne̱ke̱ hĩĩ ne̱ eye Iehowa he fe̱o!

³¹Ni eba mli ake̱, beni ewie ne̱ke̱ wiemo̱i ne̱ fẽ egbe nā le̱, ke̱ke̱ ni šikpoṅ gba ye̱ ame̱šiši, [133]

³²ni šikpoṅ le̱ gble enā, ni emī̃ame̱ ke̱ ame̱wei, ke̱ gbomei fẽ ní fata Kora he le̱, ke̱ ame̱nii fiā.

³³Ni ame̱ ke̱ ame̱nii fẽ te gbohĩĩadše hĩekãlo̱i, ni šikpoṅ le̱ mũa enā ewo ame̱yi, ni ame̱hĩe kpãtã ke̱-dše̱ gwabō̱ le̱ teṅ.

³⁴Ni Israel mū le̱ fẽ ní bo̱leame̱ ke̱-kpe le̱ dšo ame̱blo̱mo̱ le̱ nā foi, edšake̱ ame̱kē̱: Kũle̱ šikpoṅ le̱ bamī̃wo̱ hũ!

³⁵Ni *la dše̱ Iehowa ṅõ ni ebašã hĩĩ ohai-enyo̱ ke̱ nyoṅmai-enumo̱ le̱ ni ke̱ tšofã-ke̱-ṅma ba le̱. [134]