Read luganda 4 Mose 2 Bible Online

4 Mose 2 - luganda bible

4 Mose 2

¹Ni Iehowa ke̱ Mose ke̱ Aaron wie ake:

²Israelbii le̱ ateṅ mofẽmo abo̱ nsra ye̱ eflaṅā šiši ye̱ ame̱tše̱mei awei aflaṅā-okadii le̱ anā; kpē-bū le̱ ṅe̱le̱no̱ ame̱bo̱ nsra le̱ ye̱ ke̱-kpe. [8]

³Ni mei ní abo̱ nsra ye̱ bokãgbe̱ le̱ dši Iuda nsra le̱ṅ aflaṅā le̱ ye̱ ame̱safoi anā; ni Iuda bii le̱ asafoiatše̱nukpa dši Nahašon, Aminadab bi le̱,

⁴ni eta le̱ ke̱ ame̱mei ni akane le̱ anā dši mei akpei-nyoṅmai-kpawo-ke̱-edſe̱ ke̱ ohai-ekpa.

⁵Ni mei ni abo̱ nsra afata ehe dši Isakar akutšo le̱; ni Isakar bii le̱ ano̱ asafoiatše̱nukpa dši Netanel, Zuar bi le̱,

⁶ni eta le̱ ke̱ emei ní akane le̱ anā dši mei akpei-nyoṅmai-enumo̱-ke̱-edſe̱ ke̱ ohai-edſe̱.

⁷Ke̱ Zebulon akutšo le̱ hũ; ni Zebulon bii le̱ ano̱ asafoiatše̱nukpa le̱ dši Eliab, Helon bi le̱,

⁸ni eta le̱ ke̱ emei ní akane le̱ anā dši mei akpei-nyoṅmai-enumo̱-ke̱-kpawo ke̱ ohai-edſe̱.

⁹Mei ní akane ye̱ Iuda nsra le̱ṅ fẽ nā šio̱ mei akpei-oha-ke̱-nyoṅmai-kpānyo̱-ke̱-ekpa ke̱ ohai-edſe̱ ye̱ ame̱tai le̱ ana; ame̱ tšutšu ame̱fã.

¹⁰Ruben nsra le̱ṅ aflaṅā le̱ amā wuoyigbe̱ ye̱ ame̱safoi anā; ni Ruben bii le̱ ano̱ asafoiatše̱nukpa dši Elizur, Šedeur bi le̱,

¹¹ni eta le̱ ke̱ emei ni akane le̱ anā dši mei akpei-nyoṅmai-edſe̱-ke̱-ekpa ke̱ ohai-enumo̱.

¹²Ni mei ní abo̱ nsra afata ehe dši Simeon akutšo le̱; ni Simeon bii le̱ ano̱ asafoiatše̱nukpa dši Šelumiel, Zurišadai bi le̱,

¹³ni eta le̱ ke̱ ame̱mei ní akane le̱ anā dši mei akpei-nyoṅmai-enumo̱-ke̱-ne̱hũ ke̱ ohai-etẽ.

¹⁴Ke̱ Gad akutšo le̱ hũ; ni Gad bii le̱ ano̱ asafoiatše̱nukpa dši Eliasaf, Reuel bi le̱,

¹⁵ni eta le̱ ke̱ ame̱mei ní akane le̱ anā dši mei akpei-nyoṅmai-edſe̱-ke̱-enumo̱ ke̱ ohai-ekpa ke̱ nyoṅmai-enumo̱.

¹⁶Mei ní akane ye̱ Ruben nsra le̱ṅ fẽ nā šio̱ mei akpei-oha-ke̱-nyoṅmai-enumo̱-ke̱-ekome ke̱ ohai-edſe̱ ke̱ nyoṅmai-enumo̱ ye̱ ame̱tai le̱ anā; ni ame̱dši mei ní dši enyo ni anyie se̱ afa.

¹⁷Ke̱ke̱ ni kpē-bū le̱ afã ke̱ Levibii le̱ ansra le̱ ye̱ nsrai le̱ ateṅ. Boni ame̱bo̱ nsra le̱, nakai noṅṅ ame̱fã, mofẽmo ye̱ egbe̱nā ye̱ ame̱flaṅāi le̱ anā.

¹⁸Efraim nsra le̱ṅ aflaṅā le̱ amā anaigbe̱ ye̱ ame̱safoi anā; ni Efraim bii le̱ ano̱ asafoiatše̱nukpa dši Elišama, Amihud bi le̱,

¹⁹ni eta le̱ ke̱ ame̱mei ní akane le̱ anā dši mei akpei-nyoṅmai-edſe̱ ke̱ ohai-enumo̱.

²⁰Ni Manase akutšo le̱ afata ehe; ni Manase bii le̱ ano̱ asafoiatše̱nukpa dši Gamaliel, Pedazur bi le̱,

²¹ni eta le̱ ke̱ ame̱mei ní akane le̱ anā dši mei akpei-nyoṅmai-etẽ-ke̱-enyo̱ ke̱ ohai-enyo̱.

²²Ke̱ Benyamin akutšo le̱ hũ; ni Benyamin bii le̱ ano̱ asafoiatše̱nukpa dši Abidan, Gideoni bi le̱,

²³ni eta le̱ ke̱ ame̱mei ní akane le̱ anā dši mei akpei-nyoṅmai-etẽ-ke̱-enumo̱ ke̱ ohai-edſe̱.

²⁴Mei nī akane ye̱ Efraim nsra le̱ṅ fẽ nā šio̱ mei akpei-oha-ke̱-kpānyo̱ ke̱ oha ye̱ ame̱tai le̱ anā; ni ame̱dši mei ní dši etẽ ni anyie se̱ afa.

²⁵Dan nsra le̱ṅ aflaṅã le̱ amã kōyigbe̱ ye̱ ame̱safoi anā; ni Dan bii le̱ ano̱ asafoiatše̱nukpa dši Ahiezer, Amišadai bi le̱,

²⁶ni eta le̱ ke̱ ame̱mei ní akane le̱ anā dši mei akpei-nyoṅmai-ekpa-ke̱-enyo̱ ke̱ ohai-kpawo.

²⁷Ni mei ní abo̱ nsra afata ehe le̱ dši Ašer akutšo le̱; ni Ašer bii le̱ ano̱ asafoiatše̱nukpa dši Pagiel, Okran bi le̱,

²⁸ni eta le̱ ke̱ ame̱mei ní akane le̱ anā dši mei akpei-nyoṅmai-edſe̱-ke̱-ekome ke̱ ohai-enumo̱.

²⁹Ke̱ Naftali akutšo le̱ hũ; ni Naftali bii le̱ ano̱ asafoiatše̱nukpa dši Ahira, Enan bi le̱,

³⁰ni eta le̱ ke̱ ame̱mei ní akane le̱ anā dši mei akpei-nyoṅmai-enumo̱-ke̱-etẽ ke̱ ohai-edſe̱.

³¹Mei ní akane ye̱ Dan nsra le̱ṅ fẽ nā šio̱ mei akpei-oha-ke̱-nyoṅmai-enumo̱-ke̱-kpawo ke̱ ohai-ekpa; ame̱ ame̱kpe se̱ ame̱fã ye̱ ame̱flaṅāi le̱ anā.

³²Mene̱mei dši Israelbii ní akane ye̱ ame̱tše̱mei awei le̱ anä: mei fẽ ní akane ye̱ nsrai le̱ amli ye̱ ame̱tai le̱ anā le̱ anā šio̱ *mei akpei-ohai-ekpa-ke̱-etẽ ke̱ ohai-enumo̱ ke̱ nyoṅmai-enumo̱. [9]

³³Ši Levibii le̱, akaneeame̱ ašii Israelbii le̱ ano̱, *take̱ bo̱ni Iehowa wo Mose kitã le̱. [10]

³⁴Ni Israelbii le̱ fe nibii fẽ nī Iehowa wo Mose he kitã le̱: nakai ame̱bo̱o̱ nsra ye̱ ame̱flaṅāi le̱ ašiši, ni nakai ame̱fãa hũ, mofẽmo ye̱ ewekui le̱ ke̱ etše̱mei awe le̱ nā. [11]