Read luganda 4 Mose 22 Bible Online

4 Mose 22 - luganda bible

4 Mose 22

¹Ke̱ke̱ ni Israelbii le̱ fã, ni ame̱yabo̱ nsra ye̱ Moab ṅã kplenẽ le̱ no̱, ye̱ Iordan se̱, ye̱ Ieriko ṅe̱le̱no̱

²Ši Balak, Zipor bi le̱, ena nii fẽ ni Israel fe Amorbii le̱;

³ni Moab še maṅ le̱ gbeyei naakpa; edšake̱ ame̱yi fá, ni Israelbii le̱ ahe ṅmiṅmi mõ Moab.

⁴Ni Moab kē̱ Midian onukpai le̱ ake̱: Ene̱ le̱ ta ne̱ balē̱mo̱ nii fẽ ní bo̱lewo̱ le̱, tamo̱ bo̱ni tšina lé̱moo̱ ṅãno̱ dſe̱i le̱. Ši Balak, Zipor bi le̱, dši Moab maṅtše̱ ye̱ no be le̱ mli.

⁵Ni etšũ bo̱foi ke̱-te Bileam, Beor bi le̱, ṅõ ye̱ Petor ye̱ fã le̱ nã, ye̱ emaṅbii le̱ ašikpoṅ le̱ no̱, ní ayakpēle̱ ake̱: Na, maṅ ko edše̱ Mizraim eba, ni na, ame̱ha šikpoṅ le̱ no̱ fẽ, ni ame̱ noṅṅ ame̱dſere mihĩe ne̱. [183]

⁶Nohewo̱ le̱, ofai ne̱, ba ní obalomo̱ ne̱ke̱ maṅ ne̱ ohãmi, edšake̱ minyẽṅame̱, ake̱ aleenõ minine aabó ame̱no̱, ni maſie-ame̱ ke̱-dše̱ šikpoṅ le̱ no̱ lo; edšake̱ mile ake̱ moni odšō̱o̱ le̱, adšō̱o̱le̱, ni moni olomoo̱ le̱, alomoo̱le̱.

⁷Ni Moab onukpai le̱ ke̱ Midian onukpai le̱ yiṅ ame̱te, ni ame̱hĩe klamo̱ *nyõmo̱wo le̱ ke̱-te; ni ame̱ba Bileam ṅõ, ni ame̱tšĩ Balak gbẽ le̱ ame̱hãle. [184]

⁸Ni ekē̱ame̱ ake̱: Nyewo̱a bie̱ nyō ne̱ṅ, koni mabahãnye hetō, bo̱ni Iehowa aakē̱mi. Ni Moab lumei le̱ hĩ Bileam ṅõ.

⁹Ni Nyoṅmo̱ ba Bileam ṅõ ni ebakē̱: Mẽ hĩĩ yo̱ oṅõ ne̱?

¹⁰Ni Bileam kē̱ Nyoṅmo̱ ake̱: Balak, Zipor bi ní dši Moab maṅtše̱ le̱, tšũame̱ miṅõ ake̱:

¹¹Na, maṅ ní dše̱ Mizraim ba le̱, eha šikpoṅ le̱ no̱ fẽ; nohewo̱ le̱ agbe̱ne̱ ba ni obalomo̱ame̱ ohãmi, ake̱ aleenõ manyẽ mike̱ame̱ awu, ni maſieame̱ lo.

¹²Ni Nyoṅmo̱ kē̱ Bileam ake̱: Oke̱-ame̱ akaya, kālomo̱ maṅ le̱ hũ, edšake̱ adšō̱le̱!

¹³Ni Bileam te ši lebi, ni ekē̱ Balak lumei le̱ ake̱: Nyeyaä nyemaṅ; edšake̱ Iehowa ekplẽẽmi ní mike̱nye aya.

¹⁴Ni Moab lumei le̱ te ši, ni ame̱kũ ame̱se̱ ke̱-te Balak ṅõ, ni ame̱kē̱: Bileam ekplẽẽ ake̱ eke̱wo̱ aba.

¹⁵Ni Balak sā tšũ bo̱foi ní yi fá ni ame̱hĩe yo̱ nyam fè tšutšubii le̱.

¹⁶Ni ame̱ba Bileam ṅõ, ni ame̱bakē̱le̱ ake̱: Bo̱ni Balak, Zipor bi le̱, kē̱ ne̱: Ofai ne̱, kāhã nokonoko mītšĩo miṅõbā gbe̱!

¹⁷Edšake̱ mawo ohĩe nyam babaō, ni nofẽno ní ookē̱mi le̱, mafe; hewo̱ le̱ ba ke̱ke̱ ni obalomo̱ ne̱ke̱ maṅ ne̱ ohãmi!

¹⁸Ni Bileam here no̱ ni ekē̱ Balak tšũdši le̱ ake̱: *Ke̱dši Balak ṅõ ewe le̱ dſie̱te̱i ke̱ šika obõ ehãmi tete le̱, minyẽṅ mateke Iehowa, mi-Nyoṅmo̱ le̱, wiemo̱ le̱, ní mafe noko bibiō lo noko wulu ko. [185]

¹⁹Ši kẽle̱ nye hũ nyewo̱a bie̱ nyō ne̱ṅ, koni makwe̱ noni Iehowa aakē̱mi ekoṅ.

²⁰Ni Nyoṅmo̱ ba Bileam ṅō nyōṅ ni ekē̱le̱ ake̱: Ke̱dši kpēmo̱ hĩĩ ne̱ bao kpēmo̱ le̱, te ši ni oke̱ame̱ aya; ši kẽle̱ noni makē̱o le̱, no noṅṅ oſe.

²¹Ke̱ke̱ ni Bileam te ši lebi, ni ewo etedšiyō no̱ nii, ni eke̱ Moab lumei le̱ yiṅ ete.

²²Ši Nyoṅmo̱ mli wo la ake̱ ēya, ni Iehowa bo̱fo le̱ badamo̱ gbe̱ le̱ no̱, koni ebafole̱; ši le̱ le̱ etá etedšiyō le̱ no̱ ke̱-mba, ni eblahĩĩ enyo̱ le̱ ke̱le̱ nyie.

²³Ni tedšiyō le̱ na Iehowa bo̱fo le̱ damo gbe̱ le̱ no̱, ní *egbla eklante ehĩe edeṅ, ni tedšiyō le̱ w̌i gbe̱ le̱, ni eyanyie ṅã le̱ no̱; ni Bileam yi tedšiyō le̱, koni eke̱-do̱ eyi ke̱-ba gbe̱ le̱ ne̱. [186]

²⁴Ke̱ke̱ ni Iehowa bo̱fo le̱ yadamo̱ gbe̱ vō ko ní kã weintromi ateṅ ní gbogbo yo̱ bie̱ ke̱ bie̱ le̱ no̱.

²⁵Ni beni tedšiyō le̱ na Iehowa bo̱fo le̱, eke̱ ehe yakpe̱te̱ gbogbo le̱, ni emĩa Bileam nane ekpe̱te̱ gbogbo le̱; ni eyile̱ ekoṅ.

²⁶Ni Iehowa bo̱fo le̱ sã tši ke̱-te ehĩe, ni eyadamo̱ nifĩfĩaṅ heko, heni gbe̱ be̱ ní ake̱-tšṍo̱ he ke̱-yaä ninedšŭrõ lo abe̱ku.

²⁷Ni beni tedšiyō le̱ na Iehowa bo̱fo le̱, eho ekũla ši ye̱ Bileam šiši; ke̱ke̱ ni Bileam mli wo la, ni eṅõ tšo le̱ etſa tedšiyō le̱.

²⁸Ke̱ke̱ ni Iehowa gble tedšiyō le̱ nābu, ni ekē̱ Bileam ake̱: Meni mifeo, ni oyimi šii etẽ so̱ṅṅ ne̱? [187]

²⁹Ni Bileam kē̱ tedšiyō le̱ ake̱: Edšake̱ ofemi kolo! Edši mihĩe klante kũle̱, be ne̱ migbeo momo!

³⁰Ni tedšiyō le̱ kē̱ Bileam ake̱: Ani dšee otedšiyō dšimi ni otáa mino̱ dãne̱ ke̱-baši ṅme̱ne̱ gbĩ ne̱? Ani mifeo ne̱ke̱ dã lo? Ni ekē̱: Dabi.

³¹Ke̱ke̱ ni Iehowa gble Bileam hĩṅme̱ii, ni ena Iehowa bo̱fo le̱ damo̱ gbe̱ le̱ no̱, ní egbla eklante ehĩe edeṅ; ni emã eyi ši ni eke̱ ehĩe bu ši fe̱tē̱.

³²Ni Iehowa bo̱fo le̱ kē̱le̱ ake̱: Mẽhewo̱ oyi otedšiyō le̱ šii etẽ so̱ṅṅ ne̱? Na, mi le̱ miba mibafoö; edšake̱ ogbe̱ le̱ edšaa ye̱ mihĩe.

³³Ni tedšiyō le̱ nami, ni ew̌i ehe ke̱-dše̱ mihĩe šii etẽ so̱ṅṅ; edši ew̌ii ehe ke̱-dše̱e̱ mihĩe kũle̱, be ne̱ migbeo momo, ni le̱ le̱ mihere eyi wala.

³⁴Ni Bileam kē̱ Iehowa bo̱fo le̱ ake̱: Mife eša; edšake̱ milee ake̱ bo obafomi ye̱ gbe̱ le̱ no̱; nohewo le̱ agbe̱ne̱, ke̱dši esaa ohĩe le̱, makũ mise̱ mo̱!

³⁵Ni Iehowa bo̱fo le̱ kē̱ Bileam ake̱: Oke̱ hĩĩ le̱ aya ke̱ke̱; ši wiemo̱ ní mike̱o aawie le̱, no noṅṅ owie! Ke̱ke̱ ni Bileam ke̱ Balak lumei le̱ yiṅ te.

³⁶Ni beni Balak nu ake̱ Bileam mība le̱, eyiṅ ke̱-tele̱ kpēmo̱ ye̱ Moab maṅ ní kã Arnon kpokpai le̱ ana ye̱ kpokpai le̱ anāgbēhe le̱ tō̃.

³⁷Ni Balak kē̱ Bileam ake̱: Ani dšee tšũ mitšũ kpẽkpē̃kpẽ ake̱ abakpēo ke̱-ba? Mẽba obaa le̱? Ani osusuo̱ ake̱ minyẽṅ ohĩe nyam mawo?

³⁸Ni Bileam kē̱ Balak ake̱: Na, miba oṅõ moṅ; ši ani manyẽ wiemo̱ ko mawie lo? Wiemo̱ ní Nyoṅmo̱ aaṅõ-wo minā le̱, no noṅṅ mibawie!

³⁹Ni Bileam ke̱ Balak te, ni ame̱ba Kiriat-Huzot.

⁴⁰Ni Balak ṅõ tšinai ke̱ tōi ešã afole, ni emãdše Bileam ke̱ lumei ní ke̱le̱ yo̱ le̱ eko.

⁴¹Ni eba mli dšetše̱reno̱ le̱ ake̱ Balak ṅõ Bileam ni eke̱le̱ te *Baal gõdši le̱ ano̱, ni dše̱i edše̱ ena heni maṅ le̱ nā yakpa. [188]