Read luganda 4 Mose 23 Bible Online

4 Mose 23 - luganda bible

4 Mose 23

¹Ni Bileam kē̱ Balak ake̱: Mãmo̱ afo̱lešãlate̱i kpawo ye̱ bie̱ ohãmi, ni otao tšinahĩĩ kpawo ke̱ tōagboi kpawo oto bie̱ ohãmi.

²Ni Balak fe boni Bileam kē̱ le̱; ni Balak ke̱ Bileam šã tšinanũ kome ke̱ tōagbo kome ye̱ afe̱lešãlate̱-fẽ-afo̱lešãlate̱ no̱.

³Ni Bileam kē̱ Balak ake̱: Yadamo̱ ošā̃-afo̱le le̱ he; ni maya, ake̱ aleenõ Iehowa ke̱mi aakpe lo; ni wiemo̱-fẽ-wiemo̱ ní eekē̱mi le̱, matšĩ tã makē̱o. Ni eyiṅ ke̱-te goṅ kpatā ko no̱.

⁴Ni Nyoṅmo̱ ke̱ Bileam kpe, ni ekē̱le̱ ake̱: Mimãmo̱ afo̱lešãlate̱i kpawo, ni misa tšinanũ kome ke̱ tōagbo kome ye̱ afolešãlate̱-fẽ-afo̱lešãlate̱ no̱.

⁵Ni Iehowa ṅõ wiemo̱ ewo Bileam nā ni ekē̱le̱ ake̱: Kũ ose̱ ke̱-ya Balak ṅõ, ni bo̱ni owie ne̱!

⁶Ni ekũ ese̱ ke̱-te eṅõ, ni na, edamo ešã-afo̱le le̱ he, le̱ ke̱ Moab lumei le̱ fẽ.

⁷Ni ewó ebe̱bua le̱ no̱ ni ekē̱: Aram tō̃ Balak yaṅõmi ke̱-dše̱, Moab maṅtše̱ le̱ yaṅõmi ke̱-dše̱ bokã gõdši le̱ ano̱ ake̱: Ba, ní obalomo̱ Iakob ohãmi, ni obakpa musu oſie Israel no̱!

⁸Té aafe tēṅ ní malomo̱ moni Mawu lomo̱kole̱ le̱? Ni té aafe tẽṅ ní makpa musu maſie moni Iehowa ekpa eyi musu le̱ no̱ṅ?

⁹Edšake̱ te̱sāi ayiteṅ midše̱ minale̱, ni goṅkpo̱i ano̱ midše̱ mikwe̱le̱. Na, maṅ ne̱, ekometō eehĩ ši, ni ebuṅ ehe ešiṅ dšeṅmãdši le̱ ano̱.

¹⁰Namo aanyẽ Iakob *mlu le̱ akane, lo Israel mlidšāi edſe̱ mli ekome le̱ yikule̱? Hã †magbo dšalo̱i agbĕle, ni mināgbē atamo̱ ame̱no! [189]

¹¹Ke̱ke̱ ni Balak kē̱ Bileam ake̱: Té oke̱mi yeo̱ tēṅ ne̱? Mihenye̱lo̱i alōmo̱ hewo̱ miyaṅõo ke̱-ba, ni na, dšō̱mo̱ so̱ṅṅ odšō̱ame̱ ne̱!

¹²Ni ehere no̱ ni ekē̱: Ani esaa ake̱ makwe̱ dšogbaṅ ní mawie noni Iehowa ṅõ-wo minā le̱? [190]

¹³Ni Balak kē̱le̱ ake̱: Ofai ne̱, ba ní wo̱te hekroko, heni oonaame̱ ye̱; ame̱fã ke̱ke̱ oona, ši onaṅ ame̱fẽ; ni olomo̱ame̱ ye̱ dše̱i ohãmi!

¹⁴Ni eṅole̱ ke̱-te Zofim ṅã le̱ no̱ ye̱ Pisga goṅ le̱ yiteṅ, ni emãmo̱ afo̱lešãlate̱i kpawo, ni ešã tšinanā kome ke̱ tōagbo kome ye̱ afo̱lešãlate̱-fẽ-afo̱lešãlate̱ no̱.

¹⁵Ni ekē̱ Balak ake̱: Badamo̱ bie̱ ye̱ ošā̃-afo̱le le̱ he, koni mike̱le̱ ayakpe ye̱ dše̱i.

¹⁶Ni Iehowa ke̱ Bileam kpe, ni eke̱ wiemo̱ wo enā ni ekē̱: Kũ ose̱ ke̱-ya Balak ṅõ, ni bo̱ni owie ne̱!

¹⁷Ni eba eṅõ, ni na, edamo̱ ešā̃-afo̱le le̱ he, ni Moab lumei le̱ ke̱le̱ damo̱ ši; ni Balak kē̱le̱ ake̱: Meni Iehowa kē̱?

¹⁸Ni Bileam wó ebe̱bua le̱ no̱ ni ekē̱: Te ši, Balak, ní obo toi! Femo̱ toi ohãmi, Zipor bi!

¹⁹Dšee gbomo dši Mawu ní eemale, alo gbomo bi ní eeſa ehe. Aso eekē̱ noko ni efeṅ? Alo eewo ši ni eyeṅ no̱? [191]

²⁰Na, dšō̱mo̱ afã́mi ake̱ midšō̱; ni edšō̱, ni minyẽṅ hĩe matšake.

²¹Enako ošrã ko ye̱ Iakob he, ni asaṅ enako hedšramo̱ ko ye̱ Israel he. Iehowa, e-Nyoṅme̱ le̱, ke̱le̱ ye̱, ni maṅtše̱ he nyã́mo̱ ye̱ ame̱teṅ.

²²Mawu edšieame̱ ye̱ Mizraim, ehewale̱ tamo̱ wuo nõ.

²³Edšake̱ ṅkũnyā ko nyẽṅ Iakob, ni okomfoi agbale̱ ko hũ mōṅ Israel. Ke̱ še̱ be le̱ aagba nii ní Mawu etšu ye̱ Iakob ke̱ Israel he le̱.

²⁴Na, maṅ ne̱ teo̱ ši *tamo̱ dšatayō, ni ewoo̱ ehe no̱ tamo̱ dšatanū; ebuṅ ši dša eye mĩle̱lo le̱, ni enu mei ní enyõnyõi le̱ alá dã. [192]

²⁵Ke̱ke̱ ni Balak kē̱ Bileam ake̱: Kālomo̱ame̱ le̱, asaṅ kādšō̱ame̱ hũ.

²⁶Ni Bileam here no̱ ni ekē̱ Balak ake̱: Ani mikē̱ē̱o ake̱: Nofẽno ni Iehowa aakē̱ le̱, no mibafe lo? [193]

²⁷Ni Balak kē̱ Bileam ake̱: Agbe̱ne̱ hã wo̱ya hekroko; ekole̱ aasa Nyoṅmo̱ hĩe, ni olomo̱ame̱ kẽ ye̱ dše̱i ohãmi!

²⁸Ni Balak ṅõ Bileam ke̱-te *Peor goṅ le̱ ní kwe̱o̱ ṅã kplenẽ le̱ no̱ le̱ yiteṅ. [194]

²⁹Ni Bileam kē̱ Balak akē̱: Mãmo̱ afo̱lešãlate̱i kpawo ye̱ bie̱ ohãmi, ni oba-hãmi tšinahĩĩ kpawo ke̱ tōagboi kpawo ye̱ bie̱! [195]

³⁰Ni Balak fe bo̱ni Bileam kē̱le̱ le̱, ni ešã tšinanū kome ke̱ tōagbo kome ye̱ afo̱lešãlate̱-fẽ-afo̱lešãlate̱ no̱.