Read luganda 4 Mose 24 Bible Online

4 Mose 24 - luganda bible

4 Mose 24

¹Ši beni Bileam na ake̱ esa Iehowa hĩe ake̱ edšō̱ Israel le̱, eyaa take̱ bo̱ni eyaä ye̱ bei krokomei amli ake̱ eyakla klamo̱ ko le̱, ši moṅ eṅõ ehĩe emã ṅã le̱ no̱ gbe̱.

²Ni Bileam hole ehĩṅme̱ii ano̱, ni ena Israel dſere ši ye̱ ame̱kutšei le̱ anã; ni Nyoṅmo̱ Mumo̱ le̱ ba eno̱,

³ni ewó ebe̱bua le̱ no̱ ni ekē̱: Bo̱ni Bileam, Beor bi le̱, kē̱ ne̱, bo̱ni nū ní *hĩṅme̱i egble le̱ kē̱ ne̱, [196]

⁴moni nuo̱ Mawu wiemo̱i le̱, moni naä Ofe le̱ kpodšiemo̱i le̱, ni ke̱ ekũla ši ní adšieo̱ ehĩṅme̱ii ano̱ nii le̱ wiemo̱ ne̱: [197]

⁵Kwe̱, bo̱ni obūi le̱ yo̱ fe̱o hã, Iakob! ošihĩle̱hei le̱ hũ, Israel!

⁶Tamo̱ fā he dšō̱i ní elē̱ ši, tamo̱ abo̱i ye̱ fā ko nā; tamo̱ aloetšei ní Iehowa te̱o, tamo̱ tšenedrutšei ye̱ fāi atoi!

⁷Nu adše̱ Iakob nuyē̱nõ mli aſie ši, ni esešibii le̱ ahĩ nu babaō he. Ni emaṅtše̱ le̱ aawó eno̱ fè Agag, ni aawó emaṅtše̱yeli le̱ no̱.

⁸Mawu edšiele̱ ye̱ Mizraim; ehewale tamo̱ wuo nõ. Eeye dšeṅmãdši ní dši ehenye̱lo̱i le̱, ni ame̱wui le̱ tete eedſăra, ni eeṅõ egãii le̱ etšẽrẽame̱.

⁹*Ēkoto ši, ēbu ši tamo̱ dšatanū ni tamo̱ dšatayō; namo aawo ehĩe la? Mofẽmo †ni dšō̱o̱o le̱, aadšō̱le̱, ni mofẽmo ní lomoo̱o le̱, aalomo̱le̱! [198]

¹⁰Ke̱ke̱ ni Balak mli wo Bileam la, ni etſa edẽ. Ni Balak kē̱ Bileam ake̱: Miyakpēo ní obalomo̱ mihenye̱lo̱i, ni na, dšō̱mo̱ so̱ṅṅ odšō̱o̱ame̱ šii etẽ ne̱ fẽ!

¹¹Nohewo̱ le̱ agbe̱ne̱ kũ ose̱ oya omaṅ! Mikē̱ ake̱ mawo ohĩe nyam, ši na, Iehowa etšĩ ohĩe nyamwō le̱ nā.

¹²Ni Bileam kē̱ Balak ake̱: Ani mikē̱ē̱ obo̱foi ní otšũ miṅõ le̱ tete ake̱:

¹³Ke̱dši Balak ṅõ ewe le̱ dſie̱te̱i ke̱ šika obõ ehãmi tete le̱, minyẽṅ mateke Iehowa wiemo̱ le̱, ní mato miyiṅ mafe ekpakpa lo efõṅ ko, ake̱ dša noni Iehowa aakē̱ le̱ noṅṅ makē̱ lo? [199]

¹⁴Ni agbe̱ne̱, na, mi le̱ miya mimaṅ; ši na, mibatſao adafi noni ne̱ke̱ maṅ ne̱ aafe omaṅ le̱ wó̱se̱ ko.

¹⁵Ni *ewó ebe̱bua le̱ no̱ ni ekē̱: Bo̱ni Bileam, Beor bi le̱, kē̱ ne̱, bo̱ni nū ní agble ehĩṅme̱i le̱ kē̱ ne̱, [200]

¹⁶moni nuo̱ Mawu wiemoi le̱, ni Ṅweinyo le̱ nilē yo̱ emli, moni naä Ofe le̱ kpodšiemo̱i le̱, ni ke̱ ekũla ši, ní adšieo̱ ehĩṅme̱ii ano̱ nii le̱, wiemo̱ ne̱:

¹⁷Mīnale̱, ši eše̱ko ši, mīkwe̱le̱, ši ebe̱ṅke̱ko. *Ṅulami ko aadše̱ Iakob mli aba, ni maṅtše̱tšo ko aate ši ke̱-adše̱ Israel mli, ni †eetſia lumei le̱ anii, ni eekũmo̱ Set bii le̱ ſẽ eſie ši. [201]

¹⁸Ni *eeye Edom no̱, ni eeye Seir, ehenye̱lo̱ le̱, no̱; ši Israel le̱, efeo ekà. [202]

¹⁹Ni moko aadše̱ Iakob mli *aye no̱, ni eekpãtã mei ní aafe̱ ye̱ mã le̱ṅ le̱ ahĩe. [203]

²⁰Ni beni ekwe̱ Amalekbii le̱, ewó ebe̱bua le̱ no̱ ni ekē̱: Dšeṅmãdši ateṅ kleṅkleṅ maṅ dši Amalek; ši *enāgbē dši hĩekpãtãmo̱! [204]

²¹Ni beni ekwe̱ *Kenbii le̱, ewó ebe̱bua le̱ no̱ ni ekē̱: Ošihĩle̱he le̱ mã ši šiṅṅ, ni †oṅõ otšũ le̱ omã te̱sā no̱. [205]

²²Ši kẽle̱ Kenbii le̱ ahĩe aakpãtã, ni etše̱ṅ ni Ašur aaṅõame̱ nom.

²³Ni esā ewó ebe̱bua le̱ no̱ ni ekē̱: Ao! namo hĩe aakã, beni Mawu feo̱ ene̱ le̱?

²⁴Ši le̱dši aadše̱ Kitim ṅšo̱nā aba, ni ame̱abahao Ašur, ni ame̱abahao Heber; ni le̱dientše̱ hũ, eete hĩekpãtãmo̱ mli!

²⁵Ke̱ke̱ ni Bileam *te ši ni eyiṅ ete, ni ekũ ese̱ ke̱-te emaṅ; ni Balak hũ ko egbe. [206]