Read luganda 4 Mose 27 Bible Online

4 Mose 27 - luganda bible

4 Mose 27

¹Ke̱ke̱ ni *Zelofehad ní dši Manase bi Makir bi Gilead bi Hefer bi le̱ biyei, ní yo̱ Iosef bi Manase akutšo le̱ṅ, ní atšé̱o̱ame̱ Mahela ke̱ Noa ke̱ Hogla ke̱ Milka ke̱ Tirza le̱ tši be̱ṅke̱, [227]

²ni ame̱badamo̱ Mose ke̱ oso̱fo Eleazar ke̱ lumei le̱ ke̱ asafo mū le̱ fẽ hĩe ye̱ kpē-bū šĩnā le̱ nā, ni ame̱kē̱:

³Wo̱tše̱ gbo ye̱ ṅã le̱ no̱; ši le̱ le̱ ebe̱ asafo ní te ši wo *Iehowa ní dši Kora asafo le̱ mli, ši egbo ye̱ †le̱dientše̱ ehe eša nā, ni efo̱o̱ bihĩĩ. [228]

⁴Mẽba aadšie wo̱tše̱ gbe̱i ye̱ eweku le̱ mli, ye̱ binū ní ebe̱ le̱ hewo̱? Nyehãawo̱ wogbe̱nā ye̱ wo̱tše̱ nyemimei le̱ ateṅ!

⁵Ni Mose ke̱ amesane le̱ ba Iehowa hĩe. [229]

⁶Ni Iehowa kē̱ Mose ake̱:

⁷Bo̱ni Zelofehad biyei le̱ kē̱ le̱ dša; hãame̱ gbe̱fãṅnõ ko kẽ ye̱ ame̱tše̱ nyemimei le̱ ateṅ, ni ame̱tše̱ gbošinii le̱ aše̱ ame̱deṅ.

⁸Ni oke̱ Israelbii le̱ awie ake̱: Ke̱dši nū ko gbo ni ebe̱ binū le̱, no le̱ nyehãa egbošinii le̱ atšṍa ebiyō nõ.

⁹Ni ké̱ ebe̱ biyō le̱, no le̱ nyeke̱ egbošinii le̱ ahãa enyemimeihīĩ.

¹⁰Ni ké̱ ebe̱ nyemimeihĩĩ hũ le̱, no le̱ nyeke̱ egbošinii le̱ ahãa etše̱ nyemimeihĩĩ.

¹¹Ni ké̱ etše̱ be̱ nyemimeihĩĩ hũ le̱, no le̱ nyeke̱ egbošinii le̱ ahãa ewekunyo ní be̱ṅke̱le̱ ye̱ eweku le̱ mli, ní eye egbošinii le̱. Ni ene̱ atsṍ mla ní ake̱-kodšo ye̱ Israelbii le̱ ateṅ, take̱ bo̱ni Iehowa wo Mose kitã le̱.

¹²Ke̱ke̱ ni Iehowa kē̱ Mose ake̱: *Kwo̱ ne̱ke̱ Abarim goṅ ne̱, ní okwe̱ šikpoṅ ní miṅõ-hã Israelbii le̱. [230]

¹³Ni ke̱ okwe̱ ogbe nā le̱, bo hũ aabua onā afata omei le̱ ahe, take̱ bo̱ni *abua onyemi Aaron hũ nā le̱; [231]

¹⁴edšake̱ nyekũ migbẽi ano̱ ye̱ Zin ṅã le̱ no̱, ye̱ asafo le̱ béi le̱ mli, beni kũle̱ sa ake̱ nyefemi kroṅkroṅ ye̱ nu le̱ hewo̱ ye̱ ame̱hĩe le̱. No dši Meriba nu le̱ ye̱ Kadeš ye̱ Zin ṅã le̱ no̱. [232]

¹⁵Ni Mose ke̱ Iehowa wie ni ekē̱:

¹⁶Hã Iehowa, *helo fẽ mumo̱i le̱ a-Nyoṅmo̱ le̱, afã nū ko ato asafo le̱ no, [233]

¹⁷moni aanyie ame̱hĩe ke̱-dše kpo ni eenyie ame̱hĩe ke̱-ba, ni eekplaame̱ ke̱-dše kpo ni eekplaame̱ ke̱-ba hũ, koni Iehowa asafo le̱ akatamo̱ tōi ní be̱ kwelo̱. [234]

¹⁸Ni Iehowa kē̱ Mose ake̱: *Ṅõ Iošua, Nun bi le̱, moni dši nū ko ní Mumo̱ le̱ yo̱ emli le̱, ni oṅõ onine ofõ eno, [235]

¹⁹ni oke̱le̱ adamo̱ oso̱fo Eleazar ke̱ asafo mū le̱ fẽ hĩe, ni owole̱ kitã ye̱ ame̱hĩe;

²⁰ni *oṅõ ohĩenyam le̱ eko ohãle̱, koni Israelbii asafo mū le̱ fẽ abole̱ toi. [236]

²¹Ni ebadamo̱ oso̱fo Eleazar hĩe, koni etšṍ *urim gbale̱ le̱ no̱ ebi nii ehãle̱ ye̱ Iehowa hĩe; ni ewiemo̱ nā ame̱dše kpo ye̱, ni ewiemo̱ nā ame̱ba ye̱, le̱ ke̱ Israelbii le̱ fẽ ke̱ asafo mū le̱ fẽ. [237]

²²Ni Mose fe boni Iehowa wole̱ kitã le̱, ni eṅõ Iošua ni eke̱le̱ yadamo̱ oso̱fo Eleazar ke̱ asafo mū le̱ fẽ hĩe,

²³ní eṅõ enidši eſie eno̱, ni ewole̱ kitã, take̱ boni Iehowa tšṍ Mose no̱ ewie le̱.