Read luganda 4 Mose 28 Bible Online

4 Mose 28 - luganda bible

4 Mose 28

¹Ni Iehowa ke̱ Mose wie ni ekē̱:

²Wo Israelbii le̱ akitã ni okē̱ame̱ ake̱: *Minikēnii ní dši miniyenii-afo̱lei ní ake̱ la šãa ní dšeo̱ ṅma woo̱mi le̱, nyehĩe ahĩa no̱ ní nyeke̱-bahãami ye̱ be ní sa mli. [238]

³Ni okē̱ame̱ ake̱: Šā̃-afo̱le ní nyešã nyehã Iehowa ne̱: Gbĩ-fẽ-gbĩ le̱ gwanteṅbii enyo̱ ní eye afifi ní kpa ko be̱ ame̱he ake̱-šã afo̱le ahãmi. [239]

⁴Ošã gwanteṅbi kome lebi, ni ošã ekome hū gbe̱ke̱nāši.

⁵Ni aṅõ ṅmā̃ mã efa mlidšāi nyoṅma mli ekome *afe niyenii-afo̱le, ni aṅõ mũ ní aši hin mlidšāi edſe̱ mli ekome awo mli. [240]

⁶Dā šā̃-afo̱le dši no, noni ašã ye̱ Sinai goṅ le̱ he, ní dši afole ni ake̱ la šãa ahã Iehowa ni dšeo̱ ṅma le̱.

⁷Ni ehe dā̃-afo̱le dši hin mlidšāi edſe̱ mli ekome ni ake̱-fata gwanteṅbi kome he. Hekroṅkroṅ le̱ ofo̱se dā̃-afo̱le ne̱ oſie ši ohã Iehowa ye̱.

⁸Ni gwanteṅbi kroko le̱ hũ ošã gbe̱ke̱nāši; ni oṅõ ehe niyenii-afo̱le ke̱ dā̃-afo̱le ofata he, tamo̱ lebi nõ le̱, ní efe afole ní ake̱ la šãa ní dšeo̱ ṅma woo Iehowa.

⁹Ši *hedšō̱mo̱gbĩ le̱ no̱ le̱ oke̱ gwanteṅbihĩĩ enyo̱ ní eye afifi ní kpa ko be̱ amehe aba, ke̱ ṅmā̃ mã efa mlidšāi nyoṅma mli enyo̱ ní awo mli mũ, ní ake̱-fe niyenii-afo̱le ke̱ ehe dā̃-afo̱le. [241]

¹⁰Hedšō̱mo̱gbĩ-fẽ-hedšō̱mo̱gbĩ no̱ šā̃-afo̱le dši no, sõro dā šā̃-afo̱le ke̱ ehe dā̃-afo̱le le̱.

¹¹Ni ye̱ nyenyõdši le̱ adšẽ kleṅkleṅ gbĩ le̱ no̱ le̱ nyebašãa šā̃-afo̱le nyehãa Iehowa: tšina-oblahĩĩ enyo̱, tōagbo kome, gwanteṅbihĩĩ kpawo ní eye afifi ní kpa ko be̱ ame̱he; [242]

¹²ke̱ ṅmā̃ mã efa *mlidšäi nyoṅma mli etẽ ní awo mli mũ ní ake̱-fe niyenii-afo̱le afata tšinanū komekome he, ke̱ ṅmā̃ mã efa mlidšāi nyoṅma mli enyo̱ ní awo mli mũ ní ake̱-fe niyenii-afo̱le afata tōagbo kome le̱ he, [243]

¹³ke̱ ṅmā̃ mã efa mlidšāi nyoṅma mli ekome ní awo mli mũ ní ake̱-fe niyenii-afo̱le afata gwanteṅbii le̱ fẽ he ekomekome; šā̃-afo̱le ní dšeo̱ ṅma ní ake̱ la šãa ahãa Iehowa dši no.

¹⁴Ni ame̱he dā̃-afo̱lei dši wein hin fã hã tšinanū kome, ke̱ hin mlidšāi etẽ mli ekome hã tōagbo le̱, ke̱ hin mlidšāi edſe̱ mli ekome hã gwanteṅbi kome. Ene̱ dši nyõṅ-fẽ-nyõṅ no̱ šā̃-afo̱le ye̱ afi mli nyõdši le̱ fẽ no̱;

¹⁵ke̱ *tōkpakpo kome hũ ní ake̱-šã eša-afo̱le ahã Iehowa. Sŏro no, ni sŏro dā šā̃-afo̱le ke̱ ehe dā̃-afo̱le le̱ hũ. [244]

¹⁶Ši kleṅkleṅ nyõṅ le̱ no̱ gbĩ ní dši gbĩ nyoṅma ke̱ edſe̱ le̱ dši Iehowa *Hehō le̱. [245]

¹⁷Ni ne̱ke̱ nyõṅ ne̱ noṅṅ no̱ gbĩ ní dši gbĩ nyoṅma ke̱ enumo̱ le̱ gbĩdšũrõ ni: Aye abolo akpĩtĩ gbĩĩ kpawo.

¹⁸Kleṅkleṅ gbĩ le̱ ne̱ le̱ akpe *kpē kroṅkroṅ; nyekatšua nitšumo̱ ko nitšumo̱ ko ni wa. [246]

¹⁹Ni nyeke̱ afo̱le ní ake̱ la šãa ní dši šā̃-afo̱le abahãa Iehowa: tšina-oblahĩĩ enyo̱ ke̱ tōagbo kome ke̱ gwanteṅbihĩĩ kpawo ní eye afifi, kpa ko akahĩ amehe;

²⁰ni ame̱he niyenii-afo̱le dši *ṅmā̃ mã efa mlidšāi nyoṅma mli etẽ ní awo mli mũ hã tšinanū kome, ke̱ efa mlidšāi nyoṅma mli enyo̱ hã tōagbo le̱, [247]

²¹ke̱ efa mlidšāi nyoṅma mli ekome hã gwanteṅbihĩĩ kpawo le̱ fẽ ekomekome;

²²ke̱ *tōkpakpo kome ní ake̱-šã eša-afo̱le ní ake̱-kpãtã ahãnye. [248]

²³Nyešãa ene̱mei nyešia šā̃-afo̱le ní dši dā lebi šā̃-afo̱le le̱ no̱.

²⁴Nakai noṅṅ nyefea dā gbĩĩ ke̱-yaši gbĩĩ kpawo; afo̱le niyenii ní ake̱ la šãa ní dšeo̱ ṅma woo̱ Iehowa ni; sŏro no, ni sŏro dā šā̃-afo̱le le̱ ke̱ ehe dā̃-afo̱le le̱.

²⁵Ni gbĩ ní dši gbĩ kpawo le̱ no̱ hũ nyekpea kpē kroṅkroṅ; nyekatšua nitšumo̱ ko nitšumo̱ ko ní wa.

²⁶Asaṅ *kleṅkleṅ yibii agbĩ le̱ ní dši gbĩdšŭrõ ní ayeo̱le̱ otši le̱ no̱, beni nyeke̱ ṅmā̃-hē-afo̱le bahãa Iehowa le̱, nyekpea kpẽ kroṅkroṅ; nyekatšua nitšumo̱ ko nitšumo̱ ko ní wa. [249]

²⁷Ni nyešã šā̃-afo̱le ní edše ṅma ewo Iehowa: tšina-oblahĩĩ enyo̱ ke̱ tōagbo kome ke̱ gwanteṅbihĩĩ kpawo ní eye afifi;

²⁸ke̱ ame̱he niyenii-afo̱le: ṅmā̃ mã efa mlidšāi nyoṅma mli etẽ ní awo mli mũ hã tšinanū kome, efa mlidšāi nyoṅma mli enyo̱ hã tōagbo kome le̱,

²⁹efa mlidšāi nyoṅma mli ekome hã gwanteṅbihĩĩ kpawo le̱ fẽ ekomekome,

³⁰ke̱ *tōkpakpo kome ní ake̱-kpãtã ahãnye. [250]

³¹Nyešãa ene̱mei nyešia dā šā̃-afo̱le le̱ ke̱ ame̱he niyenii-afo̱le le̱ ke̱ ame̱he dā̃-afo̱lei le̱ ano̱; kpa ko akahĩ ame̱he.