Read luganda 4 Mose 29 Bible Online

4 Mose 29 - luganda bible

4 Mose 29

¹Ni nyõṅ ní dši kpawo le̱ no̱ kleṅkleṅ gbĩ le̱ no̱ le̱ nyekpea kpē kroṅkroṅ; nyekatšua nitšumo̱ ko nitšumo̱ ko ni wa; *nyete̱tre̱mantre̱ kpãmo̱ gbĩ ni. [251]

²Ni nyešã šā̃-afo̱le ní dšeo̱ ṅma woo̱ Iehowa: tšina-oblanyo kome, tōagbo kome, gwanteṅbihĩĩ kpawo ní eye afifi ní kpa ko be̱ ame̱he;

³ke̱ ame̱he niyenii-afo̱le: ṅmā̃ mã efa mlidšāi nyoṅma mli etẽ ní awo mli mũ hã tšinanū kome le̱, efa mlidšāi nyoṅma mli enyo̱ hã tōagbo le̱,

⁴ke̱ mlidšāi nyoṅma mli ekome hã gwanteṅbihĩĩ kpawo le̱ fẽ ekomekome;

⁵ke̱ tōkpakpo kome ní ake̱-šã eša-afo̱le ní ake̱-kpãtã ahãnye;

⁶sŏro nyõṅ hē no̱ šā̃-afo̱le ke̱ ehe niyenii-afo̱le le̱, ni sŏro dā šā̃-afo̱le ke̱ ehe niyenii-afo̱le le̱ ke̱ ame̱he dā̃-afo̱lei le̱ ye̱ ame̱gbe̱nāgbe̱nā, ni eefe afo̱le ní ake̱ la šãa ní dšeo̱ ṅmã woo̱ Iehowa.

⁷Ni ye̱ ne̱ke̱ nyõṅ ní dši kpawo ne̱ no̱ gbĩ ní dši *gbĩ nyoṅma le̱ no̱ le̱ nyekpea kpē kroṅkroṅ, ni nyewaä nyesusumai ayi; nyekatšua nitšumo̱ ko ni-tšumo̱ ko; [252]

⁸ši nyešãa šā̃-afo̱le nyehãa Iehowa ní edše ṅma: tšina-oblanyo kome, tōagbo kome, gwanteṅbihĩĩ kpawo ní eye afifi ní kpa ko akahĩ ame̱he,

⁹ke̱ ame̱he niyenii-afo̱le: ṅmā̃ mã efa mlidšāi nyoṅma mli etẽ ní awo mli mũ hã tšinanū le̱, efa mlidšāi nyoṅma mli enyo̱ ha tōagbo le̱,

¹⁰efa mlidšāi nyoṅma mli ekome hã gwanteṅbihĩĩ kpawo le̱ fẽ ekomekome;

¹¹ke̱ tōkpakpo kome ní ake̱-šã eša-afo̱le; esŏro *eša-afo̱le ní ake̱-kpãtãa le̱ ke̱ dã šā̃-afo̱le le̱ ke̱ ame̱he niyenii-afo̱le le̱ ke̱ ame̱he dā̃-afo̱lei le̱. [253]

¹²Ni nyõṅ ní dši nyõṅ kpawo le̱ no̱ gbĩ ní dši *gbĩ nyoṅma ke̱ enumo̱ le̱ no̱ le̱ nyekpea kpē kroṅkroṅ; nyekatšua nitšumo̱ ko nitšumo̱ ní wa, ši nyeyea gbĩdšŭrõ nyehãa Iehowa gbĩĩ kpawo. [254]

¹³Ni nyeke̱ šā̃-afo̱le ní dši afo̱le ní ake la šãa ní dšeo̱ ṅma woo̱ Iehowa abaä tšina-oblahĩĩ nyoṅma ke̱ etẽ, tōa-gboi enyo̱, gwanteṅbihĩĩ nyoṅma ke̱ edſe̱ ni eye afifi ní kpa ko be̱ ame̱he;

¹⁴ke̱ ame̱he niyenii-afo̱le: ṅmā̃ mã efa mlidšāi nyoṅma mli etẽ ní awo mli mũ hã tšinahĩĩ nyoṅma ke̱ etẽ le̱ fẽ ekomekome, ke̱ efa mlidšãi nyoṅma mli enyo̱ hã tōagboi enyo̱ le̱ fẽ ekomekome;

¹⁵ke̱ efa mlidšãi nyoṅma mli ekome hã gwanteṅbihĩĩ nyoṅma ke̱ edſe̱ le̱ fẽ ekomekome;

¹⁶ke̱ tōkpakpo kome ní ake̱-šã eša-afo̱le; esŏro dā šā̃-afo̱le ke̱ ehe niyenii-afo̱le ke̱ dā̃-afo̱le le̱.

¹⁷Ni gbĩ ní dši gbĩ enyo̱ le̱ no̱ le̱ nyešãa tšina-oblahĩĩ nyoṅma ke̱ enyo̱, tō-agboi enyo̱ ke̱ gwanteṅbihĩĩ nyoṅma ke̱ edſe̱ ní eye afifi ní kpa ko be̱ ame̱he;

¹⁸ke̱ ame̱he niyenii-afo̱le ke̱ dā̃-afo̱lei hã tšina-oblahĩĩ le̱ ke̱ tōagboi le̱ ke̱ gwanteṅbihĩĩ le̱ ye̱ ame̱yibo̱ le̱ nā gbe̱nā-gbe̱nã;

¹⁹ke̱ tōkpakpo kome ní ake̱-šã eša-afo̱le; esŏro dā šā̃-afo̱le ke̱ ehe niyenii-afo̱le le̱ ke̱ ame̱he dā̃-afo̱lei le̱.

²⁰Ni gbĩ ní dši gbĩ etẽ le̱ no̱ le̱: tšina-oblahĩĩ nyoṅma ke̱ ekome, tōagboi enyo̱ ke̱ gwanteṅbihĩĩ nyoṅma ke̱ edſe̱ ní eye afifi ní kpa ko be̱ ame̱he;

²¹ke̱ ame̱he niyenii-afo̱le ke̱ dā̃-afo̱lei hã tšina-oblahĩĩ le̱ ke̱ tōagboi le̱ ke̱ gwanteṅbihĩĩ le̱ ye̱ ame̱yibo̱ le̱ nā gbe̱nā-gbe̱nā;

²²ke̱ tōkpakpo kome ní ake̱-šã eša-afo̱le; esŏro dā šā̃-afo̱le ke̱ ehe niyenii-afo̱le ke̱ dā̃-afo̱le le̱.

²³Ni gbĩ ní dši gbĩ edſe̱ le̱ no̱ le̱: tšina-oblahĩĩ nyoṅma, tōagboi enyo̱ ke̱ gwanteṅbihĩĩ nyoṅma ke̱ edſe̱ ní eye afifi ní kpa ko be̱ ame̱he;

²⁴ke̱ ame̱he niyenii-afo̱le ke̱ dā̃-afo̱lei hã tšina-oblahĩĩ le̱ ke̱ tōagboi le̱ ke̱ gwanteṅbihĩĩ le̱ ye̱ ame̱yibo̱ le̱ nā gbe̱nāgbe̱nā;

²⁵ke̱ tōkpakpo kome ní ake̱-šã eša-afo̱le; esŏro dā šā̃-afo̱le ke̱ ehe niyenii-afo̱le ke̱ dā̃-afo̱le le̱.

²⁶Gbĩ ni dši gbĩ enumo̱ le̱ no̱ le̱: tšina-oblahĩĩ ne̱hũ, tōagboi enyo̱ ke̱ gwanteṅbihĩĩ nyoṅma ke̱ edſe̱ ní eye afifi ní kpa ko be̱ ame̱he;

²⁷ke̱ ame̱he niyenii-afo̱le ke̱ dā̃-afo̱lei hã tšina-oblahĩĩ le̱ ke̱ tōagboi le̱ ke̱ gwanteṅbihĩĩ le̱ ye̱ ame̱yibo̱ le̱ nā gbe̱nāgbe̱nā;

²⁸ke̱ tōkpakpo kome ní ake̱-šã eša-afo̱le, esŏro dā šā̃-afo̱le ke̱ ehe niyenii-afo̱le ke̱ dā̃-afo̱le le̱.

²⁹Gbĩ ní dši gbĩ ekpa le̱ no̱ le̱: tšina-oblahĩĩ kpānyo̱, tōagboi enyo̱ ke̱ gwanteṅbihĩĩ nyoṅma ke̱ edſe̱ ní eye afifi ní kpa ko be̱ ame̱he;

³⁰ke̱ ame̱he niyenii-afo̱le ke̱ dā̃-afo̱lei hã tšina-oblahĩĩ le̱ ke̱ tōagboi le̱ ke̱ gwanteṅbihĩĩ le̱ ye̱ ame̱yibo̱ le̱ nā gbe̱nāgbe̱nā;

³¹ke̱ tōkpakpo kome ní ake̱-šã eša-afo̱le; esŏro dā šā̃-afo̱le ke̱ ehe niyenii-afo̱le ke̱ dā̃-afo̱lei le̱.

³²Ni gbĩ ní dši gbĩ kpawo le̱ no̱ le̱: tšina-oblahĩĩ kpawo, tōagboi enyo̱ ke̱ gwanteṅbihìĩ nyoṅma ke̱ edſe̱ ní eye afifi ní kpa ko be̱ ame̱he;

³³ke̱ ame̱he niyenii-afo̱le ke̱ dā̃-afo̱lei hã tšina-oblahĩĩ le̱ ke̱ tōagboi le̱ ke̱ gwanteṅbihĩĩ le̱ ye̱ ame̱yibo̱ le̱ nā gbe̱nāgbe̱nā;

³⁴ke̱ tōkpakpo kome ní ake̱-šã eša-afo̱le; esŏro dā šā̃-afo̱le ke̱ ehe niyenii-afo̱le ke̱ dā̃-afo̱le le̱.

³⁵Ni gbĩ ní dši gbĩ kpānyo̱ le̱ no̱ le̱ nyekpea kpē kroṅkroṅ; nyekatšua nitšumo̱ ko nitšumo̱ ko ní wa;

³⁶ni nyeke̱ šā̃-afo̱le ní dši afo̱le ní ake̱ la šãa ní dšeo̱ ṅma woo̱ Iehowa abaä: tšinanū kome, tōagbo kome ke̱ gwanteṅbihĩĩ kpawo ní eye afifi ní kpa ko be̱ ame̱he;

³⁷ke̱ ame̱he niyenii-afo̱le ke̱ dā̃-afo̱lei hã tšinanū le̱ ke̱ tōagbo le̱ ke̱ gwanteṅbihĩĩ le̱ ye̱ ame̱yibo̱ le̱ nā gbe̱nāgbe̱nā;

³⁸ke̱ tōkpakpo kome ní ake̱-šã eša-afo̱le; esŏro dā šā̃-afo̱le ke̱ ehe niyenii-afo̱le ke̱ dā̃-afo̱le le̱.

³⁹Afo̱lei ní nyešã nyehã Iehowa ye̱ nyegbĩĩ dšudši ní ato le̱ ano̱ ne̱; esõro nyešā̃-afo̱lei ke̱ nyeniyenii-afo̱lei ke̱ nyedā̃-afo̱lei ke̱ nyešidā-afo̱lei le̱ ní nyešãa ye̱ šiwō nā lo suomo̱ nā le̱.