Read luganda 4 Mose 31 Bible Online

4 Mose 31 - luganda bible

4 Mose 31

²To̱ *Israelbii le̱ ahe owele ye̱ Midianbii le̱ ano̱, †dãni abua onā aſata omei le̱ ahe. [256]

³Ni Mose ke̱ maṅ le̱ wie ake̱: Nyeteṅ hĩĩ le̱ asā ame̱he ahã tayā, koni ame̱ke̱ Midianbii le̱ ayawu, ni ame̱ke̱ Iehowa oweletō̱ aba Midianbii le̱ ano̱.

⁴Israel akutšei le̱ fẽ mli le̱ nyefãmo̱a mei akpe ye̱ akutšo-fẽ-akutšo mli ní ame̱ya ta le̱.

⁵Ni afãmo̱ mei akpekpe ye̱ akutšo-fẽ-akutšo mli ke̱-dše̱ Israel akpei abo̱ le̱ ateṅ, ni mei akpei nyoṅma ke̱ enyo̱ sā ame̱he hã ta le̱ yā.

⁶Ni Mose wo akutšo-fẽ-akutšo mli mei akpekpe le̱ gbe̱ ke̱-te ta le̱, ni oso̱fo Eleazar bi *Pinehas ke̱ame̱ te; ni ehĩe nibii kroṅkroṅi le̱ ke̱ †ošèbō̱ te̱tre̱mantre̱i le̱. [257]

⁷Ni ame̱ke̱ Midianbii le̱ wu, take̱ bo̱ni Iehowa wo Mose kitã le̱, ni *amegbe nū-fẽ-nū. [258]

⁸Ni ame̱gbe Evi ke̱ Rekem ke̱ Zur ke̱ Hur ke̱ Reba, ni dši Midian maṅtše̱mei enumo̱ le̱, ame̱ši mei ní nyõnyõi le̱ ano̱; ni Bileam, Beor bi le̱, hũ ame̱ke̱ klante gbele̱. [259]

⁹Ni Israelbii le̱ ṅõ Midian yei ke̱ bii le̱ anom, ni ame̱ha ame̱dšatšutẽremo̱ koloi ke̱ ame̱lẽ̱̀-koloi ke̱ ame̱henibii fẽ.

¹⁰Ni ame̱mãdši ní ame̱hĩo̱ mli ke̱ ame̱nsrai le̱ fẽ ame̱ke̱ la šã.

¹¹Ni ame̱ṅõ ta mli nii le̱ fẽ ke̱ gbomei ke̱ koloi fẽ ní ame̱ha le̱,

¹²ni ame̱ke̱-ba Mose ke̱ oso̱fo Eleazar ke̱ Israelbii le̱ asafo le̱ ṅõ; nomi ke̱ nihanii ke̱ ta mli nii le̱ fẽ, ame̱ke̱-ba nsra le̱ṅ ye̱ Moab ṅã kplenẽ ní yo̱ Iordan se̱ ye̱ Ieriko ṅe̱le̱no̱ le̱ no̱.

¹³Ni Mose ke̱ oso̱fo Eleazar ke̱ asafo le̱ mli onukpai le̱ fẽ dše kpo yakpeame̱ ye̱ nsra le̱ se̱.

¹⁴Ni Mose mli fũ wo ta le̱ no̱ asafoiatše̱mei le̱, akpekpei atše̱mei ke̱ ohahai atše̱mei ní dše̱ ta le̱ ba le̱;

¹⁵ni Mose kē̱ame̱ ake̱: Mẽba nyehã yei le̱ fẽ hĩe kãmo̱?

¹⁶Na, mene̱mei noṅṅ tšṍ Bileam ṅāwō no̱ ame̱hã Israelbii le̱ tõ Iehowa wiemo̱ le̱ no̱ ye̱ Peor sane le̱ mli, ni gbĕle-hela ba Iehowa asafo le̱ mli le̱. [260]

¹⁷Nohewo̱ le̱ agbe̱ne̱ nyegbea gbekẽ-bii le̱ ateṅ *nū-fẽ-nū, ni asaṅ nyegbea yō-fẽ-yō ní ele nu; [261]

¹⁸ši gbekẽbiiyei fẽ ni leko nū le̱, nyešiaame̱ nyehãa nyehe.

¹⁹Ni nyedientše̱ hũ, nyehĩa nsra le̱ se̱ gbĩĩ kpawo; nyeteṅ mofẽmo ní egbe moko ke̱ mofẽmo ní eta moko ní enyõ gbonyo he le̱, nyetšūa nyehe ye̱ gbĩ ní dši gbĩ etẽ le̱ ke̱ gbĩ ní dši gbĩ kpawo le̱ no̱, nyeke̱ nyenomi le̱ fẽ. [262]

²⁰Ni mama-fẽ-mama ke̱ wolonõ-fẽ-wolonõ ke̱ nofẽno ní aṅõ tōabotia hetšo̱i afe ke̱ tšonõ-fẽ-tšonõ hũ nyetšūa he.

²¹Ni oso̱fo Eleazar kē̱ tabilo̱i ni te ta le̱ ake̱: Mla ke̱ akpo̱ ní Iehowa wo Mose ne̱:

²²Šika ke̱ dſie̱te̱i ke̱ akō̱ble ke̱ dade ke̱ sãnyā̃ ke̱ sumui,

²³nofẽno ní yaã la mli le̱, nyeke̱woa la mli ní ehe atše; ši kẽle̱ ake̱ hetšūmo̱nu le̱ atšũ he. Ši nofẽno ní eyaa la mli le̱ nyeke̱-woa nu mli.

²⁴Ni nyefo̱a nyetadei le̱ ahe ye̱ gbĩ ní dši gbĩ kpawo le̱ no̱, ní nyehe atše; ni no se̱ fẽdã ni nyeba nsra le̱ṅ.

²⁵Ni Iehowa kē̱ Mose ake̱:

²⁶Kanemo̱ nomṅõnii le̱ ayibo̱, gbomei ke̱ šĩa koloi le̱ fẽ, bo ke̱ oso̱fo Eleazar ke̱ asafo le̱ mli akutšei le̱ ano̱ onukpai le̱.

²⁷Ni odša nomṅōnii le̱ amli enyo ohã tabiloi ni te ta le̱ ke̱ asafo mũ le̱ fẽ [263]

²⁸Ni otšu tabilo̱i ní te ta le̱ onĩa ohã Iehowa: gbomei ke̱ tšinai ke̱ te-dšii ke̱ tōi le̱ fẽ, ohai enumo̱ le̱ atšu no̱ ekome.

²⁹Fã ní dši ame̱nõ le̱ mli odšie ye̱, ni oṅõ-hã oso̱fo Eleazar, ní ake̱-fe no̱wómo̱-afo̱le ahã Iehowa.

³⁰Ni fã ní dši Israelbii le̱ anõ le̱, gbomei ke̱ tšinai ke̱ tedšii ke̱ tōi ke̱ šĩa koloi le̱ fẽ le̱, ṅõ emli nyoṅmai-enumo̱ mli ekomekome, ni oṅõ-hã Levibii le̱ ní tšuo̱ Iehowa šihĩle̱he le̱ he nii le̱.

³¹Ni Mose ke̱ oso̱fo Eleazar fe bo̱ni Iehowa wo Mose kitã le̱.

³²Ni ta mli nii ní tabiloi le̱ ha le̱ amli noni ſe̱ ní ame̱ke̱-ba dši tōi, akpei-ohai-ekpa ke̱ akpei-nyoṅmai-kpawo-ke̱-enumo̱,

³³ke̱ tšinai akpei-nyoṅmai-kpawo-ke̱-enyo̱,

³⁴ke̱ tedšii akpei-nyoṅmai-ekpa-ke̱-ekome,

³⁵ke̱ gbomei ní dši yei ní leko nū le̱ akpei-nyoṅmai-etẽ-ke̱-enyo̱.

³⁶Ni fã ní dši mei ni te ta le̱ anõ le̱ yibo̱ dši tōi akpei-ohai-etẽ-ke̱-nyoṅmai-etẽ-ke̱-kpawo ke̱ ohai-enumo̱;

³⁷ni tōi le̱ ano̱ onĩa ní atšu ahã Iehowa dši tōi ohai-ekpa ke̱ nyoṅmai-kpawo ke̱ enumo̱.

³⁸Ni tšinai ayibo̱ dši akpei-nyoṅmai-etẽ-ke̱-ekpa; ni ame̱no̱ onĩa ní atšu ahã Iehowa dši tšinai nyoṅmai-kpawo ke̱ enyo̱.

³⁹Ni tedšii le̱ ayibo̱ dši akpei-nyoṅmai-etẽ ke̱ ohai-enumo̱; ni ame̱no̱ onĩa ní atšu ahã Iehowa dši nyoṅmai-ekpa ke̱ ekome.

⁴⁰Ni gbomei le̱ ayibo̱ dši akpei-nyoṅma-ke̱-ekpa; ni ame̱no̱ onĩa ní atšu ahã Iehowa dši mei nyoṅmai-etẽ ke̱ enyo̱.

⁴¹Ni Mose ṅẽ onĩa ní atšu ní dši Iehowa no̱wómo̱-afo̱le le̱ ehã oso̱fo Eleazar, take̱ bo̱ni Iehowa wo Mose kitã le̱.

⁴²Ši fã ní dši Israelbii le̱ anõ ní Mose he ke̱-dše̱ tabilo̱i le̱ adeṅ,

⁴³ni etšṍ asafo le̱ nõ le̱ dši tōi akpei-ohai-etẽ-ke̱-nyoṅmai-etẽ-ke̱-kpawo ke̱ ohai-enumo̱,

⁴⁴ke̱ tšinai akpei-nyoṅmai-etẽ-ke̱-ekpa,

⁴⁵ke̱ tedšii akpei-nyoṅmai-etẽ ke̱ ohai-enumo̱,

⁴⁶ke̱ gbomei akpei-nyoṅma-ke̱-ekpa

⁴⁷Ni fā ní dši Israelbii anõ le̱ mli le̱ Mose ṅõ gbomei ke̱ šĩa koloi nyoṅmai-enumo̱ mli ekomekome, ni eṅõ-hã Levibii le̱ ní tšuo̱ Iehowa šihĩle̱he le̱ he nii le̱, take̱ bo̱ni Iehowa wo Mose kitã le̱.

⁴⁸Ke̱ke̱ ni asafoiatše̱mei ní yo̱ ta le̱ mli mei akpekpei le̱ ano̱ ní dši mei akpekpei atše̱mei ke̱ ohahai atše̱mei le̱ ba Mose ṅõ,

⁴⁹ni ame̱bakē̱ Mose ake̱: Otšũdši ekane tabilo̱i ní wo̱hĩe le̱, ni ame̱teṅ mokomoko ekaa;

⁵⁰nohewo̱ le̱ wo̱ke̱ Iehowa nikēnii eba, mofẽmo noni ená, šika dſinei, nanešinii, ninešigai, niianāso̱omo̱gai, toiaṅnii ke̱ kue̱nii, koni ake̱-kpãtã ahã wo̱susumai ye̱ Iehowa hĩe.

⁵¹Ni Mose ke̱ oso̱fo Eleazar he šika dſinei le̱ fẽ ye̱ ame̱deṅ.

⁵²Ni šika fẽ ni amehe ye̱ mei akpe-kpei atše̱mei ke̱ mei ohahai atše̱mei le̱ adeṅ ni ame̱ke̱-fe no̱wómo̱-afo̱le ame̱hã Iehowa le̱ dši šekeli akpei-nyoṅma-ke̱-ekpa ke̱ ohai-kpawo ke̱ nyoṅmai-enumo̱.

⁵³Ši tabilo̱-fẽ-tabilo̱ ha nii hã ehe hũ.

⁵⁴Ni Mose ke̱ oso̱fo Eleazar he šika le̱ ye̱ mei akpekpei atše̱mei ke̱ mei ohahai atše̱mei le̱ adeṅ, ni ame̱ke̱-ba kpē-bū le̱ mli, ní ake̱-fe kaimo̱nõ ahã Israelbii le̱ ye̱ Iehowa hĩe.