Read luganda 4 Mose 34 Bible Online

4 Mose 34 - luganda bible

4 Mose 34

¹Ni Iehowa ke̱ Mose wie ni ekē̱:

²Wo Israelbii le̱ akitã ni okē̱ame̱ ake̱: Ke̱dši nyeyaše̱ Kanaan šikpoṅ le̱ no̱ le̱, no le̱ etšṍ šikpoṅ ní aṅõ-fõ ši ahãnye ake̱ nyegbe̱fãṅnõ: Kanaan šikpoṅ le̱ ye̱ ehũsũi le̱ anā. [295]

³No le̱ nye wuoyigbe̱ koṅ le̱ adše̱ *Zin ṅã le̱ no̱ ke̱-nyie Edom mase̱i, ni nyewuoyigbe̱ hũsũ le̱ adše̱ Ṅō-ṅšo̱ le̱ nā ye̱ bokãgbe̱; [296]

⁴ni nyehũsũ le̱ alo̱go̱ ke̱-tšṍ Akrabim ṅmeṅme le̱ wuoyigbe̱, ni efoṅ ke̱-tšṍ Zin, ni etšṍ ke̱-yadše Kadeš-Barnea wuoyigbe̱, ni ešrã Hazar-Adar ke̱-ya Azmon;

⁵ni hũsũ le̱ ado̱ eyi ke̱-dše̱ Azmon ke̱-ba Mizraim fā le̱ he, ni enā ayaši ṅšo̱ le̱ nā.

⁶Ni nyenaigbe̱ hũsũ dši ṅšo̱ wulu le̱; no dši nyenaigbe̱ hũsũ le̱.

⁷Ni ene̱ afe nyekōyigbe̱ hũsũ le̱: nyedšea ṅšo̱ wulu le̱ nā nyekadia Hor goṅ le̱ nyehãa nyehe;

⁸ni nyedšea Hor goṅ le̱ he nyekadia ke̱-yašia Hamat, ni hũsũ le̱ nā ayaſie Zedad.

⁹Ni hũsũ le̱ ayaše̱ Zifron, ni enyie no̱ ke̱-yaši Hazar-Enan. Ene̱ afe nyekōyigbe̱ hũsũ.

¹⁰Ni nyekadia nyebokãgbe̱ hũsũ le̱ ke̱-dše̱a Hazar-Enan ke̱-yaši Šefam;

¹¹ni hũsũ le̱ adše̱ Šefam akpleke ši ke̱-ya Ribla ye̱ Ain bokãgbe̱, ni hũsũ le̱ akpleke ši ke̱-yamõ *Kineret-ṅšo̱ le̱ nā ye̱ bokãgbe̱, [297]

¹²ni hũsũ le̱ akpleke ši ke̱-yamõ Iordan, ni enā ayaši Ṅō-ṅšo̱ le̱ nā? Ene̱ dši nyešikpoṅ le̱ ke̱ ehũsũi le̱ ke̱-kpe.

¹³Ke̱ke̱ ni Mose wo Israelbii le̱ akitã ake̱: Ene̱ dši šikpoṅ ní nyebadša mli ye̱ ošikifõ nā nyehã nyehe, ní Iehowa wo he kitã ake aṅõ-hã akutšei nehũ ke̱ fã le̱.

¹⁴Edšake̱ Rubenbii le̱ akutšo le̱ ke̱ Gadbii le̱ akutšo le̱ ke̱ Manase akutšo fã le̱ ená ame̱gbe̱fãṅnõ ye̱ ame̱tše̱mei awei le̱ anā. [298]

¹⁵Akutšei enyo̱ ke̱ fã le̱ ena ame̱gbe̱fãṅnõ ye̱ Iordan se̱ ye̱ Ieriko ṅe̱le̱no̱ ye̱ bokãgbe̱ le̱.

¹⁶Ni Iehowa ke̱ Mose wie ni ekē̱:

¹⁷Hĩĩ ní adša šikpoṅ le̱ ahãnye le̱ agbe̱ii ne̱: Oso̱fo Eleazar ke̱ Iošua, Nun bi le̱. [299]

¹⁸Ni nyefãa lumo kome ye̱ akutšo-fẽ-akutšo mli, koni ame̱dša šikpoṅ le̱.

¹⁹Ni hĩĩ le̱ agbe̱ii ne̱: Iuda akutšo le̱ mli le̱ Kaleb, Iefune bi le̱; [300]

²⁰Simeonbii le̱ akutšo le̱ mli le̱ Šemuel, Amihud bi le̱;

²¹Benyamin akutšo le̱ mli le̱ Elidad, Kislon bi le̱;

²²Danbii le̱ akutšo le̱ mli le̱ lumo Buki, Iokli bi le̱;

²³Iosefbii le̱ amli le̱: Manasebii le̱ akutšo le̱ mli le̱ lumo Haniel, Efod bi le̱;

²⁴ni Efraimbii le̱ akutšo le̱ mli le̱ lumo Kemuel, Šiftan hi le̱;

²⁵Zebulonbii le̱ akutšo le̱ mli le̱ lumo Elizafan, Parnak bi le̱;

²⁶Isakarbii le̱ akutšo le̱ mli le̱ lumo Paltiel, Azan bi le̱;

²⁷Ašerbii le̱ akutšo le̱ mli le̱ lumo Ahihud, Šelomi bi le̱;

²⁸Naftalibii le̱ akutšo le̱ mli le̱ lumo Pedahel, Amihud bi le̱.

²⁹Mene̱mei dši mei ni Iehowa fã́ ake̱ ame̱dša Kanaan šikpoṅ le̱ mli ame̱hã Israelbii le̱.