Read luganda 4 Mose 35 Bible Online

4 Mose 35 - luganda bible

4 Mose 35

¹Ni Iehowa ke̱ Mose wie ye̱ Moab ṅã kplenē le̱ no̱ ye̱ Iordan nā ye̱ Ieriko ṅe̱le̱no̱ ake̱:

²Wo Israelbii le̱ akitã, ní ame̱ṅõ ame̱no̱yeli gbe̱fãṅnõ le̱ mli mãdši le̱ ekomei ame̱hã *Levibii le̱, ní ame̱hĩ mli, ni mãdši le̱ ahe šikpõdši le̱ hũ ame̱ṅõ-hã Levibii le̱. [301]

³Ni mãdši le̱ atšṍmo̱ ame̱šihĩle̱hei, ni ame̱he šikpõdši le̱ akãmo̱ ši ahã ame̱šĩa koloi ke̱ ame̱nii ke̱ ame̱koloi le̱ fẽ.

⁴Ni mãdši le̱ ahe šikpõdši ní nyeke̱bahã Levibii le̱ adše̱ maṅ le̱ he gbogbo le̱ he ke̱-ya se̱gbe̱ ninetalo̱i akpe ke̱-bo̱le kpŭla.

⁵Ni nyedše maṅ le̱ se̱gbe̱ nyesusu ninetalo̱i akpei-enyo̱ ye̱ bokãgbe̱, ke̱ ninetalo̱i akpei-enyo̱ ye̱ wuoyigbe̱, ke̱ ninetalo̱i akpei-enyo̱ ye̱ anaigbe̱, ke̱ ninetalo̱i akpei-enyo̱ ye̱ kōyigbe̱; ni maṅ le̱ akã teṅ. Ene̱mei dši mãdši le̱ ahewo̱ šikpõdši ni ake̱-bahãame̱ le̱.

⁶Ši mãdši ní nyeke̱-bahã Levibii le̱ ateṅ mãdši ekpa atšṍmo̱ abobāhei ní aṅõ-to, koni gbomogbelo̱ adšo foi ke̱-ya dše̱i; ni ene̱mei ase̱ le̱ nyeṅõa mãdši nyoṅmai-edſe̱ ke̱ enyo̱ nyehãa, [302]

⁷koni mãdši fẽ ní nyeke̱-bahã Levibii le̱ afe mãdši nyoṅmai-edſe̱ ke̱ kpānyo̱ ke̱ ame̱hewo̱ šikpõdši le̱ fẽ.

⁸Ši mãdši ní nyeaṅõ ye̱ Israelbii le̱ ano̱yelinii le̱ amli nyehã le̱, mei ní ame̱nō fã le̱ adeṅ nyehea mãdši pī ye̱, ni mei ní ame̱nõ fáá le̱ nyehea fiō ye̱ ame̱deṅ; mofẽmo le̱ bo̱ni eno̱yelinõ le̱ fále̱ yo̱ le̱, nakai mãdši abo̱ eke̱-hã Levibii le̱. [303]

⁹Ni Iehowa ke̱ Mose wie ni ekē̱:

¹⁰Oke̱ Israelbii le̱ awie ni okē̱ame̱ ake̱: Ke̱dši nyefo Iordan ke̱-te Kanaan šikpoṅ le̱ no̱ le̱,

¹¹no le̱ nyehalaä mãdši ní sa ní atšṍmo̱ abobā-mãdši ahãnye, koni gbomogbelo̱ ní nine kpa ye̱ moko no̱ le̱ adšo foi ke̱-ya dše̱i.

¹²Ni ame̱tšṍmo̱ abobā-mãdši ame̱hãnye ke̱-dše̱ oweleto̱lo̱ le̱ deṅ, koni gbomogbelo̱ le̱ akagbo ake̱ dša ebadamo̱ asafo le̱ hĩe ni akodšole̱ dã.

¹³Ni mãdši ní nyeaṅõ-hã ní afe abobāhei le̱ afe mãdši ekpa.

¹⁴Nyeṅõa mãdši etẽ nyehãa ye̱ Iordan se̱, ni nyeṅõa mãdši etẽ hũ nyehãa ye̱ Kanaan šikpoṅ le̱ no̱; ame̱tšṍmo̱ abobā-mãdši.

¹⁵Ne̱ke̱ mãdši ekpa ne̱ atšṍmo̱ abobāhei ahã Israelbii le̱ ke̱ gbo̱ ke̱ mokpoṅ ní yo̱ nyeteṅ le̱ fẽ, koni mofẽmo ní nine aakpa ye̱ moko no̱ le̱ adšo foi ke̱-ya dše̱i.

¹⁶Ši ke̱dši moko ṅõ dadenõ ko etſa moko, ni egbo le̱, awuyelo̱ dšile̱; dša agbe awuyelo̱ le̱.

¹⁷Ni ke̱dši moko hĩe te̱ ni aagbe gbomo ni eke̱-tſa moko, ni egbo le̱, awuyelo̱ dšile̱; dša agbe awuyelo̱ le̱.

¹⁸Alo ke̱dši moko hĩe tšo ní aagbe gbomo ye̱ edeṅ ni eke̱-tſa moko, ni egbo le̱, awuyelo̱ dšile̱; dša agbe awuyelo̱ le̱.

¹⁹Lá he oweleto̱lo̱ le̱ dientše̱ agbe awuyelo̱ le̱; hefẽhe ní eke̱le̱ aakpe ye̱ le̱, egbele̱.

²⁰Ni ke̱dši nyē̱ nā ni etšule̱ nõ, alo ewole̱ ka ní efõle̱ nõ, ni egbo,

²¹alo hetšẽmo̱ nā ni eyile̱ ke̱ enine, ni egbo le̱, dša agbe moni tſale̱ nõ le̱, awuyelo̱ dšile̱; lá he oweleto̱lo̱ le̱, hefẽhe ní eke̱ awuyelo̱ le̱ aakpe ye̱ le̱ egbele̱.

²²Ši ke̱dši moko lee be ni eyatšu moko nõ ni dšee nyē̱ nā, alo eyafõle̱ noko ni dšee ka ewole̱,

²³alo enaa moko ni efõ te̱ ní aagbe gbomo ni eyatſale̱, ni egbo, ni edšee ehenye̱lo̱ ni asaṅ etaoole̱ efõṅ le̱,

²⁴no le̱ asafo le̱ akodšo moni tſa mo nõ le̱ ke̱ lá he oweleto̱lo̱ le̱ teṅ ye̱ ne̱ke̱ mlai ne̱ anā;

²⁵ni asafo le̱ ahere gbomogbelo̱ le̱ yiwala ke̱-dše̱ lá he oweleto̱lo̱ le̱ deṅ, ni asafo le̱ ke̱le̱ akũ se̱ ke̱-ya abobā-maṅ heni edšo foi ete le̱, ni eyahĩ dše̱i ke̱-yaši beyino̱ ní oso̱fonukpa ní ake̱ *mũ kroṅkroṅ le̱ efo̱le̱ le̱ aagbo. [304]

²⁶Ši ke̱dši aleenõ gbomogbelo̱ le̱ dše kpo ke̱-teke abobā-maṅ, heni edšo foi ete le̱, hũsũ le̱,

²⁷ni lá he oweleto̱lo̱ le̱ baninale̱ ye̱ abobā-maṅ le̱ hũsũ le̱ se̱, ni lá oweleto̱lo̱ le̱ gbe gbomogbelo̱ le̱, eyee elá yi sõ.

²⁸Edšake̱ kũle̱ sa ake̱ ehĩ ebobā-maṅ le̱ mli ke̱-yaši oso̱fonukpa le̱ aagbo; ši oso̱fonukpa le̱ gbĕle se̱ le̱ gbomogbelo̱ ye̱ hegbe̱ ake̱ ekũ ese̱ ke̱-ya eno̱yeli šikpoṅ le̱ no̱ ekoṅ.

²⁹Ni nii ne̱ atšṍ kodšomo̱ akpo̱i ahãnye ye̱ nyeyino̱i fẽ mli ye̱ nyešihĩle̱hei fẽ.

³⁰Awuyelo̱-fẽ-awuyelo̱ ní egbe moko le̱, odasefoi adāṅ wiemo̱ no̱ adamo̱ agbele̱; ši akagbe moko ye̱ odasefonyo kometō odaseyeli nā. [305]

³¹Asaṅ gbomogbelo̱ ní eye fo̱ ni sa gbĕle le̱, nyekahea eyitšo heremo̱nii; ši dša agbele̱.

³²Ni asaṅ nyekahea yitšo heremo̱nii ye̱ moni edšo foi ke̱-te abobā-maṅ le̱ deṅ, koni ekũ ese̱ ebahĩ šikpoṅ le̱ no̱, beni oso̱fo le̱ náko agbo le̱.

³³Koni nyekabule šikpoṅ ní nyeyo̱ no̱ le̱, edšake̱ lá buleo̱ šikpoṅ, ní kpãtã-mo̱nõ ko be̱ hã šikpoṅ ní aſie lá ši ye̱ no̱ le̱, ake̱ dša *moni ſie lá ši le̱ noṅṅ lá. [306]

³⁴Ni okabule šikpoṅ ní nyeyo̱ no̱ ní mi hũ mihĩo̱ eteṅ le̱; edšake̱ midši Iehowa *moni hĩo Israelbii le̱ ateṅ le̱. [307]