Read luganda 4 Mose 4 Bible Online

4 Mose 4 - luganda bible

4 Mose 4

¹Ni Iehowa ke̱ Mose ke̱ Aaron wie ni ekē̱:

²Kanemo̱ Kahat bihĩĩ le̱ ayikule̱ ye̱ Levibii le̱ ateṅ ye̱ ame̱wekui le̱ ke̱ ame̱tše̱mei awei le̱ anā,

³ke̱-dše̱ moni eye afii nyoṅmai-etẽ no̱ āhũ ke̱-yaši moni eye afii nyoṅmai-enumo̱ no̱, mofẽmo ni *eše̱ nitšumo̱, koni ame̱tšu kpē-bē le̱ he nii. [24]

⁴Ene̱ dši Kahat bii le̱ anitšumo̱ ní ame̱batšu ye̱ kpē-bū le̱ he, nii kroṅkroṅi ní fè fẽ le ahe.

⁵Ke̱dši nsra le̱ bafã le̱, Aaron ke̱ ebihĩĩ le̱ aba ni ame̱badšie no̱hā muhō̱ le̱, ni ame̱ṅõ-ha odaseyeli adeka le̱ he,

⁶ni ame̱ṅõ nuṅgbé wolo no̱hānõ ame̱-ha no̱, ni ame̱ṅõ mama blū mū ko ame̱lē̱ no̱, ni ame̱ke̱ ewómo̱tšei le̱ aho̱lo̱ mli.

⁷Ni hĩe-mã-abolo okplõ le̱ hũ, ame̱ṅõ mama blū ame̱lē̱ no̱, ni ame̱ṅo kãi le̱ ke̱ atoi le̱ ke̱ kpudši le̱ ke̱ klukui ní ake̱ nii woo mli le̱ ame̱mãmo̱ no̱, ni dā-abolo le̱ amã no̱;

⁸ni ame̱ṅõ munēle mama ame̱lē̱ ene̱mei ano̱, ni ame̱ṅõ nuṅgbé wolo ame̱ha he, ni ame̱ke̱ ewómo̱tšei le̱ aho̱lo̱ mli.

⁹Ni ame̱ṅo mama blū ame̱ha *kanetšo le̱ ke̱ enidši le̱ ke̱ ehe abē̱lei le̱ ke̱ ehe lagbēnii le̱ ke̱ emũto̱i le̱ fè ní ake̱-súmoo̱ le̱ he. [25]

¹⁰Ni ame̱ṅõ eke̱ ehe nii le̱ fè ame̱wo nuṅgbé wolo hehānõ mli, ni ame̱wole̱ tšoṅ.

¹¹Ni šika tšofã-ke̱-ṅma-šãlate̱ le̱ hũ, ame̱ke̱ mama blū alē̱ no̱, ni ame̱ṅõ nuṅgbé wolo hehānõ ame̱ha he, ni ame̱ke̱ ewómo̱tšei le̱ aho̱lo̱ mli.

¹²Ni ame̱ṅõ súomo̱ nibii le̱ fẽ ni ake̱-súmoo̱ ye̱ hekroṅkroṅ le̱, ni ame̱ke̱-wo mama blū mli, ni ame̱ke̱ nuṅgbé wolo hehānõ aha he, ni ame̱wole̱ tšoṅ.

¹³Ni ame̱lõ afolešãlate̱ le̱ no̱ lamlu le̱, ni ame̱ṅõ mama afaseo ame̱lē̱ no̱;

¹⁴ni ame̱ṅõ ehe nibii le̱ fẽ ní ake̱súmoo̱ ye̱ no̱ le̱, ṅe̱sũi le̱, ke̱ kpodši le̱, ke̱ lōmo̱nii le̱, ke̱ lalakãi le̱ ke̱ afo̱le-šãlate̱ le̱ he nibii le̱ fè, ni ame̱ke̱ nuṅgbé wolo hehānõ aha he, ni ame̱ke̱ ewómo̱tsei le̱ aho̱lo̱ mli.

¹⁵Ni ke̱dši nsra le̱ bafã le̱, Aaron ke̱ ebihĩĩ le̱ agbe hekroṅkroṅ le̱ ke̱ hekroṅkroṅ le̱ nibii le̱ fẽ hehā nā, dãni Kahat bii le̱ aba mli ni *ame̱bahole, ní †ame̱kata nõkroṅkroṅ le̱ he ní ame̱gboi. Ene̱mei dši kpẽ-bū le̱ he nibii ní Kahat bii le̱ batĕre. [26]

¹⁶Ni noni atu awo oso̱fo Eleazar, Aaron bi le̱, deṅ dši kanesū-mũ le̱ ke̱ tšofãi-ke̱-ṅmai le̱ ke̱ dā niyenii-afo̱le le̱ ke̱ mũfō̱-mũ le̱, ke̱ šihĩle̱he le̱ fẽ ke̱ emlinii fẽ ke̱ hekroṅkroṅ le̱ ke̱ ehenii le̱ fẽ no̱kwe̱mo̱.

¹⁷Ni Iehowa ke̱ Mose ke̱ Aaron wie ni ekē̱:

¹⁸Nyekahãa Kahatbii akutšo le̱ mli wekui le̱ ase̱ mifo ye̱ Levibii le̱ ateṅ.

¹⁹Ši moṅ bo̱ni nyefe nyehãame̱ ne̱, koni ké̱ ame̱mībe̱ṅke̱ nii kroṅkroṅi ní fè fẽ le̱ ni ame̱yi aná wala ni ame̱kagboi: Aaron ke̱ ebihĩĩ le̱ abote mli, ni ame̱tšõ ame̱teṅ mofẽmo enitšumo̱ ke̱ edšatšu;

²⁰ši ame̱kabote mli ní ame̱bafli nii kroṅkroṅi le̱, ní ame̱gboi. [27]

²¹Ni Iehowa ke̱ Mose wie ni ekē̱:

²²Kanemo̱ Geršon bii le̱ hũ ayikule̱ ye̱ ame̱tše̱mei awei le̱ ke̱ ame̱wekui le̱ anā;

²³kanemo̱ ke̱-dše̱ moni eye afii nyoṅmai-etẽ no̱ ãhũ ke̱-yaši moni eye afii nyoṅmai-enumo̱ no̱, mofẽmo ní eše̱ nitšumo̱, koni ame̱tšu kpē-bū le̱ he nii.

²⁴Geršonbii le̱ awekui le̱ anitsumo̱ ní ame̱tšu ye̱ súomo̱ ke̱ dšatšui atĕremo̱ le̱ mli ne̱:

²⁵ame̱ ame̱tẽre šihĩle̱he le̱ he mamai le̱, ke̱ kpē-bū le̱, enobānō le̱ ke̱ nuṅgbé wolo nohānõ ní ha no̱ ye̱ yiteṅgbe̱ le̱, ke̱ kpē-bū šĩnā le̱ nā mama le̱,

²⁶ke̱ kpo le̱ he muhō̱i le̱, ke̱ kpo le̱ no̱ agbo le̱ nā mama le̱ ni bo̱le šihĩle̱he le̱ ke̱ afo̱lešãlate̱ le̱ he ke̱-kpe le̱, ke̱ amehe taṅkpẽi le̱, ke̱ amehe nitšumo̱ nii le̱ fẽ; ni nitšumo̱ fẽ ní yo̱ he le̱, ame̱tšu.

²⁷Aaron ke̱ ebihĩĩ le̱ afã́mo̱ nā Geršonbii le̱ abihĩĩ le̱ atšu ame̱nii le̱ fẽ ye̱ ame̱dšatšu le̱ fẽ ke̱ ame̱nitšumo̱ le̱ fẽ nā; ni nyetšõame̱ ame̱dšatšui ní ame̱batẽre le̱ ekomekome.

²⁸Ene̱ dši Geršonbii le̱ abihĩĩ le̱ awekui le̱ anitšumo̱ ní ametšuo̱ ye̱ kpē-bũ le̱ he, ni moni kwe̱o̱ ame̱no̱ dši Itamar, oso̱fo Aaron bi le̱.

²⁹Merari bihĩĩ le̱ hũ, kanemo̱ame̱ ye̱ ame̱wekui le̱ ke̱ ame̱tše̱mei awei le̱ anā,

³⁰kanemo̱ ke̱-dše̱ moni eye afii nyoṅmai-etẽ no̱ āhũ ke̱-yaši moni eye afii nyoṅmai-enumo̱ no̱, mofẽmo ni eše̱ nitšumo̱, koni ame̱tšu nii ye̱ kpē-bũ le̱ṅ.

³¹Ni ame̱dšatšui ní ame̱batĕre ye̱ ame̱nitšumo̱ fẽ ni ame̱tšuo̱ ye̱ kpẽ-bū le̱ he le̱ nā ne̱: Šihĩle̱he le̱ mplãṅi le̱, ke̱ emlible̱mo̱nii le̱, ke̱ ekulašĩṅi le̱, ke̱ ame̱no̱damo̱nii le̱

³²ke̱ kpo le̱ he akulašĩṅi le̱ ke̱-kpe, ke̱ ame̱no̱damo̱nii le̱ ke̱ ame̱he šiṅmlitšei le̱ ke̱ ame̱he taṅkpēi le̱, ye̱ ame̱he nibii le̱ ke̱ ame̱he nitšumo̱ le̱ fẽ nā; ni nyetšõame̱ ame̱dšatšui ní ame̱batẽre le̱ ekomekome.

³³Merari bihĩĩ le̱ awekui le̱ agbe̱nã nitšumo̱ ní ame̱tšuo̱ ye̱ kpē-bū le̱ he ne̱, ni Itamar, oso̱fo Aaron bi le̱, kwe̱o̱ ame̱no̱.

³⁴Ni Mose ke̱ Aaron ke̱ asafo le̱ṅ onukpai le̱ yakane Kahatbii le̱ abihĩĩ le̱ ye̱ ame̱wekui le̱ ke̱ ame̱tše̱mei awei le̱ anā,

³⁵ke̱-dše̱ moni eye afii nyoṅmai-etẽ no̱ āhũ ke̱-yaši moni eye afii nyoṅmai-enumo̱ no̱, mofẽmo ní eše̱ nitšumo̱, koni ame̱tšu kpē-bū le̱ he nii.

³⁶Ni ame̱teṅ mei ní akane ye̱ ame̱wekui le̱ anā dši mei akpei-enyo̱ ke̱ ohai-kpawo ke̱ nyoṅmai-enumo̱.

³⁷Kahatbii le̱ awekui le̱ ateṅ mei ní akane ne̱, mei fẽ ní súmoo̱ ye̱ kpē-bū le̱ he, mei ní Mose ke̱ Aaron kane ye̱ Iehowa wiemo̱ ni eke̱ Mose wie le̱ nā le̱.

³⁸Ni Geršon bihĩĩ le̱ ateṅ mei ní akane ye̱ ame̱wekui le̱ ke̱ ame̱tše̱mei awei le̱ anā,

³⁹ke̱-dše̱ moni eye afii nyoṅmai-etẽ no̱ āhũ ke̱-yaši moni eye afii nyoṅmai-enumo̱ no̱, mofẽmo ní eše̱ nitšumo̱, koni ame̱tšu kpē-bū le̱ ho nii,

⁴⁰mei ní akane ye̱ ame̱wekui le̱ ke̱ ame̱tše̱mei awei le̱ anā le̱ anā šio̱ mei akpei-enyo̱ ke̱ ohai-ekpa ke̱ nyoṅmai-etẽ.

⁴¹Geršon bii le̱ awekui le̱ ateṅ mei ní akane ne̱, mei fẽ ní súmoo̱ ye̱ kpē-bū le̱ he, mei ní Mose ke̱ Aaron kane ye̱ Iehowa wiemo̱ le̱ nā le̱.

⁴²Ni Merari bihĩĩ le̱ ateṅ mei ní akane ye̱ ame̱wekui ke̱ ame̱tše̱mei awei le̱ anā,

⁴³ke̱-dše̱ moni eye afii nyoṅmai-etẽ no̱ āhũ ke̱-yaši moni eye afii nyoṅmai-enumo̱ no̱, mofẽmo ní eše̱ nitšumo̱, koni ame̱tšu kpē-bū le̱ he nii,

⁴⁴mei ní akane ye̱ ame̱wekui le̱ anā le̱ anā šio̱ mei akpei-etẽ ke̱ ohai-enyo̱.

⁴⁵Merari bii le̱ awekui le̱ ateṅ mei ní Mose ke̱ Aaron kane ye̱ Iehowa wiemo̱ ní eke̱ Mose wie le̱ nā le̱.

⁴⁶Levibii le̱ ateṅ mei fẽ ní akane ní Mose ke̱ Aaron ke̱ Israel onukpai le̱ kane ye̱ ame̱wekui ke̱ ame̱tše̱mei awei le̱ anā,

⁴⁷ke̱-dše̱ moni eye afii nyoṅmai-etẽ no̱ āhũ ke̱-yaši moni eye afii nyoṅmai-enumo̱ le̱ no̱, mofẽmo ní eše̱ kpē-bū le̱ he nitšumo̱ lo dšatšu tĕremo̱,

⁴⁸mei ní akane ne̱ le̱ anā šio̱ mei akpei-kpānyo̱ ke̱ ohai-enumo̱ ke̱ nyoṅmai-kpānyo̱.

⁴⁹Mose nine no̱ atšṍ akaneame̱ ye̱ Iehowa wiemo̱ le̱ nā, mofẽmo ke̱ enitšumo̱ ke̱ edšatšu; bo̱ni Iehowa wo Mose kitã le̱, nakai ekaneame̱.