Read luganda 4 Mose 5 Bible Online

4 Mose 5 - luganda bible

4 Mose 5

¹Ni Iehowa ke̱ Mose wie ni ekē̱:

²Wo Israelbii le̱ akitã, ake *ame̱dšie kpitiyelo̱-fẽ-kpitiyelo̱ ke̱ mofẽmo ní †he hoo̱ ke̱ mofẽmo ní ke̱ gbonyo bule ehe ke̱-dše nsra le̱ṅ; [28]

³nyedšiea nū ke̱ *yō fẽ; nsra le̱ se̱ nyedšieame̱ ke̱-ya, koni †ame̱kabule nyensra le̱, heni mihĩo̱ ye̱ nyeteṅ le̱. [29]

⁴Ni Israelbii le̱ fe nakai, ni ame̱-dšieame̱ ke̱-te nsra le̱ se̱, bo̱ni Iehowa ke̱ Mose wie le̱, nakai Israelbii le̱ fe.

⁵Ni Iehowa ke̱ Mose wie ni ekē̱:

⁶Kē̱mo̱ Israelbii le̱ ake̱: Ke̱dši *nū ko lo yō ko fe esa ní gbomo feo̱ le̱ eko eke̱-tõ Iehowa no̱, ni nakai mo le̱ ye fo̱ le̱, [30]

⁷no le̱ ame̱dšadše eša ní ame̱fe le̱ faṅṅ, ni ame̱to noni ame̱ye yi sõ le̱ nãdšiaṅ, ni ame̱ṅõ mlidšāi enumo̱ mli ekome ame̱fata he ame̱hã mo he ní dse̱ ní ame̱ye fo̱ le̱.

⁸Ši ke̱dši nakai mo le̱ be̱ wekunyo ko ní be̱ṅke̱le̱ ní ake̱ nãdšiaṅtōnii le̱ aahãle̱ le̱, no le̱ nãdšiaṅtōnii le̱ atšo Iehowa nõ ni aṅõ-hã oso̱fo le̱, sŏro kpãtã-mo̱ tōagbo ní ake̱-bakpãtãa ahãale̱ le̱.

⁹Ni no̱wómo̱-afo̱le fẽ ní yo̱ Israelbii le̱ anii kroṅkroṅi le̱ ni ame̱ke̱-ba oso̱fo le̱ ṅõ le̱ ateṅ le̱, eno ni, [31]

¹⁰Ni nii ni moko adšō̱o̱ no̱ keo̱ le̱ atšṍ eno, ni noni mofẽmo ṅõ-hãa oso̱fo le̱, eno ni.

¹¹Ni Iehowa ke̱ Mose wie ni ekē̱:

¹²Oke̱ Israelbii le̱ awie ni okē̱ame̱ ake̱: Ke̱dši nū ko ṅã dše ese̱, ni eyatõ eno̱,

¹³ni nū ko ke̱le̱ wo, ni ašiu ewù le̱ no̱ ni aṅõ-te, ni yō le̱ bule ehe, ni odasefonyo ko be̱ he, ni amõõ yō le̱ nineši;

¹⁴ni awuṅãyeli mumo̱ te ši ye̱ nū le̱ mli ni eye eṅã le̱ he awuṅã, ni yō le̱ ebule ehe, alo ké̱ awuṅãyeli mumo̱ te ši ye̱ emli ni eye ehe awuṅã, ni eṅã le̱ buleko ehe le̱,

¹⁵no le̱ nū le̱ ke̱ eṅã le̱ aba oso̱fo le̱ ṅõ, ni eke̱ ehe afo̱le ní dši akoko mã efa mlidšāi nyoṅma mli ekome aba ye̱ ehewo̱; ekafo̱se mũ eſie no̱ ni asaṅ ekaṅõ kro̱bo̱o efo no̱; edšake̱ awuṅãyeli he niyenii-afo̱le ni, ke̱ niyenii-afo̱le ní ake̱-dšieo̱ nõša ši.

¹⁶Ni oso̱fo le̱ ahã yō le̱ aba ni eke̱le̱ abadamo̱ Iehowa hĩe.

¹⁷Ni oso̱fo le̱ aye̱ *nu kroṅkroṅ le̱ eko awo sũ kpulu ko mli, ni ekpītĩ šihĩle̱he šikpoṅ le̱ no̱ sũ le̱ eko ewo nu le̱ mli; [32]

¹⁸ni oso̱fo le̱ ahã yō le̱ abadamo̱ Iehowa hĩe, ní efẽne eyitšoi le̱, ni enõ šidšiemo̱ niyenii-afo̱le ní dši awuṅãyeli niyenii-afo̱le le̱ ewo edeṅ; ni oso̱fo le̱ ahĩe nu ke̱ dšōmo̱ ní ke̱ lōmo̱ baä le̱ ye̱ edeṅ;

¹⁹ni oso̱fo le̱ akã kitã afõ yō le̱ no̱ ni ekē̱le̱ ake̱: Ke̱dši nū ko ke̱o wo̱ko, ni ke̱dši odšeko owú se̱ owoko ohe mũdši le̱, no le̱ ohe adše ne̱ke̱ nu ke̱ dšōmo̱ nó ke̱ lōmo̱ baä ne̱ mli;

²⁰ši ke̱dši odše owù le̱ se̱, ni owo ohe mũdši, ni nū ko ke̱o ewo̱ ye̱ owù le̱ se̱ le̱; —

²¹ke̱ke̱ ni oso̱fo le̱ akã lōmo̱ kitã le̱ efõ yō le̱ no̱, ni oso̱fo le̱ akē̱ yō le̱ ake̱: Iehowa ahã otšṍ lōmo̱ ke̱ kitã ye̱ omaṅbii le̱ ateṅ, no dši ake̱ Iehowa ahã oſŭo̱dši ašra, ni omũsũ afũ;

²²ni ne̱ke̱ nu ní ke̱ lōmo̱ baä le̱ abote omlinii amli ni ehã omũsũ afũ ni oſŭo̱dši ašra! Ni yō le̱ ake: Amen! Amen! (Hiao! Hiao!)

²³Ni oso̱fo le̱ aṅmã lōmo̱i ne̱ ye̱ wolo no̱, ni efo̱ ewo nu ke̱ dšōmo̱ le̱ mli,

²⁴ni ehã yō le̱ anu nu ke̱ dšōmo̱ ní ke̱ lōmo̱ baä le̱, ni nu ni ke̱ lōmo̱ baä le̱ abote emli ni edšō ye̱ emli.

²⁵Ke̱ke̱ ni oso̱fo le̱ ahe awuṅãyeli he niyenii-afo̱le le̱ ye̱ yō le̱ deṅ, ni efõ niyenii-afo̱le le̱ ye̱ Iehowa hĩe, ni eke̱-be̱ṅke̱ afo̱lešãlate̱ le̱;

²⁶ni oso̱ſo le̱ atĩ niyenii-afo̱le le̱ mli eko̱ko̱ obõ eſe šidšiemo̱nõ, ni esã ye̱ afo̱lešãlate̱ le̱ no̱, ni no se̱ le̱ ehã yō le̱ anu nu le̱.

²⁷Ni ke̱ ehã enu nu le̱, aaba mli ake̱ ke̱dši ewo ehe mũdši ni etõ ewù no̱ le̱, no le̱ nu ni ke̱ lōmo̱ baä le̱ aabote emli ni eedšō ye̱ emli, ni emũsũ aafũ, ni eſũo̱dši aašra, ni yō le̱ aatšṍ lōmo̱ ye̱ emaṅbii le̱ ateṅ.

²⁸Ši ke̱dši yō le̱ woko ehe mũdši ni ehe tše le̱, no le̱ ehe aadše mli, ni eena mũsũ ekoṅ.

²⁹Ene̱ dši awuṅãyeli he mla, ke̱dši yō ko dše ewù se̱ ni ewo ehe mũdši le̱,

³⁰lo ke̱dši awuṅãyeli mumo̱ te ši ye̱ nū ko mli ni eye eṅã he awuṅã le̱, no le̱ eke̱ yō le̱ abadamo̱ Iehowa hĩe, ni oso̱fo le̱ afe ne̱ke̱ mla ne̱ he nii le̱ fẽ ahãle̱.

³¹Ni nū le̱ he aadše nõša ne̱ mli, ni yō le̱ nõsa le̱ atĕrele̱.