Read luganda Habakuk 1 Bible Online

Habakuk 1 - luganda bible

Habakuk 1

¹Kodšomo̱ he gbale̱ ni gbalo̱ Habakuk na ne̱:

²Iehowa, mẽ beyino̱ noṅṅ mablo̱ ke̱-yaši, ni oboṅ toi? ni mabo matšé̱o ye̱ yiwale̱ hewo̱, ni ohereṅ miyiwala?

³Nẽhewo̱ ni ohãa minaä nišaianii, ni okwe̱o̱ haomo̱ ne̱? Edšake̱ hĭekpãtãmo̱ ke̱ yiwale̱ ye̱ mihĩe; béi baä, ni nātāmo̱ teo̱ ši.

⁴Nohewo̱ le̱ mla mli egbo̱dšo̱, ni dšale̱ saneyeli edšee kpo; edšake̱ meifõdši bo̱leo̱ dšalo̱ ke̱-kpeo̱, nohewo̱ le̱ kodšomo̱i kõdõdši dšeo̱ kpo.

⁵Nyekwe̱a dšeṅmãdši le̱ ateṅ, ni nyenaä, ni nyehe adšõa nyehe dšoghāṅ! Edšake̱ mĩtšu nitšumo̱ ko ye̱ nyeyino̱ ne̱, ni ké̱ agbanye le̱, nyeheṅ nyeyeṅ! [1]

⁶Edšake̱ na, mitẽ Kaldeabii aši, dšeṅmaṅ ko ní yi wa ní he yo̱ oyá hũ, ní ſãa nyiemo̱ ke̱-kpaä šikpoṅ le̱ lē̱mo̱ no̱, beni afe ní ame̱yaṅõ šihĩle̱hei ní dšee ame̱nõ le̱.

⁷Ame̱he ye̱ ṅmiṅmi ke̱ gbeyei; ame̱mla ke̱ ame̱gbodšẽ dše̱ ame̱dientše̱ ame̱mli.

⁸Ame̱kpo̱ṅo̱i le̱ ahe ye̱ oyá fè kōtše̱i, ni ame̱ye̱ krãmãkrãmã fè *gbe̱ke̱ klādši, ni ame̱kpo̱ṅo̱iatše̱mei le̱ šaä foi ke̱-baä, ni ame̱kpo̱ṅo̱iatše̱mei le̱ dše̱o̱ šoṅṅ baä; ame̱flikio̱ †amo̱ fokropoṅ ní yeo̱ oyái ayaye nii! [2]

⁹Ame̱fẽ-kwa yiwale̱ hewo̱ ame̱baä, ame̱safo mū le̱ ke̱ hĭedō̱ kwe̱o̱ ame̱hĭe tē̃, ni ame̱buaä nomi anā tamo̱ šia.

¹⁰Ame̱yeo̱ maṅtše̱mei ahe fe̱o, ni lumei ahe feo̱ame̱ ṅmlõ. Ame̱ṅmõo̱ mō̃-fẽ-mō̃ ní wa; edšake̱ ame̱huaä sũ nā ame̱ke̱ṅõo̱le̱.

¹¹Ke̱ke̱ le̱ ame̱aho ſiā tamo̱ kō̱yo̱, ni ame̱aſo mli ke̱-ate; ši mei ni ke̱ ame̱hewale̱ feo̱ ame̱nyoṅmo̱ le̱ aaye fo̱.

¹²Iehowa, aui dšee nāno̱ odše̱, mi-Nyoṅmo̱, mi-Mokroṅkroṅ? *Wo̱gboiṅ; Iehowa, otole̱ ohã kodšomo̱, ni bo, te̱sã, oke̱le̱ emã ši ohā kãmo̱. [3]

¹³Ohĩṅme̱ii ye̱ kro̱ṅṅ tšṍ, bo̱ni oke̱akwe̱ nõfõṅ, ni onyẽṅ okwe̱ haomo̱; mẽ-hewo̱ mo̱ ni okwe̱o̱ kũtũmpo̱oyelo̱i, ofeo̱ diō ni efõṅfelo̱ mĩo̱ moni dša fèle̱?

¹⁴Ni ofeo̱ gbomei tamo̱ ṅšo̱ṅlōi po, tamo̱ wāmo̱nibii ní be̱ no̱yelo̱ ko le̱.

¹⁵Eke̱ kpoṅ šaä ame̱fẽ, eke̱ eyā le̱ ghlaäame̱ ni ebuaä ame̱nā ye̱ etšā̃ni le̱ṅ; nohewo̱ le̱ enyã́n, ni emli flio̱le̱;

¹⁶nohewo̱ le̱ ešãa afo̱le ehãa eyã le̱, ni ešãa tšofã-ke̱-ṅma hũ ehãa etšā̃ni le̱; edšake̱ nomei hãa egbe̱fãṅnõ le̱ woo̱ fo̱, ni eniyenii he hĩo̱ fo̱.

¹⁷Aso nobewo̱ le̱ eedšie eyā le̱ mli nii le̱, ni dā eegbe dšeṅmãdši, ni enaṅ mo̱bo̱?