Read luganda Habakuk 2 Bible Online

Habakuk 2 - luganda bible

Habakuk 2

¹*Madamo̱ mibũhe le̱, ni mayadamo̱ mō̃ yiteṅ, ni makwe̱ ni mana noni eekē̱mi ke̱ nõ hetō ni mahã yē̱ miko̱mo̱yeli le̱ hewo. [4]

²Ni Iehowa heremi no̱ ni ekē̱: Nmã ninā lē̱, ni okpē̱ ye̱ te̱-tāoi ano̱, koni anyẽ akane oyá.

³Si ninā le̱ ye̱ hã he ní ato le̱ kẽ, ni eeye oyái ni eše̱ nāgbē, ni emaleṅ; ké̱ ešašao ši hũ dšiṅṅ, mēle̱ kẽ; edšake̱ ebaba le̱le̱ṅ, *ekpeṅ se̱! [5]

⁴Na, esnsuma efũ, *edšaa ye̱ emli; †ši dšalo̱ le̱, ehemo̱-ke̱-yeli le̱ no̱ eetšṍ ni eyi aaná wala. [6]

⁵Asaṅ wein le̱ šišiulo̱ ni, ni nū hewolo̱ le̱ enyẽẽ ši etá diṅṅ; moni gbe̱o̱ edāṅ tamo̱ gbohĩĩadše, ni etamo̱ gbĕle, eto̱o̱, ši ebuaä dšeṅmãdši fẽ nā ke̱-baä eṅṍ, ni etĩaä mãdšimãdši fẽ nā ye̱ eṅõ!

⁶Aso mene̱mei fẽ ebuṅ abe̱ šiṅle̱, ni ame̱yeṅ ehe fe̱o ni ame̱toṅ ehe ablṍṅ ake̱: Kpóo hã moni hāa nii ni dšee enõ le̱ fáa! — mẽ beyino̱ noṅṅ ni? — ke̱ moni lōo̱ awabatōnii eſieo̱ eno̱!

⁷Aso dšee trukā ni mei ni bayeo w̌ei le̱ aate ši, ni mei ni bahao bo le̱ ahĩe aatšẽ? ni ootšṍ hānii ohãame̱!

⁸Ake̱-ni oha dšeṅmãdši pī hewe̱ le̱, bo hũ mãdšimãdši le̱ amli mei ni eſe̱ le̱ fẽ aahao, *ye̱ gbomei alášiſiemo̱ ke̱ yi ní owa šikpoṅ le̱ ke̱ maṅ le̱ ke̱ emli bii fẽ le̱ hewo̱. [7]

⁹Kpṍo hã moni náa se̱námo̱ fõṅ ehãa ewe, heni afe ni eyafe etšũ ye̱ ṅwei šoṅṅ, ní edšie ehe ke̱-dše̱ eſõṅ deṅ le̱!

¹⁰Oto hĩegbĕle he adšina ohā owe le̱, ake̱-ni oplenẽ mãdšimãdši pī le̱, ni ofe eša oši osnsuma le̱.

¹¹Edšake̱ te̱ aabo ke̱-adše̱ gbogbo mli, ni mplãṅ aadše̱ tšei ateṅ ahere no̱.

¹²Kpóo hã *moni ke̱ lášiſiemo̱ too̱ maṅ, ni eke̱ nišaianii mãa mō̃! [8]

¹³Na, aso dšee Iehowa Zebaot ṅõ edše̱, ni mãdšimãdši le̱ tšuo̱ nii hãa la, ni dšeṅmãdši le̱ gboo̱ deṅme ye̱ yakayakanoko he ne̱? [9]

¹⁴Edšake̱ *šikpoṅ le̱ ne̱ aayi to ke̱ Iehowa anumnyam le̱ lē, tamo̱ nu ha ṅšo̱ šiši le̱. [10]

¹⁵Kpóo hã ho moni ohãa onanyo dā̃ enuo̱, ni ofo̱seo̱ ohĩedō̱ owoo̱ mli, ni oke̱hã eto̱ dā̃, beni afe ni okwe̱ ame̱yayaiaṅ!

¹⁶Ye̱ hĭenyam nãdšiaṅ le̱ oyi to̱ ke̱ hĩegbĕle: ho hũ nu, ni odšie oyayaiaṅ ofẽ ši; Iehowa ninedšũrõ kpulu le̱ *aatšṍ ke̱-ba ono̱, ni hĩegbĕle ni wa aaba ohĩenyam le̱ no̱! [11]

¹⁷Edšake̱ yi ni owa Lebanon ke̱ koloi ni owo ame̱hĩe la le̱ ahĩekpãtãmo̱ aaha ohe, ye̱ gbomei alášiſiemo̱ ke̱ yi ni owo šikpoṅ le̱ ke̱ maṅ le̱ ke̱ emli hii fẽ le̱ hũ hewo̱.

¹⁸Mẽ se̱námo̱ yo̱ amãgã he, hewo̱ ni ṅālo̱ gbo̱ö̱le̱ le̱, lo amãgã ni aſie ní tšõo amale le̱ he, hewo̱ ni ṅālo̱ le̱ ke̱ ehĩe fõo̱ enii ni efe lo̱ no̱, ni efeo̱ wo̱dši mumuii le̱? [12]

¹⁹Kpóo hã moni kē̱o̱ tšo akē̱: Ohĩe atšẽ! kē̱ te̱ mumui hũ ake̱: Te ši! Aso ene̱ aatšõ mo nii lo? — Na, *ake̱ šika ke̱ dſie̱te̱i eha he, ši mumo̱ ko mumo̱ ko he̱ emli kwrã! [13]

²⁰Ši *Iehowa ye̱ eso̱lemo̱we kroṅkroṅ le̱; šikpoṅ mū le̱ fẽ †afe diṅṅ ye̱ ehĩe! [14]