Read luganda Hagai 2 Bible Online

Hagai 2 - luganda bible

Hagai 2

¹Asaṅ nyõṅ ní dši kpawo le̱ no̱ gbĩ ni dši gbĩ nyoṅmai-enyo̱ ke̱ ekome le̱ no̱ le̱ Iehowa wiemo̱ tšṍ gbalo̱ Hagai nine no̱ ba ake̱:

²Agbe̱ne̱ kē̱mo̱ Zerubabel, Šealtiel bi, ni dši Iuda amralo le̱, ke̱ Iošua, Iehozadak bi, ni dši oso̱fonukpa le̱, ke̱ maṅ le̱ mli mei ni eſe̱ le̱ ake̱:

³Namo eſe̱ ye̱ nyeteṅ ni na ne̱ke̱ tšũ ne̱ ye̱ *ekleṅkleṅ anumnyam le̱ṅ? ni té nyenaäle̱ tēṅ agbe̱ne̱? ani etamo̱o̱ noni dšee noko ye̱ nyehĩṅme̱ii amli? [7]

⁴Ši kẽle̱ agbe̱ne̱, wadšemo̱ ohe ko, Zerubabel! Iehowa kē̱, ni wadšemo̱ ohe, Iošua, Iehozadak bi, ni odši oso̱fonukpa! ni wadšemo̱ ohe, bo šikpoṅ le̱ no̱ maṅ le̱ fẽ! — Iehowa kē̱, ni nyetšua nii; edšake̱ mike̱nye ye̱, Iehowa Zebaot kē̱.

⁵Wiemo̱ ni miwie ni mike̱nye *kpãṅ, beni nyedše Mizraim le̱, — ni †Mimumo̱ hũ hĩo̱ nyeten. Nyekašea gbeyei! [8]

⁶Ši bo̱ni Iehowa Zebaot kē̱ ne̱: Eſe̱ be, be kukuō ke̱ke̱, *ni mahoso ṅwei ke̱ šikpoṅ, ke̱ ṅšo̱ ke̱ šikpoṅ gbĩṅ; [9]

⁷ni mahoso dšéṅmãdši fē-kwa, ni dšeṅmãdši le̱ fẽ anii ní dšra wa le̱ aaba, ni mike̱ anumnyam so̱ṅṅ aawo šĩa ne̱ obõ, Iebowa Zebaot kē̱.

⁸Minõ dši dſie̱te̱i le̱, ni minõ dši šika le̱, Iehowa Zebaot kō̱.

⁹Šĩa ne̱ se̱kpē anumnyam le̱ aada fè tšutšunõ le̱, Iehowa Zebaot kē̱; ni biē̱ nē̱ mahã hedšo̱le̱ ye̱, Iehowa Zebaot kē̱.

¹⁰Nyõṅ ni dši ne̱hũ le̱ no̱ gbĩ ni dši gbĩ nyoṅmai-enyo̱ ke̱ edſe̱ le̱ no̱, ye̱ Dario yino̱ afi ní dši enyo̱ le̱ no̱ le̱, Iehowa wiemo̱ tšṍ gbalo̱ Hagai nine no̱ ke̱-ba ake̱:

¹¹Bo̱ni Iehowa Zebaot kē̱ ne̱: Agbe̱ne̱ bi oso̱foi le̱ mla le̱ he sane ake̱:

¹²Ke̱dši moko hĩe lō kroṅkroṅ ye̱ etade nāmū le̱ṅ, ni eke̱ nāmū le̱ yasa abolo lo nii ni abõ lo wein lo mũ lo niyenii-fẽ-niyenii he le̱: ani etšṍ kroṅkroṅ lo? — Ni oso̱foi le̱ to he ni ame̱kē̱ ake̱: Dabi!

¹³Kē̱kē̱ ni Hagai kē̱: Ké̱ moni ke̱ *gbonyo ebule ehe ta ene̱mei eko he le̱, ani abule no lo? Ni oso̱foi le̱ here no̱ ni ame̱kē̱: Abule no! [10]

¹⁴Ke̱ke̱ ni Hagai here no̱ ni ekē̱: Nakai pe̱ dši maṅ ne̱, ni nakai pe̱ dši dšeṅmaṅ ne̱ ye̱ mihĩe, Iehowa ke̱, ni nakai pe̱ dši ame̱ninenā nitšumo̱-fẽ-nitšumo̱, ni noni ame̱ke̱-bahãa ye̱ dše̱i le̱ hũ, abule no.

¹⁵Ni agbe̱ne̱ nyedſẽṅa he ke̱-dšea ṅme̱ne̱ gbĩ ne̱ no̱ ke̱-yaä se̱, beyino̱ ni anáko aṅõ te̱ afõ te̱ no̱ ye̱ Iehowa so̱lemo̱we le̱:

¹⁶no mli le̱, ké̱ moko ba *ṅmā̃ku ní hĩe susumo̱nii nyoṅmai-enyo̱ he le̱, nyoṅma pe̱ yo̱; ké̱ moko ba weinbu he, ake̱ ebaye̱ gbé̱i nyoṅmai-enumo̱ le̱, nyoṅmai-enyo̱ pe̱ yo̱. [11]

¹⁷*Mike̱ ṅmā̃ šā̃ ke̱ ṅălãmo̱ ke̱ nyoṅmo̱ṅte̱ tſianye ye̱ nyeninenā nitšumo̱i fẽ mli; kẽle̱ nyekpalee ke̱-baa miṅõ! Iehowa ke̱. [12]

¹⁸Agbe̱ne̱ nyedſēṅa he ke̱-dše̱a ṅme̱ne̱ gbĩ ne̱ no̱ ke̱-yaä se̱, ke̱-dše̱ nyõṅ ni dši ne̱hũ le̱ no̱ gbĭ ni dši gbĭ nyoṅmai-enyo̱ ke̱ edſe̱ le̱ no̱, ke̱-dše̱ gbĩ ní ato Iehowa so̱lemo̱we le̱ šiši le̱, nyedſẽṅa he!

¹⁹Ani dũmo̱nii ko ye̱ aboṅo le̱ṅ lolo? ni asaṅ weintšo le̱ ke̱ agbãmitšo le̱ ke̱ akututšo le̱ ke̱ mūtšo le̱ woko; ke̱-dše̱ ṅme̱ne̱ gbĭ ne̱ no̱ le̱ madšō̱nye!

²⁰Ni Iehowa wieme̱ ba Hagai ṅõ noni dši ši enyo̱ ye̱ nyõṅ le̱ no̱ gbĩ ni dši gbĩ nyoṅmai-enyo̱ ke̱ edſe̱ le̱ noṅṅ no̱ ake̱:

²¹Kē̱mo̱ Zerubabel, Iuda amralo le̱, ake̱: *Mibahoso ṅwei ke̱ šikpoṅ le̱, [13]

²²ni mabutu maṅtše̱yelii asẽi le̱, ni makpãtã dšeṅmãdši le̱ amaṅtše̱yelii le̱ ahewale̱ hĩe, ni mabutu ſīlii ke̱ ame̱mlitrálo̱i, ni okpo̱ṅo̱i ke̱ ame̱no̱trálo̱i le̱ aanyõnyõi, mofēmo ye̱ enyemi klante nā.

²³Nakai gbĭ ie̱ no̱ le̱, Iehowa Zebaot kē̱, maṅõ bo, Zerubabel, Šealtiel bi, ni dši mitšũlo̱ le̱, Iehowa kē̱, ni maṅõo mafe tamo̱ wolonāso̱omo̱nõ; edšake̱ bo le̱ mihalao, Iehowa Zebaot kē̱. [14]