Read luganda Zakaria 1 Bible Online

Zakaria 1 - luganda bible

Zakaria 1

¹Dario yino̱ afi ní dši enyo̱ le̱ no̱ nyõṅ ni dši kpānyo̱ le̱ no̱ le̱ Iehowa wiemo̱ ba *Zakaria, Ido bi Berekia bi, ní dši gbalo̱ le̱, ṅõ ake̱: [1]

²Iehowa mli ofũ nyetše̱mei le̱ naakpa.

³Nohewo̱ le̱ kē̱mo̱ame̱ ake̱: Bo̱ni Iehowa Zebaot kē̱ ne̱: *Nyekpalea ke̱-baä miṅõ, Iehowa Zebaot kē̱, ni makpale ke̱-ba nyeṅõ, Iehowa Zebaot kē̱. [2]

⁴Nyekafea tamo̱ nyetše̱mei le̱, mei ní kleṅkleṅ gbalo̱i le̱ šie̱ tšõame̱ ake̱: Boni Iehowa Zebaot le̱ ne̱: *Nyekpalea ke̱-dše̱a nyegbè̱i fõdši le̱ ano̱ ke̱ nyenifemo̱nii fõdši le̱ ahe! ni ame̱nuu ni ame̱sā ame̱boomi toi le̱, Iehowa kē̱.

⁵Nyetše̱mei le̱, nẽgbe̱ ame̱yo̱? ni gbalo̱i le̱, ani ame̱hĩo̱ ši ke̱-yaä nāno̱?

⁶Ši kẽle̱ miwiemo̱i le̱ ke̱ mikpo̱i le̱ ní mitu miwo mitšũdši gbalo̱i le̱ adeṅ le̱, ani ame̱ninaa nyetšemei le̱ ní ame̱akpale ni ame̱akē̱ ake̱: Boni Iehowa Zebaot dſẽṅ ake̱ eefewo̱ ye̱ wo̱gbè̱i ke̱ wo̱nifemo̱nii le̱ anā le̱, nakai pe̱ eke̱wo̱ ye ne̱?

⁷Nyõṅ ní dši nyoṅma ke̱ ekome ní dši Šebat nyõṅ le̱ no̱ gbĩ ni dši gbĩ nyoṅmai-enyo̱ ke̱ edſe̱ le̱ no̱, ye̱ Dario yino̱ afi ni dši enyo̱ le̱ no̱ le̱, Iehowa wiemo̱ la Zakaria, Ido bi Berekia bi, ni dši gbalo̱ le̱ ṅõ, ake̱:

⁸Mina nyõṅ, ni na, nū ko tá okpo̱ṅo̱ tšuru no̱, ni edamo̱ ši ye̱ mirtotšei le̱ ni yo̱ dšō̱ le̱ṅ le̱ ateṅ, ni okpo̱ṅo̱i tšudši ke̱ oko̱beṅi ke̱ eye̱dši ye̱ ese̱. [3]

⁹Ni mikē̱: Meni dši ene̱mei, minuntšo̱? Ni bo̱fo le̱ ni ke̱mi wieo̱ le̱ kē̱mi ake̱: Mibatšõo nii ni dši ene̱mei.

¹⁰Ni nū le̱ ní damo̱ mirtotšei le̱ ateṅ le̱ here no̱ ni ekē̱: Mene̱mai dši mei ní Iehowa tšũ, ní ame̱yakpa šikpoṅ le̱ no̱ le̱.

¹¹Ni ame̱here Iehowa bo̱fa le̱ ní damo̱ mirtotšei le̱ ateṅ le̱ no̱ ame̱kē̱: Wo̱yakpa šikpoṅ le̱ no̱, ni na, šikpoṅ mū le̱ fẽ kã ši diṅṅ ni ehe edšo̱le̱.

¹²Ke̱ke̱ ni Iehowa bo̱fo le̱ here no̱ ni ekē̱: Iehowa Zebaot; mẽ beyino̱ noṅṅ ni *omũsũṅ etsõṅ bo ye̱ Ierusalem ke̱ Iuda mãdši le̱ ni omli ewoame̱ la †afii nyoṅmai-kpawo so̱ṅṅ ne̱ ahe ke̱-yaši? [4]

¹³Ní Iehowa here bo̱fo le̱ ní ke̱mi wieo̱ le̱ no̱ ke̱ wiemo̱i kpakpai ní dši mīše̱dšemo̱ wiemo̱i.

¹⁴Ke̱ke̱ ni bo̱fo le̱ ni ke̱mi wieo̱ le̱ kē̱mi ake̱: Šie̱mo̱ ní okē̱ ake̱: Boni Iehowa Zebaot kē̱ ne̱: Awuṅã kpeteṅkple miyeo̱ ye̱ Ierusalem ke̱ Zion he ne̱,

¹⁵ši mimli efũ dsenmādsi ní he edšo̱ame̱ le̱ naakpa; edšake̱ beni mimli fũ fiō ke̱ke̱ le̱, ame̱ le̱ ame̱ye ame̱bua nõfõṅ le̱. [5]

¹⁶Nohewo̱ le̱ ṅo̱ni Iehowa kē̱ ne̱: *Mike̱ mũsũṅtšõle̱i ekũ se̱ eba Ierusalem, aamã mišĩa le̱ ye̱ mli, Iehowa Zebaot kē̱, ni aaṅmẽ kpã ye̱ Ierusalem no̱. [6]

¹⁷Asaṅ šie̱mo̱ ake̱: Bo̱ni Iehowa Zebaot kē̱ ne̱: Nikpakpai aayi mimãdši le̱ amli ke̱-teke no̱, ni Iehowa *aaše̱dše Zion mĩ ekoṅ, ní †eehala Ierusalem ekoṅ. [7]