Read luganda Zakaria 11 Bible Online

Zakaria 11 - luganda bible

Zakaria 11

¹Lebanon, gblemo̱ osĩnāi le̱, ní la ašã otšenedrui le̱.

²Wo̱ lele se̱se̱o, edšake̱ tšenedru ekũ egbẽ ši, edšake̱ agboi le̱ ahĩe ekpãtã! Nyewo̱a lele, nye Bašan odumi, edšake̱ kō-hayī le̱ eba ši!

³Tōkwe̱loi alelewo̱mo̱ gbē le̱ mīdšidše, edšake̱ ame̱numuyam le̱ hĩe ekpãtã; dšatabii ahū̃mo̱ gbē le̱ mīdšidše, edšake̱ Iordan hewõ le̱ hĩe ekpãtã.

⁴Boni Iehowa, mi-Nyoṅmo̱ le̱, kē̱ ne̱: Lẽ̱̀ tōiku ní abagbe le̱,

⁵nii ní mei ní heoame le̱ gbeo̱ame̱, ni ame̱yee fo̱, ni mei ní hõo̱ame̱ le̱ kē̱o̱ ake̱: Yidšiemo̱ ahã Iehowa, edšake̱ miná nii! ni ame̱kwe̱lo̱i le̱ hũ ebãã ame̱yí le̱. [64]

⁶Edšake̱ mibāṅ šikpoṅ le̱ no̱ bii le̱ ayi doṅṅ, Iehowa kē̱; ši na, madšie gbomei ke̱ ateṅ mofẽmo mawo enanyo deṅ ke̱ emaṅtše̱ deṅ, ni ame̱atſia šikpoṅ le̱ nii, ni midšieṅ moko ye̱ ame̱deṅ.

⁷Ni milè̱ tōiku ní abagbe ke̱ ní dši tōi le̱ ateṅ nii *ní nii yo̱ mo̱bo̱ le̱le̱ṅ le̱; ni mikŏ̱lo̱ dẽhĩemo̱tšei enyo̱ mihã mihe: ekome le̱ mitšé̱le̱ Mlihĩle̱, ni ekroko le̱ mitšé̱le̱ Kpãṅmo̱; ni milè̱ tōiku le̱. [65]

⁸Ni miplenē tōkwe̱lo̱i etẽ le̱ ye̱ nyōṅ kome mli; edšake̱ ame̱sane edše misusuma tsine, ni ame̱ hũ ame̱susuma enyãṅemi.

⁹Ni mikē̱ ake̱: Milè̱è̱nye doṅṅ: noni aagbo le̱, egbo, ni noni aalādše le̱, elādse ni mei ní eſe̱ le̱ ateṅ mofẽmo aye enanyo lō! [66]

¹⁰Ke̱ke̱ ni miko̱ midēhĩemo̱tšo ní dši Mlihĩle̱ le̱, ni mikũ mli, koni makũ mikpãṅmo̱ ní mike̱ mãdši fẽ kpāṅ le̱ mli.

¹¹Ni akũ mli ye̱ nakai gbĩ le̱ no̱, ni tōiku le̱ mli nii *ní nii yo̱ mo̱bo̱ ní buo̱mi le̱ ná le ake̱ Iehowa wiemo̱ ni. [67]

¹²Ni mikē̱ame̱ ake̱: Ke̱dsi esa nyehĩe le̱, nyewoami nyõmo̱, ni ké̱ dšee nakai hũ, nyehãa ahĩa ši! Ke̱ke̱ ni ame̱ṅmẽ dſie̱tei *kukudši nyoṅmai-etẽ ame̱ke̱womi nyõmo̱. [68]

¹³Ni Iehowa kē̱mi ake̱: Še̱re̱mo̱ miyi dšra kpakpa ní ame̱wo le̱ oſie nitōhe le̱! Ni *mikŏ̱lo̱ dſie̱te̱i kukudši nyoṅmai-etẽ le̱ ni miyaše̱re̱ miſie Iehowa we le̱ nitōhe le̱. [69]

¹⁴Ke̱ke̱ ni mikũ mitšo kroko ní dši Kpãṅmo̱ le̱ mli, beni ale ní akũ *nyemifemo̱ ní yo̱ Iuda ke̱ Israel teṅ le̱ mli. [70]

¹⁵Ni Iehowa sā kē̱mi ake̱: Kŏ̱lo̱mo̱ tōkwe̱lo̱ kwašia nitsumo̱nii ohã ohe ekoṅ!

¹⁶Edšake̱ na, matē tōkwe̱lo̱ ko ši ye̱ šikpoṅ le̱ no̱, moni ediṅ nii ní lādšeo̱ le̱ ase̱, ni etaoṅ nii ní egbe̱ eſã le̱, ni etšáṅ nii ní ekũmo̱ le̱, ni elè̱ṅ noni yo̱ hewale̱ le̱; ši eeye nii ní ewo fo̱ le̱ alō, ni eegbla ame̱koklotoi amli.

¹⁷Kpóo hā tōkwe̱lo̱ gbonyo ní šĩo̱ tōiku le̱! Klante aakã enine ke̱ ehĩṅme̱i dsũrõ no̱! Enine aagbo kwrā, ni ehĩṅmei dsũrõ aaſila kwrā!