Read luganda Zakaria 5 Bible Online

Zakaria 5 - luganda bible

Zakaria 5

¹Ke̱ke̱ ni misā mihole mihĩṅme̱ii ano̱ ni mikwe̱, ni na wolokpo ko ní flikio̱.

²Ni ekē̱mi ake̱: Meni onaä ne̱? Ni mikē̱: Mīna wolokpo ko ní flikio̱: eke̱le̱ hĩe ninetalo̱i nyoṅmai-enyo̱, ni elē̱mo̱ hũ ninetalo̱i nyoṅma.

³Ke̱ke̱ ni ekē̱mi ake̱: Ene̱ dši lō-mo̱ ní dšeo̱ kpo yaä šikpoṅ mū le̱ fẽ no̱ le̱; edšake̱ dšulo̱-fẽ-dšulo̱ le̱, aabē̱le̱ ke̱-adše̱ bie̱ ke̱-ate tamo̱ no noṅṅ, ni kitãkãlo̱-fẽ-kitãkãlo̱ hũ, aabē̱le̱ ke̱-adše̱ bie̱ ke̱-ate tamo̱ no noṅṅ.

⁴Mihã edše kpo, Iehowa Zebaot kē̱, koni eyabote dšulo̱ le̱ we ke̱ moni ke̱ migbe̱i kãa amale kitã le̱ we, ni eehĩ ši ye̱ ewe le̱, ni eekpãtã ehĩe ke̱ emli tšei ke̱ emli te̱i fẽ.

⁵Ke̱ke̱ ni bo̱fa le̱ ní ke̱mi wieo̱ le̱ dše kpo, ni ekē̱mi ake̱: Holemo̱ ohĩṅme̱ii ano̱ ní okwe̱! Meni dšeo̱ kpo ne̱?

⁶Ni mikē̱: Meni ni? Ni ekē̱: *Efa dšeo̱ kpo ne̱. Ni esā ekē̱: Ene̱ dši ame̱-subãṅ ye̱ šikpoṅ mū le̱ fẽ no. [28]

⁷Ni na, awó sumui kutruku ko no̱; ni agbe̱ne̱ yō kome tá efa le̱ teṅ.

⁸Ni ekē̱: nõfõṅ ne̱. Ni eše̱le̱ efõ efa le̱ teṅ, ni eše̱ sumuite̱ le̱ efõ enābu.

⁹Ke̱ke̱ ni mihole mihĩṅme̱ii ano̱ ni mikwe̱, ni na, yei enyo̱ dše kpo ba, ni kō̱yo̱ ye̱ ame̱fīdšĩaṅ, ni ame̱ye̱ fĩdši tamo̱ klitšo fĩdši; ni ame̱bawó efa le̱ no̱ ke̱-te šikpoṅ ke̱ ṅwe̱i teṅ.

¹⁰Ke̱ke̱ ni mikē̱ bo̱fo le̱ ní ke̱mi wieo̱ le̱ ake̱: Nẽgbe̱ mene̱mei hĩe efa le̱ ke̱-yaä ne̱?

¹¹Ni ekē̱mi ake̱: Ame̱yamā tšũ ame̱hãle̱ ye̱ *Šinear šikpoṅ le̱ no̱; ni ké̱ asā agbe̱ nā le̱, ake̱le̱ aayi ši ye̱ dše̱i ye̱ egbe̱he le̱. [29]