Read luganda Zakaria 8 Bible Online

Zakaria 8 - luganda bible

Zakaria 8

¹Ni Iehowa Zebaot wiemo̱ sā ba ake̱:

²No̱ni Iehowa Zebaot kē̱ ne̱: *Mīye Zion he awuṅā kpeteṅkple, ni hĩedō̱ kpeteṅkple mike̱-yeo̱ ehe awuṅā ne̱. [40]

³Noni Iehowa sā kē̱ hũ ne̱: *Makũ mĩse̱ ke̱-ba Zion, ni mabahĩ Ierusalem leṅ, ni aatšé̱ Ierusalem ake̱: Ano̱kwale maṅ, ke̱ Iehowa Zebaot goṅ ke̱ ake̱: Goṅ kroṅkroṅ. [41]

⁴Bo̱ni Iehowa Zebaot kē̱ ne̱: Hĩīmedši ke̱ yeimedši aakã he atrá Ierusalem blohũi le̱aṅ, ni mofẽmo aahĩe tšo ye̱ edẽ ye̱ gbo̱le̱ soṅṅ nā. [42]

⁵Ni mã le̱ṅ blohũi le̱aṅ aayimo̱ to̱ ke̱ gbokẽbiihĩĩ ke̱ gbekẽbiiyei so̱ṅṅ ní ſeo̱ ye̱ emli blohũi le̱aṅ.

⁶No̱ni Iehowa Zebaot kē̱ ne̱: Ké̱ eye̱ nākpe̱ ye̱ maṅ ne̱ mli mei ni eſe̱ le̱ ahĩe ye̱ ne̱ke̱ gbĩĩ ne̱ amli le̱, ani mi hũ *eefe nākpe ye mihĩe? Iehowa Zebaot kē̱. [43]

⁷Bo̱ni Iehowa Zebaot kē̱ ne̱: Na, mahere mimaṅ le̱ yiwala ke̱-adše̱ bokã šikpoṅ le̱ no̱ ke̱ anai šikpoṅ le̱ no̱ hũ,

⁸ni mĩke̱ame̱ aaba, ní ame̱bahĩ Ierusalem teṅ, ni *ame̱atšṍ mimaṅ, ni mi hũ matšṍ ame̱-Nyoṅmo̱ ye̱ ano̱kwale mli ke̱ dšale̱ mli! [44]

⁹Bo̱ni Iehowa Zebaot kē̱ ne̱: *Nyewadšea nynidšiaṅ, nye mei ni ne̱ke̱ gbĩī ne̱ amli ní nyenuo̱ ne̱ke̱ wiemo̱i ne̱ ye̱ gbalo̱i, ní yo̱ gbĩ ní ato Iehowa Zebaot we ke̱ ní dši so̱lemo̱we ke̱ šiši, koni amã le̱, anā ke̱! [45]

¹⁰Ši beni gbĩĩ ne̱ še̱ko ke̱, gbomo nitšumo̱ feo̱ yaka, ni kolo nitšumo̱ hũ feo yaka, ni moni dšeo̱ kpo lo ebaä mli ke̱, náũ hedšo̱le̱ ye̱ haolo̱ ke̱ hewo̱, ni mihã mofẽmo ete ši ewo enanyo.

¹¹Ši agbe̱ne̱ mitamo̱ṅ boni miyo̱ ye̱ kleṅkleṅ gbĩĩ ke̱ amli ke̱ mihãṅ ne̱ke̱ maṅ ne̱ mli mei ni eſe̱ ke̱; Iehowa Zebaot kē̱;

¹²ši moṅ nidũmo̱nii aahĩ ši ſeſēſe. Weintšo aawo eyibii, ni šikpoṅ hũ aaba enii, ni ṅwei hũ aabā ebó̱ le̱ anyõ; ni mahã maṅ ne̱ mli mei ní eſe̱ le̱ aṅō ene̱mei fẽ aye.

¹³Ni aaba mli ake̱, bo̱ni nyetšṍ lōmo̱ ye dšeṅmãdši le̱ ateṅ ke̱, Iuda we ke̱ Israel we, nakai noṅṅ mahere nyeyiwala, ni nyeatsṍ *dšō̱mo̱. Nyekašea gbeyei; nyewadšea nyenidšiaṅ ke̱ke̱! [46]

¹⁴Edšake̱ bo̱ni Iehowa Zebaot kē̱ ne̱: Take̱ bo̱ni midſẽṅ ake̱ mibafenye efõn, beni nyetše̱mei le̱ wo mimli la le̱, ni miſaa mihe le̱, Iehowa Zebaot kē̱,

¹⁵nakai noṅṅ midſëṅ ye̱ ne̱ke̱ gbĩī ne̱ amli, ake̱ mafe Ierusalem ke̱ Iuda we ke̱ edšũrõ. Nyekašea gbeyei!

¹⁶Nibii ní nyefe ne̱: Nyeteṅ mofẽmo ke̱ enanyo *awie ano̱kwale, asaṅ nyekodšoa ano̱kwale ke̱ hedšo̱le̱ kodšomo̱ ye̱ nyegbói ke̱ o̱mli! [47]

¹⁷Ni nyeteṅ mokomoko *akadſẽṅ enanyo he efõṅ ye̱ etšui mli, ni nyekasumo̱a amale kitãkãmo̱! edšake̱ ene̱mei fẽ dši nibii ní minye̱o̱, Iehowa kē̱. [48]

¹⁸Ni Iehowa Zebaot wiemo̱ sā ba miṅõ ake̱:

¹⁹Bo̱ni Iehowa Zebaot kē̱ ne̱: Nyõṅ ni dši edſe̱ le̱ no̱ ṅmā̃hile̱ le̱ ke̱ noni dši enumo̱ le̱ no̱ nmā̃hile̱ le̱ ke̱ noni dši kpawo le̱ no̱ ṅmā̃hĩle̱ le̱ ke̱ noni dši nyoṅma le̱ no̱ ṅmā̃hile̱ ke̱ aatšṍ nyã́mo̱ ke̱ miše̱ ke̱ mliflimo̱ gbĩĩ dšudši ahã Iuda we le̱; ši nyesumo̱a ano̱kwale ke̱ ho̱dšo̱le̱! [49]

²⁰Noni Iehowa Zebaot kē̱ ne̱: Aakã he aba mli ake̱ mãdšimãdši ke̱ mãdši pī amli bii aaba,

²¹ni maṅ kome mli bii aate maṅ kroko mli ayakē̱ ake̱: Nyehãa wo̱yaä wo̱yakpaä Iehowa fai, ni wo̱yatao Iehowa Zebaot se̱gbe̱! Mi hũ mate!

²²Ni mãdšimãdši pī ke̱ dšeṅmãdši ni he wa aaba abatao Iehowa Zebaot se̱gbe̱ ye̱ Ierusalem, ni ame̱akpa Iehowa fai.

²³Beni Iehowa Zebaot kē̱ ne̱: Nakai gbĩī le̱ amli ke̱ aaba mli ake̱ boo nyoṅma no dše̱ dšeṅmãdši ano̱ wiemo̱i sro̱toi fẽ mli aamõ Iudanyo kome atade nāmū mli, ame̱akē̱: Wo̱ke̱nye aate; edšake̱ wo̱nu ake̱ Nyoṅmo̱ kenye ye̱!