Read luganda Maleaki 2 Bible Online

Maleaki 2 - luganda bible

Maleaki 2

¹Ni agbe̱ne̱ ne̱ke kitã ne̱, nye oso̱foi le̱, nye awoo̱ ne̱!

²Ke̱dši nyeboṅ toi, ni nyeke̱-toṅ nyetšui mli, ni nye̱ke̱ anumnyam ehã migbe̱i le̱, Iehowa Zebaot kē̱, no le̱ matšū *lōmo̱ ke̱-aba nyeno̱, nì malomo̱ nyedšō̱-mo̱i le̱, ni misā milomo̱le̱ momo, edšake̱ nyeke̱-too nyetšui mli. [8]

³Na, mafo nyedũmo̱nii le̱ ase̱, ni magbe̱ se̱bo ní dši nyegbĩĩ dšudši ano̱ se̱bo le̱ maſã nyehĩeaṅ, ni aalōnye afata he ke̱-ate!

⁴Ni nyeaná nyele ake̱ mi mitšũ ne̱ke̱ kitã ne̱ ke̱-ba nyeṅõ, ní etšṍ mike̱ Levi kpãṅmo̱, Iehowa Zebaot kē̱.

⁵Mikpãṅmo̱ le̱ dši wala ke̱ hedšo̱le̱ hãle̱, ni miṅõ-hãle̱, beni afe ni eše gbeyei, ni ešemĭ gbeyei ni ehe kpokpo ye̱ migbe̱i le̱ hewo̱.

⁶Ano̱kwale mla le̱ kã edāṅ, ni anaa sane ní edšaa ye̱ enãbu, hedšo̱le̱ ke̱ dšale̱ mli eke̱mi nyie ye̱, ni ekpale mei babaō ke̱-dše̱ nõša mlì.

⁷Edšake̱ esa ake̱ *oso̱fo le̱ nā-bu too̱ nilē, ni le̱ edãṅ sa ake̱ atao mla ke̱-dše̱, edšake̱ Iehowa Zebaot †bo̱fo dšile̱. [9]

⁸Ši nye nyebá afã ke̱-dše̱ gbe̱ le̱ no̱, nyehã mei babaō etĕ̱re̱ mla le̱; nyefite Levi kpãṅmo̱ le̱, Iehowa Zebaot kē̱.

⁹Nohewo̱ le̱ mi hũ mihã nyehe guo̱ egbo, ni nyeba ši ye̱ maṅ mũ le̱ fẽ hĩe, take̱ bo̱ noṅṅ ni nyenyiee migbe̱i le̱ ano̱, ši moṅ mei ahĩeaṅ nyekwe̱o̱ ye̱ mla le̱ mli le̱.

¹⁰Ani dšee *tše̱ kome wo̱fẽ wo̱yo̱? Ani dšee †Mawu kome bo̱wo̱? Mẽhewo̱ mo̱ ni wo̱teṅ mofẽmo yeo̱ enyemi kũtũmpo̱o ni wo̱ke̱-buleo̱ wo̱tše̱mei le̱ ahpãṅmo̱ le̱? [10]

¹¹Iuda eye kũtũmpo̱o, ni afe nihīnii ye̱ Israel ke̱ Ierusalem; edšake̱ Iuda ebule Iehowa hekroṅkroṅ ni esumoo̱ le̱, ni eyaw̌e̱ *maṅse̱ nyoṅmo̱ biyō. [11]

¹²Iehowa aaplenē nū ní feo̱ ene̱ le̱, tšé̱lo̱ ke̱ no̱herelo̱ fẽ, ke̱-adše̱ Iakob būi le̱ amli, ke̱ moni ke̱ nikēnii bahãa Iehowa Zebaot le̱.

¹³Ni noni dši enyo̱ ne̱ hũ nyefeo̱: Nyeke̱ yāfónui ke̱ yāfó ke̱ ntšo̱idõmo̱ haä Iehowa afo̱lešãlate̱ le̱ no̱, ãhū po ni e̱kwe̱e̱ *nikēnii le̱ doṅṅe̱ lo ni e̱ke̱ tšuidšũrõ aahe ye̱ nyede̱ṅ. [12]

¹⁴Kẽle̱ nyekē̱o̱ ake̱: Mẽhe̱wo̱ṅ? Edšake̱ Iehowa efe odasefonyo ye̱ oke̱ oblahĩaṅ ṅã le̱ teṅ, moni oyeo̱le̱ kũtũmpo̱o, tše̱ le̱ dši ohefatalo̱ le̱ okpãṅmo̱ ṅã le̱.

¹⁵Moko ni mumo̱ le̱ eke̱ eſe̱ ye̱ emli, efeko ene̱ pẽṅ. Ni mẽba ekome efe ene̱? Edšake̱ ētao Nyoṅmo̱ *seši le̱. Nohewo̱ le̱ nyekwe̱a nyehe ni ahĩa ye̱ nyemumo̱ le̱ hewo̱, ni okāye oblahĩaṅ ṅã le̱ kũtũmpo̱o! [13]

¹⁶Mīnye̱ *ṅãſiemo̱, Iehowa, Israel Nyoṅmo̱ le̱, ṅē̱, ke̱ moni ṅõo̱ yiwale̱ ehaä e̱tade no̱ le̱, Ie̱howa Zebaot kē̱; nohe̱wo̱ le̱ nyekwe̱a nyehe ní ahĩa ye̱ nye̱mumo̱ le̱ hewo̱, ní nyekaye kũtũmpo̱o! [14]

¹⁷Nyehã e̱to̱ Iehowa ke̱ *nyewiemo̱i le̱. Ši nyekē̱o̱ ake̱: Meni mli wo̱hã eto̱le̱ ye̱? Ni nyekē̱o̱ ake̱: Mofẽmo ní feo̱ efõṅ le̱ ehĩ ye̱ Iehowa hĩe, ni enáa ame̱he tšui le̱, alo: Nẽgbe̱ kodšomo̱ Nyoṅmo̱ le̱ yo̱? le̱. [15]