Read luganda Mateo 1 Bible Online

Mateo 1 - luganda bible

Mateo 1

¹IESU KRISTO, *David bi le̱, Abraham *bi le̱, fo̱mo̱ he wolo. [1]

²Abraham fo̱ Isak, ni Isak fo̱ Iakob, ni Iakob fo̱ Iuda ke̱ enyemimei le̱; [2]

³Iuda ke̱ Tamar fo̱ Perez ke̱ Zera, ni Perez fo Hezron, ni Hezron fo̱ Ram; [3]

⁴ni Ram fo̱ Aminadab, ni Aminadab fo̱ Nahăšon, ni Nahăšon fo̱ Salmon;

⁵ni Salmon ke̱ Rahab fo̱ Boaz, ni *Boaz ke̱ Rut fo̱ Obed, ni Obed fo̱ Išai; [4]

⁶ni Išai fo̱ maṅtše̱ David, *ni maṅtše̱ David ke̱ Uria ṅã le̱ fo̱ Salomo. [5]

⁷Ni Salomo fo̱ Rehabeam, ni Rehabeam fo Abia, ni Abia fo̱ Asa; [6]

⁸ni Asa fo̱ Iehošafat, ni Iehošafat fo̱ Ioram, ni Ioram fo̱ Uzia;

⁹ni Uzia fo̱ Iotam, ni Iotam fo̱ Ahaz, ni Ahaz fo̱ Hezekia;

¹⁰ni Hezekia fo̱ Manase, ni Manase fo̱ Amon, ni Amon fo̱ Iosia;

¹¹ni Iosia fo̱ Iekonia ke̱ enyemimei le̱, heni abaṅōame̱ nom ke̱-te Babilon le̱.

¹²Ni beni aṅõame̱ nom ke̱-te Babilon le̱ se̱ le̱, Iekonia fo̱ Šealtiel, ni Šealtiel fo̱ Zerubabel; [7]

¹³ni Zerubabel fo̱ Abiud, ni Abiud fo̱ Eliakim, ni Eliakim fo̱ Azor;

¹⁴ni Azor fo̱ Sadok, ni Sadok fo̱ Akim, ni Akim fo̱ Eliud;

¹⁵ni Eliud fo̱ Eleazar, ni Eleazar fo̱ Matan, ni Matan fo̱ Iakob;

¹⁶ni Iakob fo̱ Iosef ní dši Maria ni fo̱ Iesu ni *atšé̱o̱le̱ Kristo le̱ wù le̱. [8]

¹⁷Bĕle̱ yino̱i le̱ fẽ ní dše̱ Abraham no̱ ke̱-baši David no̱ le̱, yino̱i nyoṅma ke̱ edſe̱; ni ke̱-dše̱ David no̱ ke̱-baši Babilon nomṅō̃ le̱ no̱ le̱, yino̱i nyoṅma ke̱ edſe̱; ni ke̱-dše̱ Babilon nomṅō̃ le̱ ke̱-baši Kristo no̱ le̱, yino̱i nyoṅma ke̱ edſe̱.

¹⁸Ši boni Iesu Kristo fo̱mo̱ le̱ yo̱ ne̱: Enye Maria le̱, beni Iosef etšè̱ ehe bā ni ame̱náko ame̱bakpe le̱, ana ake̱ ehĩe mũsũ ke̱-dše̱ Mumo̱ kroṅkroṅ le̱ṅ. [9]

¹⁹Ši Iosef, ewù le̱, ake̱-ní dšalo̱ dšile̱ ni etaoo ake̱ ebo̱le̱ ahora le̱, esusu ake̱ eeṅmē̃ ehe kpō.

²⁰Ši beni edſẽṅo̱ nii ne̱ ahe le̱, na, Nuntšo̱ le̱ bo̱fo dšie ehe kpo etšõle̱ ye̱ lamõ mli, ni ekē̱le̱ ake̱: Iosef, David bi, kāše oṅã Maria le̱ ṅō̃ gbeyei, ši *ho̱ ní ehĩe ne̱ edše̱ Mumo̱ kroṅkroṅ le̱ṅ; [10]

²¹ebafo̱ binū, ni *oowole̱ gbe̱i ake̱ Iesu, edšake̱ le̱ †ebahere emaṅ le̱ yiwala ke-dše̱ amehe ešai le̱ amli. [11]

²²Ši afe ene̱ fẽ, koni noni Nuntšo̱ le̱ wie ye *gbalo̱ le̱ nā le̱ aba mli ake̱: [12]

²³“Na, oblayō fro le̱ aaná mũsũ, ni eefo binū, ni ame̱wole̱ gbei ake̱ Imanuel,” ešiši dši: Nyoṅmo̱ ke̱wo̱ ye̱.

²⁴Ši beni Iosef te ši ke̱-dše̱ wo̱ le̱ mli le̱, efe bo̱ni Nuntšo̱ le̱ bo̱fo le̱ kē̱le̱ le̱, ni eṅõ eṅã le̱;

²⁵ni eleele̱ āhũ ke̱-yaši beyino ní efo̱ *ekromo̱binū le̱, ni ewole̱ gbe̱i ake̱ Iesu. [13]