Read luganda Mateo 10 Bible Online

Mateo 10 - luganda bible

Mateo 10

¹Ni etšé̱ ekaselo̱i nyonma ke̱ enyo̱ le̱ ke̱-ba, ni ehãame̱ mumo̱i fõdši le̱ ano̱ hegbe̱ ake̱ ame̱fãmo̱ame̱ ní ame̱tšá hela-fẽ-hela ke̱ hedšramo̱-fë-hedšramo̱.

²Ši bo̱foi nyonma ke̱ enyo̱ le̱ agbe̱ii ne̱: Kleṅkleṅmo le̱ Simon ní atšé̱o̱le̱ Petro, ke̱ enyemi Andrea; Iakobo, Zebedeo bi le̱, ke̱ enyemi Iohane;

³Filipo ke̱ Bartolomeo, Toma ke̱ Mateo, ntōhelo̱ le̱; Iakobo, Alfeo bi le̱, ke̱ Lebeo ní asaṅ atšé̱o̱le̱ Tadeo le̱;

⁴Simon, Kanaannyo le̱, ke̱ Iuda Iskariot, moni tšõ ese̱gbe̱ le̱.

⁵Ne̱ke̱ mei nyonma ke̱ enyo̱ ne̱ Iesu tšũ, ni efã́ame̱ ake̱: Nyekagbalea dšeṅmãdšiaṅbii le̱ anõ, ni nyekabotea Samariabii amaṅ ko mli hũ;

⁶ši moṅ nyeyaä Israel we tōi ní elādše le̱ aṅõ. [151]

⁷Ši ní nyeyaä ne̱, nyešie̱a nyekē̱a ake̱: Ṅwei mantše̱yeli le̱ eše̱ ši etã. [152]

⁸Nyetšáa helatše̱mei, nyehãa kpitiyelo̱i ahe atšea, nyetēa gbohĩĩ aši, nyefãmo̱a daimonioi; yaka nyená, yaka nyeṅõ-hãa! [153]

⁹Nyekataoa šika lo dſie̱te̱i lo akō̱ble nyewoa nyehe̱fĩnii amli;

¹⁰asaṅ *nyekataoa gbe̱fā̃kotoku, lo flakai enyo̱, lo tokotai, lo tšo tete; †si nitšulo̱ le̱ eṅmā̃ sale̱. [154]

¹¹Ši maṅ-fẽ-maṅ alo akrowa-fẽ-akrowa mli ní nyeate le̱, nyebia moni sa ši ye̱ dše̱i, ní nyeyato dše̱i ke̱-yaši beyino̱ ní nyeate.

¹²Ši ké̱ *nyemībote šĩa le̱, nyeṅãale̱. [155]

¹³Ni ke̱dši šĩa le̱ sa le̱, nyehãa nyehedšo̱le̱ le̱ abaä eno; ši ke̱dši esaa le̱, no le̱ nyehedšo̱le̱ le̱ akpale aba nyeṅõ ekoṅ.

¹⁴Ni ke̱dši moko hereenye ni eboo nyewiemo̱i le̱ atoi le̱, nyedšea no šĩa le̱ alo no mã le̱ṅ, ni *nyekpokpoa nyenãdšiaši mlu le̱. [156]

¹⁵Le̱le̱ṅ, mīkē̱nye ake̱: Edšraṅ hãṅ Sodoma ke̱ Gomora šikpoṅ le̱ ye̱ kodšomo̱-gbĩ le̱ no̱, tamo̱ no maṅ le. [157]

¹⁶Na, *mītšũnye tamo̱ tōgwanteṅi ye̱ klãdši ateṅ; nohewo̱ le̱ †nyehĩe atẽa tamo̱ onufui, ni nyefea kpō tamo̱ okpoi. [158]

¹⁷Ši nyehĩe ahĩa nyehe no̱ ye̱ gbomei ahewo̱: edšake̱ ame̱aṅõnye ke̱-ate gwabō̱i amli, ni ame̱ayinye ye̱ ame̱kpēhei le̱; [159]

¹⁸ni lumei ke̱ maṅtše̱mei ahĩe tete po akenye aate ye̱ mihewo̱, koni *aṅõyeame̱ ke̱ dšeṅmãdši le̱ odase. [160]

¹⁹Ši ké̱ ame̱ṅõnye ke̱-te le̱, nyekahaoa nyehe ye̱ bo̱ni alo, noni nyeakē̱ hewo̱; ši aaṅõ noni nyeawie ahãnye ye̱ nakai ṅmle̱tſā le̱ mli noṅṅ. [161]

²⁰Edšake̱ dšee nye dši mei ní wieo̱ le̱, ši moṅ nyetše̱ le̱ mumo̱ le̱ wieo̱ ye̱ nyemli. [162]

²¹Ši nyemi aaṅõ nyemi ahã gbĕle, ni tše̱ aaṅõ bi ahã, ni bii aate ši awo ame̱fo̱lo̱i ni ame̱ahã agbeame̱. [163]

²²Ni mei fẽ aanye̱nye ye̱ migbei le̱ hewo̱; ši moni hĩeo̱ mli ke̱-yawulaä ši le̱, le̱ le̱ aahere eyiwala. [164]

²³Ši ké̱ ame̱mīwaänye yi ye̱ mã ne̱ mli le̱, nyedšoa foi nyeyaä ekroko mli; ši le̱le̱ṅ, mīkē̱nye ake̱: Nyegbeṅ Israel mãdši le̱ fẽ nā *dãni gbomobi le̱ aaba. [165]

²⁴Kaselo̱ efèè etšõlo̱, ni asaṅ tšũlo̱ efèè enuntšo̱. [166]

²⁵Efá ake̱ kaselo̱ aatamo̱ etšõlo̱, ni tšũlo̱ hũ aatamo̱ enuntšo̱. *Ke̱dši šĩatše̱ le̱, ame̱tšé̱le̱ Beelzebul le̱, ewebii le̱, šii enyie ame̱tsé̱name̱ nakai? [167]

²⁶Hewo̱ le̱ nyekašea-ame̱ gbeyei; edšake̱ nokonoko be̱ ni abú no̱, ní agbleṅ nā; ni atēko noko, ní aleṅ. [168]

²⁷Noni mikē̱o̱nye ye̱ duṅ mli le̱, nyewiea ye̱ la hĩe; ni noni miwoo̱ nyetoiṅ mikē̱o̱nye le̱, nyešie̱a ye̱ tšũiayiteaṅ.

²⁸Ni nyekašea mei ni gbeo̱ gbomotšo le̱ ní ame̱nyẽẽ susuma le̱ amegbe le̱ agbeyei; ši moṅ nyešea *moni nyẽo̱ susuma ke̱ gbomotšo fẽ hĩe ekpãtãa ye̱ gehena mli le̱ gbeyei. [169]

²⁹Ani aflimatai enyo̱ le̱ dšee hĩebii nyoṅma ahõo̱ aheo̱? ši ame̱teṅ ekomeflo enyõṅ šikpoṅ, dša edše̱ nyetše̱ le̱ deṅ.

³⁰Ši nyeyiteṅtšo̱i po le̱ akane fẽ.

³¹Nohewo̱ le̱ nyekašea gbeyei; nyedšra wa āhũ fè aflimatai babaō.

³²Hewo̱ lo̱ mofẽmo ní gbaä mli tšĩo̱ mitã ye̱ gbomei ahĩe le̱, mi hũ magba mli matšĩ etã ye̱ mitše̱ ní yo̱ ṅwei le̱ hĩe.

³³Ši mofẽmo ní kwaämi ye̱ gbomei ahĩe le̱, mi hũ makwale̱ ye̱ mitše̱ ní yo̱ ṅwei le̱ hĩe. [170]

³⁴Nyekasusua ake̱ miba ní mabahã hedšo̱le̱ aba šikpoṅ le̱ no̱; dšee hedšo̱le̱ hãmo̱ miba, ši klante moṅ,

³⁵Edšake̱ miba ní mabatše mo ke̱-dše etše̱ he, ke̱ biyō ke̱-dše enye he, ke̱ šāyō ke̱-dše ešāyō he.

³⁶Ni modientše̱ šĩateṅbii aatšṍmo̱ ehenye̱lo̱i. [171]

³⁷Moni do̱ö̱ tše̱ lo nye he fèmi le̱, esaami; ni moni do̱ö̱ binū lo biyō he fèmi le̱, esaami. [172]

³⁸Ni moni wóó ese̱ṅmo̱tšo ke̱-nyiee mise̱ le̱, esaami. [173]

³⁹Moni bāa esusuma yi le̱, eelādšele̱; ni moni lādšeo̱ esusuma ye̱ mihewo̱ le̱, enine aaše̱ no̱. [174]

⁴⁰Moni hereo̱nye le̱, ehereo̱mi; ni moni hereo̱mi le̱, ehereo̱ moni tšũmi le̱. [175]

⁴¹Moni hereo̱ gbalo̱ ye̱ gbalo̱ gbe̱i ano̱ le̱, gbalo̱ nyõmo̱wo eená; ni moni hereo̱ dšalo̱ ye̱ dšalo̱ gbe̱i ano̱ le̱, dšalo̱ nyõmo̱wo eená.

⁴²Ni mofẽmo ní aahã mei bibii ne̱ ateṅ mokome nu-hõ kpulu kome pe̱ enu ye̱ kaselo̱ gbe̱i ano̱ le̱, le̱le̱ṅ, mīkē̱nye ake enyõmo̱wo eṅmē̃ṅle gbĩkogbĩko. [176]