Read luganda Mateo 17 Bible Online

Mateo 17 - luganda bible

Mateo 17

¹Ni no se̱ gbĩĩ ekpa le̱ Iesu ṅõ Petro ke̱ Iakobo ke̱ enyemi Iohane, ni eke̱ame̱ te goṅ ni kwo̱ ko no̱ ye̱ afã.

²Ni esu tšake ye̱ ame̱hĩe, ni ehĩe kpe̱ tamo̱ hũlũ, ni etadei le̱ yé̱ tamo̱ la. [284]

³Ni na, Mose ke̱ Elia badšie ame̱he kpo tšõame̱, ni ame̱ke̱le̱ wie.

⁴Ni yadše Petro nā le̱, ekē̱ Iesu ake̱: Nuntšo̱, ehĩ hãwo̱ ake̱ wo̱o̱hĩ bie̱; ke̱dši ōsumo̱ le̱, hã ní wo̱fe būi etẽ ye̱ bie̱, onõ ekome, ke̱ Mose nõ ekome, ke̱ Elia nõ ekome.

⁵Beni ewieo̱ lolo le̱, na, atatu hãlaṅṅ ko bakete ame̱no̱, ni na, gbē dše̱ atatu le̱ mli kē̱: *Mone̱ dši misuomo̱bi ni mináa ehe tšui le̱; nyeboale̱ toi! [285]

⁶Ni beni kaselo̱i le̱ nu le̱, ame̱ke̱ ame̱hĩe bumo̱ ši, ni ame̱še gbeyei naakpa.

⁷Ni Iesu ba ni ebatra amehe ekē̱: Nyetea ši, nyekašea gbeyei!

⁸Ši beni ame̱hole ame̱hĩṅme̱ii ano̱ le̱, ame̱naa moko ake̱ dša Iesu kome pe̱.

⁹Ni beni ame̱kplekeo̱ goṅ le̱, Iesu tſa ame̱nā mã ekē̱: *Nyekagbaä ninā ne̱ nyetšõa moko, ake̱ dša gbomobi le̱ ete ši ke̱-dše̱ gbohĩĩ ateṅ dã. [286]

¹⁰Ni ekaselo̱i le̱ bile̱ ake̱: Mẽhewo̱ mo̱ ni woloṅmãlo̱i le̱ kē̱o̱ ake̱, dša *Elia eba dã le̱? [287]

¹¹Ši Iesu here no̱ ekē̱ame̱ ake̱: Elia mība le̱le̱ṅ, ní ebato nibii fẽ gbe̱dšiano̱ ekoṅ.

¹²Ši mīkē̱nye ake̱, Elia eba momo, ni ame̱yoole̱, ši moṅ *ame̱fele̱ nofẽno ní ame̱sumoo̱. Nakai noṅṅ gbomobi le̱ hũ bana amane ye̱ ame̱deṅ. [288]

¹³Ke̱ke̱ ni kaselo̱i le̱ ko̱ se̱ ake̱ Iohane, baptisilo le̱, hewo̱ ekeame̱ wieo̱ le. [289]

¹⁴Ni beni ame̱še̱ asafo le̱ ṅõ le̱, nū ko ba eṅõ, ni ebakũla ši ye̱ ehĩe,

¹⁵ni ekē̱: Nuntšo̱, na mibi le̱ mo̱bo̱, ši ēye gbligbli ni ēna nõ ní ehĩĩ; edšake̱ biane̱biane̱ eyagbe la mli, ni biane̱biane̱ eyagbe nu mli,

¹⁶ni mike̱le̱ ba okaselo̱i le̱ aṅõ, ši ame̱nyẽẽle̱ ame̱tšá.

¹⁷Ši Iesu here no̱ ni ekē̱: Ō yino̱bii ní hee yee ní *be̱ ame̱ṅe̱le̱no̱! Mẽ beyino̱ mike̱nye aahĩ ši ke̱-yaši? Mẽ beyino̱ noṅṅ mahĩenye ke̱-yaši? Nyeke̱le̱ abaä miṅō ye̱ bie̱! [290]

¹⁸Ni Iesu fã́ eyi, ni daimonio le̱ dše̱ emli dše kpo, ni gbekẽ le̱ he wale̱ ye̱ no ṅmle̱tſā le̱ no̱ noṅṅ.

¹⁹Ke̱ke̱ ni Iesu kaselo̱i le̱ ba eṅõ ye̱ afã, ni ame̱kē̱: Mẽba wo̱ le̱ wo̱nyẽẽle̱ wo̱fã le̱? [291]

²⁰Ši Iesu kē̱ame̱ ake̱: Nyehemo̱-ke̱-yeli ní fáá le̱ hewo̱ṅ. Edšake̱ le̱le̱ṅ, *mīkē̱nye ake̱: Ke̱dši nyeye hemo̱-ke̱-yeli ní tamo̱ sinapiwú le̱, nyeakē̱ goṅ ne̱ ake̱: Fã ye̱ bie̱ ke̱-ya dše̱i! ni eefã; ni noko be̱ ní nyenyẽṅ nyefe, [292]

²¹Ši ne̱ke̱ heno̱ ne̱, anyẽẽle̱ afã ake̱ dša so̱lemo̱ ke̱ ṅmā̃hĩle̱ nā ke̱ke̱.

²²Ši beni ame̱kpaä Galilea le̱, Iesu kē̱ame̱ ake̱: Abaṅõ gbomobi le̱ awo gbomei adeṅ, [293]

²³ni ame̱agbele̱, ni gbĩ ní dši gbĩ etẽ le̱ aatēle̱ ši ekoṅ. Ni edo̱ame̱ tšṍ.

²⁴Ši beni ame̱ba Kapernaum le̱, oniatšũlo̱i le̱ ba Petro ṅõ ni ame̱babile̱ ake̱: Ani nyetšõlo̱ le̱ hãã *afi-onĩa le̱? [294]

²⁵Ekē̱: Ehãa. Ni beni eha šĩa le̱, Iesu tšṍ hĩe ekē̱: Té osusuo̱ tēṅ, Simon? šikpoṅ le̱ no̱ maṅtše̱mei le̱, namei adeṅ ame̱heo̱ ntō lo onĩa ye̱? ye̱ ame̱dientše̱ ame̱bii adeṅ alo meikpõdšĩ adeṅ?

²⁶Petro kē̱le̱ ake̱: Ye̱ meikpõdši adeṅ. Iesu kē̱le̱ ake̱: Bĕle̱ bii le̱ yeo̱ ame̱he mo̱.

²⁷Ši beni afe ní wo̱katšṍ ame̱nā le̱, ya ṅšo̱ le̱ nā oyafõ kpoṅ, ni lō kleṅkleṅ ní aabako̱ kpoṅ le̱, šale̱, ni ké̱ ogbe̱ edāṅ le̱, oona šika ni nā šio̱, yii enyo̱; ko̱ ni oṅõ-hãame̱, ohāmi ke̱o fẽ.