Read luganda Mateo 23 Bible Online

Mateo 23 - luganda bible

Mateo 23

¹Ke̱ke̱ ni Iesu wie etšõ asafoi le̱ ke̱ ekaselo̱i le̱ ekē̱:

²Woloṅmãlo̱i le̱ ke̱ Farisifoi le̱, Mose sẽi le̱ no̱ ame̱trá le̱;

³nohewo le̱, nofẽno ni ame̱akē̱nye ake̱ nyeye no̱ le̱, nyeyea no̱ ni nyefea; ši ame̱nifemo̱nii le̱ nyekafea; edšake̱ ame̱kē̱o̱ moṅ, ši ame̱fee. [368]

⁴Ši ame̱fĩmoo̱ dãatšui ke̱ tšīmo̱ ní tĕre̱mo̱ dšraä ame̱ke̱-ſieo̱ mei akõdšĩ ano̱; ši ame̱dĩentše̱ le̱, ame̱sumo̱o̱ ake̱ ame̱ke̱ ame̱wao kome tšio̱.

⁵Ši amenii fẽ le̱ ame̱feo̱ *koni mei ana. Edšake̱ ame̱hãa †ame̱kaimo̱boṅi le̱ lē̱o̱ ni ame̱feo̱ ame̱tadei anãmũi le̱ kplei; [369]

⁶ni ame̱sumoo̱ okplõyitšotámo̱ ye̱ niyenii aši, ke̱ onukpai-ašitrámo̱hei ye̱ kpēhei le̱, [370]

⁷ke̱ dšā no̱ ṅãmo̱i, ni ame̱sumoo̱ ake̱ mei atšé̱ame̱: Rabi, Rabi!

⁸Ši nye le̱, akatšé̱nye Rabi; edšake̱ mokome dši nyetšõlo̱ (le̱ dši Kristo); ši nyefẽ le̱, nyemimei dšinye.

⁹Ni nyekatšé̱a moko nyetše̱ hũ ye̱ šikpoṅ le̱ no̱; edšake̱ mokome dši nyetše̱, moni yo̱ ṅwei le̱.

¹⁰Asaṅ akatšé̱nye nuntšo̱mei hũ; edšake̱ mokome dši nyenuntšo̱, le̱ dši Kristo.

¹¹Ši moni dši agbo ye̱ nyeteṅ le̱, etšṍ nyetšũlo̱. [371]

¹²Ní mofẽmo ní aawo ebe no̱ le̱, aabale̱ ši; ni mofẽmo ní aaba ehe ši le̱, aawó eno̱. [372]

¹³Kpóo hã nye, woloṅmãlo̱i ke̱ Farisĩfoi, osatofoi! ake̱-ní nyeṅáa ṅwei maṅtše̱yeli le̱ nā ye̱ gbomei ahĩe le̱; edšake̱ nyedientše̱ le̱ nyebotee mli, ni mei ní taoo̱ mli abote le̱ hũ, nyehããame̱ mlibotemo̱ gbe̱.

¹⁴Ši kpóo hã nye, woloṅmãlo̱i ke̱ Farisifoi, osatofoi! ake̱-ní nyetšṍo̱ so̱lemo̱i kakadãdši ahe lakpatō no̱ nyemĩo̱ yei okũlafoi ašĩai le̱. Nohewo̱ le̱ nyekodšomo̱ aafē nine. [373]

¹⁵Kpóo hã nye, woloṅmãlo̱i ke̱ Farisifoi, osatofoi! ake̱-ní nyebo̱leo̱ ṅšo̱ ke̱ šikpoṅ kpula, koni nyená mokome ní etšṍ Iudafonyo; ni beni mo le̱ etšṍ nakai le̱, nyefeo̱le̱ gehenabi šii enyo̱ fè nyedientše̱ nyehe.

¹⁶Kpóo hã *nye, gbe̱tšõlo̱i ſilafoi! nye mei ní nyekē̱o̱ ake̱: “Moni aakã so̱lemo̱tšũ le̱ kitã le̱, no dšee noko; ši moni aakã so̱lemo̱tšũ le̱ be šika le̱ kitã le̱, etẽresõ.” [374]

¹⁷Kwašiai ke̱ ſilafoi! té noni fèṅ, šika le̱, alo so̱lemo̱tšũ le̱ ní hãa šika le̱ feo̱ kroṅkroṅ le̱?

¹⁸Ni asaṅ: “Moni aakã afo̱lešãlate̱ le̱ kitã le̱, no dšee noko; ši moni aakã eno̱ afo̱le le̱ kitã le̱, etĕre sõ.”

¹⁹Kwašiai ke̱ ſilaſoi! té noni fèṅ, afo̱le le̱, alo afo̱lešãlate̱ le̱ ni hãa afo̱le le̱ feo̱ kroṅkroṅ le̱? [375]

²⁰Nohewo̱ le̱ moni aakã afo̱lešãlate̱ le̱ kitã le̱, ekã no ke̱ nii ní yo̱ no̱ le̱ fẽ kitã.

²¹Ni moni kãa so̱lemo̱tšũ le̱ kitã le̱, ekã no ke̱ moni hĩo̱ mli le̱ kitã.

²²Ni moni kãa ṅwei kitã le̱, ekã Nyoṅmo̱ sẽi le̱ ke̱ moni tá no̱ le̱ hũ kitã. [376]

²³Kpóo hã nye, woloṅmãlo̱i ke̱ Farisifoi, osatofoi! ake̱-ni *nyehãa kowe̱ ke̱ anisi ke̱ kumino mlidšā nyoṅmanyoṅma, ši †mla le̱ mli nii ní he dšraä ní dši kodšomo̱ ke̱ mo̱bo̱nale̱ ke̱ hemo̱-ke̱-yeli le̱ moṅ le̱ nyešĩo̱; ši kũle̱ edša ake̱ nyefeo̱ ene̱mei, ni nyekašī eko le̱ hũ. [377]

²⁴Gbe̱tšõlo̱i ſilafoi, nyetšereo̱ nõ no̱ adõdõṅ, ši nyemĩo̱ yoma!

²⁵Kpṍo hã nye, woloṅmãlo̱i ke̱ Farisifoi, osatofoi! ake̱-ní nyetšumoo̱ kpulu he ke̱ kã se̱; ši ame̱mligbe̱ eyimo̱ obõbõ ke̱ odšotſā ke̱ adufudeyeli. [378]

²⁶Farisifonyo ſilafo, hã kpulu le̱ ke̱ kā le̱ mli tšutšu adše, dãni ese̱ hũ adše! [379]

²⁷Kpóo hã nye, woloṅmãlo̱i ke̱ Farisiſoi, osatofoi! ake̱-ní nyetamo̱ *gbohĩĩ asãṅi ní aša he ni ame̱hewo̱ efe fe̱o moṅ, ši ame̱mligbe̱ le̱ eyimo̱ obõbõ ke̱ gbohĩĩawui ke̱ mũdši sro̱toi fẽ. [380]

²⁸Nakai noṅṅ anaä nye hũ ye̱ gbomei ahĩe tamo̱ dšalo̱i, ši osato ke̱ mlatõmo̱ eyi nyemli obõ.

²⁹Kpóo hã nye, woloṅmãlo̱i ke̱ Farisifoi, osatofoi! nyemãmoo̱ gbaloi le̱ agbohĩĩabui ni nyewulaä dšalo̱i le̱ asãṅi le̱,

³⁰ni nyekē̱o̱ ake̱: Edši wo̱tše̱mei ayino̱ le̱ wo̱ye̱ dšeṅ kũle̱, wo̱fataṅ ame̱he ní aſie gbaloi le̱ alá ši.

³¹Bĕle̱ nyedientše̱ nyemīye nyehe odase ake̱ mei ní gbe gbalo̱i le̱ abii dšinye. [381]

³²Nye hũ nyewoa nyetše̱mei le̱ atšenesa le̱ obõ mo̱!

³³*Onũfũi, šikpãi aſīei! Té nyeafe tēṅ nyedšo gehena fo̱bũ le̱ nã foiṅ? [382]

³⁴Nohewo̱ le̱, na, mi mītšũ gbalo̱i ke̱ nilelo̱i ke̱ *woloṅmãlo̱i ke̱-ba nyeṅõ, ní nyeagbe ame̱teṅ meikomei ni nyease̱ṅ meikomei, ni meikomei le̱ nyeayiame̱ kplebii ye̱ nyekpēhei le̱, ni nyeawaame̱ yi ke̱-adše̱ maṅ mli ke̱-ate maṅ mli. [383]

³⁵Beni afe ní dšalo̱i alá fẽ ní aſie ši ye̱ šikpoṅ le̱ no̱ ke̱-dše̱ *Abel, dšalo̱ le̱, lá le̱ no̱ ke̱-baši †Zakaria, Barakia bi le̱, ní nyegbe ye̱ so̱lemo̱tšũ le̱ ke̱ afo̱lešãlate̱ le̱ teṅ le̱ lá le̱ no̱ le̱ aba nyeno̱. [384]

³⁶Le̱le̱ṅ, mīkē̱nye ake̱: Ene̱mei fẽ aaba yino̱bii ne̱ ano̱.

³⁷*Ierusalem, Ierusalem, bo moni ogbeo̱ gbalo̱i le̱ ní otſiaä mei ní atšũo̱ame̱ oṅõ le̱ ate̱i: šii enyie mitao ake̱ kũle̱ mibuaä obii anā tamo̱ boni wuo̱ buaä ebii anā ewoo efĩdši ašiši le̱, ni nyekplẽẽ! [385]

³⁸Na, aašĩ nyewe le̱ amaṅfõ ahãnye! [386]

³⁹Edšake̱ mīkē̱nye ake̱: Ke̱-dše̱ be ne̱ no̱ ke̱-yaä ne̱ nyenaṅmi doṅṅ ke̱-yaši beyino̱ ní nyeakē̱ ake̱: *Adšō̱ moni baä ye̱ Nuntšo̱ le̱ gbe̱i ano̱ le̱! [387]