Read luganda Mateo 5 Bible Online

Mateo 5 - luganda bible

Mateo 5

¹Ši beni ena mei pī le̱, ekwo̱ ete goṅ le̱ no̱, ni beni eho eta ši le̱, ekaselo̱i le̱ ba eṅõ.

²Ni egble enā etšõame̱ nii ekē̱:

³Adšō̱ mumo̱ le̱ṅ ohĩafoi le̱; ši ame̱nõ dši ṅwei maṅtše̱yeli le̱. [50]

⁴Adšō̱ mei ní yeo̱ ṅko̱mo̱ le̱; ši aaše̱dše ame̱mī. [51]

⁵Adšō̱ mei ní he dšo̱ le̱; ši ame̱aye šikpoṅ le̱ no̱. [52]

⁶Adšō̱ mei ni dšale̱ he hõmo̱ ke̱ kũmai yeo̱ame̱ le̱; ši ame̱atŏ̱ro̱.

⁷Adšō̱ mei ni naã mo̱bo̱; ši aanaame̱ mo̱bo̱. [53]

⁸Adšō̱ mei ní tšuii amli tše le̱; ši ame̱ana Nyoṅmo̱. [54]

⁹Adšō̱ mei ní kpãtãa le̱; ši aatšé̱ame̱ Nyoṅmo̱ bii. [55]

¹⁰Adšō̱ mei ní dšale̱ hewo̱ ni awaäame̱ yi le̱; ši ame̱nõ dši ṅwei maṅtše̱yeli le̱. [56]

¹¹Adšō̱nye, ke̱dši adšé̱nye ní awanye yi ni amale awie nyehe efõṅ-fẽ-efõṅ ye̱ mihewo̱ le̱. [57]

¹²Nyenyã́a ni nyemli aflianye; ši nyenyõmo̱wo fá ye̱ ṅwei; edšake̱ nakai ame̱wa gbalo̱i ní tšṍ nyehĩe le̱ ayi. [58]

¹³Šikpoṅ le̱ no̱ ṅō dšinye. Ši ke̱dši ṅō nānu gbo le̱, meni ake̱-awole̱ ṅō doṅṅ? Ehĩĩ hãã noko doṅṅ, ake̱ dša atši aſie, ní gbomei nānā no̱. [59]

¹⁴Nyedši dše le̱ṅ la le̱. Maṅ ni mã goṅ no̱ le̱, anyẽṅ aṅõ-tẽ. [60]

¹⁵Asaṅ esuu kane amãã tšese šiši: ši moṅ aṅõ-mãa kanetšo no̱, ni etšoo̱ ehāa mei ní yo̱ šīa le̱ fẽ. [61]

¹⁶Nakai nyehãa nyela atšoa ye̱ gbomei ahĩe, koni ame̱na nyenifemo̱nii kpakpai le̱, ni ame̱wo nyetše̱ ní yo̱ ṅwei le̱ hĩe nyam. [62]

¹⁷Nyekasusua ake̱ miba mla le̱ lo gbalo̱i le̱ agū; mibaa gū, ši moṅ nāgbē miba. [63]

¹⁸Ši le̱le̱ṅ, mikē̱o̱nye ake̱: Gbĩĩ abo̱ ní ṅwei ke̱ šikpoṅ hoko ne̱, yota kome lo kuli kome edšeṅ mla le̱ mli hoṅ, dša agbe fẽ nā. [64]

¹⁹Nohewo̱ le̱ mofẽmo ní agoi kitãi bibii ne̱ aten *ekome ní eetšõ mei nakai le̱, aatšé̱le̱ bibiō fè fẽ ye̱ ṅwei maṅtše̱yeli le̱ mli; ši mofẽmo ní aaye no̱ ni eetšõ le̱, le̱ le̱ aatšé̱le̱ agbo ye̱ ṅwei maṅtše̱yeli le̱ mli. [65]

²⁰Ši mīkē̱nye ake̱: Ke̱dši nyedšale̱ le̱ fáá tekee woloṅmãlo̱i ke̱ Farisifoi anõ le̱ no̱ le̱, nyeboteṅ ṅwei maṅtše̱yeli le̱ mli kwrā.

²¹Nyenu ake̱, akē̱ blemabii le̱ ake̱: “Kāgbe gbomo!” ši mofẽmo ní aagbe gbomo le̱, eeye kodšomo̱ le̱ṅ fo̱. [66]

²²Ši mi le̱, mīkē̱nye ake̱: Mofẽmo ní mli fũo̱ enyemi (yaka) le̱, eeye kodšomo̱ le̱ṅ fo̱; ni mofẽmo ní aake enyemi ake̱: “Raka” [yakagbomo] le̱, eeye adšina le̱ hĩe fo̱; ni mofẽmo ní aakē̱ ake̱: “Bo se̱ke̱yelo̱” le̱, eeye la-gehena le̱ mli yā fo̱. [67]

²³Nohewo̱ le̱, ke̱dši oke̱ onõkēnõ le̱ bāṅmẽ afo̱lešãlate̱ le̱ no̱, ni okai ye̱ dše̱i ake̱ onyemi ke̱o teṅ ye̱ sane ko le̱, [68]

²⁴ši onõkēnõ le̱ ye̱ dše̱i ye̱ afo̱lešãlate̱ le̱ hĩe, ni oya oke̱ onyemi le̱ ayakpãtã dā, koni oba ní oke̱ onõkēnõ le̱ abahā.

²⁵Oke̱ obelo̱ le̱ atšá mrã, beni oke̱le̱ nyie gbe le̱; koni aleenõ obelo̱ le̱ akaṅõo ehã kodšolo̱ le̱ gbĩko, ni kodšolo̱ le̱ ṅõo ehã tšũlo̱ le̱, ni aṅõo awo tšũṅ. [69]

²⁶Le̱le̱ṅ, mīkē̱o ake̱: Odšeṅ dše̱i odšeṅ kpo ke̱-yaši beyino̱ ní oowo nāgbē hĩeo le̱.

²⁷Nyenu ake̱ akē̱ blemabii le̱ ake̱: “Kāfite gblã!” [70]

²⁸Ši mi le̱, mīkē̱nye ake̱: Mofẽmo ní kwe̱o̱ yō ni ehe feo̱le̱ ako̱no̱ le̱, eke̱le̱ éfite gblã momo ye̱ etsui mli. [71]

²⁹Ši ke̱dši ohĩṅme̱i dšŭrõ mītõtõ onane le̱, fā̃, ni ošé̱ ofõ; edšake̱ši ehĩ hão ake̱ ohenii le̱ eko fiteo̱, koni akašé̱ ogbomotšo mū le̱ afõ gehena mli. [72]

³⁰Ni ke̱dši onine dšŭrõ mītõtõ onane le̱, fṍ, ni ošé̱ ofõ; edšake̱ši ehĩ hão ake̱ ohenii le̱ eko fiteo̱, koni akašé̱ ogbomotšo mū le̱ afõ gehena mli.

³¹Asaṅ akē̱ ake̱: “Mofẽmo ní aaſie eṅã le̱ ehāle̱ ſiemo̱-wolo.” [73]

³²Ši mi le̱, mīkē̱nye ake̱: Mofẽmo ní aaſie eṅã ní dšee adſamaṅbō̱ sane hewo̱ṅ le̱, ehãa no fiteo̱ gblã; ni mofẽmo ní aaw̌e̱ moni aſiele̱ le̱, ēfite gblã. [74]

³³Asaṅ nyenu ake̱, akē̱ blemabii le̱ ake̱: “Kākã amale kitã, ši ye okitãi le̱ ano̱ ohã Nuntšo̱ le̱.” [75]

³⁴Ši mi le̱, mīkē̱nye ake̱: *Nyekakãa kitã kwrā! Kākã ṅwei, ši †Nyoṅmo sẽi ni; [76]

³⁵alo šikpoṅ, ši enãdšiaši māṅō ni; alo Ierusalem, ši *maṅtše̱ agbo le maṅ ni. [77]

³⁶Ni okakã oyitšo tete, edšake̱ onyẽṅ ofe yĩtšo̱i kome eye̱ṅ lo ediṅ.

³⁷Ši nyehãa nyewiemo̱ afea: Hē̃, hē̃! dabi, dabi! ši nofẽno ní fè ene̱mei le̱ edše̱ mofõṅ le̱ṅ, [78]

³⁸Nyenu ake̱ akē̱: “Ake̱ hĩṅme̱i ato hĩṅme̱i nãdšiaṅ, nĩ ake̱ nyãnyõṅ ato nyãnyõṅ nãdšiaṅ.” [79]

³⁹Ši mi le̱, mīkē̱nye ake̱: Nyekakũa efõṅ le̱ nā; ši moṅ mofẽmo ní aagba oninedšŭrõ toiṅ le̱, tšṍ eko le̱ hũ ohãle. [80]

⁴⁰Ni ke̱dši moko tao ake̱ eke̱o aye sane ní ešõ oflaka le̱, hã eṅõ ohebo le̱ hũ. [81]

⁴¹Ni ke̱dši moko aanyẽ ono̱ ake̱ oke̱le̱ anyie ṅmle̱tſā kome le̱, oke̱le̱ aya enyo̱.

⁴²Hã moni baäo le̱, ni moni taoo̱ ake̱ ofàle̱ le̱, kãtšṍ ohe ke̱-dše̱ eṅõ.

⁴³Nyenu ake̱, akē̱ ake̱: “Suomo̱ onanyo,” ni onye̱ ohenye̱lo̱. [82]

⁴⁴Ši mi le̱, mīkē̱nye ake̱: Nyesumo̱a *nyehenye̱lo̱i, nyedšō̱a mei ni lomoo̱nye, nyefea mei ní nye̱o̱nye le̱ ekpakpa, ni †nyeso̱lea nyehãa mei ní haoo̱nye ní ame̱waänye yi le̱; [83]

⁴⁵koni *nyetšṍmo̱ nyetše̱ ní yo̱ ṅwei le̱ bii; ši ehãa ehũlũ teo̱ ši ye̱ meifõdši ke̱ meikpakpai ano̱, ni ehãa nyoṅmo̱ ne̱o̱ ye̱ dšalo̱i ke̱ mei ní be dšale̱ le̱ ano̱. [84]

⁴⁶Ši ke̱dši nyesnmoo̱ mei ni sumoo̱nye le̱, mẽ nyõmo̱wo nyeyo̱? Ani ntōhelo̱i le̱ tete efee nakai noṅṅ?

⁴⁷Ni ke̱dši nyeṅãa nyenyemimei ke̱ke̱ le̱, enyie noṅṅ nyefeo̱? Ani wo̱ṅdšálo̱i le̱ tete efee nakai noṅṅ?

⁴⁸Nohewo̱ le̱ *nyehĩa ke̱-wulaä ši, tamo̱ bo̱ni nyetše̱ ni yo̱ ṅwei le̱ hĩ ke̱-wula ši le̱. [85]