Read luganda Mateo 6 Bible Online

Mateo 6 - luganda bible

Mateo 6

¹Nyekwe̱a ní ahĩa ní nyekafea nyedšale̱ le̱ ye̱ gbomei ahĩe, koni ame̱nanye; no le̱, nyehe nyetše̱ ní yo̱ ṅwei le̱ ṅõ nyõmo̱wo ko.

²Nohewo̱ le̱ ke̱ ōfe edšŭrõ le̱, kākpã́ te̱tre̱mantre̱ ye̱ ohĩe, take̱ bo̱ni osatofoi le̱ feo̱ ye̱ kpēhei le̱ ke̱ blohũi le̱ amli, koni gbomei adšie ame̱yi le̱. Le̱le̱ṅ, mīkē̱nye ake̱: Amenine eše̱ ame̱nyõmo̱wo no̱ momo.

³Ši bo le̱, ké̱ ofe edšŭrõ le̱, kāhã onine abe̱ku le noni onine dšŭrõ feo̱, [86]

⁴koni odšŭrõfemo̱ le̱ ahĩ tēmo̱ mli, ni otše̱ le̱ ní naä tēmo̱ mli nii le̱ dientše̱ aawoö nyõmo̱ ye̱ faṅṅ.

⁵Ni ké̱ ōso̱le le̱, kātamo̱ osatofoi le̱; ši ame̱sumoo̱ ake̱ ame̱damo̱ kpēhei le̱ ke̱ gbe̱dšegbe̱i akodši le̱ anā ame̱so̱le, koni mei ánaame̱. Le̱le̱ṅ, mīkē̱nye ake̱: Ame̱nine eše̱ ame̱nyõmo̱wo no̱ momo.

⁶Ši bo le̱, kē̱ ōso̱le le̱, botemo̱ opia mli, ni *oṅṍ ošĩnā le̱, ni oso̱le ohã otše̱ ye̱ tēmo̱ mli, nĩ otše̱ ni naã tēmo̱ mli nii le̱ aawoö nyõmo̱ ye̱ faṅṅ. [87]

⁷Ši kē̱ nyemīso̱le le̱, nyekawiea trilī tamo̱ wo̱ṅdšálo̱i le̱; ši ame̱susuo̱ ake̱ ame̱wiemo̱ babaō hewo̱ aaboame̱ toi. [88]

⁸Nohewo̱ le̱ nyekatamo̱aame̱; ši *nyetše̱ le̱ le nii ní hĩaänye dãni nyebio̱le̱. [89]

⁹Nohewo̱ le̱ nyeso̱lea ne̱ke̱: *Wo̱tše̱ ní yo̱ ṅwei, ogbe̱i le̱ he atše; [90]

¹⁰omaṅtše̱yeli le̱ aba; *áfe noni osumoo̱ ye̱ šikpoṅ le̱ no̱, take̱ afeo ye̱ ṅwei le̱; [91]

¹¹hãwo̱ ṅme̱ne̱ wo̱dā-ṅmā̃;

¹²ni oke̱ wo̱nyõdši le̱ akewo̱, tamo̱ boni wo̱ hũ wo̱ke̱-keo̱ mei ní hĩewo̱ nyõdši le̱; [92]

¹³ni oke̱wo̱ akaya kā le̱ mli, ši dšiemo̱wo̱ ke̱-dše̱ efõṅ le̱ mli; ši *onõ dši maṅtše̱yeli le̱ ke̱ hewale̱ le̱ ke̱ anumnyam le̱ ke̱-yašio̱ nāno̱. Amen. [93]

¹⁴Ši ke̱dši nyeke̱ mei atõmo̱i faame̱ le̱, nyetše̱ ní yo̱ ṅwei le̱ ke̱-afanye hũ.

¹⁵Ši ke̱dši nyeke̱ mei atõmo̱i efaa-ame̱ le̱, nyetše̱ le̱ hũ ke̱ nyetõmo̱i le̱ efaṅnye. [94]

¹⁶Ši ké̱ nyemīhĩ ṅmā̃ le̱, nyekafea nyehĩe mo̱bo̱mo̱bo̱ tamo̱ osatofoi le̱; ši ame̱feo̱ ame̱hĩe nyãnyãnyã, koni mei ana ake̱ ame̱mīhĩ ṅmā̃. Le̱le̱ṅ, mike̱onye ake̱: Ame̱nine eše̱ ame̱nyõmo̱wo no̱ momo. [95]

¹⁷Ši bo le̱, ké̱ õhĩ ṅmā̃ le̱, kpa oyi mli mũ ni ofo ohĩe;

¹⁸koni mei akana ake̱ ōhĩ ṅmā̃, ši otše̱ ní yo̱ tēmo̱ mli le̱ moṅ; ni otše̱ ní naä tēmo̱ mli nii le̱ aawoö nyōmo̱ ye̱ faṅṅ.

¹⁹Nyekabo̱a dſetrii nyehãa nyehe ye̱ šikpoṅ le̱ no̱, heni omlẽgẽ ke̱ ṅkanale fiteo̱ nii ni dšuloi gbáa badšuo̱ ye̱ le̱.

²⁰Ši nyeboa dſetrii nyehãa nyehe ye̱ ṅwei, heni omlẽgẽ ke̱ ṅkanale fitee nii ní dšulo̱i gbáá ame̱yadšuu ye̱ le. [96]

²¹Ši heni nyedſetri yo̱ le̱, dše̱ĩ nyetšuĩ aahĩ.

²²Gbomotšo le̱ kane dši hĩṅme̱i. Nohewo̱ le̱, ke̱dši ohĩṅme̱i no̱ tše le̱, ogbomotšo mū le̱ aayi ke̱ la; [97]

²³ši ke̱dši ohĩṅme̱i no̱ tšee le̱, ogbomotšo mū le̱ aawo duṅ. Nohewo le̱, ke̱-dši la ni yo̱ omli le̱ dši duṅ le̱, té no duṅ le̱ aafá aha tēṅ!

²⁴Moko nyẽṅ nuntšo̱mei enyo̱ asúmo̱; edšake̱ ekole̱ eenye̱ mokome ni eesumo̱ mokroko le̱; alo eekpe̱te̱ mokome he, ni eegbe mokroko le̱ he guo. Nyenyẽṅ Nyoṅmo̱ ke̱ mamona [niifále̱] nyesúmo̱. [98]

²⁵Nohewo̱ le̱ mīkē̱nye ake̱: *Nyekafea yeyēye ye̱ nyewala hewo, noni nyeaye ke̱ noni nyeanu, alo nyegbomotšo le̱ hewo̱, noni nyeawo. Ani wala efèè ṅmā̃, ni gbomotšo efèè atade? [99]

²⁶Nyekwe̱a ṅwei lofõdši le̱: ame̱dũũ nii, asaṅ ame̱kũũ, asaṅ ame̱buaa nā ame̱woo aboṅoi amli; ši nyetše̱ ní yo̱ ṅwei le̱ lè̱o̱ame̱ kẽ. Ani nyehũ āhũ fèame̱? [100]

²⁷Ši nyeteṅ namo ke̱ yeyēyefemo̱ aanyẽ atšá eke̱le̱ nā ninetalo̱ kome?

²⁸Ni mẽhewo̱ nyefeo̱ yeyēye ye̱ atade hewo? Nyedſẽṅa ṅãno̱ fo̱fo̱ii le̱ ahe, bo̱ni ame̱kwẽo̱: ame̱tšun nii, asaṅ ame̱tšẽẽ kpā̃.

²⁹Ši mīkē̱nye ake̱, *Salomo ke̱ enumnyam le̱ fẽ tete, ewulaa tamo̱ ene̱mei ateṅ ekome. [101]

³⁰Ši ke̱dši ṅãno̱ dſe̱i ni ṅme̱ne̱ eye̱ ní wó̱ ni aṅõ-wo flõnõ mli le̱ ni Nyoṅmo̱ wulaä ne̱ke̱ le̱, efeṅ noni fè ene̱ ehãṅnye ni nyehemo̱-ke̱-yeli fáá le̱ lo?

³¹Nohewo̱ le̱ nyekahaoa nyehe nyekē̱a ake̱: Meni wo̱o̱ye, alo meni wo̱o̱nu, meni hũ wo̱o̱ṅõ-ha wo̱he?

³²Edšake̱ nii ne̱ fẽ se̱ dšeṅmãdšiaṅbii le̱ dio̱. Ši nyetše̱ le̱ ni yo̱ ṅwei le̱ le ake̱ nii ne̱ fẽ he mīhĩanye.

³³Ši nyetaoa *Nyoṅmo̱ maṅtše̱yeli le̱ ke̱ edšale̱ le̱ tšutšu, †ni ake̱ nii ne̱ fẽ aafata he ahãnye. [102]

³⁴Nohewo̱ le̱ nyekahaoa nyehe nyetoa wó̱; edšake̱ wó̱ dientše̱ aahao ye̱ enii ahe. Gbĩ-fẽ-gbĩ no̱ efõṅ le̱ fá hãle̱. [103]